|
|
Səhifələr : # « 96 97 98 99 100 101 102 103 104 » #
|
|
700 şəxs barəsində 386 cinayət işi məhkəmələrə göndərilib
|
|
Baş prokuror yanında Korrupsiyaya qarşı Mübarizə İdarəsi tərəfindən 2005-ci ildən bu günədək rüşvətalma, vəzifədən sui-istifadə, vəzifə səlahiyyətlərini aşma, qulluq mövqeyindən istifadə etməklə özgə əmlakını talama və digər faktlar üzrə 700 şəxs barəsində 386 cinayət işinin istintaqı tamamlanaraq baxılması üçün müvafiq məhkəmələrə göndərilib. “KƏLAMİNFO” xəbər verir ki, bu barədə məlumatı idarə rəisi Kamran Əliyev Litvanın baş prokuroru Darius Valis və bu ölkənin Xüsusi İstintaq Xidmətinin baş direktoru Zimantas Paseviçiusla görüşündə söyləyib.
Qonaqlara məlumat verilib ki, Korrupsiyaya qarşı Mübarizə Idarəsinin fəaliyyətində yeni informasiya texnologiyalarının tətbiqi sahəsində məqsədyönlü tədbirlər həyata keçirilməklə, bu qəbildən olan cinayətlər barədə vahid informasiya bazası yaradılaraq 2009-cu ilin yanvar ayından mütəmadi və fasiləsiz fəaliyyət göstərməyə başlanıb.
|
28.04.11 Məqaləni oxumaq
|
| |
|
|
|
“İRƏLİ” e-ticarətin tətbiqinin sirlərini öyrədəcək
|
|
“İRƏLİ” İctimai Birliyi Azərbaycanda ilk dəfə təqdim olunan geniş auditoriyalı açıq seminar təlim metodunun tətbiqinə start verir. Bu silsilədən ilk təlim aprelin 30-da “e-ticarət” mövzusunda keçiriləcək. “İRƏLI” İB-nin mətbuat katibi Aynur Həsənzadənin “KƏLAMİNFO”ya verdiyi məlumata görə, tədbirə e-ticarətin növləri, e-ticarət anlayışı haqqında məlumatlar əldə etmək, öz e-biznesini qurmaq, iş yerlərində və ya gələcək iş həyatında e-ticarəti tətbiq etməyin sirlərini öyrənmək istəyənlər dəvətlidir.
Təlim Xəzər Universitetində “Golden Pay” şirkətinin rəhbəri Farid İsmayılzadə tərəfindən tam ödənişsiz keçiriləcək.
|
|
28.04.11 Məqaləni oxumaq
|
| |
|
|
|
Şuranın layihəsi ilə orta məktəbdə “Ekoloji dərs” saatı təşkil olunub
|
|
“Vətəndaş Maarifləndirilməsi” İctimai Birliyi Prezident yanında QHT-lərə Dövlət Dəstəyi Şurasının maliyyə yardımı ilə “Bakı şəhərində ekoloji maarifçiliyin dəstəklənməsi” layihəsinin icrası çərçivəsində Bakı şəhəri, Binəqədi qəsəbəsi 182 saylı orta məktəbdə “Ekoloji dərs” saatı təşkil edib. “KƏLAMİNFO” xəbər verir ki, şagirdlər qarşısında çıxış edən layihə rəhbəri Niyaz Niftiyev QHT-lərə Dövlət Dəstəyi Şurasının maliyyə yardımı ilə həyata keçirilən layihənin məqsədlərindən danışıb.
Layihə rəhbəri son illər planetimizi narahat edən problemlərdən birinin də dünyada ekoloji gərginliyin artması və ekoloji tarazlığın pozulması olduğunu bildirib. N.Niftiyev həyata keçirilən layihənin məqsədinin də elə məhz ətraf mühitin mühafizəsi sahəsində ictimaiyyətin məlumatlandırılması və maarifləndirilməsi işini təşkil etməkdən ibarət olduğunu bildirib. O, qeyd edib ki, ekoloji vəziyyətin yaxşılaşdırılmasına yönəldilən Dövlət və Milli proqramların yerinə yetirilməsi ilə bağlı görülən işləri və mövcud problemləri mətbuatda təbliğ etmək layihənin əsas vəzifələrindən olub.
|
|
28.04.11 Məqaləni oxumaq
|
| |
|
|
|
Ramil Usubov bölgələrdə vətəndaşların qəbulu davam etdirir
|
|
Daxili işlər naziri, general-polkovnik Ramil Usubov tərəfindən bölgələrdə vətəndaşların qəbulu davam etdirilir. Nazirliyin mətbuat xidmətindən “KƏLAMİNFO”ya verilən məlumata görə, may ayının 5-də Gəncə şəhərində daxili işlər orqanları əməkdaşlarının fəaliyyəti ilə bağlı vətəndaşların qəbulu keçiriləcək. Nazir Gəncə, Göygöl, Samux, Kəlbəcər, Şəmkir, Ağstafa, Tovuz, Qazax rayonlarının sakinlərini qəbul edəcək.
