|
|
Səhifələr : # « 187 188 189 190 191 192 » #
|
|
Murad Mərcan: “TBMM Azərbaycan xalqını narahat edəcək hər hansı bir addım atmayacaq”
|
|
Gələn il Azərbaycanda pensiyaların məbləği növbəti dəfə qaldırılacaq. KƏLAMİNFO xəbər verir ki, bu barədə məlumatı Dövlət Sosial Müdafiə Fondunun (DSMF) sədri Səlim Müslümov bu gün keçirdiyi mətbuat konfransında bildirib. S.müslümov qeyd edib ki, mövcud qanunvericiliyə görə, pensiyaların həm baza hissəsinin, həm də sığorta hissəsi ölkədə istehlak qiymətlərinin səviyyəsindən asılı olaraq artırılacaq. Fond sədri pensiyaların konkret nə vaxt və nə qədər artırılacağı ilə bağlı məlumat verməyib. “Hazırda ölkədə istehlak qiymətlərinin indeksi ötən ilin dekabrına nisbətən aşağı düşdüyünə görə bu il pensiyanın məbləği artırılmayıb. Çünki buna mövcud qanunvericilik imkan vermir. Ancaq gələn il ölkədə cüzi də olsa, inflyasiyanın olacağı gözlənilir. Belə olan halda gələn il pensiyaların artırılması mütləq baş verəcək”,-deyə S.Müslümov vurğulayıb. Nümayəndə heyətinin rəhbəri M. Mərcan jurnalistlərə açıqlamasında bildirib ki, bu səfərdə məqsəd parlamentlər arası əlaqələri daha da gücləndirmək, Azərbaycan prezidenti ilə görüşüb, Türkiyə Böyük Millət Məclisinin mövqeyini nəzərə çatdırmaqdır.
|
29.10.09 Məqaləni oxumaq
|
| |
|
|
|
Milli Məclisdə İnsan alverinə qarşı mübarizə üzrə milli koordinatorun məlumatı dinlənildi
|
|
Milli Məclisin bu gün keçirilən iclasında İnsan alverinə qarşı mübarizə üzrə milli koordinatorun Azərbaycanda insan alverinə qarşı mübarizəyə dair məlumatı dinlənildi. KƏLAMİNFO xəbər verir ki, hesabat xarakterli məlumatı parlamentdə daxili işlər nazirinin müavini, general-leytenant Vilayət Eyvazov təqdim edib.
V.Eyvazov bildirib ki, hər il yüzlərlə adamın insan alverinin qurbanına çevrilməsi bu problemin miqyasını, təhlükəliliyini səciyyələndirən başlıca amillərdəndir. Ölkəmizdə insan alverinə qarşı mübarizəyə dövlət, hökumət və parlament səviyyəsində göstərilən diqqətin işin düzgün, beynəlxalq təcrübəyə uyğun və səmərəli qurulmasına böyük imkanlar yaratdığını diqqətə çatdıran nazir müavini ötən dövrdə insan alverinə qarşı mübarizə işi Azərbaycan qanunlarına, dövlət başçısının fərman və sərəncamlarına, Nazirlər Kabinetinin qərarlarına, Milli Fəaliyyət Planına və ölkəmizin beynəlxalq öhdəliklərinə uyğun həyata keçirildiyini vurğulayıb.
|
|
28.10.09 Məqaləni oxumaq
|
| |
|
|
|
Vilayət Eyvazov: “Fahişəliklə məşğul olan 749 qadın barəsində inzibati tənbeh tədbirləri görülüb”
|
|
Daxili İşlər Nazirliyinin “Qaynar xətt” telefon xidmətlərinə daxil olan 5163 zəngdən 8-i insan alveri, 27-si əxlaqsız yuvaları saxlama və fahişəliyə cəlb etmə cinayətləri ilə bağlı olub. KƏLAMİNFO xəbər verir ki, bu barədə məlumatı daxili işlər nazirinin müavini, general-leytenant Vilayət Eyvazov parlamentdə çıxışı zamanı bildirib.
V.Eyvazov qeyd edib ki, digər müraciətlər xarici ölkələrdə işə düzəltmək, təhsil almaq, əcnəbilərlə nikah bağlamaq və s. məsələlərlə əlaqədardır. V.Eyvazov ictimai mənəviyyat əleyhinə olan hüquqazidd əməllərlə bağlı 217, o cümlədən fahişəliyə cəlb etməyə görə 72, əxlaqsızlıq yuvaları saxlama ilə əlaqədar 134 cinayət aşkar edilərək onları törədən 160 nəfərin məsuliyyətə cəlb edildiyini söyləyib. O, fahişəliklə məşğul olan 749 qadın barəsində isə qanunvericiliklə nəzərdə tutulmuş inzibati tənbeh tədbirlərinin görüldüyünü deyib.
