|
|
|
|
Binəqədi qəsəbə icra nümayəndəliyi ötən ilin yekunları ilə bağlı hesabat verdi
|
|
Binəqədi qəsəbə icra nümayəndəliyində ötən ilin yekunları ilə bağlı hesabat yığıncağı keçirilib. KƏLAMİNFO xəbər verir ki, yığıncaqda Binəqədi rayon İcra Hakimiyyətinin (RİH) başçısı Alı Qocayev və digər rəsmi şəxslər iştirak edib.
Ötən ilin yekunları ilə bağlı hesabatı təqdim edən qəsəbə icra nümayəndəsi Salam Əsgərəlizadə 2010-cu ildə müxtəlif məhəllədaxili yollarda ümumilikdə 1 km məsafəyə asfalt örtüyü döşəndiyini, qəsəbə ərazisində Böyük Vətən Müharibəsi iştirakçılarının xatirəsinə salınmış “1941-1945-ci il xatirə abidəsi” parkında bərpa-abadlıq işləri aparıldığını, Binəqədi-Novxanı yolu ətrafında abadlıq işləri görüldüyünü, III mədən korpus 119-dan 112-ci korpusadək olan 800p/m-in avtomobil yolunun cari təmir olunduğunu, eyni zamanda qəsəbənin müxtəlif yerlərində ümumilikdə 238 ədəd ağac əkildiyini vurğulayıb.
|
25.01.11 Məqaləni oxumaq
|
| |
|
|
|
Xəzər dənizinin Azərbaycan sektoruna mənsub sahil zolağında 1427 ekoloji monitorinq keçirilib
|
|
Ekologiya və Təbii Sərvətlər Nazirliyinin Xəzər Kompleks Ekoloji Monitorinq İdarəsi (XKEMİ) 2010-cu il ərzində Xəzər dənizinin Azərbaycan sektorunun sahil zolağında, çimərlik ərazilərində, eləcə də, dənizdə fəaliyyət göstərən müəssisə və obyektlərdə, üzən vasitələrdə və təyin edilmiş koordinatlar üzrə açıq dənizdə, Xəzər dənizinin Azərbaycan sektoruna mənsub sahil zolağında 1427 ekoloji monitorinq keçirib.Bu barədə məlumatı KƏLAMİNFO-ya ETSN-dən veriblər.
Monitorinqin məqsədi dənizdə və sahil zolağında fəaliyyət göstərən, birbaşa və ya dolayı yolla (kollektor, kanal, çay və s. vasitəsilə) Xəzər dənizinə antropogen təsir göstərən müəssisələrdə formalaşan bütün növ (maye, qaz, bərk və s.) tullantıların dəniz suyuna, flora və faunasına, həmçinin digər su obyektlərinə göstərdiyi təsiri təhlil və tədqiq edərək məlumat toplamaq, təsirin minimuma endirilməsi istiqamətində tədbirlərin həyata keçirilməsinə nail olmaqdır.
|
|
25.01.11 Məqaləni oxumaq
|
| |
|
|
|
Ölkə üzrə havanın temperaturu kəskin qalxacaq
|
|
Sabahdan etibarən respublika üzrə havanın temperaturu kəskin qalxacaq. Bu barədə məlumatı KƏLAMİNFO-ya Milli Hidrometeorologiya Departamentindən veriblər.
Bakıda və Abşeron yarımadasında havanın sabah dəyişkən buludlu, əsasən yağmursuz keçəcəyi, gecə və səhər bəzi yerlərdə duman olacağı ehtimal olunur. Cənub-qərb küləyinin əsəcəyi, arabir güclənəcəyi gözlənilir. Havanın temperaturu gecə 3-6, gündüz 10-14 dərəcə isti təşkil edəcək. Azərbaycanın rayonlarına isə, sabah hava şəraitinin əsasən yağmursuz keçəcəyi, gecə və səhər bəzi yerlərdə zəif duman olacağı ehtimal olunur. Cənub küləyinin əsəcəyi, əsasən dağlıq ərazilərdə arabir güclənəcəyi gözlənilir. Havanın temperaturu gecə 3 dərəcə şaxtadan 2 dərəcəyədək isti, gündüz 9-14 dərəcə isti, dağlarda gecə 2-7 dərəcə şaxta, gündüz 6-11 dərəcə isti təşkil edəcək.
|
|
25.01.11 Məqaləni oxumaq
|
| |
|
|
|
Bakıda “Quran elmə yol göstərir” adlı elmi konfrans təşkil edilib
|
Bakıda Gənclərin “Mənəvi İnkişafı” İctimai Birliyi tərəfindən 350 nəfərin iştirak etdiyi “Quran elmə yol göstərir” adlı elmi konfrans təşkil edilib. Gənclərin “Mənəvi İnkişafı” İctimai Birliyindən KƏLAMİNFO-ya verilən məlumata görə, konfransda alimlər, tədqiqatçılar, QHT rəhbərləri, media nümayəndələri və tələbələr iştirak edib. Konfransın əsas məqsədi kainatı, Yer kürəsini, canlıları tədqiq etməyin və Allahın yaratma sənətini kəşf edərək insanlara açıqlamağın yollarından birinin elm olduğunu bildirmək olub. Bundan başqa, konfransda Quran və elmin paralelliyini göstərən elmi faktlar da sadalanıb.
