|
|
|
|
Keçid dövrü ölkələri Azərbaycanın sığorta-pensiya modelini öyrənmək məqsədilə DSMF-yə müraciət ediblər
|
|
Azərbaycanın sığorta-pensiya sistemində aparılan islahatlar və qurulan yeni modelin öyrənilməsi Dünya Bankı tərəfindən kecid dövrü ölkələrinə tövsiyə olunub. Bu tövsiyəyə uyğun olaraq Dünya Bankının layihələrinin tətbiq olunduğu keçid dövrü ölkələrinin müvafiq nümayəndə heyətlərinin Azərbaycanın sığorta-pensiya modelinin öyrənilməsi məqsədilə respublikamıza səfərləri planlaşdırılır. Bu barədə məlumatı KƏLAMİNFO-ya DSMF-dən veriblər.
Artıq Monqolustan və Türkmənistanın sığorta-pensiya qurumları Azərbaycan təcrübəsini öyrənmək üçün Dövlət Sosial Müdafiə Fonduna (DSMF) rəsmi müraciət ediblər. Monqolustanın Sosial Sığorta Fondu tərəfindən ünvanlanan məktubda müvafiq nümayəndə heyətinin DSMF ilə əməkdaşlıq etmək üçün Azərbaycana səfər etmək niyyətində olduqları bildirilib.
Əfqanıstan Respublikasının nümayəndə heyəti isə artıq bir dəfə Azərbaycanda səfərdə olub.
|
01.03.11 Məqaləni oxumaq
|
| |
|
|
|
“Xalq kompyuteri” layihəsi çərçivəsində satılan komputerlərin sayı 11 515-ə çatıb
|
|
Azərbaycanda həyata keçirilən “Xalq kompyuteri” layihəsi çərçivəsində satılan komputerlərin satılan komputerlərin sayı atıq 11 515-ə çatıb. KƏLAMİNFO xəbər verir ki, layihənin operatoru BestComp Group şirkətidir. Sonralar layihəyə İT sahəsində digər avadanlıq və xidmət təchizatçıları da qoşulublar. Komputerlərin çatdırılması və ödənişlərin qəbulu “Azərpoçt” MMC vasitəsilə həyata keçirilir.
“Xalq komputeri” layihəsinin hazırkı mərhələsinin əsas məqsədi orta ümumtəhsil məktəblərinin və ali təhsil müəssisələrinin müəllim, tələbə və şagirdlərinə, eləcə də dövlət müəssisələrinin işçilərinə güzəştli şərtlərlə bazar qiymətindən ucuz və ödəniş müddətini 12 ay uzatmaqla kompüter əldə etmək imkanı yaratmaqdır.
Xatırladaq ki, ötən həftə sözügedən layihə çərçivəsində satılan kompyuterlərin sayı 11 300 olub.
|
|
28.02.11 Məqaləni oxumaq
|
| |
|
|
|
Səhiyyə Nazirliyi stomatologiya və neyrocərrahiyyə ixtisasları üzrə keçirilən imtahanın nəticələrini açıqlayıb
|
|
Səhiyyə Nazirliyi praktik tibb və əczaçılıq fəaliyyəti ilə məşğul olan səhiyyə mütəxəssisləri üçün keçirilən növbəti imtahanın nəticələrini açıqlayıb. Bu barədə məlumatı KƏLAMİNFO-ya nazirliyin mətbuat xidmətindən veriblər.
İmtahan stomatologiya və neyrocərrahiyyə ixtisasları üzrə keçirilib. İmtahanda 118 həkim iştirak edib. İmtahanın şərtlərinə görə, 3 saat ərzində verilmiş 100 sualdan ən azı 60 suala düzgün cavab verən həkimlər müsahibədə iştirak edə bilərlər. Növbəti imtahanlar martın 2-də mama-ginekologiya və pediatriya ixtisasları üzrə olacaq. Həkimlərin sertifikasiya prosesinə bu ilin yanvar ayından başlanılıb. Artıq nazirlik 161 mütəxəssisə sertifikatlar təqdim edib. Bu sertifikat tibb işçilərinə yaxın 5 il ərzində praktik tibb və əczaçılıq fəaliyyəti ilə məşğul olmaq hüququ verir.
|
|
26.02.11 Məqaləni oxumaq
|
| |
|
|
|
Məzahir Pənahov yenidən MSK-nın sədri seçildi
|
|
Bu gün Mərkəzi Seçki Komissiyasının (MSK) yeni tərkibdə ilk iclası keçirilib. KƏLAMİNFO xəbər verir ki, iclasda Prezident Administrasiyasının rəhbəri Ramiz Mehdiyev də iştirak edib.