|
|
27.10.09 Məqaləni oxumaq
|
| |
|
|
|
“Halal məhsul” standartı layihəsinin müzakirəsində fikir ayrılıqları olub
|
|
İslam Konfransı Təşkilatının (İKT) təşəbbüsü ilə hazırlanan “halal məhsul” standartının layihəsinə bu günlərdə Türkiyənin İstanbul şəhərində baxılıb. Standartlaşdırma, Metrologiya və Patent üzrə Dövlət Komitəsindən KƏLAMİNFO-ya verilən məlumata görə, müzakirələrə 25 müsəlman ölkəsinin nümayəndələri qatılıb.
Standartlaşdırma, Metrologiya və Patent üzrə Dövlət Komitəsinin nümayəndələrinin də iştirak etdyi tədbirdə “Halal” seriyalı standartlar qrupunun qəbulu prosesində əsas diqqət çəkən məqamlar müzakirə olunub. “Halal məhsul” standartının bəzi müddəalarında fikir ayrılıqları olduğundan Ali İslam Akademiyasına müraciət olunub. Akademiyanın rəyindən sonra növbəti iclas keçiriləcək.
|
|
27.10.09 Məqaləni oxumaq
|
| |
|
|
|
Son dörd ildə insan alverinə qarşı mübarizə üçün dövlət tərəfindən 4 mln. manat vəsait ayrılıb
|
|
Daxili İşlər Nazirliyi insan alverinə qarşı mübarizə tədbirlərinin gücləndirilməsi üçün hər il orta hesabla 500 min manat vəsait ayırır. KƏLAMİNFO xəbər verir ki, bu barədə məlumatı daxili işlər nazirinin müavini, general-leytenant Vilayət Eyvazov parlamentdə çıxışı zamanı bildirib.
V.Eyvazov həmçinin qeyd edib ki, Azərbaycanda QHT-lərə dövlət dəstəyi konsepsiyası siyasətinə uyğun olaraq, hökumət tərəfindən transmilli cinayətlərə, o cümlədən insan alverinə qarşı mübarizə layihələrinə 83 min manat məbləğində vəsait ayrılıb. Onun sözldərinə görə, bütövlükdə 2004-2008-ci illərdə insan alverinə qarşı mübarizə üçün dövlət tərəfindən 4 mln. manat vəsait ayrılıb.
|
|
27.10.09 Məqaləni oxumaq
|
| |
|
|
|
Azərbaycanda 1000-ə yaxın küçə uşağı var
|
|
Bu gün “Park-inn” otelində “Azərbaycanda uşaqların vəziyyəti və BMT-nin Uşaq Hüquqları Konvensiyasının icrasına dair vətandaş cəmiyyətinin və uşaqların nativ Hesabatı“na həsr olunan konfrans keçirildi. Konfransda çıxış edən Uşaq Hüquqları Klinikasının sədri Nazir Quliyev son dövrlər uşaqlar arasıdakı cinsi və fiziki zorakılıq halları ilə əlaqədar olan mövcud vəziyyətlə bağlı məlumat verdi. Sözügedən hallarla bağlı kilinikaya müxtəlif regionlar, o cümlədən Bakı şəhərindən çoxsaylı faktların daxil olduğunu vurğulayan N.Quliyev bildirdi ki, bu halların qarşısının alınması üçün Azərbaycanda uşaq hüqlarının müdafiəsi üzrə hüquqi müdafiə fəaliyyətinin gücləndirilməsi və gənc vəkillərin hazırlanmasına ehtiyac var.
Azərbaycanda Uşaqlar Birliyinin sədri Kəmalə Ağazadə isə küçə uşaqları ilə bağlı rəsmi göstəricilər barədə məlumat verdi. O, bildirdi ki, rəsmi məlumata görə, küçə uşaqlarının sayı 208, qeyri-rəsmi məlumatlara görə isə, onların sayı 500-1000 nəfər arasındadır. Onun sözlərinə görə, hazırda rəhbərlik etdiyi qurumda 425 küçə uşağı qeydiyyatdan keçib.
|
|
27.10.09 Məqaləni oxumaq
|
| |
|
|
|
“Yeni Azərbaycan” qəzetinin baş redaktoru hədələnib
|
|
Dünən axşam radələrində Nəsimi rayonunda, D.Əliyeva küçəsində, həmin küçədə yaşayan “Yeni Azərbaycan” qəzetinin baş redaktoru Hikmət Məmmədov “Toyota” markalı avtomaşınını idarə edərkən “Mercedes” markalı avtomaşının sürücüsü ilə aralarında münaqişə baş verib və bu zaman həmin sürücü avtomaşının yük yerindən avtomat silahı çıxararaq H.Məmmədovu hədələyərək hadisə yerini tərk edib. Bu barədə məlumatı Daxili İşlər Nazirliyinin mətbuat xidmətindən veriblər.
