|
|
|
|
DSMF "Sığorta-pensiya sistemində şəffaflığın artırılması etibarlı sosial müdafiənin əsas şərtidir" mövzusunda müsabiqə elan edib
|
|
Dövlət Sosial Müdafiə Fondu "Sığorta-pensiya sistemində şəffaflığın artırılması etibarlı sosial müdafiənin əsas şərtidir" mövzusunda müsabiqə elan edib. Bu barədə məlumatı KƏLAMİNFO-ya Dövlət Sosial Müdafiə Fondunun İctimaiyyətlə əlaqələr sektorundan veriblər.
Müsabiqəyə 20 fevral 2011-ci il tarixdən 01 aprel 2011-ci il tarixə kimi mətbuatda dərc olunmuş sığorta-pensiya sistemində şəffaflığın təmin olunmasına xidmət edən islahatların, xüsusilə avtomatlaşdırılmış pensiya təyinatına keçidin təmin olunması, sığortaolunanların fərdi şəxsi hesablarında toplanmış məcburi dövlət sosial sığorta haqlarının məbləği barədə müasir məlumatlandırma sisteminin yaradılması məqsədilə həyata keçirilən tədbirlərin, informasiya texnologiyaları vasitəsilə əhali üçün yaradılan xidmət növlərinin səmərəliliyinin və qeyd olunan mövzuda digər məsələlərin əksini tapdığı analitik məqalələr və televiziyada göstərilmiş telesüjetlər təqdim edilməlidir.
|
18.02.11 Məqaləni oxumaq
|
| |
|
|
|
Ədliyyə Nazirliyi 481 bələdiyyə sədri barədə məhkəmələr qarşısında məsələ qaldırıb
|
|
Ədliyyə Nazirliyinin kollegiya iclasında 2010-cu ildə görülmüş işlər və qarşıda duran vəzifələr müzakirə olunub. Bu barədə məlumatı KƏLAMİNFO-ya Ədliyyə Nazirliyindən veriblər.
Nazir Fikrət Məmmədov kollegiyada çıxış edərək ədliyyənin inkişafına dair Dövlət Proqramının icrası üzrə tədbirləri qeyd edib, ədliyyə fəaliyyətinin ayrı-ayrı sahələri üzrə ötən il görülmüş işlərə toxunub, mövcud problemlər və qarşıda duran vəzifələri vurğulayıb.
Qeyd olunub ki, 2010-cu ildə nazirlik tərəfindən qanunvericiliyin beynəlxalq standartlara uyğunlaşdırılması, əhalinin rifahının yaxşılaşdırılmasına yönəlmiş 163 normativ hüquqi akt layihəsi hazırlanıb, 1752 akt hüquqi ekspertizadan keçirilib. Əhalinin sərbəst və təmənnasız istifadə etdiyi milli qanunvericiliyin elektron bazası (www.e-qanun.az) zənginləşdirilərək, sayta 2 minədək yeni sənəd daxil edilib və onların sayı 21 minə yaxınlaşıb.
|
|
18.02.11 Məqaləni oxumaq
|
| |
|
|
|
Nail Şamilov: “TÜRKSOY-un, TürkPA-nın gördükləri işlər effekt verməyib”
|
|
Türklərin beynəlmiləl təşkilatlarının yaradılması zəruridir. Ortada görülən işin effekti olmalıdır. Bu günə kimi TÜRKSOY-un, TürkPA-nın gördükləri işlər effektini verməyib. KƏLAMİNFO xəbər verir ki, bu barədə Tatarıstanın Azərbaycandakı daimi nümayəndəsi Nail Şamilov bildirib.
Onun sözlərinə əsasən, Türkdilli xalqların umumi mənafeə xidmət etməyən ideologiya olmasa heç nəyə nail ola bilməyəcəklər. “Biz birləşməsək, ərsəyə heç nə gətirə bilməyəcək, özümüz də məhv olub gedəcəyik. Bütün türkdilli ölkələrlə sıx münasibətlər qurulmalıdır. Bu işdə təşkilatlar, xüsusi ilə də gənclər təşkilatları müəyyən işlər görməlidir. Ən əsası isə türklərin zəngin tarixi irsi dərindən öyrənilməlidir”,-deyə o söyləyib.
Türkiyə səfirliyinin müşaviri İsmayıl Çalışkan isə rəsmi Ankaranın Ermənistanla bağlı fikrinin kəskin olduğunu söyləyib. “Nə qədər ki, ermənilər Azərbaycan torpaqlarını azad etməyiblər, Türkiyə də sərhədləri açmayacaq. Bizim fikrimiz qətidir”,-deyə o bəyan edib.
