|
|
|
|
“Uydurma tarixin görünən və görünməyən tərəfləri” adlı konfrans keçirilib
|
|
Bu gün Azərbaycan Jurnalist Qadınlar Assosasiyası və TREND İnformasiya Agentliyinin təşkilatçılığı ilə “Uydurma tarixin görünən və görünməyən tərəfləri” adlı konfrans keçirilib. KƏLAMİNFO xəbər verir ki, tədbirdə Assosasiyanın prezidenti Sevil Yusifova bildirib ki, konfransın keçirilməsində məqsəd ermənilərin qaldırdığı qondarma soyqırım iddialarına qarşı ciddi faktlar və elmi araşdırmaları ictimaiyətə təqdim etməkdir. Onun sözlərinə görə, tədbir həmçinin Türkiyə-Azərbaycan qardaşlığının sarsılmazlığını bir daha dünyaya nümayiş etdirmək, həqiqətlərin aşkar olunmasında elm adamları və medianın əməkdaşlığına nail olmaqdır.
|
23.04.10 Məqaləni oxumaq
|
| |
|
|
|
Rəqəmli televiziya yayımına keçid 2012-ci ildə baş tutacaq
|
|
Azərbaycanda rəqəmli televiziya yayımına keçidin 2012-ci ildə başa çatdırılması planlaşdırılır. Bu barədə məlumatı KƏLAMİNFO-ya Dövlət Radiotezliklər İdarəsindən (DRİ) veriblər.
Beynəlxalq Telekommunikasiya İttifaqının qərarına əsasən 2015-ci ilədək bütün dünyada televiziya və radio verilişləri rəqəmli yayıma keçiriləcək və həmin vaxtdan etibarən əvvəlki radio və televizorların istehsalı dayandırılacaq. Bu sistemə keçid keyfiyyəti artırmaqla yanaşı, yeni xidmətlərin göstərilməsinə şərait yaradacaq.
|
|
23.04.10 Məqaləni oxumaq
|
| |
|
|
|
Nuşirəvan Məhərrəmli: “Ölkədə teleradioların fəaliyyəti ictimaiyyəti ciddi narahat edir”
|
|
Ölkədə teleradioların fəaliyyəti ictimaiyyəti ciddi narahat edir. Buna “Qaynar xətt”imizə daxil olan çoxsaylı müraciətlərdə də şahid oluruq. Bu barədə açıqlama ilə Milli Televiziya və Radio Şurasının sədri Nüşirəvan Məhərrəmli çıxış edib.
“MTRŞ yarandığı ilk gündən qarşısına məqsəd qoyub ki, inzibati yollarla deyil, qarşılıqlı anlaşma şəraitində problemləri həll etsin. Hazırda ən narahedici məsələ verilişlərin keyfiyyətidir. Ötən il aparılan danışıqlardan sonra bu vəziyyət yaxşılğa doğru hiss olunurdusa, cari ilin fevral, mart və aprel aylarında aparılan araşdırmalar göstərdi ki, şou xarakterli verilişlərin artma tendensiyası var. Son zaman qalmaqallardan bəhs edən verilişlərin sayı artmaqdadır, aparıcıların səhnə, geyim mədəniyyətinin aşağı səviyyədə olması hiss edilir. İstərdik ki, televiziyalarda 50%-dən çox yerli istehsallı filmlər, kliplər nümayiş olunsun. MTRŞ reklam bazarına bilavasitə təsir edə bilmir, ancaq mədəniyyət kanalının yaradılması digər kanalların reklam bazarına təsir edə bilər”,-deyə MTRŞ sədri əlavə etdi.
|
|
22.04.10 Məqaləni oxumaq
|
| |
|
|
|
Ölkə telekanallarında milli filmlərin nümayişi problemə çevrilib
|
|
Hazırda ölkə telekanallarında milli filmlərin nümayişi problemə çevrilib. KƏLAMİNFO xəbər verir ki, bu barədə açıqlama ilə Milli Televiziya və Radio Şurasının (MTRŞ) sədri Nüşrəvan Məhərrəmli çıxış edib.
