|
|
Səhifələr : # « 8 9 10 11 12 13 14 15 16 » #
|
|
Əbülfəs Qarayev QDİƏT Baş katibini qəbul edib
|
|
Mədəniyyət və turizm naziri Əbülfəs Qarayev Qara Dəniz İqtisadi Əməkdaşlıq Təşkilatının (QDİƏT) Baş katibi Viktor Tvirkunu qəbul edib. Nazirlikdən “KƏLAMİNFO” verilən xəbərə görə, görüşdə QDİƏT ilə mədəniyyət və turizm sahəsində əməkdaşlıq məsələləri müzakirə olunub.
Ə.Qarayev QDİƏT ilə əməkdaşlığa böyük önəm verildiyini xüsusilə qeyd edib. 2007-ci ildə QDİƏT-nn Mədəniyyət üzrə İşçi Qrupunun ilk iclasını xatırladan nazir 2009-cu ildən etibarən Mədəniyyət və Turizm üzrə İşçi qrupların birləşdirilməsindən sonra təşkilatla əməkdaşlıqda irəliləyişlərin olduğunu V.Tvirkunun diqqətinə çatdırıb.
|
27.11.12 Məqaləni oxumaq
|
| |
|
|
|
Serj Sarkisyan: “Dağlıq Qarabağ probleminin güc yolu ilə həlli variantını istisna edirik”
|
|
Livana rəsmi səfər edən Ermənistan prezidenti Serj Sarkisyan Beyrutda keçirdiyi brifinqdə Dağlıq Qarabağ problemindən bəhs edib. “KƏLAMİNFO” erməni mətbuatına istinadən xəbər verir ki, o deyib ki, Ermənistan Cənubi Qafqazda sülh və sabitliyə yönəlmiş siyasət aparır: “Biz Dağlıq Qarabağ probleminin güc yolu ilə həlli variantını istisna edirik. Problemin ATƏT-in Minsk qrupunun vasitəçiliyi çərçivəsində dinc həlli öhdəliyinə sadiqik”.
|
|
27.11.12 Məqaləni oxumaq
|
| |
|
|
|
“Özəl və dövlət sektorunda korporativ idarəetmə” mövzusunda “Master class” təşkil olunacaq
|
|
Dekabrın 4-ü Azərbaycan Prezidenti yanında Strateji Araşdırmalar Mərkəzi (SAM) və Pricewaterhouse Coopers (PwC) Azərbaycan şirkəti tərəfindən “Özəl və dövlət sektorunda korporativ idarəetmə” mövzusunda “Master class” təşkil olunacaq. SAM-dan “KƏLAMİNFO”ya verilən məlumata görə, təlim PwC-nin Dövlət və İctimai Sektor üzrə Xidmətlər Praktikasının Qlobal lideri Yan Sturesson tərəfindən keçiriləcək.
Yan Struesson korporativ idarəetmə, strateji inkişaf, innovasiya və liderlik sahəsində dövlət və özəl sektora xidmətlərin göstərilməsi üzrə PwC-nin Baş Qlobal Məsləhətçidir.
O, hazırda Dünya İqtisadi Forumunun (“World Economic Forum”) və Qlobal Məsələlər Şurasının (“Global Agenda Council”) “Qlobal təşkilatlarda idarəetmənin gələcəyi (“Future of governance in global organizations”) forumunun üzvüdür.
|
|
26.11.12 Məqaləni oxumaq
|
| |
|
|
|
SAM-ın eksperti Frankfurt şəhərində “Frankfurt Qaz Forumu”nda iştirak edəcək
|
|
27-28 noyabr 2012-ci il tarixlərində Almaniyanın Frankfurt şəhərində “Frankfurt Qaz Forumu” keçiriləcək. Strateji Araşdırmalar Mərkəzi (SAM) bu əhəmiyyətli forumda akademik tərəfdaş qismində çıxış edəcək. SAM-dan “KƏLAMİNFO”ya verilən məlumata görə, Forumda mərkəzin enerji məsələləri üzrə aparıcı elmi işçisi Gülmira Rzayeva “Azərbaycanın Cənub Qaz Dəhlizinə baxışı: milli prioritetlər və beynəlxalq öhdəliklərin balanslaşdırılması” mövzusunda məruzə ilə çıxış edəcək.
