Kelam Jurnalı - Elm və təhsil

Bu gün Gənclər və İdman Nazirliyində Bakıda təşkil olunacaq Yeniyetmələrin VI Beynəlxalq Elm Olimpiadasına həsr olunmuş mətbuat konfransı keçirilib. KƏLAMİNFO xəbər verir ki, konfransda çıxış edən gənclər və idman nazirinin müavini İntiqam Babayev ölkəmizdə ilk dəfə olaraq keçiriləcək belə beynəlxalq tədbir haqqında məlumat verib. Onun sözlərinə görə, bundan əvvəl beş Beynəlxalq Elm Olimpiadası ardıcıl olaraq 2004 və 2005-ci ildə İndoneziyada, 2006-cı ildə Braziliyada, 2007-ci ildə Tayvanda və 2008-ci ildə isə Koreyada keçirilib. Bu olimpiadalarda iştirak edən Azərbaycan yalnız son iki olimpiadada 6 bürünc medal qazanıb. İ.Babayev qeyd edib ki, beynəlxalq tədbirin bu ilki mərhələsi ölkəmizdə 2-11 dekabr tarixlərində keçiriləcək. Yarışmaya 49 ölkədən 600-dən çox tələbə və müəllimlərin qatıldığını nəzərə çatdıran İ.Babayev artıq hazırlıq məqsədilə mart ayından etibarən Təhsil və Elm Komitələrinin yaradıldığını vurğulayıb. O, bildirib ki, Elm Komitəsinə görkəmli alim Hafiz Paşayev, Təşkilat Komitəsinə isə gənclər və idman naziri Azad Rəhimov rəhbərlik edir.

03.12.09

Məqaləni oxumaq

Beynəlxalq Elmi Olimpiadada qalib olan yeniyetmələrimiz seçdikləri ali məktəblərə imtahansız qəbul oluna bilərlər

Azərbaycanda 15 yaşlı yeniyetmələr arasında baş tutacaq Beynəlxalq Elm Olimpiadasında qalib olacaq gənclərimiz növbəti ildə seçdikləri ali məktəblərə imtahansız qəbul oluna bilərlər. KƏLAMİNFO xəbər verir ki, bu barədə gənclər və idman nazirinin müavini İntiqam Babayev jurnalistlərə açıqlamasında bildirib. Qeyd olunan beynəlxalq yarışmaya ölkəmizdən 15 nəfərdən ibarət komandanın qatıldığını deyən İ.Babayev qeyd edib ki, Azərbaycan ev sahibliyi etdiyi üçün daha çox heyyətlə iştirak edir. O, hər komandanı 3 şagird və 1 müəllim təşkil etdiyini, digər iştirakçı ölkələr üçün isə 3 komanda nəzərdə tutuluduğunu söyləyib. İ.Babayev ölkəmizin daha çox heyyətlə və daha potensiallı gənclərlə təmsil olunduğunu diqqətə çatdırıb. вЂњBu cür dünya əhəmiyyətli olimpiadadan qalib çıxan gənclərimizin ali məktəblərə imtahansız keçməsini müsbət hal kimi dəyərləndirik. Bunun üçün də müvafiq müzakirələr gedir və bunun həyata keçirilməsinə böyük ehtimal varвЂќ,- deyə nazir müavini vurğulayıb.

03.12.09

Məqaləni oxumaq

TQDK-da növbəti elmi-metodiki seminar keçirilib

Bu gün Tələbə Qəbulu üzrə Dövlət Komissiyasında (TQDK) fizika fənni üzrə növbəti elmi-metodiki seminar keçirilib. Bu barədə məlumatı KƏLAMİNFO-ya TQDK-nın mətbuat xidmətindən veriblər. İclasda 2010-cu ildə ali məktəblərə qəbul imtahanlarında fizika fənnindən tətbiq ediləcək test modelinin müzakirəsi baş tutub. Müzakirələr nəticəsində, qəbul imtahanında məntiqi düşüncəyə əsaslanan, nəzəri biliklərin tətbiqini, fiziki hadisə və proseslərin mahiyyətinin dərk edilməsini tələb edən keyfiyyət və hesablama xarakterli test tapşırıqlarına üstünlük verilməsi qərara alınıb. Müzakirəyə təqdim olunmuş test tapşırıqlarından yalnız on tapşırıq qəbul edilib. Növbəti seminar iclasında müzakirələr davam edəcək.