İclasda qurumun sədri, müavini və iki nəfər katibi seçilib. MSK-nın sədri Məzahir Pənahov, onun müavini Natiq Məmmədov, katiblər isə Mikayıl Rəhimli və Arifə Muxtarova seçiliblər.
Prezident Administrasiyasının rəhbəri Ramiz Mehdiyev MSK üzvlərinə tövsiyələrini verib.
Xatırladaq ki, indiyə qədər Məzahir Pənahov MSK sədri, Şaitdin Əliyev onun müavini, Natiq Məmmədov katib olub. Digər katib vəzifəsi isə boş idi.
|
|
25.02.11 Məqaləni oxumaq
|
| |
|
|
|
AQUPDK və Təhsil Nazirliyi birgə “Keçmişi öyrənək- Gələcəyi quraq” adlı Azərbaycan tarixi üzrə bilik yarışması keçirir
|
|
Bu gün Ailə, Qadın və Uşaq Problemləri üzrə Dövlət Komitəsi (AQUPDK) Təhsil Nazirliyi ilə birgə Milli Azərbaycan Tarixi Muzeyində Xocalı faciəsinin 19-cu ildönümünə həsr olunmuş “Keçmişi öyrənək- Gələcəyi quraq” adlı Azərbaycan tarixi üzrə bilik yarışmasına start verib. KƏLAMİNFO xəbər verir ki, mərasimdə çıxış edən AQUPDK-nin sədri Hicran Hüseynova iştirakçılara faciə haqqında danışıb.
O, qeyd edib ki, Xocalı faciəsi Azərbaycan tarixində silinməz iz buraxan hadisələrdəndir və bu, daim gələcək nəslə aşılanmalıdır. “Bu kimi bilik yarışları da məhz bu cür xarakter daşıyır”,-deyə komitə sədri vurğulayıb. Onun sözlərinə görə, yarışmada Bakının 11 rayonunun və işğal olunmuş rayonların paytaxtda yerləşən məktəblərinin yuxarı sinif şagirdləri iştirak edirlər. “Finalda balların hesablanması yolu ilə I, II və III yer tutan komandalar AQUPDK və Təhsil Nazirliyi nümayəndələrindən ibarət münsiflər heyəti tərəfindən seçiləcək. Qalib gələn komandalar komitəmiz tərəfindən Fəxri Diplom və xatirə hədiyyələri ilə mükafatlandırılacaq”,-deyə H.Hüseynova bildirib.
|
|
24.02.11 Məqaləni oxumaq
|
| |
|
|
|
Fazil Mustafa: “Aeroportda və iri VİP mərkəzlərdə inanclı vətəndaşlarımızın ibadət etmələri üçün şərait yaradılmalıdır”
|
|
“Azərbaycanda əhalinin əksər hissəsinin müsəlman olmasına baxmayaraq təəssüf ki, hələ də bəzi ictimai obyektlərdə, xüsusən də hava limanlarında və mərkəzi yerlərdə insanlara xidmət göstərən iri obyektlərdə ayrıca ibadət məkanları yoxdur”. KƏLAMİNFO xəbər verir ki, bu barədə millət vəkili Fazil Mustafa bildirib.
O, qeyd edib ki, hətta əhalisinin az hissəsinin müsəlman olduğu Avropa ölkələrinin əksəriyyətində insanlara xidmət göstərən mərkəzi obyektlərdə müsəlmanlar üçün ibadət yerləri var. “Orada istər hava limanında, istərsə də iri əyləncə mərkəzlərində xüsusi ibadət məkanları mövcuddur. Lakin, bizdə əhalinin böyük əksəriyyətinin müsəlman olmasına baxmayaraq ölkənin ən iri hava limanında da belə bir məkan yoxdur. Bizdə aeroporta ən yaxın məscid 2 kilometr məsafədədir. Hesab edirəm, ölkəmizdə nəinki aeroportda, iri VİP mərkəzlərdə hətta inanclı vətəndaşlarımızın ibadət etmələri üçün şərait yaradılmalıdır və bu müvafiq qanunvericiliklə tənzimlənməlidir”,-deyə F.Mustafa vurğulayıb.
