|
|
|
|
|
|
SAM-ın elmi işçisi Gülmira Rzayevanın Sinqapurda məruzəsi olacaq
|
|
Martın 14-də Azərbaycan Prezidenti yanında Strateji Araşdırmalar Mərkəzinin (SAM) elmi işçisi Gülmira Rzayeva Sinqapurda bu ölkənin Milli Universiteti nəzdində Enerji məsələlərinin Araşdırılması İnstitutunda “Azərbaycan və enerji təhlükəsizliyi problemləri: Xəzər regionunun enerji məhsullarının ixracının geosiyasəti” adlı məruzə ilə çıxış edəcək. SAM-ın mətbuat xidmətindən KƏLAMİNFO-ya verilən məlumata görə, G.Rzayeva məruzəsində son zamanlar Azərbaycanın neft-qaz hasilatı və karbohidrogen ehtiyatlarının nəqli yollarının diversifikasiyası sahəsində həyata keçirtdiyi uğurlu siyasət, ölkəmizin iri neft və qaz layihələrində iştirakı, regional və qlobal enerji təhlükəsizliyi kimi məsələlərdə Azərbaycanın artan rolundan, həmçinin dünyanın enerji tələbatını ödəmək üçün hasilatın artırılması, əldə olunan məhsulların ixraca yönəldilməsi, nəqletmə, beynəlxalq və milli neft-qaz şirkətlərinin əməkdaşlıq imkanları, Xəzər dənizində hasil olunan qazın tranzit ölkələr vasitəsilə ixracının inkişafından bəhs edəcək.
|
10.03.11 Məqaləni oxumaq
|
| |
|
|
|
MDB-də narkotiklərlə mübarizə üzrə mərkəz yaradılacaq
|
|
Bu gün Rusiya prezidenti Dmitriy Medvedev “Azərbaycan, Qazaxstan, Qırğızıstan, RF, Tacikistan, Türkmənistan və Özbəkistan arasında Narkotik vasitələrin, psixotrop maddələrin və onların prekursorlarının qanunsuz dövriyyəsi ilə mübarizə üzrə Mərkəzi Asiya regional informasiya Koordinasiya Mərkəzinin yaradılması haqqında Sazişin ratifikasiyası haqqında” Federal Qanunu imzalayıb. KƏLAMİNFO Kremlin mətbuat xidmətinə istinadən xəbər verir ki, Federal qanun cari ilin fevralın 22-də Dövlət Duması və martın 2-də Federasiya Şurası tərəfindən qəbul edilib.
Sənədə uyğun olaraq, Astanada yerləşəcək Mərkəz narkotiklərin qanunsuz dövriyyəsilə mübarizə üzrə daimi fəaliyyət göstərən dövlətlərarası orqandır və narkotiklərin qanunsuz dövriyyəsilə bağlı transsərhəd cinayət üzrə informasiyanın toplanması, qorunması, təhlili və mübadiləsini təmin edir.
|
|
10.03.11 Məqaləni oxumaq
|
| |
|
|
|
Jurnalist Qadınlar Assosiasiyası jurnalistləri mükafatlandırıb
|
|
Bu gün Jurnalist Qadınlar Assosiasiyasının (JQA) təşkilatçılığı ilə jurnalistlərin mükafatlandırma mərasimi keçirilib. KƏLAMİNFO xəbər verir ki, JQA sədri Sevil Yusifova jurnalistlərin 12 ildir mükafatlandırıldığını və bu halən artıq bir ənənəyə çevrildiyini qeyd edib. S.Yusifova bildirib ki, JQA mətbuata açıq münasibətinə və jurnalistikaya verdiyi töhvələrə görə KİV-ə Dövlət Dəstəyi Fondunun rəhbəri Vüqar Səfərlini, AzərTac-ın əməkdaşı Bəhruz Eyvazlını, jurnalist Dilarə Vəkilovanı, millət vəkili Fazil Qəzənfəroğlunu və “Kaspi” qəzetini diplomla təltif edib. Tədbirdə həmçinin ilin jurnalisti, aparıcısı, reportyoru nominasiyaları üzrə bir çox jurnalistlər JQA-nın diplomu ilə mükafatlandırılıb.
