Kelam Jurnalı - Cəmiyyət

Azərbaycanda kəndlərdə yaşayan əmək pensiyaçılarının 98 faizi, şəhərlərdə yaşayan pensiyaçıların isə 100 faizi üzrə pensiyalar plastik kartlarla ödənilir. Bu barədə məlumatı KƏLAMİNFO-ya DSMF-dən veriblər. Ümumilikdə hazırda Azərbaycanda pensiyaların 99 faizinin ödənişi plastik kartlarla həyata keçirilir. Bu məqsədlə 497, o cümlədən kənd və qəsəbələrdə 113 bankomatın istifadəsi təmin edilib.

02.02.11

Məqaləni oxumaq

Beynəlxalq Hüquq Əməkdaşlığı Fondunun proqram rəhbəri Ali Məhkəmənin kollegiya sədri ilə görüşüb

Beynəlxalq Hüquq Əməkdaşlığı Fondunun proqram rəhbəri Britta Şvartz və hüquq layihəsi üzrə məsləhətçi Dr. Falk Bomsdorf Ali Məhkəmənin cinayət kollegiyasının sədri Şahin Yusifovla görüşüb. Bu barədə KƏLAMİNFO-ya Ali Məhkəmədən məlumat verilib. Görüşdə kollegiya sədri Ali Məhkəmədə cinayət və cinayət prosessual hüquq sahəsində müxtəlif seminar və tədbirlərin keçirilməsini və bu sahədə Almaniya ilə təcrübə mübadiləsinin yaradılmasının əhəmiyyətindən danışıb. Həmçinin əməkdaşlığın konkret prioritetləri müəyyənləşdirilib. Beynəlxalq Hüquq Əməkdaşlığı Fondunun proqram rəhbəri Britta Şvartz Azərbaycanın məhkəmə-hüquq sistemi ilə əməkdaşlığa xüsusi önəm verdiklərini və bu əməkdaşlığın qarşılıqlı fayda verəcəyini vurğulayıb.

02.02.11

Məqaləni oxumaq

Azad Rəhimov: вЂњAzərbaycanda 200-dən artıq gənclər təşkilatı qeydiyyata alınıbвЂќ

вЂњHazırda Azərbaycanda 200-dən artıq gənclər təşkilatı qeydiyyata alınıb. Onlar bu il Gənclər və İdman Nazirliyinin gənclər siyasəti ilə bağlı layihələrinə cəlb olunacaqlarвЂќ. KƏLAMİNFO xəbər verir ki, bunları jurnalistlərə açıqlamasında gənclər və idman naziri Azad Rəhimov bildirib. O, qeyd edib ki, bu il gənclər siyasəti sahəsində yeni layihələrin reallaşdırılması nazirliyin prioritet tapşırıqlarından biridir. вЂњBundan əlavə, azərbaycanlı gənclərin beynəlxalq miqyaslı tədbirlərdə iştirakına da diqqət ayrılacaq. Bununla bağlı bizim xüsusi planlarımız varвЂќ,-deyə nazir vurğulayıb. Qeyd edək ki, bu gün Azərbaycanda Gənclər Günü qeyd olunur.

02.02.11

Məqaləni oxumaq

Nazir: вЂњGənclərin məşğulluq probleminin həlli üçün əmək yarmarkaları keçiriləcəkвЂќ

Bu gün Azərbaycan gənclərinin sosial problemlərinin həll olunmasında əsas məsələ məşğulluqdur. KƏLAMİNFO xəbər verir ki, bu barədə jurnalistlərə açıqlamasında gənclər və idman naziri Azad Rəhimov bildirib. O, qeyd edib ki, bu il gənclərin məşğulluq probleminin həlli üçün əmək yarmarkalarının və kursların keçirilməsi üçün addımlar atılacaq. вЂњİl ərzində gənc biznesmenlərin müsabiqəsinin keçiriləcəyi də gözlənilirвЂќ,-deyə nazir vurğulayıb. Onun sözlərinə görə, əcnəbi gənclərin Azərbaycana marağını oyatmaq üçün beynəlxalq gənclər düşərgələri yaradılacaq. вЂњHəmçinin Azərbaycan gənclərinin bu il də xaricə göndərilməsi layihələri həyata keçiriləcəkвЂќ,-deyə A.Rəhimov əlavə edib.

