|
|
Səhifələr : # « 99 100 101 102 103 104 105 106 107 » #
|
|
Siyavuş Novruzov: “Müxalifət mitinq keçirmək istəyirsə, qanunlara riayət etməlidir”
|
|
“Hər bir vətəndaşın sərbəst toplaşmaq hüququ var və insanlar hər hansı aksiya keçirə bilərlər. Amma aksiyanın keçirilməsi qanun çərçivəsində olmalıdır”.
KƏLAMİNFO xəbər verir ki, bu fikirləri yap.org.az saytına açıqlamasında YAP icra katibinin müavini, Milli Məclisin deputatı Siyavuş Novruzov deyib. S.Novruzov bildirib ki, müxalifət partiyalarının aprelin 16-a təyin etdiyi mitinq də qanunauyğun şəkildə keçirilməlidir. Onun sözlərinə görə, Bakı şəhər İcra Hakimiyyəti kütləvi aksiyalar keçirmək üçün müvafiq yerlər ayırıb.
“Əgər kimsə öz fikirlərini tərəfdarları ilə bölüşmək istəyirsə, burada yer məsələsi problem olmamalıdır. Yəni onlar mitinq üçün ayrılmış yerlərdə bunu sərbəst şəkildə edə bilərlər.
|
05.04.11 Məqaləni oxumaq
|
| |
|
|
|
731 əcnəbi inzibati qanunvericiliyin tələblərin pozub
|
|
Cari ilin mart ayında Dövlət Miqrasiya Xidmətinə (DMX) əcnəbilər və vətəndaşlığı olmayan şəxslər tərəfindən 3511 müraciət daxil olub. Bu barədə məlumatı KƏLAMİNFO-ya DMX-dən veriblər.
Müraciətlərin hər biri ayrı-ayrılıqda ölkə qanunvericiliyinin tələblərinə uyğun olaraq araşdırılıb və müvafiq qərarlar qəbul edilib. Həmçinin DMX əməkdaşları tərəfindən qanunsuz miqrasiya, o cümlədən, əcnəbilər və vətəndaşlığı olmayan şəxslər tərəfindən Azərbaycanda olma, habelə müvəqqəti və daimi yaşama qaydalarının pozulması hallarının aşkar edilərək qarşısının alınması məqsədi ilə müvafiq tədbirlər həyata keçirilib. Keçirilən tədbirlər nəticəsində 731 əcnəbi tərəfindən inzibati qanunvericiliyin tələblərinin pozulması halları müəyyən edilib, onlardan 130 nəfərin cərimə tətbiq edilməklə ölkə ərazisində yaşamaları leqallaşdırılıb, 527 əcnəbi barədə AR İnzibati Xətalar Məcəlləsinin müvafiq maddələri ilə nəzərdə tutulan qaydada 48 saat ərzində ölkəni tərk etmə, 74 əcnəbinin isə inzibati qaydada ölkə hüdudlarından kənara çıxarılması barədə qərarlar qəbul edilib, 46 nəfər əcnəbinin 16 yaşı tamam olmadığından həmin şəxslər inzibati məsuliyyətə cəlb olunmayıb.
|
|
05.04.11 Məqaləni oxumaq
|
| |
|
|
|
“Araz” FM efirdədir
|
|
Bu gün Beynəlxalq Mətbuat Mərkəzində (BMM) Azərbaycan teleradio məkanında yeni radionun - “Araz” FM radiosunun açılış mərasimi olub. KƏLAMİNFO xəbər verir ki, mərasimdə çıxış edən radionun baş redaktoru Vüsalə Kərimova bildirib ki, FM 103.3 dalğasında yerləşən radio əsasən Azərbaycanda və dünyada baş verən xəbərlərin dinləyicilərə çatdırılmasına üstünlük verəcək. Onun sözlərinə görə, radioda gün ərzində hər saatın tamamında “Azad xəbər” başlığı altında qısa xəbərlər efirə çıxacaq və 18:30-da isə daha geniş formatda xəbərlər proqramı dinləyicilərə təqdim olunacaq. “Bundan başqa, səhərlər “Sabahın xeyir” proqramı, günortalar sürücülər üçün “Yolda ikən...”, eləcə də “O olmasın, bu olsun”, “Yurdum” və s. bu kimi proqramlar efirdə olacaq”-deyə V.Kərimova vurğulayıb. Baş redaktor onu da qeyd edib ki, radionun www.araz.fm adında internet səhifəsi də fəaliyyətdədir.
|
|
04.04.11 Məqaləni oxumaq
|
| |
|
|
|
Metyu Brayza “İRƏLİ”-nin qonağı olacaq
|
|
Aprelin 4-də ABŞ-ın Azərbaycandakı səfiri Metyu Brayza “İRƏLİ” İctimai Birliyinin mərkəzi qərargahı və “İRƏLİ” gənclik mərkəzi ilə tanış olacaq. Bu barədə məlumatı KƏLAMİNFO-ya “İRƏLİ” İctimai Birliyindən veriblər.
