|
|
Səhifələr : # « 30 31 32 33 34 35 36 37 38 » #
|
|
Elmira Süleymanova növbəti ictimai dinləmələri Bərdədə keçirib
|
|
İnsan Hüquqları üzrə Müvəkkil Elmira Süleymanova “Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramı” (MFP) ilə bağlı növbəti regional ictimai dinləmələri Bərdədə keçirib. Məlumatı “KƏLAMİNFO”ya Ombudsman Aparatının mətbuat xidmətindən veriblər.
Tədbirdə Milli Məclisin bu bölgə üzrə seçilmiş deputatı Gövhər Baxşəliyeva, Bərdə Rayon İcra Hakimiyyətinin başçısı Vidadi İsayev, regiondakı ətraf rayonlar – Tərtər, Ağdam, Ağcabədi, Beyləqan, Füzuli, İmişli, Saatlı, Sabirabad, Ucar, Zərdab və Kürdəmir icra hakimiyyətlərinin, məhkəmə, daxili işlər orqanları və prokurorluğun rəhbər işçiləri, bələdiyyələrin, yerli qeyri-hökumət təşkilatları, KİV-lərin və icmaların nümayəndələri, qaçqın və məcburi köçkünlər iştirak etmişlər.
|
26.05.12 Məqaləni oxumaq
|
| |
|
|
|
Azay Quliyev Azərbaycanda Fəaliyyət Göstərən ABŞ Şirkətləri Palatasının icraçı direktoru ilə görüşüb
|
Prezident yanında Qeyri-Hökumət Təşkilatlarına Dövlət Dəstəyi Şurasının sədri Azay Quliyev Azərbaycanda Fəaliyyət Göstərən ABŞ Şirkətləri Palatasının icraçı direktoru Nərgiz Nəsrullayeva - Müdüroğlu və qanunvericilik və siyasi məsələlər üzrə koordinator Şahid Şükürovla görüşüb.
Şuradan “KƏLAMİNFO”ya verilən məlumata görə, görüşdə korporativ sosial məsuliyyət proqramları çərçivəsində vətəndaş cəmiyyəti qurumlarının biznes strukturları ilə əməkdaşlığı haqqında geniş fikir mübadiləsi aparılıb. N.Nəsrullayeva-Müdüroğlu Palataya 240-dan artıq yerli və xarici biznes, kommersiya strukturunun daxil olduğunu bildirərək, qurumun fəaliyyəti haqqında məlumat verib.
A.Quliyev ölkədə vətəndaş cəmiyyətinin daha da gücləndirilməsi üçün QHT-lərə dövlət dəstəyi ilə yanaşı özəl sektor təmsilçilərinin və biznes strukturlarının da dəstəyinin vacibliyini qeyd edib. Bu yöndə bir sıra xarici ölkələrin təcrübəsinin əhəmiyyətini vurğulayan Şura sədri Azərbaycanda da özəl sektorla ictimai sektor arasında əməkdaşlığın mümkünlüyünü və cəmiyyət üçün faydalı layihələrin həyata keçirilməsinin zəruriliyini bildirib.
|
|
25.05.12 Məqaləni oxumaq
|
| |
|
|
|
Rasim Ağayev: “Adam nə qədər göz yumar bu mollaların fitnəsinə?!”
|
|
“İranın bu gün Azərbaycanla bağlı xüsusi planları var və molla rejimi qətiyyən bu planlarından geri çəkilmir”. Bunları “KƏLAMİNFO”ya açıqlamasında politoloq Rasim Ağayev bildirib. O qeyd edib ki, bu planların başlanğıcı üçün elə əslində mövcud gərginliyi İran yaradır. “İran münasibətləri yaxşılaşdırmaq istiqamətində bir addım atsa, Azərbaycan bir neçə addım atacaq. Amma İran indiki yolundan geri addım atmağı düşünmür və Azərbaycan hakimiyyətinin də siyasəti dəyişib. İndi biz də haqlı olaraq gərginliyə gərginliklə cavab veririk. Adam nə qədər göz yumar bu mollaların fitnəsinə?!” - deyə R.Ağayev vurğulayıb. Politoloq deyir ki, İranın beynəlxalq aləmdəki hazırkı durumu onun Azərbaycanla münasibətləri üçün əlverişli olmasa da, Tehran sanki bunu görmək belə istəmir. “İran sanki cəhənnəmə getdiyini bilir və özünə yoldaş axtarır” - deyə o əlavə edib.
|
|
24.05.12 Məqaləni oxumaq
|
| |
|
|
|
Rabitə və İnformasiya Texnologiyaları Nazirliyinə külli miqdarda ziyan vuran şəxslər yaxalanıb
|
|
Milli Təhlükəsizlik Nazirliyi tərəfindən həyata keçirilən əməliyyat tədbirləri nəticəsində Azərbaycan qanunvericiliyi ilə müəyyən edilən qaydada dövlət qeydiyyatına alınmadan və xüsusi razılıq olmadan qanunsuz sahibkarlıq fəaliyyəti göstərərək Rabitə və İnformasiya Texnologiyaları Nazirliyinə külli miqdarda ziyan vuran şəxslər ifşa edilərək yaxalanıblar. Məlumatı “KƏLAMİNFO” MTN-nin ictimai əlaqələr mərkəzindən veriblər.