N.Məhərrəmli qeyd edib ki, hər il dövlət büdcəsindən ayrılan vəsait hesabına 8 bədii film çəkilir. “Son beş ildə təxminən 40-dan çox film çəkilib. Buna baxmayaraq, mən hələ də bu müddət ərzində çəkilən filmləri telekanallarımızın efirində görməmişəm. Mən bu məsələni Mədəniyyət və Turizm Nazirliyi ilə müzakirə edəcəm. Əgər dövlət büdcəsindən pul ayrılıb bu filmlər çəkilirsə, telekanallarımızda da onların nümayiş etdirilməsinə kəskin ehtiyac var”,-deyə MTRŞ sədri vurğulayıb.
|
|
21.04.10 Məqaləni oxumaq
|
| |
|
|
|
BDU-da “Erməni saxtakarlığı və vandalizmi: Azərbaycan jurnalistləri bu barədə nə düşünür?” mövzusunda Dəyirmi masa keçirildi
|
|
Bu gün Bakı Dövlət Universitetində (BDU) “Erməni saxtakarlığı və vandalizmi: Azərbaycan jurnalistləri bu barədə nə düşünür?” mövzusunda Dəyirmi masa keçirildi. KƏLAMİNFO xəbər verir ki, tədbirdə çıxış edən BDU-nun rektoru, akademik Abel Məhərrəmov bildirdi ki, son vaxtlar erməni yalanları, saxta “soyqırımı” iddiaları sistemli hal olaraq aktuallaşıb. Azərbaycan torpaqlarında özlərinə dövlət quran ermənilərin hər il ənənəvi olaraq bütün dünyada saxta təbliğat apardıqlarını diqqətə çatdıran A.Məhərrəmov bildirib ki, hətta onlar bir sıra hallarda dünyanın bəzi tanınmış şəxslərini də bu təbliğata inandıra bilir və saxta iddiaları parlamentlərin müzakirəsinə çıxarılmasına nail olurlar. Ermənilərin saxta uydurmalarına qarşı və həqətlərimizi dünyaya çatdırmaqla bağlı milli Konsepsiyanın hazırlanmasının zəruri olduğunu diqqətə çatdıran A.Məhərrəmov əlavə edib ki, həmin sənəd dövlət tərəfindən təsdiq olunmalı və onun önündə siyasətçilər durmalıdır. Onun sözlərinə görə, sözügedən Konsepsiya dövlətin strateji xətti olmalıdır. “Bu istiqamətdə gücümüzü birləşdirərək yeni düşüncə ortaya qoymalıyıq”,-deyə A.Məhərrəmov təklifini səsləndirdi.
|
|
21.04.10 Məqaləni oxumaq
|
| |
|
|
|
“Mominun” və “Nur” İlahi Nəğmələr Qrupları ABŞ mətbuatında İslam Peyğəmbərinin (s) təhqir olmasını pisləyən bəyanat yayıb
|
|
“Mominun” İlahi Nəğmələr Qrupunun bədii rəhbəri Hacı Məhdi Dərbəndi və “Nur” İlahi Nəğmələr Qrupunun bədii rəhbəri Məşhədi Rahim Dərviş ABŞ mətbuatında İslam Peyğəmbəri Həzrət Muhəmmədin (s) təhqir olunması ilə bağlı bəyanat yayıblar. KƏLAMİNFO xəbər verir ki, bəyanatda bildirilir ki, ABŞ mətbuatında İslam dini müqəddəslərinə qarşı təhqir kuliminasiya həddinə çatıb. Amerika telekanallarının birində “South Park” animasiya serialında İslam Peyğəmbərinin (s) təhqirinə yol açan kadrlar nümayiş olunub. “South Park” animasiya serialı bir neçə il öncə də Həzrət Musa (ə), Həzrət İsa (ə) və Həzrət Muhəmmədin (s) təhqrinə yol açan filmlər yayımlayıb. Bu dəfə İslam Peyğəmbəri (s) ilə yanaşı, dinimizin ehtiramını qorumağı hər bir müsəlmana əmr etdiyi məsum peyğəmbərlərdən Həzrət İsanı (ə) da ayı kostyumu geyinmiş vəziyyətdə ekranlarda nümayiş etdirib.
Bəyanatda qeyd olunur ki, bu kimi halları kəskin tənqid edərək biz bir daha bu cür halların yolverilməz olduğunu bildirərək demokratik dəyərlərilə dünyaya meydan oxuyan ABŞ-a mövcud aşağılamalara son qoymağı tələb edirik.
|
|
20.04.10 Məqaləni oxumaq
|
| |
|
|
|
Bakıda “Azərbaycanda 2010-cu il parlament seçkiləri: daha demokratik, daha şəffaf” mövzusunda beynəlxalq konfrans başlayıb
|
|
Bu gün Avropa otelində, “Azərbaycanda 2010-cu il parlament seçkiləri: daha demokratik, daha şəffaf” mövzusunda beynəlxalq konfrans öz işinə başlayıb. KƏLAMİNFO xəbər verir ki, konfrans Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) və Fransanın “Avrasiya - Yeni Üfüqlər” təşkilatı tərəfindən təşkil edilib.