TürkPA-nın baş katibinin müavini Kürşad Melih isə türk dövlətlərinin həmrəyliyini, birliyini göstərən və həyata keçirilən tədbirlərdən danışıb. O, bu dövlətlərdə təhsil inteqrasiyası, türk xalqlarının milli bayramlarının birgə keçirilməsi və digər planlar barədə ətraflı məlumat verib.
|
|
18.02.11 Məqaləni oxumaq
|
| |
|
|
|
Deputatdan təklif: “Azərbaycanda “Hippokrat andı” “Azərbaycan həkimi andı” ilə əvəzlənsin”
|
|
Azərbaycanda həkimlər “Hippokrat andı” əvəzinə “Azərbaycan həkimi andı” içməlidirlər. Bu barədə KƏLAMİNFO-ya müsahibəsində Milli Məclisin Sosial siyasət komitəsinin üzvü Hikmət Atayev bildirib.
O, qeyd edib ki, “Hippokrat andı” müəyyən mənada mahiyyət etibarı ilə Azərbaycan həkimlərinə o qədər də uyğun gəlmir. “Belə ki, “Əhalinin sağlamlığının qorunması haqqında” Qanunun 52-ci maddəsində nəzərdə tutulur ki, ölkəmizin ali tibb təhsil müəssisələrini bitirmiş və həkimlik diplomu almış şəxslər “Hippokrat andı” içsinlər. Mən təklif etmişəm ki, həmin maddə də bu, “Azərbaycan həkimi andı” ilə əvəzlənsin”,-deyə millət vəkili vurğulayıb. H.Atayevin sözlərinə görə, komitəyə təklifini təqdim edib və məsələnin gündəlikdə saxlanması, üzərində işlənməsi qərara alınıb.
|
|
17.02.11 Məqaləni oxumaq
|
| |
|
|
|
UNICEF Azərbaycanda “Sosial xidmət haqqında” Qanunla bağlı öz təkliflərini hazırlayır
|
|
UNICEF Milli Məclisdə müzakirə olunan “Sosial xidmət haqqında” qanunla bağlı öz təkliflərini hazırlayır və yaxın günlərdə onu parlamentə təqdim edəcək. Bu barədə KƏLAMİNFO-ya müsahibəsində UNICEF-in Uşaqları müdafiə komitəsinin rəhbəri Minur Məmmədzadə bildirib.
O, qeyd edib ki, bununla bağlı onların Cenevrədəki regional ofislərindən də bəzi tövsiyyələr gəlib. “Burada biz əsasən bu sahədə indiyədək özünü daha çox doğruldan Serbiya və ona yaxın ölkələrin qanunvericilik təcrübəsindən istifadə edirik. Çünki, bu ölkələr Avropa Birliynə daxil olma ərəfələrindədirlər və bu sahədə daha ciddi iş görüblər”,-deyə M.Məmmədzadə vurğulayıb. O, bildirib ki, təklifləri əsasən yeni qanunda sosial xidmətlərin əsasən mərkəzləşmiş şəkildə aparılması və illik ehtiyacların qanun layihəsində öz əksini tapması ilə bağlıdır. “Çünki, hazırkı qanunda bu məsələlər göstərilməyib”,-deyə o, əlavə edib.
Qeyd edək ki, “Sosial xidmət haqqında” yeni qanun layihəsinin Milli Məclisin yaz sessiyasında qəbul olunacağı gözlənilir.
|
|
17.02.11 Məqaləni oxumaq
|
| |
|
|
|
“Türk Xalqlarının Vətəndaş Cəmiyyəti Forumu” təsis edildi
|
|
Bu gün Trend Xəbərlər şirkətində keçirdikləri tədbirdə Bakı Gənclər Klubu, Demokratik Azərbaycan Naminə, Demokratik İslahatçı Gənclər, Sağlam İnkişaf və Maarifləndirmə, Yeni Həyat Humanitar və Sosial dayaq İctimai Birlikləri “Türk Xalqlarının Vətəndaş Cəmiyyəti Forumunu” təsis etdiklərini bəyan ediblər.
|
|
17.02.11 Məqaləni oxumaq
|
| |
|
|
|
Əli Həsənov: “Məcburi köçkünlər üçün nəzərdə tutulan humanitar yardımların paylanmasında mövcud olan nöqsanlar aradan qalxıb”
|
|
Azərbaycanda qaçqınlar və məcburi köçkünlər üçün nəzərdə tutulan humanitar yardımların paylanmasında mövcud olan nöqsanlar tamamilə aradan qalxıb.
