Kelam Jurnalı - Elm və təhsil

Türkiyənin paytaxtı Ankara şəhərində Azərbaycan Dillər Universiteti (ADU) ilə Türkiyənin Hacəttəpə Universiteti arasında əməkdaşlıq müqaviləsi imzalanıb. Bu barədə məlumatı KƏLAMİNFO-ya ADU-nun mətbuat xidmətindən veriblər. İmzalanma mərasimində ADU-nun rektoru, millət vəkili, professor Səməd Seyidovun rəhbərlik etdiyi nümayəndə heyəti, Azərbaycanın Türkiyədəki səfiri Zakir Həşimov, Hacəttəpə Universitetinin rektoru, professor Uğur Erdenerin rəhbərlik etdiyi nümayəndə heyəti, Strasburq Universiteti və Fransanın Türkiyədəki səfirliyinin nümayəndələri iştirak ediblər.

15.01.10

Məqaləni oxumaq

Ötən il ali təhsilə 121 mln. manat vəsait ayrılıb

Ötən il dövlət büdcəsindən təhsilə ayrılan vəsait 1,1 mlrd. manat olub. KƏLAMİNFO xəbər verir ki, bu bardə məlumatı təhsil naziri Misir Mərdanov verib. Ali təhsilə ayrılan vəsaitin isə 2009-cu ildə 121 mln. manata çatdığını diqqtə çatdıran M.Mərdanov bildirib ki, bu da təhsilə ayrılan dövlət vəsaitinin 15 faizini təşkil edir. Onun sözlərinə görə, qeyd olunan rəqəm dövlət ali təhsil müəssisələrinin ümumi büdcəsinin 75 faizini təşkil edir və qalan vəsait isə ödənşişli əsaslarla əldə olunan gəlirlər hesabına formalaşır. Dövlətin bir tələbəyə çəkdiyi ümumi xərcin ötən il 2102 manat olduğunu qeyd edən nazir əlavə edib ki, 2009-cu ildə ali təhsildə elmi-tədqiqat işlərinə 3,9, tikinti və əsaslı təmir işlərinə isə 28,95 mln. manat vəsait ayrılıb. M.Mərdanov həmçinin qeyd edib ki, hazırda dövlət vəsaiti hesabına dünyanın 28 ölkəsində 1261 azərbaycanlı gənc müxtəlif ixtisaslarda təhsillərini davam etdirirlər. Onun sözlərinə görə, bu məqsədlə ötən il xaricdə təhsil alan tələbələrə 8,75 mln. manat vəsait xərclənib.

15.01.10

Məqaləni oxumaq

TQDK-nın Quba Regional Bölməsində fənlər üzrə elmi-metodiki seminarlara start verilir

Tələbə Qəbulu üzrə Dövlət Komissiyasının (TQDK) Quba Regional Bölməsində fənlər üzrə elmi-metodiki seminarlara start verilir. Bu barədə məlumatı KƏLAMİNFO-ya TQDK-nın mətbuat xidmətindən veriblər. İclaslar 16-17 yanvar tarixlərində Quba şəhərindəki orta məktəblərdə keçiriləcək. Seminarlar Azərbaycan dili və ədəbiyyatı, fizika, riyaziyyat və tarix fənnləri üzrə olacaq. İclaslara Quba, Qusar, Xaşmaz, Xızı, Dəvəçi və Siyəzən rayonlarının müəllim və mütəxəssisləri cəlb olunacaq. Qeyd edək ki, TQDK seminarlarların vaxt qrafiki ilə bağlı öz rəsmi internet saytında cədvəl də tərtib edib.

14.01.10

Məqaləni oxumaq

Azərbaycanda ali təhsil sistemində əhəmiyyətli və prinsipial islahatlar aparılır

Bu gün Azərbaycanın ali təhsil sistemində əhəmiyyətli və prinsipial islahatlar aparılır. KƏLAMİNFO xəbər verir ki, bu sözləri jurnalistlərə müsahibəsində Litvanın təhsil və elm naziri Gintaras Steponaviçyus bildirib. Litvalı nazir qeyd edib ki, Azərbaycanda mövcud olan təcrübə və sistemlər müqayisəlidir. Qeyd edək ki, bu gün keçirilən Ali təhsildə maliyyələşmə mexanizimləri üzrə seminara Litva keçən ilki vauçer əsasında tələbələrin maliyyələşdirilməsi təcrübəsini təqdim edib.