02.02.11

Məqaləni oxumaq

Ali Məhkəmənin Aparat rəhbəri Dünya Bankının layihə rəhbəri ilə görüşüb

Dünya Bankının ədliyyə sisteminin müasirləşdirilməsi layihəsinin rəhbəri Klaus Deker Ali Məhkəmənin Aparat rəhbəri Əlirza Kərimovla görüşüb. Bu barədə məlumatı KƏLAMİNFO-ya Ali Məhkəmədən veriblər. Ə.Kərimov müasir informasiya texnologiyaları sahəsində Ali Məhkəmədə həyata keçirilən tədbirlər barədə məlumat verib, elektron kargüzarlıq və sənəd dövriyyəsi sisteminin məhkəmə aparatı işinin sürətləndirilməsində və məlumatların elektron vasitələrlə yayimlanmasının əhəmiyyətini xüsusi qeyd edib.

02.02.11

Məqaləni oxumaq

Ölkə əhalisinin 31,4 faizini gənclər təşkil edir

Ölkə əhalisinin 2,9 milyon nəfərini və ya 31,4 faizini gənclər təşkil edir. Dövlət Statistika Komitəsindən KƏLAMİNFO-ya verilən məlumata görə, gənclərin 53 faizi şəhər yrelərində, 47 faizi isə kənd yerlərində yaşayır. Gənclərin yarısını qadınlar təşkil edir. Son 5 ildə gənc analar tərəfindən doğulan uşaqların sayı 12 faiz artıb və bütövlükdə doğulan körpələrin 82 faizi gənc ailələrdə dünyaya gəlib. Ötən il ölkədə nikaha daxil olanların 75 faizini gənclər təşkil edib və son beş ildə nikah bağlayan gənclərin sayı 12 faiz artıb. İlk dəfə nikaha daxil olan kişilərin orta yaşı 27, qadınların isə 23-dür. Boşananlar arasında gənclərin xüsusi çəkisi 23 faiz təşkil edir. Gənclərin sağlam həyat tərzi sürmələri və idmanın müxtəlif növləri ilə məşğul olmaları üçün ölkəmizdə geniş şərait yaradılır, hər il yeni idman kompleksləri, stadionlar, üzgüçülük hovuzları və digər obyektlər tikilib istifadəyə verilir. Ötən il müxtəlif beynəlxalq yarışlarda gənc idmançılarımız tərəfindən 675 medal qazanılıb, onların da 206-sı Olimpiya idman növləri üzrə olan medallardır.

02.02.11

Məqaləni oxumaq

Səhiyyə Nazirliyinə məxsus Milli Onkologiya Mərkəzinin ərazisində yanğın olub

Bakı şəhəri, Yasamal rayonunda Səhiyyə Nazirliyinə məxsus Milli Onkologiya Mərkəzinin ərazisində yanğın olub. Bu barədə məlumatı KƏLAMİNFO-ya Fövqəladə Hallar Nazirliyindən (FHN) veriblər. Nəticədə ərazidə yerləşən ümumi sahəsi 250 kv.m olan birmərtəbəli yeməkxana binasının çardağının yanar konstruksiyaları 30 kv.m sahədə və ona bitişik ümumi sahəsi 35 kv.m olan krematoriya otağının yanar konstruksiyaları içərisindəki əşyalarla birlikdə yanıb. Hadisə yerinə cəlb edilən yanğınsöndürənlər yeməkxana binasının qalan hissəsini yanğından mühafizə ediblər. Yanğın yanğınsöndürənlər tərəfindən söndürülüb.

