|
|
|
|
|
|
Bələdiyyə seçkiləri ilə əlaqədar bütün ölkə ərazisində müşahidə aparmaq üçün MSK-ya müraciət edən 737 nəfər qeydə alınıb
|
|
Dekabrın 23-də keçiriləcək bələdiyyə seçkiləri ilə əlaqədar bütün ölkə ərazisində müşahidə aparmaq üçün Mərkəzi Seçki Komissiyasına müraciət edən 737 nəfər qeydə alınıb. Bu barədə məlumatı KƏLAMİNFO-ya MSK-nın mətbuat xidmətinin rəhbəri Azər Sarıyev verib.
A.Sarıyev bildirib ki, MSK-da qeydə alınanların 569 nəfəri öz təşəbbüsü ilə müraciət edənlər, qalanları isə siyasi partiya və QHT nümayəndələridir. A.Sarıyev həmçinin dairə hüdudlarında seçkiləri müşahidə etmək üçün 29 min 851 nəfərin DSK-lara müraciət edərək qeydə alındıqlarını söyləyib.
Qeyd edək ki, qeydiyyat prosesi seçkilərə 10 gün qalmışa qədər MSK-da, 5 gün qalmışa qədər isə DSK-larda davam edəcək.
|
10.12.09 Məqaləni oxumaq
|
| |
|
|
|
Ümummilli lider Heydər Əliyevin vəfatının ildönümü ilə əlaqədar kütləvi tədbirlər keçiriləcək
|
|
Yeni Azərbaycan Partiyası (YAP) ümummilli lider Heydər Əliyevin vəfatının ildönümü ilə əlaqədar bir sıra kütləvi tədbirlər keçirəcək. Bu barədə məlumatı KƏLAMİNFO-ya YAP-ın mətbuat xidmətindən veriblər.
Dekabrın 12-də YAP İdarə Heyəti, Siyasi Şurasının üzvləri və Milli Məclisin deputatları Fəxri Xiyabana gələrək ulu öndərin məzarını ziyarət edəcək, onun əziz xatirəsinə ehtiramlarını ifadə edəcəklər.
Həmin gün YAP-ın təşkilatçılığı ilə “Hyatt Regency” otelində xalq yazıçısı Anarın ümummilli lider Heydər Əliyevin xatirəsinə həsr olunmuş “Unudulmaz görüşlər” kitabının təqdimat mərasimi keçiriləcək.
|
|
10.12.09 Məqaləni oxumaq
|
| |
|
|
|
|
|
YAP Qadınlar Şurası Şamaxıda bölgə müşavirəsi keçirib
|
|
Yeni Azərbaycan Partiyasının (YAP) Qadınlar Şurasının Şamaxı şəhərində bölgə müşavirəsi keçirilib. Partiyanın mətbuat xidmətindən KƏLAMİNFO-ya verilən məlumata görə, müşavirədə YAP Qadınlar Şurasının Şamaxı, İsmayıllı, Kürdəmir, Ağsu, Ağdaş, Qəbələ, Göyçay, Zərdab və Qobustan rayon təşkilatlarının nümayəndələri iştirak ediblər.
YAP Qadınlar Şurasının bölgə müşavirəsində təşkilatın fəaliyyətinin yeni istiqamətlərinin müəyyənləşməsi istiqamətində geniş müzakirələr aparılıb.
|
|
09.12.09 Məqaləni oxumaq
|
| |
|
|
|
Fərdi uçot sistemində sığortaolunanların sayı 8,6% artaraq 1 631 479 nəfərə çatıb
|
|
Cari ilin 11 ay ərzində Dövlət Sosial Müdafiə Fondunun (DSMF) fərdi uçot sistemində sığortaolunanların sayı 8,6% yəni, 140 029 nəfər artıb. Bu barədə məlumatı KƏLAMİNFO-ya DSMF-nin ictimaiyyətlə əlaqələr sektorundan veriblər.
Cari il dekabrın əvvəlinə fərdi şəxsi hesabı olan sığortaolunanların sayı 1 631 479 nəfərə çatıb. Onlardan 54,8% (894 988 nəfər) kişi, 45,2% (736 491 nəfər) isə qadındır.
|
|
09.12.09 Məqaləni oxumaq
|
| |
|
|
|
İmişli və Biləsuvar rayonlarında “İnformasiya Texnologiyaları Akademiyası” layihəsi çərçivəsində yeni təlimlər keçirilib
|
|
“İrəli” İctimai Birliyinin “İnformasiya Texnologiyaları Akademiyası” layihəsi çərçivəsində yeni təlimləri İmişli və Biləsuvar rayonlarında keçirilib. Bu barədə məlumatı KƏLAMİNFO-ya “İrəli” İctimai Birliyindən veriblər.
