|
|
|
|
Adil Qəribov Vyanada Beynəlxalq Atom Enerjisi Agentliyinin illik hesabat konfransında iştirak edir
|
|
AMEA Radiasiya Problemləri İnstitutunun direktoru, AMEA-nın müxbir üzvü Adil Qəribov Vyanada Beynəlxalq Atom Enerjisi Agentliyinin (BAEA) nüvə elmləri informasiya sistemi mövzusunda illik hesabat konfransında iştirak edir. Bu barədə məlumatı KƏLAMİNFO-ya Radiasiya Problemləri İnstitutundan veriblər. Oktyabrın 31-nə kimi davam edəcək konfransda nüvə tədqiqatlarının problemləri və perspektivləri müzakirə olunacaq. A.Qəribovun konfransda çıxış edəcəyi gözlənilir.
|
27.10.10 Məqaləni oxumaq
|
| |
|
|
|
Ombudsman “Xəzər” İnformasiya Mərkəzinin direktorunu qəbul edib
|
|
Ombudsman Elmira Süleymanova Londondakı “Xəzər” İnformasiya Mərkəzinin direktoru Gerald Frostu onun xahişi ilə qəbul edib. Ombudsman Aparatının mətbuat xidmətindən KƏLAMİNFO-ya verilən məlumata görə, görüşdə E.Süleymanova qonağa rəhbərlik etdiyi qurumun mandatı, yerli və beynəlxalq təşkilatlarla əməkdaşlığı və digər məsələlərlə bağlı məlumat verib.
O, qonağın ölkədə qadın hüquqlarının müdafiəsi, qadınların idarəetmədə iştirakı ilə bağlı sualını cavablandıraraq, son bələdiyyə seçkilərində Azərbaycanın yerli özünüidarəetmə orqanlarına seçilən namizədlərin orta hesabla 26,6 faizini qadınların təşkil etdiyini və bu göstəricinin əvvəlki seçkilərə nisbətən xeyli yüksək olduğunu vurğulayıb. Müvəkkil müvafiq nazirlik və komitələrdə, yerli özünüidarəetmə orqanlarında, o cümlədən rayon icra hakimiyyətlərində qadınların yüksək vəzifələrdə çalışdığını diqqətə çatdırıb. O, idarəçilikdə qadınların fəallığının, təmsilçiliyinin artırılmasının ölkəmizdə gender siyasətinin uğurla gerçəkləşdirilməsinə kömək edəcəyini söyləyib.
E.Süleymanova ölkəmizdə həyata keçirilən dövlət siyasətində uşaqlara göstərilən diqqət, məhkəmə-hüquq islahatları və digər həyata keçirilən tədbirlər barədə də məlumat verib.
Ombudsman təsisatında hazırlanan hüquqi ədəbiyyat qonağa təqdim olunub.
Qonaq Ombudsmanın fəaliyyətini yüksək qiymətləndirib, səmimi qəbul, ətraflı fikir mübadiləsi üçün təşəkkürünü bildirib.
|
|
26.10.10 Məqaləni oxumaq
|
| |
|
|
|
İTV-də bu gecə bölgələrin namizədləri aktiv olacaq
|
|
Bu gün İctimai Tv-də 5 seçki dairəsini təmsil edən namizədlərin iştirakı ilə növbəti debat keçiriləcək. MSK-dan KƏLAMİNFO-ya verilən məlumata görə, 43 saylı Sumqayıt üçüncü, 66 saylı Biləsuvar, 71 saylı Masallı kənd, 107 saylı Qazax və 112 saylı Qax seçki dairələrinin namizədləri çıxış edəcək.
Qeyd edək ki, tamaşaçılar 66 saylı Biləsuvar seçki dairəsindən Xanhüseyn Kazımlı, 71 saylı Masallı kənd seçki dairəsindən millət vəkili Elmira Axundova və 9 namizədin təmsil olunduğu 107 saylı Qazax seçki dairəsinin namizədlərinin çıxışlarını izləyəcəklər.