Qeyd edək ki, vətəndaşların qəbulu siyahıda birinci göstərilən şəhər polis şöbəsində keçiriləcək. Qəbul saat 11:00-da başlayır.
|
|
27.04.11 Məqaləni oxumaq
|
| |
|
|
|
“Türk-erməni dostluğu” simvolunun başı kəsilib
|
|
Bu gün səhər saatlarında Türkiyənin Qars şəhərindəki “türk-erməni dostluğu”nun simvolu sayılan “İnsanlıq abidəsi”nin heykəllərindən birinin başı kəsilib. “KƏLAMİNFO” Türkiyənin “Doğan” Xəbər Agentliyinə istinadən xəbər verir ki, abidənin sökülməsi ilə bağlı qərarı Qars Bələdiyyəsinin Məclisi bu il fevralın 1-də qəbul etsə də, abidənin sökülməsinə aprelin 17-dən start verilib.
Xatırladaq ki, Türkiyənin baş naziri Rəcəb Tayyib Ərdoğan Qarsa səfəri zamanı bələdiyyə sədri və digər rəsmilərlə görüşündə bölgənin tarixi-memarlıq üslubuna zidd olan əcaib tikililərin sökülməli olduğunu bildirib. O, bu abidəni “eybəcər” adlandırıb. Abidənin sökülməsi ilə bağlı məhkəmə qərarı da var və abidənin sökülməsi üçün Tenderdə qalib gələn şirkətə 60 gün vaxt verilib.
|
|
26.04.11 Məqaləni oxumaq
|
| |
|
|
|
Sabunçu rayonu üzrə sahibkarlardan investisiya layihələrinin qəbulu başlayır
|
|
İqtisadi İnkişaf Nazirliyinin Sahibkarlığa Kömək Milli Fondu Sabunçu rayonunda "Bakı qəsəbələrində sahibkarlığın inkişafına dövlət dəstəyi" mövzusunda tədbir keçirib. İİN-dən “KƏLAMİNFO”ya bildiriblər ki, tədbir çərçivəsində yerli icra hakimiyyəti orqanlarının nümayəndələri və sahibkarlarla mövcud iqtisadi potensialdan daha səmərəli istifadə edilməsi məqsədilə müzakirələr aparılıb. Sabunçu rayonunun qəsəbələri üzrə sahibkarlıq subyektlərindən aşağıdakı istiqamətlərdə investisiya layihələrinin maliyyələşdirilməsi üçün təkliflərin qəbulu məqsədəuyğun hesab edilib: zəfəran təsərrüfatlarının yaradılması, zəfəran emalı və qablaşdırılması müəssisəsinin yaradılması, müasir çörək istehsalı müəssisələrinin yaradılması, müasir kiçik və orta həcmli istixana komplekslərinin yaradılması, müasir quşçuluq təsərrüfatlarının yaradılması, kiçik həcmli müasir ət kəsimi müəssisələrinin yaradılması.
Bu gündən etibarən "Azərbaycan Respublikası Sahibkarlığa Kömək Milli Fondunun vəsaitlərinin istifadəsi Qaydaları"na uyğun olaraq, sahibkarlıq subyektləri investisiya layihələrinin maliyyələşdirilməsi məqsədilə müvəkkil kredit təşkilatları vasitəsilə Fonda müraciət edə bilərlər.
|
|
26.04.11 Məqaləni oxumaq
|
| |
|
|
|
Avropa İttifaqı Azərbaycanda əməyin təhlükəsizliyi ilə bağlı layihəyə başlayır
|
|
Bu gün Əmək və Əhalinin Sosial Müdafiəsi Nazirliyində Beynəlxalq Əmək Təşkilatı və Dünya Bankının Sosial Müdafiənin İnkişafı Layihəsinin dəstəyi ilə “Əməyin Təhlükəsizliyi və Sağlamlığının idarə edilməsi sistemi: fasiləsiz təkmilləşdirmə yolları” mövzusunda Beynəlxalq Konfrans keçirilib. “KƏLAMİNFO” xəbər verir ki, konfrans Dövlət Əmək Müfəttişliyi Xidmətinin (DƏMX) yaradılması, Azərbaycanda əməyin təftişi işinin təkmilləşdirilməsi istiqamətində Dünya Bankının layihəsinin müvafiq komponentləri üzrə Avropa İttifaqına üzv dövlətlərlə səmərəli əməkdaşlığın həyata keçirilməsi, Aİ-nin maliyyələşdirdiyi DƏMX-ın əməyin təhlükəsizliyi və sağlamlığı sahəsində fəaliyyətinin gücləndirilməsi məqsədi daşıyan Tvininq layihəsinin başlaması və aprelin 26-dan mayın 26-dək əməyin mühafizəsi aylığının keçirilməsinə həsr edilib.