|
|
24.02.11 Məqaləni oxumaq
|
| |
|
|
|
|
|
Parlament nəqliyyat vasitələrini idarəetmə zamanı pozuntulara yol verəcək şəxslərlə bağlı cərimələri sərtləşdirdi
|
|
Bu gün Milli Məclisdə Azərbaycan Respublikası İnzibati Xətalar Məcəlləsinə nəqliyyat vasitələrini idarəetmə zamanı qanun pozuntularına yol vermiş şəxslərlə bağlı əlavə və dəyişikliklər qəbul olunub. KƏLAMİNFO xəbər verir ki, layihədə sürücülər tərəfindən nəqliyyat vasitələrinin istismarı qaydaları pozulduqda 4 balla, sərxoşluq vəziyyətinin yoxlanılması üçün müayinədən boyun qaçıran sürücülərin hərəkətinə isə 5 balla qiymət verilməsi qeyd olunub.
İnzibati Xətalar Məcəlləsinə edilən başqa bir dəyişikliyə görə, şəhərdaxili, şəhərlərarası və beynəlxalq avtobus marşrutlarında müəyyən edilmiş hərəkət cədvəlinə və hərəkət sxeminə əməl etməyən, "Taksi" tanınma nişanı, taksometr və digər göstəriciləri olmadan sərnişin daşıyan, tarifləri müəyyən edilmiş tariflərdən çox göstərən, avtobuslarda siqaret çəkən, müntəzəm şəhərdaxili marşrutlarda daşıma prosesləri ilə bilavasitə əlaqəsi olmayan audio cihazlardan istifadə edən, daşıma sənədləri olmadan sərnişin daşıyan, marşrutlarda və taksilərdə sərnişin və baqaj yerlərinin sayına, baqaj kütləsinə riayət etməyən şəxslər 40 manatdan 50 manatadək cərimə olunacaqlar.
|
|
23.02.11 Məqaləni oxumaq
|
| |
|
|
|
“Xocalıya ədalət” beynəlxalq məlumat kompaniyası çərçivəsində mətbuat konfransı keçirilib
|
|
Bu gün Bakıda, Trend Xəbərlər Mərkəzində Dialoq və Əməkdaşlıq Uğrunda İslam Konfransı Gənclər Forumunun (DƏ İKGF) Mədəniyyətlərarası Dialoq üzrə Baş Koordinatoru Leylə Əliyevanın təşəbbüsü ilə irəli sürülən “Xocalıya ədalət” beynəlxalq məlumat kampaniyası çərçivəsində mətbuat konfransı keçirilib.
KƏLAMİNFO xəbər verir ki, konfransda DƏ İKGF baş katibi, Azərbaycanın İslam Konfransı Təşkilatındakı səfiri Elşad İsgəndərov kompaniyanın hazırkı durumu barədə məlumat verib.
|
|
22.02.11 Məqaləni oxumaq
|
| |
|
|
|
Xocalı faciəsinin növbəti ildönümü ilə əlaqədar Meksika Konqresində tədbir keçirilib
|
|
Xocalı faciəsinin növbəti ildönümü ilə əlaqədar Azərbaycanın Meksikadakı səfirliyi və Meksika–Azərbaycan Parlamentlərarası Dostluq Qrupu ilə birgə Meksika Konqresində tədbir keçirib. Bu barədə məlumatı KƏLAMİNFO-ya səfirlikdən veriblər.
Tədbir zamanı, səfir İlqar Muxtarov, Ermənistanın Azərbaycana qarşı təcavüzü, Xocalı faciəsinin nəticələrindən bəhs edən məlumat xarakterli prezentasiya ilə çıxış edib.
Qeyd edilib ki, Xocalıda baş vermiş soyqırım nə qədər dəhşətli olsa da, bu Ermənistan tərəfindən Azərbaycan xalqına qarşı törədilmiş qeyri-insani və qəddar cinayətlər sırasında yalnız biridir. Bu xüsusda, Azərbaycan torpaqlarının, o cümlədən Zəngəzur ərazilərinin işğalı tarixindən bəhs edilib. Həmçinin, Azərbaycanda mövcud olan dini və milli mənsubiyyət baxımından tolerantlıqla müqayisədə, ölkəmizin işğal edilmiş ərazilərində xalqımızın mədəniyyət irsinə qarşı Ermənistan tərəfindən həyata keçirilməkdə davam edən cinayətlər, məscidlərin və digər dini və tarixi abidələrin məhv edilməsi faktları dinləyicilərin diqqətinə çatdırılıb.
|
|
19.02.11 Məqaləni oxumaq
|
| |
|
|
|
|
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