Xatırladaq ki, hər namizədə 4 dəqiqəlik vaxt ayrılır
|
|
25.10.10 Məqaləni oxumaq
|
| |
|
|
|
MSK bu gündən dairə secki komissiyalarında seçki bülletenlərinin paylanılmasına start verir
|
|
Mərkəzi Secki Komissiyası (MSK) bu gündən dairə secki komissiyalarında seçki bülletenlərinin paylanılmasına start verir. MSK-dan KƏLAMİNFO-ya verilən məlumata görə, bülütenlərin çapına oktyabrın 22-də Milli Məclisin mətbəəsində başlanılıb. Bülletenlər qanunvericiliyə əsasən, seçicilərin sayından 3 faiz artıq çap olunub. Bu isə 5 mln. 96 min 574 bülleten deməkdir. Qeyd edək ki, MSK, seçki bülletenlərinin doldurulması qaydalarının sadə olaraq hazırlanacağını bildirib. Bülletendə namizədlərin ad-soyadları əlifba sırasına görə yazılacaq. Siyasi partiya və blokların namizədlərinin adının qarşısında onun təmsil olunduğu partiya və ya seçki blokunun adı və emblemi də olacaq. Bülletenlərdə hər namizədin adının qarşısında səs vermək üçün kvadrat yerləşdiriləcək.
|
|
25.10.10 Məqaləni oxumaq
|
| |
|
|
|
Bu gün seçkilərlə bağlı seçki bülletenlərinin çapına başlanılır
|
|
Bu gün saat 12.00-dan etibarən cari il noyabarın 7-nə təyin edilmiş Milli Məclisə seçkilərlə bağlı seçki bülletenlərinin çapına başlanılır. Bu barədə məlumatı KƏLAMİNFO-ya Mərkəzi Seçki Komissiyasından veriblər.
Seçki bülletenləri Milli Məclisinin mətbəəsində (ünvan Yasamal rayonu, Azad Mirzəyev küç.236-Statistika İdarəsinin solunda) mətbəə üsulu ilə çap ediləcək. Bülletenlərin mətni, forması, sayı və hazırlanması qaydasına dair də qərar Mərkəzi Seçki Komissiyasının 1 oktyabrda keçirilmiş iclasında qəbul edilib. Çap prosesini izləmək üçün Mərkəzi Seçki Komissiyasının sədri Məzahir Pənahov saat 14.00-da mətbəəyə gələcək. MSK da akkreditasiyadan keçmiş KİV nümayəndələri və beynəlxalq qurumların təmsilçiləri də dəvətlidir.
P.S. Mərkəzi Seçki Komissiyasının "Bülletenləirn mətni, forması, sayı və hazırlanması qaydasına dair qərar" əlavə olunub.
|
|
23.10.10 Məqaləni oxumaq
|
| |
|
|
|
ETSN-nin “Qaynar xətt” xidmətinə tullantıların qalaqlanması və yandırılması ilə bağlı 20 müraciət daxil olub
|
|
Ekologiya və Təbii Sərvətlər Nazirliyinin 24 saat fəaliyyət göstərən “Qaynar xətt”i (439-18-63, 438-13-35) vasitəsilə ölkə ərazisində ətraf mühitin mühafizəsi, ekoloji tarazlığın qorunması, ekoloji qanun pozuntuları barədə müraciətlər qəbul edilir. Cari iin III rübü ərzində “Qaynar xətt”ə tullantıların qalaqlanması və yandırılması ilə bağlı 20 sayda müraciət daxil olub və Nazirliyin müvafiq qurumlarının əməkdaşları tərəfindən yerində araşdırılaraq qanunamüvafiq tədbirlər görülüb. Bu barədə məlumatı KƏLAMİNFO-ya ETSN-dən veriblər. Binəqədi rayonu Biləcəri qəsəbəsi 5-ci Dağlı küçəsi 2 ünvanında yaşayan A.Eyvazlı, həmin rayonun 9-cu mikrorayon A.Məmmədov küçəsində yaşayan S.Hüseynov tərəfindən məişət tullantılarının qalaqlanması və yandırılması ilə əlaqədar daxil olmuş şikayətlər yerində araşdırılıb və qeyd olunan faktlar öz təsdiqini tapmayıb.
|
|
22.10.10 Məqaləni oxumaq
|
| |
|
|
|
Ermənilər atəşkəsi pozmaqda davam edir
|
|
Ermənilər dünən saat 11.00-dan 11.30-dək və 16.20-dən 16.25-dək Xocavənd rayonu ərazisindəki adsız yüksəkliklərdə yerləşən mövqelərdən, saat 15.50-dən 16.10-dək, 16.20-dən 16.30-dək və 21.15-dən 21.20-dək Füzuli rayonu Aşağı Əbdürrəhmanlı, Qaraxanbəyli və Horadiz kəndləri yaxınlığında yerləşən mövqelərdən, saat 16.50-dən 17.30-dək Goranboy rayonu Tapqaraqoyunlu kəndi yaxınlığında və adsız yüksəkliklərdə yerləşən mövqelərdən, saat 23.15-dən 23.40-dək və oktyabrın 21-də saat 00.30-dan 01.10-dək, 05.05-dən 05.15-dək Tərtər rayonu Çaylı və Qızıl Oba, saat 00.55-dən 02.10-dək isə fasilələrlə Ağdam rayonu Cəvahirli kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutub. Bu barədə məlumatı KƏLAMİNFO-ya Müdafiə Nazirliyi mətbuat xidmətindən veriblər. Düşmən cavab atəşi ilə susdurulub, itki yoxdur.