Səfir gənclərin fəaliyyəti ilə tanış olacaq, “İRƏLİ” İB tərəfindən keçirilən müxtəlif təlimlərin, o cümlədən gənclərə blog barədə ilkin anlayışları, bloqların yaradılması və üstünlüklərindən, effektiv istifadə və bloqçulardan ibarət şəbəkənin yaradılması məqsədilə həyata keçirilən WeBlog layihəsinin gedişatı ilə maraqlanacaq. Eyni zamanda qonaq Dəyirmi masa ətrafında gəncləri maraqlandıran sualları cavablandıracaq.
|
|
01.04.11 Məqaləni oxumaq
|
| |
|
|
|
ETSN: “Yaponiyanın “Fukuşima-1” AES-dan sızma nəticəsində yaranan radioaktiv qazların Azərbaycana daxil olma ehtimalı yoxdur”
|
|
Yaponiyanın “Fukuşima-1” Atom Elektrik Stansiyasından sızma nəticəsində yaranan radioaktiv buludlar artıq Avropaya çatsa da bu insan sağlamlığına zərər verməyəcəkdir, çünki bu, ölkələrin üzərindəki atmosferə cüzi miqdarda təsir edir. Bu qazların Azərbaycan ərazisinə daxil olma ehtimalı yoxdur. Bu barədə məlumatı KƏLAMİNFO-ya Ekologiya və Təbii Sərvətlər Nazirliyinin (ETSN) mətbuat xidmətindən veriblər.
Ümumiyyətlə, Azərbaycanda radiasiya təsiri və təhlükəsi gözlənilmir. Buna səbəb küləyin əks, yəni Amerika qitəsi istiqamətinə əsməsidir. Fərqli vəziyyətin yaranacağı təqdirdə belə, buludlar Tayqa meşələri və okeanın üzərindən keçərkən öz radioaktivlik təhlükəsini itirir. Belə ki, atmosfer havasında olan ağır izotoplar okean və torpaq üzərinə çökür və onların ətraf mühitdə parçalanma müddəti radionuklidlərdən fərqli olaraq qısa müddətlidir.
|
|
01.04.11 Məqaləni oxumaq
|
| |
|
|
|
Bu gün ermənilərin azərbaycanlılara qarşı həyata keçirdiyi soyqırımından 93 il ötür
|
|
Bu gün erməni daşnaklarının bolşeviklərlə birgə azərbaycanlılara qarşı həyata keçirdiyi soyqırımından 93 il ötür. KƏLAMİNFO xəbər verir ki, 1918-ci il martın 30-u gecə saatlarında Bakıda başlanan kütləvi qırğınlar nəticəsində 20 minə yaxın günahsız insanın, o cümlədən çoxlu sayda qoca, qadın və uşaqlar xüsusi qəddarlıqla öldürülüb.
Martın 30-dan aprelin 2-dək davam edən kütləvi qırğınlarda Stepan Şaumyanın rəhbərlik etdiyi erməni bolşevik dəstələri Bakıda minlərlə insanı qətlə yetirib, müsəlman ziyarətgahlarını yandırıb, Kütləvi qırğınlar zamanı şəhərin ən möhtəşəm məscidi sayılan Təzəpir məscidi aramsız top atəşinə tutulub, ermənilər Bakının ən möhtəşəm memarlıq incilərindən olan “İsmailiyyə” binasını yandırıblar.
|
|
31.03.11 Məqaləni oxumaq
|
| |
|
|
|
Rüstəm Usubov: "İslam Partiyası saxta qurum olub və Ədliyyə Nazirliyində qeydiyyatdan keçmədən fəaliyyət göstərib”
|
|
"İslam Partiyası saxta qurum olub və Ədliyyə Nazirliyində qeydiyyatdan keçmədən fəaliyyət göstərib”. KƏLAMİNFO xəbər verir ki, bu fikirləri jurnalistlərə açıqlamasında baş prokurorun birinci müavini Rüstəm Usubov bildirib.
R.Usubov qeyd edib ki, partiyanın rəhbəri Mövsüm Səmədov və əmisi oğlu Dəyanət Səmədov Quba şəhərində saxlanılıb və hər birinin evində axtarış aparılıb. “Axtarış zamanı onların evlərindən çoxlu sayda silah tapılıb. Bu partiyanın digər yerlərdə - Gəncə, Masallı, Astarada şöbələri olub və şöbə rəhbərlərinin evlərində axtarışlar aparılıb. Onların da evlərindən çoxlu sayda silah aşkar edilib",-deyə R.Usubov vurğulaıb.