02.12.09

Məqaləni oxumaq

Tələbə Qəbulu üzrə Dövlət Komissiyasında növbəti elmi-metodiki seminar keçirilib

Bu gün Tələbə Qəbulu üzrə Dövlət Komissiyasında (TQDK) fizika və kimya fənni üzrə növbəti elmi-metodiki seminar keçirilib. Bu barədə məlumatı KƏLAMİNFO-ya TQDK-nın mətbuat xidmətindən veriblər. Fizika fənni üzrə seminarda 2009-cu ildə ali məktəblərə IV ixtisas qrupu üzrə keçirilmiş qəbul imtahanında fizika fənnindən istifadə edilmiş test tapşırıqlarının elmi-metodiki (D variantı) təhlili olunub. Test tapşırıqları abituriyentlərin fizikadan bilik və bacarıqlarını yoxlamağa imkan verib. Qəbul imtahanında məntiqi düşüncəyə əsaslanan, nəzəri biliklərin tətbiqini və fiziki hadisə və proseslərin mahiyyətinin dərk edilməsini tələb edən keyfiyyət xarakterli test tapşırıqları üstünlük təşkil edib. Aparılan təhlil göstərib ki, abituriyentlərin əksəriyyəti hesablama xarakterli keyfiyyət tipli test tapşırıqlarının həllində çətinlik çəkiblər.

25.11.09

Məqaləni oxumaq

Azərbaycan hökuməti 142 min manat vəsait yardım ayırıb

Milli Elm Fondunun (MEF) təşəbüüsü olan İnnovativ Tədqiqatlar Elmi Mərkəzinin (İTEM) yaradılmasına Azərbaycan hökuməti 142 min manat vəsait yardım ayırıb. Bu barədə məlumatı KƏLAMİNFO-ya MEF-in direktoru Fuad İsmayılov verib. O qeyd edib ki, mərkəzin yaradılması üçün ABŞ-ın Mülki Tədqiqatlar və İnkişaf Fondu 50 min dollar yardım ayırıb. Qeyd edək ki, reallaşandan sonra İTEM aparıcı Azərbaycan alimlərinin bərpa olunan enerji, biotexnologiya, kənd təsərrüfatı, ekologiya və ölkədə mövcud olan digər ümdə məsələlərin həll edilməsi üçün fəaliyyət göstərəcəkləri ən son elmi avadanlıqlarla təchiz edilmiş müasir mərkəzə çevriləcək. Mərkəzdə çalışan alimlər ən çox ehtiyac duyulan tətbiqi tədqiqat və analitik işlərin aparılması üçün yerli və xarici təşkilatlardan (habelə Azərbaycan hökuməti və biznes fəaliyyəti ilə məşğul olan yerli təşkilatlardan) aldığı sifarişlərini qəbul edə biləcəklər. İTEM, həmçinin sahibkarlıq və kommersiya sahəsi üzrə treninqlər də təklif edəcək.

19.11.09

Məqaləni oxumaq

Misir Mərdanov ictimaiyyətin təhsilə olan münasibətindən narahatdır

Məni daha çox narahat edən ictimaiyyətin təhsilə olan münasibətidir. KƏLAMİNFO xəbər verir ki, bu fikirləri təhsil naziri Misir Mərdanov söyləyib. вЂњÇox istərdim ki, bu münasibət yaxşılığa doğru çevrilsin. Ancaq təəssüf ki, biz buna tam nail ola bilməmişik. Yəni hər kəs təhsilin keyfiyyətinin yüksəlməsini istəyir və bu, təbiidir. Ancaq əksəriyyəti elə başa düşür ki, bu işi yalnız müəllimlər və Təhsil Nazirliyi görməlidir. Dünyada təhsil elə bir geniş sahədir ki, bu sahənin inkişafı tək təhsil işçilərinin gücü ilə təmin oluna bilməz. İstərdim ki, bütün ictimaiyyət təhsilə öz müsbət töhfəsini versin. Məni ən çox narahat edən də budur. Qalan məsələləri düzəltmək asandır. Ancaq insanların təfəkküründə təhsilə olan münasibəti dəyişmək elə də asan məsələ deyilвЂќ,-deyə M.Mərdanov narahatlığını açıqlayıb.

19.11.09

Məqaləni oxumaq

TQDK nəzarətç-müəllimləri mükafatlandıracaq

Bu gün Tələbə Qəbulu üzrə Dövlət Komissiyasında (TQDK) cari ildə ali məktəblərə keçirilmiş qəbul imtahanlarında nümunəvi iştirak etmiş nəzarətçilər mükafatlandırılacaq. KƏLAMİNFO xəbər verir ki, bu barədə məlumatı TQDK sədri Məleykə Abbaszadə jurnalistlərə açıqlamasında bildirib. TQDK sədri qeyd edib ki, bu il ümumilikdə nəzarətçilər bazasına 6837 fənn müəllimi daxil olub. M.Abbasazdənin sözlərinə görə, onlarla keçirilən trenninqlər və yoxlamalar nəticəsində 3552 müəllim-nəzarətşi seçilərək imtahanlarda iştirak edib. Bunlardan imtahandakı nümunəvi iştirakına görə 579 nəzarətçiyə təşəkkür elan edilib, 31 nəfər isə Fəxri Fərmanlarla təltif edilib. вЂњBu amillərin həmin müəllimlərin pedoqoji fəaliyyətində nəzərə alınması xahişi ilə bizim tərəfimizdən Təhsil Nazirliynə və müvafiq təhsil şöbələrinə məktublar da göndərilibвЂќ,-deyə M.Abbaszadə vurğulayıb. TQDK sədri bildirib ki, bu ilki nəzarətçilər arasında 153 nəfər nəzarətçi fəaliyyətlərində göstərdikləri laqeydlik və səhlənkarlığa görə nəzarətçilər bazasından çıxarılıb, 62 nəzarətçi-müəllimə şifahi xəbərdalıq olunub.

