|
|
Səhifələr : # « 40 41 42 43 44 45 46 47 48 » #
|
|
Sevil Yusifova: “Türkiyədə Xocalı soyqırımı ilə bağlı çox dəyərli materiallar var”
|
|
Azərbaycan Jurnalist Qadınlar Assosiasiyasının (AJQA) rəhbəri Sevil Yusifova Xocalı soyqırımı ilə bağlı Türkiyədə keçirilən tədbirlərə qatılıb. Bu barədə “KƏLAMİNFO”ya S.Yusifovanın özü məlumat verib. Hələ də Ankarada olan AJQA rəhbərinin sözlərinə görə, “Türk Ocaqları” təşkilatı tərəfindən dəvətli olduğu “Türk dünyasına yapılan soyqırımıları: Xocalı” konfransında çıxış edib: “Aydınlar şəhərində keçirilən konfransdan sonra regional radioda çıxış edərək insanları maraqlandıran məsələlərlə bağlı məlumat verdik. Dünən isə Qazi və Ankara universitetlərində Xocalı soyqırımı ilə bağlı Ankara bələdiyyəsinin, həmin universitetlərin və Türkiyədəki azərbaycanlı gənclərin təşkilatçılığı ilə simpoziumlar keçirildi.
|
01.03.12 Məqaləni oxumaq
|
| |
|
|
|
Azərbaycan nümayəndə heyəti Antikorrupsiya Şəbəkəsinin iclasında iştirak edib
|
|
Azərbaycanın Korrupsiyaya Qarşı Mübarizə üzrə Komissiyanın katibi İnam Kərimov, Baş prokuror yanında Korrupsiyaya Qarşı Mübarizə İdarəsinin rəisi Kamran Əliyev və İdarənin böyük prokuroru Elnur Musayev İqtisadi Əməkdaşlıq və İnkişaf Təşkilatı (OECD) Şərqi Avropa və Mərkəzi Asiya üzrə Antikorrupsiya Şəbəkəsinin növbəti monitorinq iclasında iştirak edib. Baş Prokurorluğun mətbuat xidmətindən “KƏLAMİNFO”ya verilən məlumata görə, iclas Şəbəkənin İstanbul Fəaliyyət Planı çərçivəsində reallaşıb.
İclasın əsas sessiyasında OECD-nin Azərbaycan Respublikası üzrə milli koordinatoru Kamran Əliyev hesabatla çıxış edərək korrupsiyaya qarşı mübarizə sahəsində ölkəmizin siyasi rəhbərliyi tərəfindən həyata keçirilən qanunvericilik və institusional tədbirlər, habelə korrupsiyaya qarşı mübarizə sahəsində aparılmış cinayət təqibi barədə ətraflı məlumat verib.
|
|
29.02.12 Məqaləni oxumaq
|
| |
|
|
|
Əli Əhmədov Pakistanın ölkəmizdəki səfiri ilə görüşüb
|
|
Yeni Azərbaycan Partiyasının (YAP) sədr müavini, icra katibi Əli Əhmədov Pakistanın ölkəmizdəki fövqəladə və səlahiyyətli səfiri İnayatullah Kakar ilə görüşüb. Bu barədə məlumatı “KƏLAMİNFO”ya YAP-dan veriblər.
Görüşdə Pakistan ilə Azərbaycan arasında qarşılıqlı dostluq və əməkdaşlıq münasibətlərinin mövcud durumu və inkişaf perspektivləri barədə geniş fikir mübadiləsi aparılıb, ölkələrimiz, eləcə də Yeni Azərbaycan Partiyası ilə Pakistan Xalq Partiyası arasındakı əlaqələrin daha da möhkəmləndirilməsinin zəruriliyi qeyd edilib.
Əli Əhmədov səfirə Ermənistan-Azərbaycan, Dağlıq Qarabağ münaqişəsi və bu münaqişənin sülh yolu ilə həll edilməsi istiqamətində Azərbaycan tərəfinin həyata keçirdiyi siyasət barədə ətraflı məlumat verib, Pakistan Senatının erməni vandalları tərəfindən törədilən Xocalı soyqırımını tanıdığı üçün minnətdarlıq edib.
|
|
28.02.12 Məqaləni oxumaq
|
| |
|
|
|
Hadı Rəcəbli: “Bu gün cinayət törədənlərin böyük əksəriyyəti gənclərdir”
|
|
“Əgər gənclərin asudə vaxtının təmin olunmasına və psixoloji adaptasiyası məsələlərinə geniş yer ayrılarsa onlar arasında cinayət hallarının sayı azalar”. Bunları “KƏLAMİNFO”ya açıqlamasında Milli Məclisin Sosial siyasət komitəsinin sədri Hadı Rəcəbli bildirib.
