|
|
|
|
Ümid Partiyası parlament seçkilərinə qatılacaq namizədlərini müəyyənləşdirib
|
|
Ümid Partiyası qarşıdan gələn parlament seçkilərində bütün dairələr üzrə namizədlərini irəli sürəcək. Artıq partiya dairələr üzrə irəli sürəcəyi namizədlərin tam siyahısını hazırlayıb. Bu barədə açıqlamanı KƏLAMİNFO-ya müsahibəsində Ümid Partiyası Ali Məclisin sədri Ənvər Ağazadə verib.
O, bildirib ki, partiyanın müəyyən olunmuş namizədlərinin sayı bütün dairələr üzrə 70-dən artıqdır. “Ümid Partiyası İdarə Heyəti tərəfindən bu namizədlərin seçilmək şansları, seçdikləri dairələr üzrə imkanlarını araşdırır və Rəyasət Heyətində təsdiqləyir”,-deyən A.Ağazadə prossesin davam etdiyini söyləyib.
Ə.Ağazadə yaxın günlərdə irəli sürüləcək namizədlərin iştirakı ilə müşavirə keçiriləcəyini vurğulayıb. Seçkilərdə gənclərə də üstünlük verəcəklərini qeyd edən Ə.Ağazadə bildirib ki, yaş prinsipinə görə, namizədlərin böyük əksəriyyəti 40 yaşından aşağı olan insanlar olacaq.
|
14.04.10 Məqaləni oxumaq
|
| |
|
|
|
BŞBPİ-nin rəis müavini Y.Əliyev: “İcazəsiz keçirilən aksiyada 6-7 nəfər saxlanılıb”
|
|
Bakı şəhər Baş Polis İdarəsinin rəis müavini Yaşar Əliyev Müsavat Partiyasının bu gün keçirmək istədiyi icazəsiz piketlə bağlı açıqlama verib. AZDAİNFORM xəbər verir ki, Y.Əliyev aksiyanın icazəsiz olduğunu bildirib. O, Müsavat Partiyasının Bakı şəhər İcra Hakimiyyəti qarşısında piket keçirmək üçün etdiyi müraciətə razılıq verilmədiyini xatırladıb: “Onlar icazəsiz aksiya keçirməyə cəhd ediblər. Buna görə də 6-7 nəfər saxlanılıb və Səbail rayon Polis İdarəsinin 8-ci polis bölməsinə aparılıb. Hazırda saxlanılanlarla bağlı araşdırma aparılır”,-deyə Y.Əliyev vurğulayıb. O, Müsavat Partiyasını təmsil edən deputatlar Arzu Səmədbəyli və İkram İsrafilin aksiya zamanı meriya qarşısına gəldiklərini və aksiyanın qanunsuz olduğunun onların da diqqətinə çatdırıldığını söyləyib.
Qeyd edək ki, Müsavat Partiyasından isə KƏLAMİNFO-a bildiriblər ki, piket zamanı 47 nəfər saxlanılaraq polis bölməsinə aparılıb. Onlardan 15 nəfəri sonradan azad edilib.
|
|
14.04.10 Məqaləni oxumaq
|
| |
|
|
|
BŞBPİ parlament seçkiləri ilə əlaqədar vətəndaşlara müraciət edib
|
|
Bakı şəhər Baş Polis İdarəsi (BŞBPİ) ölkəmizdə keçiriləcək növbəti parlament seçkiləri ilə əlaqədar paytaxt sakinlərinə müraciət edib. BŞBPİ-dən KƏLAMİNFO-ya verilən məlumata görə, müraciət əhalinin qeydiyyat məsələsi ilə bağlıdır.
İdarə 2010-cu ilin parlament seçkiləri ili olduğunu nəzərə alaraq paytaxt sakinlərini şəxsiyyət vəsiqəsinin alınması və müəyyən səbəblərdən qüvvədən düşmüş hesab edilən vəsiqələrin dəyişdirilməsi istiqamətində fəal olmağa çağırır. BŞBPİ-nin rayon Polis İdarələrinin Qeydiyyat və Şəxsiyyət Vəsiqəsi xidmətləri bu işi sürətləndirmək və vətəndaşlara hər cür kömək etmək üçün səfərbər olunub.
|
|
14.04.10 Məqaləni oxumaq
|
| |
|
|
|
Mətbuat Şurası 7 qəzet və 1 jurnalı “reket nəşr” elan edib
|
|
Bu gün Azərbaycan Mətbuat Şurasında (MŞ) İdarə Heyətinin üzvü, “İki sahil” qəzetinin Baş redaktoru Vüqar Rəhimzadənin sədrliyi ilə “Reket jurnalistika”ya qarşı mübarizə Komissiyasının növbəti iclası keçirilib. MŞ-dan KƏLAMİNFO-ya verilən məlumata görə, iclasda V.Rəhimzadə bildirib ki, ilin əvvəlindən komissiyaya 20-dən çox şikayət daxil olub.