KİV-ə Dövlət Dəstəyi Fondunun rəhbəri Vüqar Səfərli JQA-nın təşəbbüsünü yüksək qiymətləndirib. O, qadın jurnalistlərin məsuliyyətini alqışlayaraq onları bir daha təbrik edib.
|
|
09.03.11 Məqaləni oxumaq
|
| |
|
|
|
E.Axundova: “Son vaxtlar bəzi media orqanları məqsədli şəkildə mənim çıxışlarımı təhrif edirlər”
|
|
“Bəzi media orqanları var ki, son vaxtlar mütəmadi olaraq mənim çıxışlarımı və açıqlamalarımı təhrif edirlər”. KƏLAMİNFO xəbər verir ki, bu barədə millət vəkili Elmira Axundova bildirib.
O, hesab edir ki, son günlər bunun belə mütəmadi hal alması prosesin məqsədli şəkildə olması ehtimalını gücləndirir. “Bunun arxasında müəyyən məqsədli insanlar dururlar. Mən artıq buna şübhə etmirəm. Mən hələ ki, onların adlarını çəkmək istəmirəm, lakin, həmin mətbuat vasitələri demək olar ki, son bir neçə həftədə bütün çıxışlarımı təhrif edirlər”,-deyə millət vəkili vurğulayıb.
E.Axundova bildirib ki, bununla digər həmkarları da üzləşə bilərlər və çox yaxşı olardı ki, parlamentin özünün kiçik bir televiziya kanalı olsun. “Bununla bağlı bir qrup həmkarlarımızla birgə təklif hazırlamaq niyyətindəyik. Əgər bu alınmazsa, AZTV-nin rəhbəri Arif Alışanova müraciət edəcəyik. Çünki, bu gün parlamentin iclasını tam qərəzsiz işıqlandırmaq üçün müstəqil telekanal lazımdır. Heç olmasa yeni açılmış Mədəniyyət kanalında gün ərzində iki saat millət vəkillərinin çıxışları və müzakirələr efirə verilsin”,-deyə deputat bildirib.
|
|
08.03.11 Məqaləni oxumaq
|
| |
|
|
|
Komitə sədri: “Son yarım ildə Azərbaycanda sığorta institutları sürətlə inkişaf edir”
|
|
“Son yarım ildə Azərbaycanda sığorta institutları sürətlə inkişaf edir”. KƏLAMİNFO xəbər verir ki, bu barədə Milli Məclisin Sosial siyasət komitəsinin sədri Hadı Rəcəbli bildirib.
Bu halın ölkə vətəndaşlarının maliyyə təhlükəsizliyinə xidmət edən ən yaxşı vasitələrdən hesab edən H.Rəcəbli qeyd edib ki, qanunvericilikdə də edilən müvafiq əlavələr buna geniş təkan verəcək. “Xüsusilə nəqliyyat vasitələrində bu sistemin gücləndirilməsi beynəlxalq təşkilatlar tərəfindən də yüksək qiymətləndirilib. Hesab edirəm ki, sığorta ilə bağlı qanunvericilikdə edilən əlavə və dəyişikliklər yaxın zamanlarda Azərbaycanın bu sahədə daha nümunəvi dövlət olmasına gətirib çıxaracaq”,-deyə komitə sədri vurğulayıb.
|
|
07.03.11 Məqaləni oxumaq
|
| |
|
|
|
Ramiz Rzayevin sədrliyi ilə Ali Məhkəməsinin növbəti Plenumu keçirilib
|
|
Bu gün Ramiz Rzayevin sədrliyi ilə Ali Məhkəməsinin növbəti Plenumu keçirilib. KƏLAMİNFO xəbər verir ki, R.Rzayev Plenum iclasını açaraq bildirib ki, mənəvi dəyərlərə böyük zərbə vuran, qloballaşan dünyada bəşəriyyətin ümumi bəlasına çevrilən narkotik vasitələrin və psixotrop maddələrin qanunsuz dövriyyəsi və narkomanlıqla mübarizə sahəsində ölkəmizdə dövlət siyasətinin strateji istiqamətləri müəyyən olunub, bu məqsədlə bir sıra təşkilati-hüquqi və əməli tədbirlər həyata keçirilib. Qeyd edib ki, ulu öndər Heydər Əliyevin təşəbbüsü ilə 1996-cı ildən narkomanlığa və narkotik vasitələrin qanunsuz dövriyyəsinə qarşı mübarizə üzrə Dövlət Komissiyası yaradılıb, bu ağrılı bəlaya qarşı mübarizə ümumdövlət vəzifəsi hesab edilib.