|
|
21.10.10 Məqaləni oxumaq
|
| |
|
|
|
Bu axşam İTV-də bölgələrin təmsilçiləri çıxış edəcək
|
|
Bu gün İctimai TV-də saat 21-00-dan başlayan namizədlərin təşviqat kampaniyasında növbəti debat təşkil olunacaq. İTV-dən KƏLAMİNFO-ya verilən məlumata görə, bugünki canlı efirdə bölgələrdəki dairələrin namizədləri çıxış edəcək.
48 saylı Yevlax, 55 saylı Xaçmaz şəhər, 61 saylı Neftçala, 81 saylı Beyləqan, 88 saylı Göyçay, 115 saylı Şəki kənd ikinci seçki dairələri üzrə deputatlığa namizədlər iştirak edəcək. Həmin namizədlər arasında üç jurnalist “Kür” qəzetinin müxbiri Xanım Nəsibova, “Paralel” qəzetinin baş redaktoru Abbas Tapdıq və “Azad yeni fikir” qəzetinin baş redaktoru Aqil Mahmudov, üç deputat Sabir Hacıyev, İlham Məmmədov və Lalə Abbasovanın adına da rast gəlmək olar.
|
|
21.10.10 Məqaləni oxumaq
|
| |
|
|
|
Bu gün Ümumdünya Statistika Günüdür
|
|
Bu gün Ümumdünya Statistika Günüdür. KƏLAMİNFO xəbər verir ki, Azərbaycan Dövlət Statistika Komitəsinin mətbuat xidmətinin yaydığı məlumata görə, BMT-nin BA-nın 64/267 nömrəli qətnaməsinə əsasən 2010-cu il oktyabr ayının 20-i Ümumdünya Statistika Günü elan edilib və onun “Rəsmi statistikanın bir çox nailiyyətlərinin bayram edilməsi” mövzusu üzrə keçirilməsi qərara alınıb. Bu qətnaməni qəbul etməklə Baş Assambleya etibarlı statistika məlumatlarının hazırlanmasında milli statistika təşkilatlarının fundamental əhəmiyyətini rəsmi təsdiq edib. BMT-nin Baş katibi Pan Gi Mun dünyanın bütün dövlət başçılarına bu haqda müraciət edərək xahiş edib ki, Ümumdünya Statistika Gününün yüksək səviyyədə qeyd olunmasına kömək göstərsinlər. Son məlumata görə 100-dən çöx ölkədə, habelə BMT və digər beynəlxalq təşkilatlar tərəfindən Ümumdünya Statistika Günü təntənəli şəkildə qeyd ediləcək.
|
|
20.10.10 Məqaləni oxumaq
|
| |
|
|
|
MŞ sədri Ə. Amaşov Türkiyəyə gedir
|
|
Azərbaycan Mətbuat Şurasının (MŞ) sədri Əflatun Amaşov Türkiyə Qəzetəcilər Federasiyasının illik toplantısına qatılacaq. MŞ-dən KƏLAMİNFO-ya verilən məlumata görə, tədbir oktyabrın 20-dən 23-dək Türkiyənin Kayseri şəhərində keçiriləcək.
MŞ sədri toplantıda Azərbaycan mətbuatının tarixi və bu günkü durumu, Azərbaycan və Türkiyə media qurumlarının münasibətlərinə dair məruzə ilə çıxış edəcək. Ə.Amaşovey səfər çərçivəsində Kayseridə ermənilərin azərbaycanlılara qarşı soyqımı ilə bağlı təşkil olunacaq sərgidə iştirakı da nəzərdə tutulub.
Qeyd edək ki, Azərbaycandan Türkiyə Qəzetəcilər Federasiyasının illik toplantısına qatılacaq nümayəndə heyətinin tərkibinə MŞ sədrinin müavini, Jurnalistlərin Həmkarlar İttifaqının sədri Müşfiq Ələsgərli və Tərəfsiz Jurnalistlər İctimai Birliyinin sədri Elşad Eyvazlı daxildir.
|
|
20.10.10 Məqaləni oxumaq
|
| |
|
|
|
|
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