01.02.11

Məqaləni oxumaq

SAM-ın elmi işçiləri NİSA-nın qış sessiyasında məruzə ilə çıxış edəcəklər

Bakıda keçirilən Azərbaycan-NATO Beynəlxalq Məktəbinin (NİSA) qış sessiyası davam edir. Xarici İşlər Nazirliyi (XİN) və NATO-nun İctimai Diplomatiya Bölməsinin dəstəyi ilə keçirilən sessiya fevralın 6-dək davam edəcək. Sessiya çərçivəsində Prezident yanında Strateji Araşdırmalar Mərkəzinin (SAM) elmi işçiləri Rəşad Kərimov və Zaur Şiriyev вЂњStaksnet nümünəsində təhlükəsizliyə yeni hədələrвЂќ və вЂњGələcək onillikdə Avropanın təhlükəsizliyinin təminində Avropa İttifaqının və NATO-nun iş birliyiвЂќ mövzularında məruzələrlə çıxış edəcəklər. Bu barədə məlumatı KƏLAMİNFO-ya SAM-ın mətbuat xidmətindən veriblər. Qeyd edək ki, sessiyada XİN, NATO-ya üzv və tərəfdaş ölkələr, həmçinin alyansın müvafiq strukturları, NATO Müdafiə Kolleci, Avropa Diplomatiya Akademiyası, Avropa Təhlükəsizlik Məsələləri üzrə Marşal Mərkəzi, Metropolitan Universiteti, Gənclərin Atlantik Müqavilə Təşkilatı və NATO-nun müxtəlif ölkələrdəki daimi nümayəndəliklərdən ekspertlər məruzəçi qismində iştirak edirlər.

01.02.11

Məqaləni oxumaq

Millət vəkili: вЂњÖlkədə Gənclər Fondu yaradılmalıdırвЂќ

Bu gün ölkəmizdə sosialyönümlü layihələrin həyata keçirilməsi prosesi gedir. Bu mənada gənclərə verilən ipoteka kreditlərini xüsusilə qeyd etmək lazımdır. Hesab edirəm ki, bu gün sosial ipoteka çox vacib bir şərtdir və bundan daha yaxşı bəhrələnmək üçün müəyyən təkmilləşmələr də aparılmalıdır. KƏLAMİNFO xəbər verir ki, bu barədə yap.org.az saytına Azərbaycan Gənclər Təşkilatları Milli Şurasının sədri, Milli Məclisin deputatı Fuad Muradov bildirib.

01.02.11

Məqaləni oxumaq

Heydər Əliyev Fondunun dəstəyi ilə II Azərbaycan-Alman Cərrahiyyə Günləri başlayıb

Bu gün Heydər Əliyev Fondunun dəstəyi ilə Səhiyyə Nazirliyinin M.topçubaşov adına Elmi Cərrahiyyə Mərkəzində II Azərbaycan-Alman Cərrahiyyə Günləri başlayıb. Heydər Əliyev Fondundan KƏLAMİNFO-ya verilən məlumata görə, fevralın 4-dək davam edəcək tədbirdə Almaniyanın Heydelberq Universitetinin Mannheym Cərrahiyyə Klinikasının rəhbəri və Almaniya Cərrahlar Cəmiyyətinin sədri, professor Stefan Postun rəhbərlik etdiyi nümayəndə heyəti iştirak edir. Tədbirdə respublikamızın müxtəlif klinikalarında çalışan 200-dək cərrah, endoskopist və əməliyyat tibb bacıları üçün məruzələrin, treninqlərin və birbaşa translyasiya ilə nümunəvi əməliyyatların keçirilməsi nəzərdə tutulub. Bu treninqlər regionda ilk dəfə olaraq xüsusi müasir treninq modelləri əsasında aparılacaq. Bundan başqa, 50-dək xəstənin alman professorları tərəfindən təmənnasız müayinə və məsləhəti, cərrahi və endoskopik müalicəsi də nəzərdə tutulub.