Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamenti Kür və Araz transsərhəd çaylarının, həmçinin onların transsərhəd qollarının çirklənmə vəziyyətini öyrənmək məqsədilə dekabr ayının III ongünlüyü üçün növbəti monitorinqləri həyata keçirib. Dekabr ayının III ongünlüyündə Kür çayında suyun sərfi dekabr ayının II ongünlüyünə nisbətən 19 m3/san artaraq 159 m3/san təşkil etmişdir. 

Azərbaycan-Kıbrıs Dostluq Cəmiyyətinin İdarə Heyətinin üzvləri Türkiyənin Kiprdəki səfiri Halil İbrahim Akça ilə görüşüblər. Belə ki, AKDC İdarə Heyətinin sədri Orxan Həsənoğlu və İdarə Heyətinin üzvləri Tofiq Hüseynov, Fərid Həsənzadə və Cəfər Mənsimin iştirakı ilə baş tutan görüşdə  Türkiyənin Kiprdəki səfiri Halil İbrahim Akça AKDC fəaliyyəti ilə yaxından tanış olub və onlarla gələcək işlərində uğurlar arzulayıb. Görüş zamanı Azərbaycan gəncliyinin bu günkü durumu,  Dağlıq Qarabağ münaqişəsi və vətənpərvərlik mövzularında fikir mübadiləsi aparılıb. 

Doğu Akdeniz Universiteti və Azərbaycan-Kıbrıs Dostluq Cəmiyyətinin dəvəti ilə Şimali Kiprdə olan millət vəkili Aydın Mirzəzadə 29 dekabrda Kuzey Kıbrıs Türk Cümhuriyyətinin prezidenti Dərviş Əroğlu ilə görüşüb.  A.Mirzəzadə Şimali Kipr rəhbərinə, Azərbaycanın bugünki durumu, daxili və xarici siyasətindəki uğurlar, Ermənistanın torpaqlarımızın işğalından doğan fəsadlar barəsində məlumat verildi. Bildirildi ki, Azərbaycan xalqı Kipr xalqının problemlərindən xəbərdardır və onu tezliklə həll edilməsini arzulayır.

Dərviş Əroğlu Azərbaycan xalqına məhəbətti olduğunu və uğurlarından sevindiyini bildirdi. 

Bayram günləri ərəfəsində Dövlət Baytarlıq Xidməti gücləndirilmiş iş rejimində işləyəcək. 31 dekabr Dünya Azərbaycanlılarının Həmrəylik Günü və Yeni illə əlaqədar əhalinin keyfiyyətli və təhlükəsiz ərzaq məhsulları ilə təmin edilməsini, eyni zamanda heyvanlardan, heyvan mənşəli məhsullardan insanlara keçə biləcək xəstəliklərin qarşısının alınması məqsədi ilə dekabrın 28-dən 31-dək ölkədə fəaliyyət göstərən bazar və yarmarkalarda dövlət baytarlıq nəzarətini gücləndirmək məqsədilə reydlər keçiriləcək. 

Adəm Abbaslı/AZADİNFORM. Milli Məclisinin deputatı Aydın Mirzəzadə Şimali Kiprə səfər edəcək. Millət vəlikinin “Azadinform”a dediyinə görə, onun Şimali Kiprə səfəri Doğu Akdeniz Universitetinin (DAU) və Azərbaycan-Kıbrıs Dostluq Cəmiyyətinin dəvəti ilə baş tutur. A.Mirzəzadə adı çəkilən qurumun təşkilatçılığı ilə DAU-də gerçəkləcək 31 dekabr Dünya azərbaycanlılarının Həmrəylik Gününə həsr olunmuş “Azərbaycan – keçmişdən gələcəyə” adlı keçirilən beynəlxalq konfransa qatılaraq, “Türk xaqlarının həmrəyliyi dünyanın inkişafına töhfədir" mövzusunda çıxış edəcək.

Eyni zamanda o,  Şimali Kipr rəhbərliyi və DAU-nin rektoru və burada təhsil alan azərbaycanlı tələbələrlə də görüşəcək. Tələbələrlə görüş zamanı o, Kiprdə təhsil alan azərbaycanlı tələbələrin problemləri dinləyəcək və eyni zamanda onları maraqlandıran sualları cavablayacaq.

AMEA-nın Milli Azərbaycan Tarixi Muzeyinin Azərbaycanın tanınmış neft sahibkarı və xeyriyyəçisi Hacı Zeynalabdin Tağıyevin ev-muzeyinin ekspozisiyasına yeni vitrin əlavə olunub. Muzeydən  bildirmişlər ki, vitrində Hacı Zeynalabdin Tağıyevə məxsus olmuş Quran qabı və dini kitablar nümayiş olunur.

Gənc Vətənpərvərlər Birliyi (GVB) ilin yekunu ilə bağlı tədbir keçirib. Birlikdən verilən məlumata görə, iclasda GVB-nin sədri Müqamət Əliyev gündəlikdə duram məsələləri və 2012-ci ildə  görülən işlər barədə məlumat verib. İdarə Heyətinin üzvləri Birliyin gördüyü işləri yüksək qiymətləndiriblər.

Kür çayının aşağı axınında suyun səviyyəsində artım müşahidə olunub. “Azadinform” Ekologiya və Təbii Sərvətlər Nazirliyinin Milli Hidrometeorologiya Departamentinə istinadən xəbər verir ki, Kür çayının Surra məntəqəsində 1 sm, Şirvanda 4 sm, Salyan və Bankədə 3 sm artım, Araz çayının Novruzlu məntəqəsində isə suyun səviyyəsində 1 sm azalma müşahidə olunub.

Dövlət Sosial Müdafiə Fondu (DSMF) informasiya kommunikasiya texnologiyalarının tətbiqi ilə səmərəli idarəetmə sahəsindəki fəaliyyətinə görə xüsusi sertifikata layiq görülüb. DSMF-dən verilən məlumata görə, sertifikat Dünya Bankı tərəfindən “Müasir kompüter texnologiyalarının imkanlarından istifadə etməklə köhnəlmiş iş metodlarından yeni iş metodlarına keçid” nominasiyası üzrə verilib.