O, qeyd edib ki, bütövlükdə gənclərin cəmiyyətdə asudə vaxtının təşkili, onların zərərli vərdişlərdən uzaq olması üçün müvafiq işlər görülməlidir.
O, qeyd edib ki, bu istiqamətlər üzrə işlər yaxşı aparılarsa, əlbəttə gənclər arasında cinayət faktlarının azalmasına nail olmaq olar. “Bu gün cinayət törədənlərin böyük əksəriyyəti gənclərdir. İlk əvvəl bu kontingent tam olaraq işlə təmin olunmalıdır”-deyə H.Rəcəbli vurğulayıb. Onun fikrincə, bu sahədə QHT və bələdiyyələrin fəaliyyəti genişləndirilməlidir. “Əlbəttə ki, hazırda Gənclər və İdman Nazirliyində bu istiqamətdə müvafiq işlər görülür” - deyə o əlavə edib.
|
|
28.02.12 Məqaləni oxumaq
|
| |
|
|
|
Azərbaycan uşaqları Xocalı soyqırımı ilə əlaqədar bəyanat verib
|
|
Ailə, Qadın və Uşaq Problemləri üzrə Dövlət Komitəsinin dəstəyi ilə Azərbaycan Uşaqlarının II Ümumrespublika Forumunda yaradılan Əlaqələndirmə Şurasının üzvləri Xocalı soyqırımının 20-ci ildönümü ilə əlaqədar tədbir keçirib. “KƏLAMİNFO” xəbər verir ki, tədbir iştirakçıları Xocalı qurbanlarının xatirəsinə ucaldılmış “Bir gecənin faciəsi” abidəsini ziyarət etdikdən sonra Beynəlxalq Mətbuat Mərkəzində toplaşıblar.
Komitə sədrinin müavini Aynur Sofiyeva bildirib ki, fəxr edirik ki, bizim uşaqlar doğrudan da bizi layiqincə təmsil etməyə hazırdırlar: “Azərbaycan Uşaqlarının II Ümumrespublika Forumunda yaradılan Əlaqələndirmə Şurasının üzvləri Azərbaycan üzrə böyük bir aksiya keçirərək 397560 imza toplayıb. Bu toplanan imzaları təxminən 30-a yaxın beynəlxalq təşkilatlara, həmçinin sosial şəbəkələrdə müxtəlif ölkələrdən olan dostlarına Xocalı soyqırımı ilə bağlı müəyyən məlumatları ötürməklə aksiyanı tamamlayacaqlar”.
|
|
25.02.12 Məqaləni oxumaq
|
| |
|
|
|
Xocalı soyqırımının 20-ci ildönümü münasibətilə Qafqaz Müsəlmanlar İdarəsində konfrans keçirilib
|
|
Bu gün Xocalı soyqırımının 20-ci ildönümü münasibətilə Qafqaz Müsəlmanlar İdarəsində konfrans keçirilib. “KƏLAMİNFO” xəbər verir ki, konfransda soyqırımı qurbanlarının ruhuna Qurandan ayələr oxunduqdan sonra çıxış edən QMİ sədri Şeyxülislam Allahşükür Paşazadə bildirib ki, belə bir soyqırımına bu gün dünya ictimaiyyəti lazımı qiymət verməsə, sabah bu kimi hadisələr başqa bir xalqın azadlığına, rifahına qarşı çevriləcək.
O, qeyd edib ki, bu faciə Azərbaycan xalqının müstəqilliyini istəməyən, qəsbkar qonşumuzun və onun arxasında dayanan qüvvələrin əməli olub. “Azərbaycan torpaqları yolunda canlarını şəhid verənlər heç vaxt unudulmayacaq. Azərbaycana qarşı çıxanlar bilməlidirlər ki, bu gün Azərbaycan 20 il bundan əvvəlki durumda deyil, çox şeyə qadirdir. Lakin biz sülhün tərəfdarıyıq. Heç bir din müharibəyə vadar etmir”-deyə Şeyx vurğulayıb.
|
|
24.02.12 Məqaləni oxumaq
|
| |
|
|
|
Xocalı soyqırımının 20-ci ildönümü münasibətilə Vaşinqtonda anma mərasimi keçirilib
|
|
Xocalı soyqırımının 20-ci ildönümü münasibətilə fevralın 22-də Azərbaycanın ABŞ-dakı səfirliyi Vaşinqtonda anma mərasimi keçirib. Bu barədə məlumatı “KƏLAMİNFO”ya səfirlikdən veriblər.
ABŞ Konqresi ərazisində yerləşən nüfuzlu “Ehtiyatda olan Zabitlər Assosiasiyası”nın binasında keçirilən anma mərasimində müxtəlif hökumət və qeyri-hökumət təşkilatlarının nümayəndələri, xarici diplomatlar, KİV təmsilçiləri, Vaşinqtonun bir sıra tanınmış beyin mərkəzlərinin ekspertləri, alim və tələbələr, iş adamları, Azərbaycan və türk diasporunun üzvləri iştirak ediblər.
