Kelam Jurnalı - Cəmiyyət

ABŞ səfirliyinin müşaviri Conna Qenson və Norveç səfirliyinin birinci katibi Lars Hansen Naxçıvana bir günlük səfərə gediblər. Bu barədə KƏLAMİNFO-ya Amerikanın Azərbaycandakı səfirliyindən məlumat verilib. Diplomat C.Qensonun Naxçıvana səfərində əsas məqsəd vətəndaş cəmiyyəti nümayəndələri ilə ünsiyyət qurmaqdır. Səfər adi tanışlıq məqsədi daşıyır, belə səfərlər tez-tez keçirilir. вЂњNümayəndələrin Naxçıvana getməsində əsas məqsəd qeyri-hökumət təşkilatlarının nümayəndələri, rəsmi şəxslərlə görüşməkdən ibarətdirвЂќ,-deyə ABŞ səfirliyindən bildirilib. Qeyd edək ki, səfərin Bənəniyar kəndində olan hadisələrlə heç bir əlaqəsi yoxdur və qonaqların kəndə gedəcəyi faktı təsdiqlənmir.

13.01.10

Məqaləni oxumaq

вЂњ20 YanvarвЂќ faciəsinə həsr olunmuş poçt markası buraxılıb

Rabitə və İnformasiya Texnologiyaları Nazirliyinin (RİTN) вЂњAzərmarkaвЂ™ şirkəti dövriyyəyə вЂњ20 YanvarвЂќ faciəsinin 20-ci ildönümünə həsr olunmuş poçt markası buraxıb. Bu barədə məlumatı KƏLAMİNFO-ya RİTN-nin mətbuat xidmətindən veriblər. İyirmi min tirajla çap olunmuş markanın nominal dəyəri 1 manat təşkil edir. Qeyd edək ki, 20 Yanvar xalqımızın yenilməzliyini, ölkənin azadlığı, suverenliyi və ərazi bütövlüyü uğrunda mübarizə əzmini nümayiş etdirən Azərbaycan tarixinin qəhrəmanlıq səhifəsidir.

13.01.10

Məqaləni oxumaq

MSK bələdiyyə seçkilərində qalib olan namizədlərin statistikasını açıqlayıb

Mərkəzi Seçki Komissiyası (MSK) ötən il dekabr ayının 23-də keçirilən bələdiyyə seçkilərində qalib olan namizədlərin statistikasını açıqlayıb. Bu barədə məlumatı KƏLAMİNFO-ya MSK-nın mətbuat xidmətindən veriblər. Səsvermə nəticəsində 15591 bələdiyyə üzvü seçilib. Onların 4809-u fərdi qaydada, 77-si təşəbbüs qrupları, 10 705 nəfəri isə siyasi partiyalar tərəfindən namizədliyi irəli sürülənlərdir. Yeni Azərbaycan Partiyasının (YAP) irəli sürdüyü namizədlərdən 10290-ı, Böyük Quruluş Partiyasının (BQP) namizədlərindən 132-si, Bütöv Azərbaycan Xalq Cəbhəsi Partiyası (BAXCP) namizədlərindən 81-i, Ana Vətən Partiyasının (AVP) namizədlərindən 62-si, Vətəndaş Həmrəyliyi Partiyasının (VHP) namizədlərindən 61-i, Ümid Partiyasının (ÜP) namizədlərindən 41-i, Azərbaycan Demokratik İslahatlar Partiyasının (DİP) namizədlərindən 15-i, Vətəndaş Birliyi Partiyası (VBP) namizədlərindən 14-ü, Azərbaycan Sosial Rifah Partiyası (SRP) namizədlərindən 5-i, Müsavat Partiyası (MP) namizədlərindən isə 4-ü seçkilərdə qalib gəlib.