Forumda Avropanın enerji sahəsi üzrə komissarı Günter Otinger (Belçika), Avropa Birliyinin Azərbaycan Respublikası üzrə nümayəndə heyətinin rəhbəri Roland Kobiya, Azərbaycan Dövlət Neft Şirkətinin vitse-prezidenti Elşad Nəsirov, Beynəlxalq Nabucco Qaz Boru kəmərlərinin icraçı direktoru Reinxard Mitşek (Vyana, Avstriya), BP-nin Şah dəniz layihəsi üzrə vitse-prezidenti Al Kuk (İngiltərə), “Xəzər dəniz Təchizat və Ehtiyatlar, Mərkəzi Asiya, Təchizat və Ticarət RWE GmbH Almaniya”nın rəhbəri Volfqanq Piter, TAP layihəsinin rəhbəri Kjetil Tunqland, “Qazprom Eksport” şirkətinin “Müqavilə Təşkili və Qiymətin Formalaşdırılması” üzrə İdarə Heyətinin sədri Sergey Komlev (Rusiya) və digər məruzəçilərin çıxışları planlaşdırılır.
|
|
24.11.12 Məqaləni oxumaq
|
| |
|
|
|
Şərqşünas alim: Erməni tarixçilərinin əzəli Azərbaycan torpaqlarına qarşı irəli sürdükləri iddialar əsassızdır
|
|
AMEA akademik Z.Bünyadov adına Şərqşünaslıq İnstitutunun “Türkiyə tarixi və iqtisadiyyatı” şöbəsinin elmi işçisi, tarix üzrə fəlsəfə doktoru Cavid Qasımov İstanbulda keçirilən “Osmanlı arxiv mirasının qorunması və idarə edilməsi” adlı Beynəlxalq konqresdə iştirak edib. Şərqşünaslıq İnstitutundan “KƏLAMİNFO”ya verilən məlumata görə, konfransda C.Qasımov “Rəvan (İrəvan) və Naxçıvanın etnik-siyasi tarixinin öyrənilməsində Osmanlı dövləti tərəfindən hazırlanan müfəssəl dəftərlərin əhəmiyyəti” mövzusunda məruzə ilə çıxış edib. C.Qasımov öz məruzəsində 1590 və 1728-ci illərdə İrəvan və Naxçıvanla bağlı olaraq, Osmanlı dövləti tərəfindən tərtib edilən müfəssəl və icmal dəftərləri haqqında məlumat verərək, erməni tarixçilərinin adları çəkilən əzəli Azərbaycan torpaqlarına qarşı irəli sürdükləri iddiaların əsassız olduğunu tədbir iştirakçılarının nəzərinə çatdırıb.
Qeyd edək ki, konfransda 30-dan çox xarici ölkə tarixçiləri iştirak edib.
|
|
23.11.12 Məqaləni oxumaq
|
| |
|
|
|
Ombudsman Aparatının əməkdaşları başçəkmələr həyata keçiriblər
|
|
Ombudsman Elmira Süleymanovanın tapşırığına əsasən Müvəkkilin İşgəncələrin qarşısının alınması üzrə Milli Preventiv Qrupunun üzvləri Ədliyyə Nazirliyi Penitensiar Xidmətinin 3 saylı İstintaq Təcridxanasına və Daxili İşlər Nazirliyinin Xəzər Rayon Polis İdarəsinin müvəqqəti saxlama yerinə başçəkmə həyata keçiriblər. Ombudsman Aparatının mətbuat xidmətindən “KƏLAMİNFO”ya verilən məlumata görə, başçəkmədə məqsəd rəftar və saxlanma şəraitinin araşdırılması olub. 3 saylı İstintaq Təcridxanasında saxlanılan bir neçə şəxslə görüş zamanı onlar rəftar və saxlanma şəraitindən şikayət etməyiblər. Təcridxananın kameralarına baxış keçirilib və müəyyən edilib ki, bir çox kameralarda təmir işləri aparılıb. Kameralar elektriklə işləyən radiatorlarla təmin edilib. Başçəkmə zamanı həmçinin məhkumlar üçün yeməkxanada hazırlanan yeməyin keyfiyyəti yoxlanılıb. Eyni zamanda təqsirləndirilən şəxslərin yaxınları və ailə üzvləri ilə əlaqə saxlamaları üçün nəzərdə tutulan telefon kabinələri hazır vəziyyətə gətirilib.
|
|
22.11.12 Məqaləni oxumaq
|
| |
|
|
|
Bahar Muradova: “Ermənistanı sülhə vadar etmək olar”
|
|
“Növbəti dəfə ATƏT Minsk Qrupunun həmsədrlərinin regiona edəcəkləri səfərdən yeni bir şey, hansısa təkliflər gözləmirəm”. “KƏLAMİNFO” xəbər verir ki, bu barədə jurnalistlərə açıqlamasında Milli Məclisin vitse-spikeri Bahar Muradova bildirib.
O qeyd edib ki, Dağlıq Qarabağ münaqişəsilə bağlı vəziyyətin bu şəkildə qalmasının özü anormal haldır: “Həmsədrlərin regiona səfəri nəticəsində danışıqlar prosesini bu vəziyyətdən çıxarmaq istiqamətində hansısa tərpəniş ola bilər. Səfərləri danışıqlar prosesində tərpənişin əlaməti kimi qiymətləndirmək olar”. Vitse-spiker deyib ki, beynəlxalq hüququn prinsipini pozan, konstruktivlikdən uzaq mövqe sərgiləyən Ermənistana təzyiq olmalıdır: “Təzyiqin ən müxtəlif formaları var və bunun arxasında konkret tədbirlər durur. Bu gün dünyada baş verən proseslər göstərir ki, təzyiq rıçaqları işə salınsa, Ermənistanı sülhə vadar etmək olar. Əks təqdirdə Azərbaycan öz ərazisində səlahiyyət və imkanlarına uyğun tədbirlər keçirməyə vadar olacaq. Bunun nə vaxt həyata keçiriləcəyini söyləmək çətindir, ancaq bu addım atılacaq”.