14.01.10

Məqaləni oxumaq

Akademik Mahmud Kərimov Səudiyyə Ərəbistanına gedir

Sabah Azərbaycan Milli Elmlər Akademiyasının (AMEA) prezidenti, akademik Mahmud Kərimov Səudiyyə Ərəbistanının Ər-Riyad şəhərinə səfərə gedəcək. Bu barədə məlumatı KƏLAMİNFO-ya AMEA-dan veriblər. Səfər Səudiyyə Ərəbistanının Kral Əbdüləziz adına Elm və Texnologiya Mərkəzinin dəvəti ilə öncədən hazırlanan birgə elmi layihələrin təsdiqi məqsədilə reallaşacaq. Qeyd edək ki, səfər yanvarın 18-də başa çatacaq.

14.01.10

Məqaləni oxumaq

TQDK-da növbəti elmi-metodiki seminar keçirilib

Bu gün Tələbə Qəbulu üzrə Dövlət Komissiyasında (TQDK) fizika fənni üzrə növbəti elmi-metodiki seminar keçirilib. Bu barədə məlumatı KƏLAMİNFO-ya TQDK-nın mətbuat xidmətindən veriblər. Seminarda yeni tipli test tapşırıqlarının müzakirəsi aparılıb. Seminar iclasında AMEA-nın Fizika İnstitutunun əməkdaşı Q.Mehdiyev və 160 saylı orta məktəbin müəllimi R.Qasımova hazırladıqları test tapşırıqlarını müzakirəyə təqdim ediblər. Hər bir tapşırıq məzmun, mürəkkəblik dərəcəsi və nominasiya baxımından təhlil edilib. Müzakirələr nəticəsində daha çox məntiqi düşüncə tələb edən, fiziki hadisələrin mahiyyətinin açılmasına yönəlmiş tapşırıqların analoqlarının hazırlanıb test bankına verilməsi qərara alınıb. Növbəti seminar iclasında müzakirə davam etdiriləcək.

14.01.10

Məqaləni oxumaq

AMEA-nın yaradılmasının 65 ili tamam olur

Bu ilin mart ayında Azərbaycan Milli Elmlər Akademiyasının (AMEA) yaradılmasının 65 ili tamam olur. KƏLAMİNFO xəbər verir ki, 1945-ci ilin martında Azərbaycanda Elmlər Akademiyasının təsis edilməsi Azərbaycan xalqının ictimai fikir tarixində ilk dəfə olaraq elmi fəaliyyətin mükəmməl təşkilati struktura malik olmaqla sistemli xarakter alması baxımından mühüm bir hadisə olub. Bu dövrlər ərzində Akademiya zəngin elmi ənənələri olan Azərbaycan xalqının intellektual potensialının səmərəli təşkilində, elmin dövrün tələblərindən irəli gələn strateji istiqamətlərinin müəyyənləşdirilməsində, fundamental və tətbiqi elm sahələrinin inkişafında, yüksəkixtisaslı elmi və elmi-pedaqoji kadrların yetişdirilməsində müstəsna rol oynayıb. Qurumun 65 illik tarixinin son iyirmi ili respublikamızın müstəqillik qazandığı dövrə təsadüf edir. Yarandığı dövrdən nailiyyətləri ilə Azərbaycanda elmin mərkəzinə çevrilən AMEA-nın fəaliyyətində ötən əsrin 90-cı illərində ictimai-siyasi həyatda baş verən dəyişikliklərlə bağlı olaraq durğunluq müşahidə olunub. Lakin ümummilli lider Heydər Əliyevin qayıdışı nəticəsində 90-cı illərin sonlarından digər sahələrdə olduğu kimi, Azərbaycanın elmi potensialı və AMEA da tamamilə yeni inkişaf mərhələsinə qədəm qoyub.

