Kelam Jurnalı - Cəmiyyət

Cari ilin mart ayının əvvəlinə ölkə əhalisinin ümumi sayının 50,9%-ni və ya 4 mln. 592 min nəfərini qadınlar təşkil edir. Bu barədə məlumatı KƏLAMİNFO-ya Dövlət Statistika Komitəsindən veriblər. Qadınların 59,4%-i nəsilvermə qabiliyyətinə malik olub, onların hər biri orta hesabla dünyaya 2 uşaq gətirib. Ötən il doğulan 152,1 min körpənin 46%-ni qızlar təşkil edib. Hazırda ölkədə 31 doğum evi, 321 qadın məsləhətxanası, 592 uşaq poliklinikası və ambulatoriyası, 1735 feldşer-mama məntəqəsi fəaliyyət göstərir. Bu gün qadınlar arasında gözlənilən ömür uzunluğu kişilər arasında gözləniləndən 5,2 yaş yüksəkdir və 76,1 yaş təşkil edir. Ölkənin ictimai-siyasi, iqtisadi, mədəni həyatında fəal iştirak edən Azərbaycan qadınlarının məşğul əhalinin ümumi sayındakı xüsusi çəkisi 48,7% təşkil edir. Ümumi təhsil müəssisələrində müəllimlərin 74%, orta ixtisas təhsil müəssisələrində 73%, ali təhsil müəssisələrində 47%, həkimlərin 62% qadınlardır.

05.03.10

Məqaləni oxumaq

Gürcüstanın Kvemo Kartli-Borçalı bölgəsinin qubernatoru David Kirkitadze Bakıda səfərdədir

Azərbaycanda səfərdə olan Gürcüstanın Kvemo Kartli-Borçalı bölgəsinin qubernatoru David Kirkitadzenin başçılıq etdiyi nümayəndə heyəti bu gün səhər Fəxri Xiyabana gələrək ümummilli lider Heydər Əliyevin məzarını və Şəhidlər Xiyabanını ziyarət edib. D.Kirkitadze jurnalistlərə açıqlamasında bildirib ki, Azərbaycan və Gürcüstan strateji tərəfdaşdırlar. Qubernator Azərbaycan hökumətinə Gürcüstanda yaşayan soydaşlarına göstərdiyi diqqət və qayğıya görə minnətdarlıq edib.

04.03.10

Məqaləni oxumaq

Əli Həsənov: вЂњMəcburi köçkünlərin çoxu hələ də ağır şəraitdə yaşayırвЂќ

Bu günə qədər məcburi köçkünlər üçün 2,9 mlrd. manat vəsait ayrılıb. KƏLAMİNFO xəbər verir ki, bu barədə məlumatı Qaçqınlar və Məcburi Köçkünlərin İşləri üzrə Dövlət Komitəsinin sədri, Baş nazirin müavini Əli Həsənov BMT-nin Qaçqınlar üzrə Ali Komssarlığının Azərbaycan nümayəndəliyinin təşkil etdyi tədbirdə söyləyib. Onun sözlərinə görə, vəsaitin 1 mlrd. 300 mln. manatı dövlət büdcəsindən, 770 mln. manatı Dövlət Neft Fondundan və 780 mln. isə ölkəmizdə fəaliyyət göstərən beynəlxalq humanitar təşkilatlar tərəfindən ayrılıb. Son 8 ildə məcburi köçkünlər üçün 64 yaşayış məntəqəsinin salındığını diqqətə çatdıran Ə.Həsənov burada 18 mindən artıq evin tikildiyini söyləyib. Yaşayış massivlərində 123 məktəbin tikildiyini söyləyən Ə.Həsənov ərazinin xəstəxana, uşaq bağçası, o cümlədən bütün infrastrukturla tam təmin edildiyini qeyd edib. Ə.Həsənov tikilən evlərə 100 minə yaxın əhalinin köçürüldüyünü vurğulayıb. Bildirib ki, 600 minə yaxın məcburi köçkün isə hələdə ağır vəziyyətdə yaşayır. Onun sözlərinə görə, təkcə Bakıda 216 min məcburi köçkün ağır vəziyyətdə yaşayır, 70 yataqxanada 14 min ailə məskunlaşıb.

04.03.10

Məqaləni oxumaq

SAMF reklamların yazılışında dövlət dilinin monitorinqini aparıb

Söz Azadlığını Müdafiə Fondu (SAMF) reklamlarda, xidmət obyektlərində, o cümlədən media qurumlarında Azərbaycan dilinin qorunması ilə bağlı monitorinqlərə start verib. SAMF-dan KƏLAMİNFO-ya verilən məlumata görə, ilk tədbir kimi reklam lövhələrinin yazılışı zamanı 30 sentyabr 2002-ci il tarixli вЂњDövlət dili haqqındaвЂќ AR Qanununun tələblərinə necə əməl olunmasını aydınlaşdırmaq istiqamətində monitorinqlərə başlanılıb. İlk monitorinq Bakı şəhərinin 10 mərkəzi küçə və prospektində mövcud olan 442 xidmət sahəsindəki reklam xarakterli lövhələri əhatə edib. Araşdırmalar nəticəsində bəlli olub ki, reklamların dili, konkret olaraq reklamlar hazırlanarkən dövlət dilinin tələblərinin qorunması ilə bağlı problemlər bir neçə il öncəki vəziyyətlə müqayisədə nisbətən yaxşılaşsa da, qənaətbəxşlik çərçivəsindən xeyli kənardadır.