Nəsimi RPİ 22-ci PB əməkdaşlarının keçirdikləri əməliyyat-axtarış tədbirləri nəticəsində hadisəni törədən M.Ə.Rəsulzadə qəsəbə sakini Ənvər Sadıqov saxlanılıb, onun M.Fətəli küçəsi ev 152-də kirayədə götürdüyü mənzilə baxış zamanı 1 ədəd “AK” silahı, 29 ədəd avtomat gülləsi və 1 ədəd güllə darağı aşkar edilərək götürülüb. Faktla bağlı araşdırmalar aparılır.
|
|
26.10.09 Məqaləni oxumaq
|
| |
|
|
|
Krizis vəziyyətinə düşən gənclər pulsuz psixoloq yardımı ala biləcəklər
|
|
Bakıda yeniyetmə və gənclərə xidmət göstərən Krizis telefon xətti fəaliyyətə başlayıb. Bu barədə məlumatı KƏLAMİNFO-ya Gənclər və İdman Nazirliyinin mətbuat xidmətindən veriblər.
Nazirlikdən bildiriblər ki, 14-29 yaşda olan və krizis vəziyyətinə düşmüş yeniyetmə və gənclərə ilkin psixososial yardımın göstərilməsi krizis telefon xəttinin fəaliyyətinin əsas səbəblərindən biridir.
Gəncə qarşı zorakılıq, yaxın adamın itirilməsi, alkoqola, narkotiklərə qurşanma, ağır, sağalmaz xəstəlik haqqında diaqnoz, sevdiyi adamla ayrılıq, münasibətlərin kəsilməsi, ailədaxili konfliktlər və s krizis vəziyyətinə düşmənin səbəbi ola bilər. Bu kimi hallarda gənc insana psixoloji dəstək göstərilmədikdə qeyri-adekvat addımların atılması – məsələn, başqalarına və ya özünə qəsd, psixoaktiv maddələrdən istifadə və s. mümkündir.
|
|
24.10.09 Məqaləni oxumaq
|
| |
|
|
|
Bakıda “Azərbaycanda İnsan Hüquqlarının müdafiəsi üzrə Milli Fəalliyyət Planı” adlı konfrans keçirildi
|
|
Bu gün Ombudsman Aparatında “Azərbaycan Respublikasında İnsan Hüquqlarının müdafiəsi üzrə Milli Fəalliyyət Planı” adlı konfrans keçirildi. KƏLAMİNFO xəbər verir ki, dövlət, QHT, BMT-nin Bakı ofisi və digər qurumların nümayəndələrinin iştirk etdiyi konfransda çıxış edən ombudsman Elmira Süleymanova bildirdi ki, sabah dünyada BMT Günü kimi qeyd edilir.
Azərbaycanın bir sıra beynəlxalq təşkilatlara üzv olduğunu diqqtə çatdıran E.Süleymanova qeyd etdi ki, ölkəmiz bu qurumlar qarşısında götürdüyü öhdəlikləri layiqincə yerinə yetirib, müvafiq proqrmalar qəbul edib. Azərbaycan ərazilərinin ermənilər tərəfindən işğal edilməsi məsələsinə toxunan E.Süleymanova bildirdi ki, BMT, ATƏT və digər beynəlxalq təşkilatlar münaqişənin həlli istiqamətindəki səylərini sürətləndirməli, işğalçı qüvvələrə öz təsirini göstərməlidirlər.
|
|
23.10.09 Məqaləni oxumaq
|
| |
|
|
|
ÜmBakıda tikilən cəzaçəkmə müəssisəsinin inşası 2011-ci ildə başa çatacaq
|
|
Azərbaycanın ÜmBakı adlanan ərazisində yeni cəzaçəkmə müəssisəsi inşa etdirilir. KƏLAMİNFO xəbər verir ki, bu barədə məlumatı Ombudsman Aparatında keçirilən tədbirdə qurumun şöbə müdiri Aydın Səfixanlı ölkədə qəbul edilən Milli Fəaliyyət Planına (MFP) məsul Ədliyyə Nazirliyi tərəfindən görülən işlərlə bağlı danışarkən söyləyib.
Sözügedən müəssisə üçün 15 ha ərazinin ayrıldığını vurğulayan A.Səfixanlı qeyd edib ki, hazırda müəssisədə işlər davam etdirilir və proses 2011-ci ildə başa çatacaq.
|
|
23.10.09 Məqaləni oxumaq
|
| |
|
|
|
Səhifələr : # « 187 188 189 190 191 192 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