Azərbaycanın ABŞ-dakı səfiri Elin Süleymanov çıxış edərək, öncə Xocalı soyqırımının necə baş verməsi və faciənin qurbanları barədə məlumat verib.
|
|
23.02.12 Məqaləni oxumaq
|
| |
|
|
|
Xocalı faciəsinin beynəlxalq hərbi tribunalda tanınması ilə bağlı ayrıca istintaq qrupu yaradılıb
|
|
“Xocalı faciəsinə beynəlxalq hərbi tribunalda hüquqi qiymət verilməsi üçün ayrıca istintaq qrupu yaradılıb”. “KƏLAMİNFO” xəbər verir ki, bunları Qarabağda törədilmiş cinayətlər üzrə istintaq qrupunun rəhbəri Mehman Poladov bildirib.
O, qeyd edib ki, istintaq qrupu Azərbaycanın Baş prokurorluğu, Milli Təhlükəsizlik Nazirliyi və Daxili İşlər Nazirliyi ilə birgə yaradılıb. “İstintaqın əsas məqsədi törədilən soyqırım hadisələri və cinayətlərinə beynəlxalq hüquqi qiymətin verilməsində nail olmaqdır. O deyib ki, istintaq qrupu cinayətlərdə əli olan bütün şəxsləri müəyyən edib. Ümidvaram ki, istintaq yaxın zamanlarda işini yekunlaşdıracaq və məsələ Beynəlxalq Hərbi tribunala çıxarılacaq”- deyə o əlavə edib.
|
|
23.02.12 Məqaləni oxumaq
|
| |
|
|
|
Mehman Poladov: “Xocalıda törədilmiş vəhşiliklərlə bağlı açılmamış çox fakt var”
|
|
“Dağlıq Qarabağda qanunsuz fəaliyyət göstərən erməni hərbi birləşmələri tərəfindən törədilmiş cinayətlərdə əli olan 287 nəfər barəsində müvafiq qərarlar çıxarılıb”. “KƏLAMİNFO” xəbər verir ki, bunları Respublika Baş Prokurorluğunda keçirilən mətbuat konfransında Respublika Hərbi Prokurorluğunun Ağır cinayətlərə dair işlər üzrə İstintaq İdarəsinin Xüsusi İstintaq şöbəsinin rəisi, işğal olunmuş torpaqlarda törədilmiş cinayətlər üzrə istintaq qrupunun rəhbəri Mehman Poladov bildirib. O qeyd edib ki, hazırda bütün işğal olunmuş torpaqlarda, xüsusilə Qaradağlıda və Xocalıda azərbaycanlılara qarşı törədilmiş vəhşiliklər üzrə istintaq davam edir, açılmamış çox fakt var. “Azərbaycanın Dağlıq Qarabağ və işğal olunmuş digər ərazilərində soyqırımı, habelə sülh və insanlıq əleyhinə başqa ağır, xüsusilə ağır cinayətləri erməni milliyyətindən olan Azərbaycan vətəndaşları ilə bərabər, Ermənistan vətəndaşları da törədib. Onlardan indiyə qədər 28 nəfəri barəsində qanunamüvafiq qərar qəbul edilib” - deyə M.Poladov vurğulayıb.
|
|
22.02.12 Məqaləni oxumaq
|
| |
|
|
|
Vəfa Quluzadə: İran Azərbaycanda öz maraqlarına sərf edən problemləri qabartmaqla məşğuldur
|
|
“İran bilir ki, Azərbaycana xaricdən hərbi müdaxilə edən deyil. Ona görə də bu ölkə Azərbaycanı daxildən partlatmaq istəyir”. Bunları “KƏLAMİNFO”ya açıqlamasında politoloq Vəfa Quluzadə bildirib.
Politoloq qeyd edir ki, İran Azərbaycanda himayə etdiyi şəxslər, qruplar və dairələr vasitəsilə öz məqsədlərinə çatmağa çalışır. “Doğrudur, bir vaxtlar Azərbaycanda məcburi köçkünlərlə bağlı humanitar faciə yaşananda İran bizə yardımlar etdi. Lakin yardımlarla yanaşı, İran Azərbaycana öz adamlarını yeridərək aktiv dini təbliğat aparmağa da başladı və nəticə də göz qabağındadır”-deyə V.Quluzadə vurğulayıb.
Ekspert deyir ki, məhz buna görə də İran Azərbaycanda o vaxtdan bəri müxtəlif, öz maraqlarına sərf edən problemləri qabartmaqla məşğuldur.
|
|
22.02.12 Məqaləni oxumaq
|
| |
|
|
|
Səhifələr : # « 40 41 42 43 44 45 46 47 48 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