12.01.10

Məqaləni oxumaq

вЂњBeynəlxalq hüquqda fəxri konsul institutuвЂќ kitabının təqdimat mərasimi keçirildi

Bu gün Azərbaycan Diplomatik Akademiyasında (ADA) вЂњBeynəlxalq hüquqda fəxri kosul institutuвЂќ kitabının təqdimat mərasimi keçirildi. KƏLAMİNFO xəbər verir ki, təqdimat mərasimində ADA-nın rektoru, xarici işlər nazirinin müavini Hafiz Paşayev və nazir müavini Vaqif Sadıxov iştirak edib. Onlar kitab haqqında məlumat verib və jurnalistlərin suallarını cavablandırıblar. Kitabda Azərbaycanda fəxri konsul institutunun yaranması və inkişaf mərhələləri, fəxri konsulları adi konsullardan fərqləndirən cəhətlər, onların fəaliyyəti və hüquqi vəziyyəti gözstərilir və bu sahədə beynəlxalq təcrübəyə müraciət olunmaqla, fəxri konsulun fəaliyyətinin normativ hüquqi əsasları təhlil edilir. Dərs vəsaitində fəxri konsul institutunun fəaliyyətinin hüquqi tənzimlənməsinə dair məsələlər də öz əksini tapıb. Qeyd edək ki, kitabın müəllifləri Azərbaycan XİN-in İnsan hüquqları, demokratikləşmə və humanitar problemlər idarəsinin rəisi Əlimirzamin Əsgərov və XİN-in attaşesi Pərvin Məmmədovadır.

12.01.10

Məqaləni oxumaq

Təhsil Nazirliyində müşavirə keçirilib

Bu gün Təhsil Nazirliyində ali təhsil müəssisələrinin rəhbərləri ilə müşavirə keçirilib. Bu barədə məlumatı KƏLAMİNFO-ya Təhsil Nazirliyindən veriblər. Müşavirədə вЂњ2009-2010-cu tədris ilinin qış imtahan sessiyasının keçirilməsi barədəвЂќ, вЂњAli təhsil müəssisələrinin reytinqini müəyyənləşdirən metodikanın təqdimatıвЂќ, вЂњ2009-2013-cü illərdə Azərbaycanın ali təhsil sistemində islahatlar üzrə Dövlət Proqramının icrasıвЂќ, вЂњAli təhsil müəssisələrində təhsil sənədlərinin (diplomların) alınması, saxlanılması, doldurulması, verilməsi və uçotu haqqındaвЂќ məsələlər müzakirə olunub. Müşavirədə çıxış edən təhsil naziri Misir Mərdanov bildirib ki, son illər həyata keçirilən tədbirlər, xüsusən də Təhsil Nazirliyində Mərkəzi Operativ Qərargahın, вЂњQaynar xəttвЂќ xidmətinin, ali məktəblərdə müvafiq qərargahların yaradılması, QHT-lərin nazirliklə birgə imtahan sessiyasının gedişinə nəzarət etməsi, neqativ halların aradan qaldırılması üçün görülmüş operativ işlər nəticəsində semestr və dövlət imtahanlarında obyektivliyin və şəffaflığın təmin edilməsi istiqamətində mühüm uğurlar qazanılıb.

09.01.10

Məqaləni oxumaq

Ötən il idman məktəblərinin yetirmələri beynəlxalq yarışlardan 168 medal əldə ediblər

Ötən il Təhsil Nazirliyi sistemində fəaliyyət göstərən idman məktəblərinin yetirmələri 300-dən artıq olimpiya oyunları, dünya, Avropa çempionatı və digər mötəbər turnirlərdə iştirak edərək yüksək nəticələr qazanıblar. Bu barədə məlumatı KƏLAMİNFO-ya Təhsil Nazirliyindən veriblər. Onlar beynəlxalq yarışlarda ümumilikdə 168 medal əldə ediblər. Onlardan 57-si qızıl, 51-i gümüş, 60-ı isə bürünc medal olub.

09.01.10

Məqaləni oxumaq