|
|
26.04.11 Məqaləni oxumaq
|
| |
|
|
|
Səhiyyə Nazirliyi qanvermə aksiyaları keçirib
|
|
Səhiyyə Nazirliyi Polis Akademiyasında, “Azəryolservis” ASC-də və o cümlədən Şəmkir Mərkəzi Rayon Xəstəxanasında könüllü qanvermə aksiyaları keçirib. Bu barədə məlumatı “KƏLAMİNFO”ya nazirliyin mətbuat xidmətindən veriblər.
Aksiyalar zamanı Polis Akademiyasında 51 nəfər, “Azəryolservis” ASC-də isə 54 nəfər könüllü olaraq qan verib. Tədarük olunan qan və qandan hazırlanan preparatlardan hemofiliyalı və talassemiyalı, həmçinin qana ehtiyacı olan bütün xəstələrin müalicəsində istifadə olunacaq.
Şəmkirdə də aksiyalar zamanı 662 nəfər könüllü olaraq qan verib. Burada da tədarük olunan qan və qandan hazırlanan preparatlardan hemofiliyalı və talassemiyalı, həmçinin qana ehtiyacı olan bütün xəstələrin müalicəsində istifadə olunacaq.
|
|
25.04.11 Məqaləni oxumaq
|
| |
|
|
|
YAP qondarma erməni soyqırımını müzakirə edib
|
|
Bu gün Atatürk Mərkəzində hakim Yeni Azərbaycan Partiyası (YAP) Türkiyənin Azərbaycandakı səfiri Hulusi Kılıcın iştirakı ilə 24 Aprel qondarma erməni soyqırımı ilə bağlı dəyirmi masa keçirib. “KƏLAMİNFO” xəbər verir ki, tədbirdə YAP-ın sədr müavini Əli Əhmədov bildirib ki, bu qondarma soyqırımı əzəldən yalan üzərində qurulmuş məsələdir və təəssüf ki, bəzi qüvvələr tarix boyu, elə indi də bu yalana nəfəs verməkdədirlər.
Ə.Əhmədov qeyd edib ki, bu erməni saxtakarlığını hamılıqla sübut etmək lazımdır və hazırda bunun üçün ciddi işlər aparılır. O, Fransanın Konstitusiya Məhkəməsinin qondarma soyqırımı ilə bağlı mövqeyinin həm də belə bir soyqırımı olmadığını etiraf etmiş olduğunu bildirib. “Bu etirafların davamı gələcək. Keçirilən bugünkü tədbirdə məqsəd də bir tərəfdən soyqırımın yalan olmasını nümayiş etdirməkdirsə, digər tərəfdən Azərbaycanın Türkiyə ilə həmrəy olduğunu bir daha nümayiş etdirməkdir. Məhz buna görə əminik ki, Dağlıq Qarabağ münaqişəsi ilə bağlı Türkiyənin mövqeyi aydın və ədalətlidir” - deyə YAP sədr müavini vurğulayıb.
|
|
23.04.11 Məqaləni oxumaq
|
| |
|
|
|
Hicran Hüseynova: “Beş yaşlı körpənin düşünülməmiş şəkildə aksiyaya aparılması cinayətdir”
|
Beş yaşlı körpənin düşünülməmiş şəkildə icazəsiz aksiyaya aparılması cinayətdir. O valideyn öz məsuliyyətini dərk etməyib, uşağını mitinqə gətirirsə, buna nə ad vermək olar? Hər şeydən əvvəl uşağın sağlamlığı təhlükə altına salınır, onun psixoloji durumu pozulur. “KƏLAMİNFO” xəbər verir ki, bu barədə Ailə, Qadın və Uşaq Problemləri üzrə Dövlət Komitəsinin sədri Hicran Hüseynova bildirib.
Onun sözlərinə əsasən, həmin valideyn hətta cinayət məsuliyyətinə cəlb olunmalıdır. O, bildirib ki, dövlət həmin 5 yaşlı uşağa sahib çıxıb və körpə polislərin nəzarəti ilə hadisə yerindən uzaqlaşdırılıb. Komitə sədri ana və qızın həbsi ilə bağlı məsələyə toxunaraq, bunun doğru məlumat olmadığını vurğulayıb.
|
|
22.04.11 Məqaləni oxumaq
|
| |
|
|
|
Səhifələr : # « 96 97 98 99 100 101 102 103 104 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