O, şikayətlər əsasında toplanan materiallar barədə məlumat verib. Müzakirələrdən sonra 7 qəzet və 1 jurnal “reket nəşr” elan olunub, 1 qəzetə isə ciddi xəbərdarlıq edilərək adının “qara siyahı”ya salınması barədə rəyə gəlinib. Digərləri barədə araşdırmaların davam etdirilməsi zəruri sayılıb.
|
|
14.04.10 Məqaləni oxumaq
|
| |
|
|
|
“Cənubi Qafqaz: Qlobal tendensiyalar və təhlükələr” mövzusunda Dəyirmi masa təşkil olunacaq
|
|
Aprelin 16-da Azərbaycan Prezidenti yanında Strateji Araşdırmalar Mərkəzi (SAM) və Böyük Britaniyanın “International Alert” təşkilatının birgə təşəbbüsü ilə “Cənubi Qafqaz: Qlobal tendensiyalar və təhlükələr” mövzusunda Dəyirmi masa təşkil olunacaq. Bu barədə məlumatı KƏLAMİNFO-ya SAM-dan veriblər.
Tədbirdə məruzəçilər qismində SAM-ın direktoru Elxan Nuriyev, “International Alert” təşkilatının Baş katibi Den Smit, Avrasiya proqramları üzrə layihə direktoru Desislava Rusanova, SAM-ın xarici siyasət məsələlərinin təhlili şöbəsinin müdiri Gülşən Paşayeva, Qərb Universitetinin professoru Fikrət Sadıxov və digərləri çıxış edəcəklər.
|
|
14.04.10 Məqaləni oxumaq
|
| |
|
|
|
Tələbələr üçün “Planetimizi Tanıyaq” adlı seminar təşkil edilib
|
|
Tələbələrin Beynəlxalq Əməkdaşlığı İctimai Birliyi və Gənclərin Mənəvi İnkişafı İctimai Birliyi tələbələr üçün “Planetimizi Tanıyaq” adlı seminar təşkil edib. Bu barədə məlumatı KƏLAMİNFO-ya İB-dən veriblər.
İki hissədən ibarət olan seminarda Dövlət Neft Şirkətinin Ekologiya İdarəsinin əməkdaşı Ramil Rüstəmov və Gənclərin Mənəvi İnkişafı İctimai Birliyinin rəhbəri Rövşən Əkbərov “Kainatdakı Həssas Tarazılıqlar və Ekoloji Sfera” və “Biomimetika - Təbiətin Texnologiyası” barədə tələbələri məlumatlandırıblar. Hər iki təşkilat arasında əldə olunan razılığa görə bu tədbirlərin davam etdirilməsi nəzərdə tutulub.
|
|
13.04.10 Məqaləni oxumaq
|
| |
|
|
|
İnformatika üzrə Ümumrespublika Olimpiadasının birinci mərhələsi başa çatıb
|
|
Telekommunikasiya və İnformasiya Cəmiyyəti Gününə həsr olunan Ali məktəb tələbələri arasında informatika üzrə Ümumrespublika Olimpiadasının birinci mərhələsi başa çatıb. Bu barədə məlumatı KƏLAMİNFO-ya Rabitə və İnformasiya Texnologiyaları Nazirliyinin mətbuat xidmətindən veriblər.
Ümumilikdə, qeydiyyatdan keçmiş 10 ali təhsil müəssisəsinin 42 komandasından ikinci final mərhələsinə 6 tədris ocağını təmsil edən 20 komanda vəsiqə qazana bilib. İlk turda balların 30%-ni yığan komandalar final mərhələsinə adlayıblar. Finalda Qafqaz Universiteti 8 komanda ilə, Moskva Dövlət Universitetinin Bakı filialı 5 komanda ilə, Bakı Dövlət Universiteti 4 komanda ilə, Azərbaycan Texniki Universiteti 1 komanda ilə, Azərbaycan Dövlət Neft Akademiyası 1 komanda ilə və Naxçıvan Dövlət Universiteti 1 komanda ilə mübarizə aparacaqlar.