Tədbirdə mühazirələrlə yanaşı, sərgi də təşkil olunub. Sərgidə təkamül nəzəriyyəsinin əsassızlığını sübut edən, canlıların qətiyyən təkamül keçirmədiyini göstərən milyonlarla il yaşı olan fosillər (daşlaşmış canlı və bitki qalıqları) nümayiş etdirilib.
|
|
25.01.11 Məqaləni oxumaq
|
| |
|
|
|
|
|
İran səfirliyinin “Səhər-2” kanalının anti-Azərbaycan kampaniyası ilə bağlı mövqeyi yoxdur
|
“İranın “Səhər-2” televiziya kanalında Azərbaycan əleyhinə aparılan kampaniya ilə bağlı İranın Azərbaycandakı səfirliyinin hələ ki, heç bir mövqeyi yoxdur”. Bu sözləri KƏLAMİNFO-ya səfirliyn mətbaut xidmətinin rəhbəri Abbas İsgəndəri bildirib.
O, qeyd edib ki, hazırda məsələ ilə bağlı səfirlik araşdırma aparır və yaxın günlərə Azərbaycan mətbuatına geniş açıqlama veriləcək.
Qeyd edək ki, artıq neçə gündür bu ölkənin “Səhər-2” kanalı hər gün müxtəlif çağırışlar səsləndirərək insanlarda anti-Azərbaycan əhval-ruhiyyəsi formalaşdırmağa çalışır. Bununla faktiki olaraq, “Səhər-2” birbaşa Azərbaycanın daxili işlərinə qarışır.
|
|
24.01.11 Məqaləni oxumaq
|
| |
|
|
|
|
|
“Quran elmə yol göstərir” mövzusunda konfrans keçiriləcək
|
|
Yanvarın 23-də “Park İnn” otelində “Gənclərin Mənəvi İnkişafı” İctimai Birliyinin təşkilatçılığı ilə “Quran elmə yol göstərir” mövzusunda konfrans keçiriləcək.
İB-dən KƏLAMİNFO-ya verilən məlumata görə, konfransda millət vəkilləri və tanınmış ictimai-siyasi xadimlər də iştirak edəcəklər.
Qeyd edək ki, tədbirdə həmçinin milyonlarla il yaşı olan fosillər (qalıqlar) nümayiş etdiriləcək.
|
|
22.01.11 Məqaləni oxumaq
|
| |
|
|
|
Daxili İşlər Nazirliyində kollegiya iclası keçiriləcək
|
|
Sabah Daxili İşlər Nazirliyində kollegiya iclası keçiriləcək. İclas 2010-cu ilin yekunlarına həsr olunacaq. Bu barədə KƏLAMİNFO-ya nazirliyin mətbuat xidmətindən məlumat verilib.
Daxili işlər naziri, general-polkovnik Ramil Usubovun rəhbərliyi ilə keçiriləcək iclasda ötən ildə daxili işlər orqanlarının fəaliyyəti müzakirə ediləcək, həyata keçirilən tədbirlər, ölkədəki krimnogen vəziyyət barədə nazirlik rəhbərliyinin hesabat məruzəsi ilə çıxış etməsi nəzərdə tutulub.
|
|
21.01.11 Məqaləni oxumaq
|
| |
|
|
|
Azərbaycanın cənub bölgəsində zəlzələ olub
|
|
Ötən gecə Azərbaycanın cənub bölgəsində zəlzələ qeydə alınıb. Bu barədə məlumatı KƏLAMİNFO-ya Seysmoloji Xidmət Mərkəzindən veriblər.
Zəlzələnin episentri Biləsuvar rayonun cənub hissəsində qeydə alınıb.
Titrəyiş yerli vaxtla saat 01.58-də qeydə alınıb. Zəlzələnin episentrində titrəyiş rixter şkalası üzrə 3,1 bal gücündə olub. Ümumi dərinlik 40 kilometr qeydə alınıb.
|
|
21.01.11 Məqaləni oxumaq
|
| |
|
|
|
|
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