Tədbirdə çıxış edən “Avrasiya Yeni Üfüqlər” Təşkilatının sədri Tyeri Mariani bildirib ki, son illər Azərbaycanın bir sıra sahələrdə olduğu kimi, ictimai-siyasi həyatında da müvəffəqiyyətləri var. O, payızda keçiriləcək parlament seçkilərinin də demokratik başa çatacağına inandığını vurğulayıb.
|
|
17.04.10 Məqaləni oxumaq
|
| |
|
|
|
Sosial müdafiəyə ehtiyacı olan uşaqlar İstanbulda “IV Beynəlxalq Gülən Uşaq Festivalı”nda iştirak edəcəklər
|
|
Aprelin 17-21-i tarixlərində Gənclər və İdman Nazirliyi sosial müdafiəyə ehtiyacı olan uşaqların 9 nəfərdən ibarət nümayəndə heyətini “IV Beynəlxalq Gülən Uşaq Festivalı”nda iştirak etmək məqsədilə Türkiyənin İstanbul şəhərinə ezam edəcək. Bu barədə məlumatı KƏLAMİNFO-ya Nazirliyin mətbuat xidmətindən veriblər.
Festivalda dünyanın 10 ölkəsindən 100-dən artıq nümayəndənin iştirakı nəzərdə tutulub. Festival çərçivəsində iştirakçıların müxtəlif göstərişləri, ağacəkmə şənliyində iştirakı, İstanbulun tarixi və mədəni yerlərilə tanışlığı nəzərdə tutulub.
|
|
17.04.10 Məqaləni oxumaq
|
| |
|
|
|
Ombudsman Aparatının əməkdaşları 11 saylı Cəzaçəkmə Müəssisəsinə baxış keçiriblər
|
|
Ombudsman Aparatının əməkdaşları İşgəncələr Əleyhinə Milli Preventiv Mexanizmin (MPM) funksiyalarının icrası məqsədilə 11 saylı Cəzaçəkmə Müəssisəsinə baxış keçiriblər. Ombudsman Aparatından KƏLAMİNFO-ya verilən məlumata görə, MPM qrupunun üzvləri Müvəkkilin ünvanına daxil olan müraciəti araşdırıblar.
Onlar bu müəssisədə saxlanılan şəxslərlə görüşərək söhbət aparıb, həmin şəxslərə hüquqlarını və Ombudsman haqqında Konstitusiya Qanununun müddəalarını izah ediblər. Məhkumlar saxlanma şəraitindən, müəssisənin rəhbərliyi və əməkdaşları tərəfindən onlara qarşı rəftardan narazı olmadıqlarını söyləyiblər. Müəssisənin yataq korpuslarına, məhkumların yaxınları ilə görüş yerlərinə, tibb hissəsinə, istehsalat yerlərinə, mətbəxə, yeməkxanaya və hamama baxış zamanı pozuntu halları aşkar edilməyib. Qeyd olunub ki, yataq korpuslarının dam örtüyü təzələnir, görüş yerləri və hamam təmir olunmaqdadır.
Müvəkkilin nümayəndələri müəssisənin cərimə təcridxanasına baxış keçirib, orada saxlanılan məhkumlarla söhbət aparıblar.
|
|
16.04.10 Məqaləni oxumaq
|
| |
|
|
|
Kitabxana Direktorlar Şurası seminar təşkil edəcək
|
|
Cari il aprelin 16-da Kitabxana Direktorlar Şurası Nərimanov və Binəqədi rayonlarının kitabxana işçilərinə metodiki kömək məqsədilə “Kitabxanalarda oxuculara biblioqrafik xidmətin təşkili” mövzusunda seminar keçirəcək. Bu barədə məlumatı KƏLAMİNFO-ya Şuradan veriblər.
Seminarda soraq-biblioqrafiya aparatına daxil olan kataloq və kartotekalar sisteminin əhəmiyyəti və təşkili, onların tərkib hissələri haqqında müzakirələr olacaq. Oxucuların müxtəlif sorğuların biblioqrafik üsullarla ödənilməsi, aktual mövzuların kataloq və kartotekalarda əks etdirilməsi, biblioqrafik biliklərin təbliği və s. məsələlərlə əlaqədar məruzələr dinləniləcək, tövsiyyələr veriləcək.
|
|
14.04.10 Məqaləni oxumaq
|
| |
|
|
|
|
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