Olimpiadanın final mərhələsi cari ilin 8 may tarixində AMEA-nın İnformasiya Texnologiyaları İnstitutunda olacaq.
|
|
13.04.10 Məqaləni oxumaq
|
| |
|
|
|
Bu gün uşaq və yeniyetmələrin elmi-texniki yaradıcılıq sərgisi keçirilib
|
|
Bu gün “Ləndmark” otelinin Rotunda zalında Təhsil Nazirliyi tərəfindən elan olunan uşaq və yeniyetmələrin elmi-texniki yaradıcılıq müsabiqəsinin yekunları ilə bağlı sərgi keçirilib. KƏLAMİNFO xəbər verir ki, təhsil naziri Misir Mərdanov, gənclər və idman naziri Azad Rəhimov, millət vəkilləri və təhsil ictimaiyyətinin iştirak etdiyi sərgidə çıxış edən təhsil nazirinin müavini Elmar Qasımov məlumat verib ki, müsabiqədə 8 yaşdan 18 yaşadək uşaq və yeniyetmə iştirak edib.
3 mərhələdə reallaşan müsabiqə texniki yaradıcılığın 5 növü üzrə 15 nominasiyada keçirilib. Müsabiqənin keçirilməsində məqsəd uşaq və yeniyetmələrin elmi-texniki potensialının üzə çıxarılması, onların yaradıcılığının inkişaf etdirilməsi üçün stimulun yaradılması və onlar arasında təcrübə mübadiləsinin təşkil olunmasından ibarətdir.
|
|
12.04.10 Məqaləni oxumaq
|
| |
|
|
|
AzərTAc saytının dizaynında dəyişiklər edib
|
|
Azərbaycan Dövlət Teleqraf Agentliyi – AzərTAc özünün www.azertag.com saytının dizaynında dəyişiklər edib. KƏLAMİNFO xəbər verir ki, saytın yeni dizaynında bu sahənin ən son tendensiyalarının əlamətləri nəzərə alınıb, resursun kontenti isə indi daha sürətlə yüklənir. Daha rahat naviqasiya ilə təmin olunmuş saytın birinci səhifəsi lazımi bölməyə tez keçməyə imkan verir. Əvvəlki versiyada olduğu kimi burada da multimedia blokları mövcuddur. Resursun bölmələri də, elə bölünüb ki, istifadəçinin seçimi üzrə Azərbaycan və xarici xəbərlərlə ayrıca tanış olmaq mümkündür.
Saytda ən son xəbərləri izləmək imkanı verən yenilənmiş xəbər lenti və “Günün xəbərləri” bölmələri də yerləşdirilib.
Qeyd edək ki, yeni dizayn Azeriland şirkəti tərəfindən hazırlanıb.
|
|
10.04.10 Məqaləni oxumaq
|
| |
|
|
|
DAK İsveçdə simpozium keçirəcək
|
|
Sabah Dünya Azərbaycanlıları Konqresi (DAK) İsveçin paytaxtı Stokholm şəhərində 1918-ci ilin martında Azərbaycanın quzeyində və güneyində ermənilərin Azərbaycan türklərinə qarşı həyata keçirdiyi soyqırım aktlarını dünya ictimaiyyətinə çatdırmaq məqsədilə simpozium keçirəcək. Bu barədə məlumatı KƏLAMİNFO-ya DAK-dan veriblər.
Tədbir DAK və “Odlar Yurdu” dərnəyinin birgə təşkilatçılığı ilə baş tutacaq. Tədbirdə DAK Daimi Şurasının sədri Əjdər Tağızadə, Azərbaycanın İsveç Krallığındakı fövqəladə və səlahiyyətli səfiri Rafael İbrahimov, Milli Məclisin deputatı Baba Tağıyev və bu ölkədə fəaliyyət göstərən diaspor təşkilatlarının təmsilçiləri iştirak edəcəklər.
|
|
09.04.10 Məqaləni oxumaq
|
| |
|
|
|
|
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