13.01.10

Məqaləni oxumaq

Azərbaycan İstiqlal Muzeyində 20 Yanvar faciəsinin ildönümü ilə əlaqədar sərgi təşkil olunacaq

Yanvarın 18-də Azərbaycan İstiqlal Muzeyində fotoqraf Oqtay Məmmədova həsr olunan və 20 Yanvar faciəsi ilə əlaqədar sərgi təşkil olunacaq. Azərbaycan İstiqlal Muzeyindən KƏLAMİNFO-ya verilən məlumata görə, sərgi 20 Yanvar faciəsinin 20 illiyi ilə əlaqədar keçiriləcək və burada fotoqrafın 30-a yaxın əsəri nümayiş olunacaq. Sərgidə həmçinin O.Məmmədovun şəxsi əşyaları da nümayiş olunacaq. Tədbirdə incəsənət işçiləri, Milli Məclisin deputatları, hökumət nümayəndələri və fotoqrafın yaxınları iştirak edəcəklər.

12.01.10

Məqaləni oxumaq

Qırğızstanın Kant şəhərində 20 Yanvar faciəsinin 20-ci ildönümü ilə bağlı böyük mərasim keçiriləcək

Yanvarın 18-də Qırğızstanda azərbaycanlıların kompakt yaşadığı Kant şəhərində 20 Yanvar faciəsinin 20-ci ildönümü ilə bağlı böyük mərasim keçiriləcək. Qırqızstandakı Türkdilli Dövlətlərin Siyasətinə Dəstək Fondu və вЂњAzəriвЂќ İctimai Birliyinin birgə təşkil etdiyi tədbirdə Türkiyə, Qazaxstan, Özbəkstanın Qırğızstandakı səfirləri, Kant rayonu icra başçısı, Qırğızstan parlamentinin deputatları, diasporumuzun nümayəndələri, jurnalistlər iştirak edəcəklər. Bu barədə məlumatı KƏLAMİNFO-ya Qırğızstandakı Türkdilli Dövlətlərin Siyasətinə Dəstək Fondundan veriblər.

11.01.10

Məqaləni oxumaq

Millət vəkili S.Rüstəmxanlı Yardımlı rayon sakinləri ilə görüşüb

Bu gün Vətəndaş Həmrəyliyi Partiyasının sədri, millət vəkili Sabir Rüstəmxanlı bir neçə gün əvvəl baş verən qasırğa nəticəsində ziyan çəkən Yardımlı rayon sakinlərilə görüşüb. Bu barədə məlumatı KƏLAMİNFO-ya Dünya Azərbaycanlıları Konqresindən (DAK) veriblər. S.Rüstəmxanlı daha çox dağıntılara məruz qalan kəndlərdə təbii fəlakətin ziyan vurduğu tikililərlə tanış olub. S.Rüstəmxanlı bildirib ki, Fövqəladə Hallar Nazirliyinin (FHN) yerli şöbəsləri qasırğanın törətdiyi fəsadları aradan qaldırmaq üçün çalışmalarına baxmayaraq, hələ də bəzi kəndlərin enerji təminatı, telefon rabitə sistemi təmin edilməyib və elektrik dirəklərinin bərpası başa çatmayıb. Evləri daha çox dağıntıya məruz qalan sakinlər isə bərpa işlərinin gecikməsindən narahatlıqlarını ifadə ediblər. Yerli icra strukturlarından isə bildirilib ki, dağıntıların miqyası böyük olduğu üçün fəlakətin qarşısını qısa müddətdə aradan qaldırmaq mümkün deyil və yalnız kommunikasiya xətlərinin bərpasından sonra dağıntıya məruz qalan evlərin sakinlərinə maddi və texniki yardımların göstərilməsinə başlanacaq.

09.01.10

Məqaləni oxumaq

Sumqayıtda вЂњ20 YanvarвЂќ faciəsinin 20-ci ildönümü ilə bağlı bir sıra tədbirlər keçiriləcək

Sumqayıt şəhərində вЂњ20 YanvarвЂќ faciəsinin 20-ci ildönümü ilə bağlı bir sıra tədbirlər həyata keçiriləcək. Bu barədə məlumatı KƏLAMİNFO-ya Sumqayıt şəhər İcra Hakimiyyətindən veriblər. Belə ki, 18-20 yanvar 2010-cu il tarixlərində şəhərin Tarix Muzeyində faciə ilə bağlı sərgi, şəhər kitabxanalarında Dəyirmi masalar, oxucu konfransları, tematik guşələr, şəhərin ümumtəhsil, orta ixtisas və ali təhsil ocaqlarında müvafiq tədbirlər təşkil ediləcək. Ümumilikdə isə 20 yanvar tarixində şəhər rəhbərliyi tərəfindən şəhərdə yerləşən вЂњ20 YanvarвЂќ abidəsi və вЂњŞəhidlər XiyabanıвЂќnı, daha sonra Ceyranbatan ərazisində, Bakı-Quba yolunda yerləşən faciədə şəhid olan Sumqayıt alimlərinin xatirə abidəsi ziyarət ediləcək.