Belə ki, Azərbaycan vətəndaşları – Zeynalov Fuad Fərmayıl oğlu, Vahabov Bazay Vahab oğlu, Hacıyev Abbas Ağakişi oğlu, Fərhadov Şahin Ərdəşir oğlu, Ağayev İxtiyar Baxış oğlu və Məmmədov İlham Həsən oğlu qanunvericiliklə müəyyən edilmiş qaydada dövlət qeydiyyatına alınmadan və xüsusi razılıq, yəni tələb olunan lisenziyanı almadan qanunsuz sahibkarlıq fəaliyyəti göstəriblər. Məlum olub ki, F.Zeynalov, B.Vahabov, A.Hacıyev, Ş.Fərhadov, İ.Ağayev və İ.Məmmədov “Azerfon” MMC-nin mobil operator şəbəkəsində birtərəfli telefon danışıqları təşkil edən avadanlığa xüsusi texniki vasitələrlə qoşularaq icazəsiz beynəlxalq rabitə xidməti yaradıb külli miqdarda pul qazanmaq məqsədilə cinayət əlaqəsinə giriblər. Bundan sonra adları çəkilən şəxslər xaricdə istehsal olunan “GSM” kanalpaylayıcılarını və digər texniki avadanlıqları əldə edib və onları Bakı, Sumqayıt və Xırdalan şəhərlərində müxtəlif ünvanlarda yerləşən mənzillərdə quraşdırıblar.
|
|
24.05.12 Məqaləni oxumaq
|
| |
|
|
|
AJQA Azərbaycanı Gürcüstan mediasına tanıdır
|
|
Azərbaycan Jurnalist Qadınlar Assosiasiyası QHT-lərə Dövlət Dəstəyi Şurasının maliyyə dəstəyilə “Gürcüstan mediasında Azərbaycan haqqında” layihəsinə start verib. Bu barədə “KƏLAMİNFO”ya məlumat verən layihənin koordinatoru Sevil Yusifova bildirib ki, Gürcüstanda səfərdə olub, aparıcı media kapitanları ilə görüşüb, eyni zamanda Kvemokartli qubernatorluğunda görüşlər keçirib, Tiflis universitetində elm adamlarına layihə haqqında məlumat verib: “Gürcüstanın media mənsubları belə bir layihənin keçirilməsini alqışlayırlar və düşünürlər ki, Gürcüstan-Azərbaycan əlaqələrinin inkişafında bu cür layihələrin rolu böyükdür, onların sayı çox olmalıdır. Məsələ ondadır ki, indiki halda hər iki ölkənin mediası yalnız rəsmi səfərlər, yaxud seçkilər haqda məlumatlar verirlər. Bu tanıtım layihəsi isə Gürcüstan mediasında Azərbaycan haqqında daha geniş məlumat verəcək”.
S.Yusifova bildirib ki, gələn ay Tiflisdə həm media kapitanları bir araya gətiriləcək, həm də elm adamları ilə Azərbaycan və Gürcüstanın problemləri müzakirə olunacaq.
|
|
23.05.12 Məqaləni oxumaq
|
| |
|
|
|
“Eurovision”la əlaqədar 100 ədəd elektron köşk-multimedialı taksofon quraşdırılıb
|
“Eurovision-2012” mahnı müsabiqəsi ərəfəsində Rabitə və İnformasiya Texnologiyaları Nazirliyinin “Bakı Telefon Rabitəsi” İstehsalat Birliyi tərəfindən paytaxtda 100 elektron köşk-multimedialı taksofonlar quraşdırılıb. “KƏLAMİNFO” nazirliyin elektron xəbər xidmətinə istinadən bildirir ki, elektron köşklər Bakının mərkəzi küçələrində, Bakı Metropolitenində, Dənizkənarı Milli Parkda və “Baku Crystal Hall” kompleksi yaxınlığında quraşdırılıb.