03.03.10

Məqaləni oxumaq

Ə.Həsənov: вЂњSülhün əldə edilməsindən sonra Qayıdış Proqramının icrasına başlanacaqвЂќ

Məcburi köçkünlərin öz doğma yerlərinə qayıtması üçün Qayıdış Proqramı tam hazırdır. KƏLAMİNFO xəbər verir ki, bu barədə məlumatı Qaçqınlar və Məcburi Köçkünlərin İşləri üzrə Dövlət Komitəsinin sədri, Baş nazirin müavini Əli Həsənov BMT-nin Qaçqınlar üzrə Ali Komssarlığının Azərbaycan nümayəndəliyinin təşkil etdiyi tədbirdə söyləyib. Ə.Həsənov vurğulayıb ki, sülhün əldə edilməsindən sonra Qayıdış Proqramının icrasına başlanılacaq. Sözügedən proqramla bağlı kiçik layihə həyata keçirildiyini diqqətə çatdıran Ə.Həsənov qeyd edib ki, Qayıdış Proqramının icrası ilə bağlı müəyyən təcrübə əldə edilib. вЂњTəbii ki, məcburi köçkünlərin vəziyyəti ilə bağlı bizim hələ də beynəlxalq humanitar təşkilatlar, donorlar və digər maraqlı qurumların dəstəyinə ehtiyacımız var. O vaxta qədər ki, məcburi köçkünlər doğma yerlərinə qayıdacaqвЂќ, - deyə Ə.Həsənov əlavə edib.

03.03.10

Məqaləni oxumaq

Bəzi məhkəmələrdə həbs-qətimkan tədbirinin seçilməsi üçün lazımı praktika hələ yetişməyib

Artıq 2000-ci ildən bəri respublikada həbs-qətimkan tədbirinin seçilməsi səlahiyyəti prokurorluqdan məhkəmə sisteminə keçməsinə baxmayaraq, hələ də bu sahədə kifayət qədər lazımı praktika formalaşmayıb. KƏLAMİNFO xəbər verir ki, bu barədə jurnalistlərə açıqlamasında Ali Məhkəmənin sədri Ramiz Rzayev bildirib. R.Rzayev qeyd edib ki, bu istiqamətdə Bakıda və Sumqayıtda araşdırmalar aparılıb və acınacaqlı faktlar ortaya çıxıb. Sədr bu problemin Ali Məhkəmənin ötən ilin noyabrında keçirilən plenumunda müzakirəyə çıxarıldığını da vurğulayıb. вЂњTəəssüf edirəm ki, həbs-qətimkan tədbirinə üstünlük verirlər. Azərbaycanda girov qətimkan tədbiri tətbiq olunmur, başqa yerə getməmək, ev dustaqlığı qətimkan tədbirləri seçilmir. Həbs ən ağır, ən sərt qətimkan tədbiridir və bu tədbir istənilən halda seçilmir. Əgər şəxsin istintaqdan qaçıb gizlənməsi, istintaqa təsir etməsi üçün əsaslar olarsa, həbs seçilməlidir. Məhkəmə həbslə bağlı qərar qəbul edərkən bu halları əsaslandırmalıdırвЂќ,-deyə R.Rzayev bildirib. Ali Məhkəmənin sədri bu sahədə pozuntulara yol verdiyi üçün 3 hakimin səlahiyyətinə xitam verildiyini, bir neçə hakimə töhmət verildiyini, bəzilərinin isə tutduqları vəzifədən aşağı pilləyə endirildiyini vurğulayıb.