08.01.10

Məqaləni oxumaq

Bakının вЂњ20 YanvarвЂќ meydanında inşa olunan memorial kompleksin açılış mərasimi keçiriləcək

Bakıda yanvar faciəsinin növbəti ildönümü ərəfəsində вЂњ20 YanvarвЂќ meydanında faciə qurbanlarının xatirəsinə həsr olunmuş memorial kompleks açılacaq. KƏLAMİNFO xəbər verir ki, artıq kompleksdə son tamamlama işləri aparılır. Kompleksdə faciəni əks etdirən abidə də ucaldılıb. Qeyd edək ki, 1990-cı ilin yanvar ayının 19-dan 20-ə keçən gecə ən dəhşətli hadisələr məhz Bakının Yasamal rayonunda baş verib. Burada onlarla dinc əhali qətlə yetirilib. Xatırladaq ki, 1990-cı ilin yanvar ayının 19-dan 20-ə keçən gecə Bakı şəhərində əhali nümayişinin qovulması məqsədilə sovet qoşunları daxil edilib və nəticədə 130-dan artıq dinc əhali vəhşicəsinə qətlə yetirilib.

08.01.10

Məqaləni oxumaq

Naxçıvan MR-ın Bakı nümayəndəliyi Bənəniyar hadisələri ilə bağlı məlumat yayıb

Naxçıvan Muxtar Respublikasının (MR) Bakıdakı nümayəndəliyi Bənəniyar hadisələri ilə bağlı məlumat yayıb. Muxtar Respublikanın Bakı nümayəndəliyindən KƏLAMİNFO-ya verilən məlumata görə, ötən il dekabr ayının 28-də Culfa rayonunun Bənəniyar kəndində həyatına sui-qəsd etməyə cəhd göstərən şəxs Culfa rayonunun Bənəniyar kənd sakini, 1974-cü il təvəllüdlü Əliyev Yunis Kamal oğlu Naxçıvan MR-in Psixi Xəstəliklər Dispanserində qeydiyyatda olub və müalicə alıb. Bu ailənin digər üzvləri вЂ“ anası Əliyeva Şərəbanı Qardaşxan qızı, dayıları Quliyev Vasif Qardaşxan oğlu və Quliyev Yusif Qardaşxan oğlu da həmin dispanserdə qeydiyyatda olub, müalicə alıb və həkim nəzarətində saxlanılıblar.

08.01.10

Məqaləni oxumaq

ANAMA dekabr ayında 3,582,751 kv/m ərazini mina və PHS-dən təmizləyib

Azərbaycan Ərazilərinin Minalardan Təmizlənməsi üzrə Milli Agentlik (ANAMA) tərəfindən 2009-cu ilin dekabr ayı ərzində 3,582,751 kv/m ərazi yoxlanılaraq mina və partlamamış hərbi sursatdan (PHS) təmizlənib. Ümumilikdə ay ərzində 45,524 PHS və mina aşkar edilərək zərərsizləşdirilib. Bu barədə məlumatı KƏLAMİNFO-ya ANAMA-nın mətbuat xidmətindən veriblər. Əməliyyatlarda 425 nəfər mütəxəssis və 115 nəfər yardımçı heyət iştirak edib. Həmçinin əməliyyatlarda 6 mexaniki minatəmizləmə maşını və 30 minaaxtaran it iştirak edib. İndiyədək cəmi 121,903,509 kv/m ərazi təmizlənib. Tapılıb zərərsizləşdirilmiş mina və PHS-lərin sayı isə 576,311-dir. Agentlik tərəfindən təmizləmə əməliyyatları Tərtər, Ağdam, Füzuli, Tovuz, Ağstafa, Göygöl rayonlarında və Bakı şəhəri, Qaradağ rayonu ərazisində aparılır.