Multimedialı qurğular özündə taksofon və kompyuterin funksiyalarını birləşdirir. Adi telefon xidmətləri ilə yanaşı, qurğu yerli, şəhərlərarası və beynəlxalq rabitəni təmin edir. İnternet şəbəkəsinə çıxmağa, elektron poçt göndərməyə, videoçarxlara baxmağa və s. imkan yaradır. Qurğu “Bluetooth” və USB portları ilə təchiz olunub.
|
|
22.05.12 Məqaləni oxumaq
|
| |
|
|
|
“5 mətbu orqan Azərbaycan əleyhinə təbliğat aparır”
|
Bakıda keçirilən “Eurovision” mahnı müsabiqəsi ilə bağlı 5 əsas mətbu orqan Azərbaycan əleyhinə təbliğat aparır. “KƏLAMİNFO” xəbər verir ki, bu barədə bu gün keçirdiyi mətbuat konfransında Azərbaycan Prezident Administrasiyasının ictimai-siyasi məsələlər şöbəsinin müdiri Əli Həsənov bildirib.
O, bu məsələdə daha çox “Human rights Watch” və digər bir beynəlxalq təşkilatın Azərbaycan əleyhinə təbliğat apardığını qeyd edib. “Eyni zamanda bu sırada “BBC” telekompaniyası, “The Guardian” qəzeti da var. Mən Almaniyada erməni lobbisinin təqdim etdiyi məlumat qovluqlarını gördüm. Deməli, bunlar bir mərkəzdən yönləndirilən təbliğatın ruporlarına çevrilib” - deyə PA rəsmisi vurğulayıb.
|
|
21.05.12 Məqaləni oxumaq
|
| |
|
|
|
Əli Həsənov: “Azərbaycana gələn qonaqların təhlükəsizliyinə təminat vermişik”
|
“Bakıda keçirilən möhtəşəm mahnı müsabiqəsilə bağlı son günlər edilən təhdidləri də nəzərə alaraq Azərbaycan dövləti radikal dini qruplarla bağlı, ümumiyyətlə, təhlükəsizlik tədbirlərini gücləndirib”. “KƏLAMİNFO” xəbər verir ki, bu barədə Azərbaycan Prezident Administrasiyası ictimai-siyasi məsələlər şöbəsinin müdiri Əli Həsənov bildirib.
O qeyd edib ki, təbii ki, dünyanın heç bir ölkəsi terror təhdidlərindən sığortalanmayıb. “Lakin Azərbaycanın təhlükəsizlik orqanları nə mümkündürsə, onu da ediblər, qabaqlayıcı tədbirlər görülüb. Bir sözlə, biz Azərbaycana gələn qonaqların təhlükəsizliyinə təminat vermişik” - deyə o əlavə edib.
|
|
21.05.12 Məqaləni oxumaq
|
| |
|
|
|
İranda saxlanılan gənc şairlərin məsələsi gündəlik diqqətdədir
|
|
Azərbaycan Prezidenti Administrasiyasının ictimai-siyasi məsələlər şöbəsinin müdiri Əli Həsənov İranda saxlanılan azərbaycanlı iki gənc şairlə bağlı münasibət bildirib. “KƏLAMİNFO” xəbər verir ki, bu gün keçirdiyi mətbuat konfransında o qeyd edib ki, bu gün yüzlərlə, minlərlə iranlı vətəndaş Azərbaycana səfər edir və biz də yüksək qonaqpərvərlik göstəririk. “Biz onların hər birini casus, ölkənin təhlükəsizliyinə təhdid obyekti kimi görsək, bu, artıq qonşuluq, dostluq münasibəti olmaz. İki gənc şairin valideynlərinin həftələrdir nə çəkdiyini təsəvvür etmək çətindir” - deyə o əlavə edib.
|
|
21.05.12 Məqaləni oxumaq
|
| |
|
|
|
Dövlət Torpaq və Xəritəçəkmə Komitəsinin İnformasiya Texnologiyaları Strategiyası yaradılır
|
Dövlət Torpaq və Xəritəçəkmə Komitəsinin 13 elektron xidməti “Elektron hökumət” Portalına inteqrasiya olunub. “KƏLAMİNFO” xəbər verir ki, bu barədə məlumatı Dövlət Torpaq və Xəritəçəkmə Komitəsinin İnformasiya texnologiyaları sektorunun müdiri Cavid Abdulllayev deyib.
C.Abdullayev “Elektron xidmət növlərinin Siyahısı”na uyğun olaraq Komitə tərəfindən göstərilən 9 elektron xidmətin hər biri ilə əlaqədar inzibati reqlamentlərin hazırlanıb təsdiqləndiyini, onların Elektron Xidmətlər reyestrinə daxil edildiyini, Komitənin İnternet şəbəkəsinin qısa zaman ərzində yenidən qurularaq istifadəyə verildiyini, regional bölmələrinin də vahid şəbəkəyə fiber-optik xətlə qoşulmasının layihələndirildiyini, elektron imzadan istifadə və İKT-nin tətbiqinə dair geniş treninq proqramının həyata keçirildiyini vurğulayıb.
|
|
21.05.12 Məqaləni oxumaq
|
| |
|
|
|
Səhifələr : # « 30 31 32 33 34 35 36 37 38 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