Ölkə Prezidentinin 28 iyun 2005-ci il tarixli Fərmanı ilə “Narkotik vasitələrin, psixotrop maddələrin və ya onların prekursorlarının dövriyyəsi haqqında” AR Qanunu və digər hüquqi aktlar qəbul edilib.
|
|
05.03.11 Məqaləni oxumaq
|
| |
|
|
|
DKMK-nın sədri Bəhram Xəlilov Çinin ölkəmizdəki səfiri ilə görşüb
|
|
Azərbaycan Prezidenti yanında Dövlət Qulluğu Məsələləri üzrə Komissiyanın sədri Bəhram Xəlilov Çin Xalq Respublikasının Azərbaycandakı səfiri Can Yannyan ilə görüşüb. Bu bardə məlumatı KƏLAMİNFO-ya DQMK-dan veriblər.
Görüş zamanı B.Xəlilov son dövrlər Azərbaycanda dövlət qulluğu sahəsində həyata keçirilən islahatlara toxunaraq dövlət qulluğuna qəbulun müsabiqə yolu ilə təşkilində tətbiq edilən yeniliklər və dövlət qulluqçularının etik davranış qaydaları barədə məlumat verib, bu sahələrdə əldə edilən uğurlardan danışıb. Sonra Çinin dövlət qulluğu sahəsində böyük təcrübəyə malik olduğunu bildirən Komissiya sədri bu sahədə iki ölkə arasında əlaqələrin daha da genişləndirilməsinə önəm verdiyini qeyd edib.
|
|
04.03.11 Məqaləni oxumaq
|
| |
|
|
|
Sədaqət Qəhrəmanova: “BMT Azərbaycanda həyata keçirilən gender siyasətini yüksək qiymətləndirir”
|
|
“Bu gün beynəlxalq aləmdə də gender, qadın məsələsinə çox güclü diqqət yetirilir. Artıq BMT kimi nüfuzlu bir beynəlxalq təşkilat Azərbaycanı inkişaf edən dövlət kimi görür və bu dövlətdə qadınlara qarşı münasibətin yüksək olmasını təqdir edir”. KƏLAMİNFO xəbər verir ki, bu fikirləri yap.org.az saytına müsahibəsində Ailə, Qadın və Uşaq Problemləri üzrə Dövlət Komitəsinin sədr müavini Sədaqət Qəhrəmanova deyib.
S.Qəhrəmanova bildirib ki, Azərbaycan dövləti bu istiqamətdə beynəlxalq təcrübə ilə yaxından tanış olub. Onun sözlərinə görə, ölkəmiz qadınlara qarşı ayrı-seçkiliyin aradan qaldırılması ilə bağlı konvensiyaya qoşulub.
“Hər 4 ildən bir BMT-nin müvafiq komitəsi qarşısında hesabat veririk. Yeri gəlmişkən, bizim sonuncu, dördüncü hesabatımız da qurum tərəfindən çox yüksək qiymətləndirilib. Həmin hesabatın ardından bizə yeni tövsiyyələr də verilib”,- deyə o, qeyd edib.
|
|
04.03.11 Məqaləni oxumaq
|
| |
|
|
|
Eldar Namazov: “Ölkədə korrupsiyaya qarşı mübarizənin bu qədər davamlılığı çox yaxşı haldır”
|
|
“Ölkədə korrupsiyaya qarşı mübarizənin bu qədər davamlılığı çox yaxşı haldır və çox yaxşı da olardı ki, bu mübarizə üçün ilk növbədə qanunvericilikdə də müəyyən dəyişikliklər edilin”. Bunları KƏLAMİNFO-ya müsahibəsində “Azərbaycan naminə” İctimai Forumun sədri, politoloq Eldar Namazov bildirib.
Onun sözlərinə görə, bu cür ciddi mübarizə üçün mütləq qanunvericilikdə dəyişikliklər qaçılmazdır. “Eyni zamanda korrupsiya ilə mübarizə aparan xüsusi orqan yaradılmalıdır. İndki halda bu vacib amildir”,-deyə politoloq vurğulayıb.
E.Namazov qeyd edib ki, korrupsiya ilə mübarizə inkişaf edərək hər bir strukturda yuxarıdan başlamalıdır. “Aşağıda hansısa 100-150 manat maaş alan adam 100 manat da rüşvət alırsa və o, tutulursa, bu, hələ korrupsiyaya qarşı mübarizə demək deyil. Güman edirəm ki, dövlət tərəfindən həyata keçirilən bu missiya yuxarılara da gedib çatacaq”,-deyə o, əlavə edib.
|
|
04.03.11 Məqaləni oxumaq
|
| |
|
|
|
|
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