O, qeyd edib ki, Azərbaycan İslam Partiyasının saxlanılan fəallarının cinayət işi ciddi araşdırılır və istintaq edilir.
Qeyd edək ki, Mövsüm Səmədov barəsində Baş Prokurorluğun Ağır Cinayətlərə Dair İşlər üzrə İstintaq İdarəsində cinayət işi başlanıb və istintaq aparılır.
|
|
30.03.11 Məqaləni oxumaq
|
| |
|
|
|
Azərbaycanda korrupsiya cinayətləri ilə bağlı 17 işin istintaqı məhkəməyə göndərilib
|
|
Bu il Baş Prokuror yanında Korrupsiyaya Qarşı Mübarizə İdarəsində korrupsiya cinayətləri ilə bağlı 17 cinayət işinin istintaqı yekunlaşıb və məhkəməyə göndərilib.
KƏLAMİNFO xəbər verir ki, bu barədə jurnalistlərə açıqlamasında baş prokurorun birinci müavini Rüstəm Usubov bildirib.
R.Usubovun sözlərinə görə, hazırda idarədə 75-ə yaxın işin istintaqı aparılır.
“Baş Prokuror yanında Korrupsiyaya Qarşı Mübarizə İdarəsində 161 saylı "qaynar xətt" fəaliyyət göstərir. Hər kəs korrupsiya faktı ilə bağlı "qaynar xətt"ə müraciət edə bilər”,-deyən R.Usubov bildirib ki, bu günə qədər "qaynar xətt"ə 968 müraciət daxil olub. Onlar araşdırılıb və müvafiq qərarlar qəbul edilib.
|
|
30.03.11 Məqaləni oxumaq
|
| |
|
|
|
Dövlət Sosial Müdafiə Fondunun sədri Səlim Müslümov İsveçrəyə səfərə gedib
|
|
Dövlət Sosial Müdafiə Fondunun sədri Səlim Müslümov İsveçrəyə səfərə gedib. DSMF-dən KƏLAMİNFO-ya verilən məlumata görə, aprelin 1-nə kimi davam edəcək səfərdə məqsəd Beynəlxalq Sosial Təminat Assosiasiyasının (BSTA) Avropa Şəbəkəsi Rəhbər Komitəsinin Cenevrədə keçiriləcək iclasında iştirak etməkdir.
Qeyd edək ki, Azərbaycanın sığorta-pensiya modelinin nüfuzlu beynəlxalq təşkilatlar və maliyyə institutları tərəfindən yüksək qiymətləndirilməsinin nəticəsi kimi ölkəmiz 2007-ci ildə inkişaf etmiş Avropa ölkələri ilə bir sırada Assosiasiyanın Avropa Şəbəkəsinin Rəhbər Komitəsinin üzvü seçilib və Assosiasiya çərçivəsində yüksək səviyyədə müvafiq qərarların qəbul edilməsində xüsusi rola malikdir. Rəhbər Komitənin budəfəki iclasında BSTA Avropa Şəbəkəsinin yaxın gələcəkdə inkişafı və idarəedilməsi diqqət mərkəzində olacaq. Müzakirələr samanı Şəbəkənin dörd əlaqələndirmə mərkəzinə bölünərək tapşırıq və öhdəliklərin bu mərkəzlərin rəhbərliyinə verilməsi vasitəsilə strukturun dəyişdirilməsi məsələləri nəzərdən keçiriləcək.
|
|
30.03.11 Məqaləni oxumaq
|
| |
|
|
|
YAP Gənclər Birliyi Quba məzarlığını ziyarət edib
|
|
31 Mart - Azərbaycanlıların soyqırımı günü ilə əlaqədar olaraq Yeni Azərbaycan Partiyasının Gənclər Birliyi Quba məzarlığını ziyarət edib. KƏLAMİNFO xəbər verir ki, məzarlıqla ümumi tanışlıq zamanı AMEA-nın Arxeologiya və Etnoqrafiya institutunun əməkdaşı Qəhrəman Ağayev məlumat verib ki, 2007-ci ilin aprel ayının 1-də Quba şəhərində, Qudyalçayın ətrafında torpaq işləri görülərkən, ermənilərin azərbaycanlılara qarşı qanlı cinayətlərindən xəbər verən kütləvi məzarlıq aşkarlanıb. Ümumi sahəsi 514 kv.m olan məzarlığın 494 kv.m. sahəsində arxeoloji tədqiqat işləri aparılıb, qalan 20 kv.m sahə isə beynəlxalq tədqiqat işləri üçün saxlanılıb. Tədqiqat işlərinin aparıldığı sahədə insan cəsədlərilə doldurulmuş 2 quyu tapılıb.
|
|
29.03.11 Məqaləni oxumaq
|
| |
|
|
|
Səhifələr : # « 99 100 101 102 103 104 105 106 107 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