03.03.10

Məqaləni oxumaq

Azərbaycanda Avropa Məhkəməsinin qərarları tam olaraq yerinə yetirilir

Ötən il ölkəmizdən Avropa İnsan Hüquqları Məhkəməsinə (AİHM) hüquq pozuntuları ilə bağlı olunan şikayətlərdən 7-i təmin edilib. Bu qərarların 3-ü hüquqi qüvvəyə minib, digər 4-ü isə məhkəmə qərarının qəbul olunmasından sonra 3 ay müddətində qüvvəyə minəcək. KƏLAMİNFO xəbər verir ki, bu barədə Ali Məhkəmənin sədri Ramiz Rzayev jurnalistlərə açıqlamasında bildirib. Onun sözlərinə görə, indiyə kimi Azərbaycanla bağlı AİHM-də 26 işə baxılıb və 23-ü hüquq pozuntuları ilə bağlı olduğundan təmin edilib. R.Rzayev ötən il AİHM-ə bütün Avropadan 35 min 560 iş daxil olduğunu, onlardan 33 min 65-nin rədd edildiyini, 2395 işə baxıldığını vurğulayıb. Sədr bildirib ki, bununla müqayisədə Azərbaycandan müraciətlər çox azdır. вЂњAİHM-nin qəbul etdiyi qərarları icra etməmək ən böyük məsuliyyətdir və bunun üçün müqəssir ölkəyə ən ağır sanksiya verilir. Ölkəmizdə AİHM-in qərarları tam olaraq yerinə yetirilirвЂќ,-deyə R.Rzayev əlavə edib.

02.03.10

Məqaləni oxumaq

Ali Məhkəmədə ötən ilin hesabatı ilə bağlı mətbuat konfransı keçirilib

Bu gün Bakıda Ali Məhkəmənin sədri Ramiz Rzayev inzibati binalarında ötən ilin yekunları ilə bağlı mətbuat konfransı keçirib. KƏLAMİNFO xəbər verir ki, R.Rzayev ilk növbədə Ali Məhkəmənin son dövrlərdə maddi-texniki bazası, infrastrukturunun inkişafından bəhs edib. O, ötən il müddətində Ali Məhkəmənin müasir standartlara cavab verən yeni binası istifadəyə verilərək qurumun dəftərxanasının elektronlaşdırıldığını, zallarda cəzaçəkmə müəssisələri ilə birbaşa videobağlantı sisteminin yaradıldığını bildirib. R.Rzayev növbəti ildə də yerli məhkəmələr üçün yeni inzibati binanın istifadəyə veriləcəyini vurğulayıb.

02.03.10

Məqaləni oxumaq

Bu gün AzərTAc-ın 90 yaşı tamam olur

Azərbaycan Dövlət Teleqraf Agentliyinin - AzərTAc-ın 90 yaşı tamam olur. KƏLAMİNFO xəbər verir ki, şərqdə ilk xəbər agentliklərindən biri olan AzərTAc-ın yaranması bilavasitə Xalq Cümhuriyyəti hökumətinin adı ilə bağlıdır. 1919-cu il martın 3-də Xalq Cümhuriyyəti hökuməti - Nazirlər Şurasının iclasında Azərbaycan Teleqraf Agentliyinin təşkili barədə məsələ müzakirə olunub. 1920-ci il fevralın 2-də hökumətin növbəti iclasında Azərbaycan Teleqraf Ajanslığının ştatlarının layihəsi və Əsasnaməsinin müəyyən dəyişikliklərlə parlamentə çıxarılması qərara alınıb. 1920-ci il martın 2-də вЂњAzərbaycanвЂќ qəzetində ilk dəfə olaraq вЂњAzərTAcвЂќ imzası ilə xəbərlər dərc olunub. Təxminən bir ay sonra, 1920-ci il martın 25-də Azərbaycan Teleqraf Agentliyindən Xalq Maarif Nazirliyinə göndərilmiş 17 nömrəli təliqə qurumun məhz martın 1-də yarandığını təsdiq edib.

02.03.10

Məqaləni oxumaq

Milli Məclisin növbəti iclası martın 5-də keçiriləcək

Milli Məclisin növbəti iclası martın 5-də keçiriləcək. Parlamentdən KƏLAMİNFO-ya verilən məlumata görə, iclasın gündəliyinə 13 məsələ daxil edilib. İclasda yeni ombudsmanın seçilməsi məsələsi də müzakirə olunacaq. Deputatlar Azərbaycan və Fransa hökumətləri arasında imzalanan diplomatik pasporta malik şəxslərin viza rejimindən qısa müddətə azad edilməsi, iki ölkədə mədəniyyət mərkəzlərinin təsis edilməsi və fəaliyyət göstərməsi haqda sazişləri, Silahlı Qüvvələrdə daxili xidmət haqda qanuna dəyişiklik edilməsi, konstitusiya referendumu aktının tətbiqi ilə əlaqədar bəzi qanunlara əlavə və dəyişikliklər edilməsi haqda layihələri müzakirə edəcəklər. İclasın gündəliyində cinayət yolu ilə əldə edilən pul vəsaiti və digər əmlakın leqallaşdırılması və terrorçuluğun maliyyələşdirilməsinə qarşı mübarizənin gücləndirilməsi məqsədilə bəzi qanunlara əlavə və dəyişikliklər edilməsi və ikinci oxunuşda вЂњMəhkəmələrin fəaliyyəti haqda informasiya əldə etmək barədəвЂќ Qanun layihəsi də var.

01.03.10

Məqaləni oxumaq