KƏLAMİNFO xəbər verir ki, bu barədə açıqlamanı jurnalistlərə Qaçqın və Məcburi Köçkünlərlə İş üzrə Dövlət Komitəsinin sədri, Baş nazirin müavini Əli Həsənov bildirib.
"Əvvəllər humanitar yardımların paylanması, yemək xərclərində mənimsəmə məsələləri dəfələrlə mətbuatda açıqlansa da, indi belə yazılara rast gəlinmir",-deyən Ə.Həsənovun sözlərinə görə, hazırda qaçqın və məcburi köçkünlərin mənzillərə köçürülməsində nöqsanlara yol verilməsi ilə bağlı heç bir fakt yoxdur.
O, komitənin 10 ildən çoxdur ki, korrupsiyaya qarşı mübarizə apardığını da vurğulayıb.
|
|
17.02.11 Məqaləni oxumaq
|
| |
|
|
|
“Məcburi əmək və insan alveri” adında əmək müfəttişləri üçün təlimat kitabının təqdimat mərasimi keçirilib
|
|
Bu gün Əmək və Əhalinin Sosial Müdafiəsi Nazirliyi (ƏƏSMN), Beynəlxalq Əmək Təşkilatı, ATƏT və Miqrasiya Siyasətinin Hazırlanması üzrə Beynəlxalq Mərkəzin birgə həyata keçirdiyi insan alverinə qarşı mübarizə üzrə cavab mexanizmlərinin gücləndirilməsi layihəsi çərçivəsində “Məcburi əmək və insan alveri” adında əmək müfəttişləri üçün təlimat kitabının təqdimat mərasimi keçirilib. Bu barədə məlumatı KƏLAMİNFO-ya ƏƏSMN-nin ictimaiyyətlə əlaqələr sektorundan veriblər.
ƏƏSMN-də keçirilən tədbirdə Beynəlxalq Əmək Təşkilatının baş texniki məsləhətçisi Zsolt Dudas, Daxili İşlər Nazirliyinin İnsan Alverinə Qarşı Mübarizə İdarəsinin rəsmisi, habelə aidiyyəti dövlət qurumları, sosial tərəfdaşlar, beynəlxalq təşkilatlar və xarici ölkə səfirliklərin nümayəndələri iştirak ediblər.
Dövlət Əmək Müfəttişliyinin rəisi Rauf Tağıyevin açılış nitqi ilə başlayan təqdimat mərasimi çərçivəsində əmək müfəttişlərinin preventiv, təqibedici və müdafiəedici rolunu gücləndirilməsi üzrə müzakirələr aparılıb.
|
|
17.02.11 Məqaləni oxumaq
|
| |
|
|
|
Gücləndirilmiş iş rejiminə keçilib
|
|
“Bakıelektrikşəbəkə” gücləndirilmiş iş rejiminə keçib. Bu barədə məlumatı KƏLAMİNFO-ya "Bakıelektrikşəbəkə"nin mətbuat xidmətinin rəhbəri Tanrıverdi Mustafayev bildirib.
Onun sözlərinə görə, havaların kəskin soyuması və Bakıda qarın yağması elektrik enerjisi naqillərində hər hansı fəsadla müşaiyət olunmayıb. “Buna baxmayaraq, şəbəkə daha da güclü tədbirlər görür. Elektrik xətlərində hər hansı problem olarsa, dərhal aradan qaldırılacaq. “Bakıelektrikşəbəkə” tərəfindən son 4 ildə aparılan əsaslı yenidənqurma təmir, tikinti işləri havaların sərt keçməsinə baxmayaraq, abonetləri keyfiyyətli, dayanıqlı elektrik enerjisi ilə təchiz edir”,-deyə o qeyd edib.
|
|
16.02.11 Məqaləni oxumaq
|
| |
|
|
|
Prezidentin Sərəncamı 617 347 nəfər əmək pensiyaçısına şamil olunacaq
|
|
Ötən il Azərbaycan dövlətinin həyata keçirdiyi düşünülmüş iqtisadi siyasət və uğurlu antiböhran tədbirləri sayəsində inflyasiyanın aşağı səviyyədə saxlanılması təmin olunub, bununla belə istehlak qiymətlərinin 5,7 faizlik indeksi qeydə alınıb. Bu barədə məlumatı AZADİNORM-ya Dövlət Sosial Müdafiə Fondunun mətbuat xidmətindən veriblər.
|
|
16.02.11 Məqaləni oxumaq
|
| |
|
|
|
|
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