|
|
22.11.12 Məqaləni oxumaq
|
| |
|
|
|
Nazirlik iş adamlarına 37 650 manat cərimə tətbiq etdi
|
|
Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin əməkdaşları tərəfindən bu ilin 1-15 noyabr tarixlərində ölkə ərazisində ekoloji qanunvericiliyin tələblərinə riayət olunmasını yoxlamaq məqsədilə araşdırma aparılıb. Bu barədə məlumatı “KƏLAMİNFO”ya nazirliyin mətbuat xidmətindən veriblər.
Araşdırma zamanı hüquqi və fiziki şəxslər tərəfindən su və torpaq ehtiyatlarının, atmosfer havasının, yerin təkinin, fauna və floranın mühafizəsi, o cümlədən ətraf mühitə qanunsuz məişət və istehsalat tullantılarının yerləşdirilməsi sahəsində yol verilmiş qanun pozuntularına görə 98 akt və protokol tərtib olunub. Nöqsanların aradan qaldırılması üçün icrası məcburi olan 26 müddətli məcburi göstəriş verilib. Ümumilikdə, 17 iş üzrə 37650 manat məbləğində cərimə tətbiq edilib, ətraf mühitə dəymiş ziyana görə 18 iş üzrə 1296.53 manat məbləğində iddia qaldırılıb, ətraf mühitə tullantıların atılmasına və axıdılmasına görə hüquqi və fiziki şəxslərə 135 iş üzrə 43077.9 manat məbləğində ödəmə tətbiq edilib. Tədbir görülməsi üçün hüquq-mühafizə orqanlarına 3, icra qruplarına 16, məhkəmələrə isə 1 iş göndərilib.
|
|
22.11.12 Məqaləni oxumaq
|
| |
|
|
|
Millət vəkilinin ABŞ-da kitabı nəşr olunub
|
|
Bu yaxınlarda Amerika Birləşmiş Ştatlarında millət vəkili Elxan Süleymanovun və iqtisad elmləri üzrə fəlsəfə doktoru Vurğun Süleymanovun “Ermənistanın Azərbaycana qarşı silahlı təcavüzü və işğalın ağır nəticələri” kitabı nəşr edilib. “KƏLAMİNFO” xəbər verir ki, kitaba ön söz ABŞ Nümayəndələr Palatasının keçmiş üzvü, eks-konqresmen Solomon Ortiz tərəfindən yazılıb.
Kitabda Dağlıq Qarabağ münaqişəsinin tarixi və geosiyasi əsasları araşdırılır, beynəlxalq təşkilatlar (BMT, Avropa Parlamenti, AŞPA, ATƏT, NATO, İslam Əməkdaşlıq Təşkilatı) tərəfindən Ermənistanın Azərbaycan ərazilərini işğal etməsi faktının tanınması, işğal nəticəsində ölkədə fövqəladə humanitar vəziyyətin yaranması, Azərbaycanın tarixi və mədəniyyət abidələrinə, ətraf mühitinə və təbii sərvətlərinə, nəhayət sosial-iqtisadi durumuna dəymiş zərər təhlil edilir, Azərbaycana vurulmuş iqtisadi zərərin ilkin miqdarı indiki bazar qiymətləri ilə hesablanır, işğala görə Ermənistanın beynəlxalq-hüquqi məsuliyyəti və Azərbaycanın bu dövlətdən təzminat almaq hüququ araşdırılır.
|
|
21.11.12 Məqaləni oxumaq
|
| |
|
|
|
Bahar Muradova: “Biz çalışacağıq ki, Azərbaycan-Rusiya münasibətləri inkişaf edən xətt üzrə davam etsin”
|
|
“Rusiya-Azərbaycan münasibətlərinin əvvəllərdə korlanmasına çalışan qüvvələr olub”. “KƏLAMİNFO”un məlumatına görə, bu barədə Milli Məclisin vitse-spikeri Bahar Muradova danışıb. B.Muradova bu münasibətləri korlamağa cəhd edən qüvvələrin nəinki əvvəllər, indi də olduğunu vurğulayıb. Vitse-spiker bildirib ki, lakin buna baxmayaraq, Azərbaycan və Rusiya arasındakı münasibətlər daim inkişaf edəcək. O, daimi inkişafa bariz nümunə kimi, hər iki ölkənin rəhbərliyi arasında olan xoş münasibətləri göstərib: “Biz çalışacağıq ki, Azərbaycan və Rusiya arasındakı münasibətlər bundan sonra da yüksələn və inkişaf edən xətt üzrə davam etsin”.
|
|
20.11.12 Məqaləni oxumaq
|
| |
|
|
|
Səhifələr : # « 8 9 10 11 12 13 14 15 16 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