“İnformasiya Texnologiyaları Akademiyası” layihəsi İmişli rayonu 2 saylı orta məktəbin akt zalında qeyd olunub. Mərasimdə İcra Hakimiyyəti başçısının müavini Səlim Məhərrəmov, 2 saylı orta məktəbin direktoru Famil Fərəcov və layihənin rəhbəri Rauf Mərdiyev iştirak ediblər.
Qeyd edək ki, “İnformasiya Texnologiyaları Akademiyası” layihəsi Biləsuvar rayonu 4 saylı orta məktəbin akt zalında keçirilib. Mərasimdə Rayonun Gənclər və İdman İdarəsinin rəisi Mütəllim Əhmədov, Mədəniyyət şöbəsinin baş məsləhətçisi Mirzə Cəfərov və “İrəli”nin nümayəndəsi İmam Quliyev iştirak ediblər.
|
|
09.12.09 Məqaləni oxumaq
|
| |
|
|
|
Bakıda NATO-ya üzv ölkələrin təcrübəsinə həsr olunan seminar keçiriləcək
|
|
Dekabrın 16-da Bakıda NATO-nun üzvü olan ölkələrin təcrübəsinə həsr olunmuş seminar keçiriləcək. Bu barədə məlumatı KƏLAMİNFO-ya Xarici İşlər Nazirliyindən veriblər.
Tədbirdə NATO-ya üzv ölkələrin Azərbaycandakı səfirləri məruzələrlə çıxış edəcəklər.
Seminarda dövlətlərin NATO-ya üzvlük istiqamətində həyata keçirdikləri tədbirlər, islahatlar, nailiyyətlər barədə məlumat veriləcək.
|
|
08.12.09 Məqaləni oxumaq
|
| |
|
|
|
Azərbaycan Qızıl Aypara Cəmiyyətinin Baş Məclisi keçirilib
|
|
Bu gün Rəşid Behbudov adına Mahnı Teatrında Azərbaycan Qızıl Aypara Cəmiyyətinin (AQAC) XXII Baş Məclisi öz işinə başlayıb. KƏLAMİNFO xəbər verir ki, tədbirdə ötən ilin yekunlarına dair hesabatlar dinlənilib, Baş Məclis, İdarəetmə Şurası və Rəyasət Heyəti, müvafiq komissiyaların yeni tərkibi seçilib, cari məsələlər müzakirə edilib.
Tədbirdə çıxış edən AzQAC-ın prezidenti Novruz Aslanov bildirib ki, hesabat dövrü təşkilat üçün uğurlu olub. Ötən müddət ərzində “Azərbaycan Qızıl Aypara Cəmiyyəti haqqında” Qanun qəbul edilib. Hazırda QAC sıralarında 265 min üzv, 16 mindən yuxarı könüllü fəaliyyət göstərir.
|
|
08.12.09 Məqaləni oxumaq
|
| |
|
|
|
İstanbulda “Beynəlxalq seysmik risklərin azaldılması” mövzusunda konfrans keçirilir
|
|
Bu gün İstanbulda “Beynəlxalq seysmik risklərin azaldılması” mövzusunda konfrans öz işinə başlayıb. KƏLAMİNFO xəbər verir ki, İstanbul valiliyi və Türkiyə Nazirlər Kabineti yanında Fəlakətlər və Fövqəladə Hallar Nazirliyi, Dünya Bankının Qlobal Fəlakət Risklərini Azaldılması və Yaxşılaşdırma Proqramının dəstəyi ilə keçirilən tədbir dekabrın 10-da başa çatacaq.
Türkiyənin dövlət naziri Cəmil Çiçəyin rəhbərliyi ilə keçirilən toplantıda Azərbaycan, Rusiya, Belarus, Xorvatiya, Rumıniya, Bolqarıstandan fövqəladə hallar nazirləri, Xorvatiya, İsveçrə, Meksika, Çin, Albaniya, İordaniya, Misir, Ermənistan, Pakistan, Hindistan, Yeni Zelandiya, Yaponiya, Portuqaliya, İtaliya, ABŞ, Makedoniya, Fransa, Fələstin, İndoneziya, Çili, Yəmən, Sudan, Bosniya, Cibuti, Gürcüstan, Qazaxıstan və Özbəkistandan elm adamları qatılıb.
|
|
08.12.09 Məqaləni oxumaq
|
| |
|
|
|
|
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