14.11.09

Məqaləni oxumaq

Bakının pilot məktəbləri və Sumqayıt məktəbləri məktəbli formasına keçir

Bakı şəhər Təhsil İdarəsi yeni layihəyə başlayıb. KƏLAMİNFO xəbər verir ki, bundan sonra məktəblərdə hamı eyni formada geyinəcək. Hazırda yeni dizaynda hazırlanacaq məktəbli formalarının eskizləri və harada tikilib hazırlanacağı müəyyənləşir. Məsələ ilə bağlı mütəxəsis qrupu çalışır. Onlar formanın materialını və stilini müəyyənləşdirirlər. Dərs ilinin sonuna kimi yeni formalar əvvəlcə Bakıda pilot məktəblərində, sonra isə Sumqayıt məktəblərində tətbiq ediləcək. Görülən iş uğurla həyata keçirilərsə, bu paytaxtın digər məktəblərinə də şamil ediləcək. Ehtimal edilir ki, bütün məktəblərin şagirdləri eyni emblemlə olan formadan geyinəcək. Qeyd edək ki, bununla bağlı yalnız Təhsil Nazirliyinin deyil, həm də məktəb direktorları, müəllimlər və valideynlərin də göndərdiyi təkliflərə baxılır.

13.11.09

Məqaləni oxumaq

TQDK-da вЂњAbituriyentвЂќ jurnalının saytının və jurnalın 11-ci sayının təqdimatı olub

Bu gün Tələbə Qəbulu üzrə Dövlət Komissiyasının (TQDK) mətbu orqanı olan вЂњAbituriyentвЂќ jurnalının saytının və jurnalın 11-ci sayının təqdimatı olub. KƏLAMİNFO xəbər verir ki, TQDK sədri Məleykə Abbaszadə çıxış edərək bildirib ki, sayt öz fəaliyyətini bir müddət müəyyən səbəblər üzündən dayandırıb və artıq yenidən aktivləşib. M.Abbaszadə www.abiturient.az adlı saytda jurnalın bütün saylarının mütamadi olaraq dərc olunacağını söyləyib. Jurnalın 11-ci sayında isə yüksək nəticə göstərən abituriyentlər haqqında məlumatların toplandığını diqqətə çatdıran M.Abbaszadə qeyd edib ki, bu il də ənənəyə sadiq qalınıb. TQDK sədri ümumilikdə bu il ali və orta ixtisas məktəblərin keçirilən müsabiqədə 110 minə yaxın abituriyentin iştirak etdiyini, onlardan 996 nəfərinin yüksək nəticə göstərərək 600-dən yuxarı bal topladığını nəzərə çatdırıb.

13.11.09

Məqaləni oxumaq

Latviyada вЂњVətəndaş təhsili: bilikdən fəaliyyətə doğruвЂќ mövzusunda təlim proqramı keçiriləcək

Gələn il yanvarın 12-16-sı tarixlərində Latviyada Avropa Şurasının Pestalotsi Proqramı çərçivəsində вЂњVətəndaş təhsili: bilikdən fəaliyyətə doğruвЂќ mövzusunda təlim proqramı keçiriləcək. Təhsil Nazirliyindən KƏLAMİNFO-ya verilən məlumata görə, proqramda ölkəmizdən vətəndaş təhsili sahəsində çalışan mütəxəssislər- müəllimlər, gənclər təşkilatının liderləri, vətəndaş təhsili sahəsində fəaliyyət göstərən QHT nümayəndələri və gənclərlə iş sahəsində təcrübəli şəxslər iştirak edə bilərlər. Qeyd edək ki, proqramda iştirak etmək istəyən namizəd uşaq və gənclərlə sosial iş sahəsində təcrübəyə malik olmalı, təlim proqramında iştirak etdikləri müddətdə öz ölkələrindəki təcrübəyə dair qısa təqdimat hazırlamalı, qazandığı təcrübəni öz ölkəsində, eləcə də digər iştirakçılarla bölüşməlidir.