Kelam Jurnalı - Elm və təhsil

Bu gündən fevralın 25-dək Slovakiyanın Bratislava şəhərində вЂњHəmkara dəstəkвЂќ mövzusunda beynəlxalq seminar keçirilir. Bu barədə məlumatı KƏLAMİNFO-ya Təhsil Nazirliyindən veriblər. Seminarda ölkəmizi Təhsil Nazirliyinin nəzdindəki Təhsil Sisteminin İnformasiyalaşdırılması İdarəsinin əməkdaşı Ayaz Abuşov, вЂњTəhsildə ƏməkdaşlıqвЂќ proqramı üzrə вЂњMicrosoft AzərbaycanвЂќ şirkətinin meneceri Emin Axundov və вЂњMədədвЂќ təşkilatından Teymur Məmmədov təmsil edirlər. вЂњMicrosoftвЂќ şirkətinin təşkilatçılığı ilə keçiriləcək seminarın məqsədi müxtəlif ölkələrdən olan nümayəndələrə peşəkarlıq səviyyələrinin artırılması üçün вЂњHəmkara dəstəkвЂќ adlı tədris proqramı haqqında ətraflı məlumat verməkdir.

23.02.10

Məqaləni oxumaq

ADU-nun İctimaiyyətlə əlaqələr və mətbuat xidmətinin 1 ilinə həsr olunan tədbir keçirildi

Bu gün Azərbaycan Dillər Universitetinin (ADU) İctimaiyyətlə əlaqələr və mətbuat xidmətinin 1, qurumun mətbu orqanı olan вЂњPoliqlotвЂќ qəzetinin isə 10 illiyinə həsr olunan tədbir keçirildi. KƏLAMİNFO xəbər verir ki, tədbirdə çıxış edən ADU-nun rektoru, professor Səməd Seyidov bildirdi ki, bir il öncə rəhbərlik etdiyi təhsil ocağının İctimaiyyətlə əlaqələr və mətbuat xidməti, 10 il əvvəl isə вЂњBilikвЂќ qəzetinin bağlanmasından sonra вЂњPoliqlotвЂќ qəzeti fəaliyyətə başlayıb. ADU-nun keçdiyi yola nəzər salan S.Seyidov qeyd edib ki, ümummilli lider Heydər Əliyev və hazırki prezident İlham Əliyevin diqqət və qayğısı nəticəsində ADU Azərbaycanı dünyaya, dünyanın isə Azərbaycana gətirilməsinə çalışıb. Hazırda ADU-nun 3 korpusunun fəaliyyət göstərdiyini diqqətə çatdıran S.Seyidov universitetdə 5 mindən çox tələbənin təhsil aldığını vurğulayıb. O, Azərbaycanda bir sıra xarici dillərin də tədris olunduğunu qeyd edib.

20.02.10

Məqaləni oxumaq

Paytaxtın IV sinif şagirdləri riyaziyyat fənnindən test imtahanı veriblər

Bu gün Bakının Nərimanov rayonunda yerləşən məktəblərin IV sinif şagirdləri riyaziyyat fənnindən test yoxlamasından keçiblər. Bu barədə məlumatı KƏLAMİNFO-ya Bakı Şəhəri üzrə Təhsil İdarəsindən veriblər. BŞTİ-nin 2010-cu il üçün qəbul olunan Fəaliyyət Planına əsasən eksperiment xarakteri daşıyan ilk yoxlamada 1955 şagird iştirak edib. Hər birində 15 sual olmaqla 10 variant tərtib olunub. Sualları cavablandırmaq üçün şagirdlərə 45 dəqiqə vaxt ayrılıb. Yoxlamanın cavabları 3 gün ərzində bəlli olacaq. Qeyd edək ki, sınaq testlərinin Bakının digər rayonlarında yerləşən məktəblərdə də təşkil olunacağı gözlənilir.

18.02.10

Məqaləni oxumaq

TQDK Lənkəranda müəllimlər üçün seminar-məşğələlərə start verib

Tələbə Qəbulu üzrə Dövlət Komissiyası (TQDK) Lənkəran regional bölməsində növbəti tədris ili üçün ali və orta ixtisas məktəblərinə qəbul imtahanlarında nəzarətçi kimi iştirak edəcək müəllimlər üçün seminar-məşğələlərə start verib. Bu barədə məlumatı KƏLAMİNFO-ya TQDK-nın mətbuat xidmətindən veriblər. Məşğələlərdə müəllimlər qəbul imtahanlarında nəzarətçi müəllimlərin vəzifələri və göstərəcəkləri fəaliyyətlərin məzmunu ilə ətraflı tanış olub, onların sualları cavablandırılır. Məşğələlərin səmərəliliyini təmin etmək üçün əyani vəsaitlərdən və videomateriallardan istifadə edilir. Seminar-məşğələlərdə Lənkəran rayonunun 294 müəlliminin iştirakı nəzərdə tututur. Lənkəran şəhər 1 saylı orta məktəbdə keçirilmiş ilk iki seminar-məşğələlədə 73 nəfər iştirak edib. TQDK-nın Lənkəran regional bölməsinin əməkdaşları tərəfindən aparılan bu məşğələlər fevralın 19-dək davam edəcək.

17.02.10

Məqaləni oxumaq

Məleykə Abbaszadə Fransada İAEA İcraiyyə Komitəsinin iclasında iştirak edir

Tələbə Qəbulu üzrə Dövlət Komissiyasının (TQDK) sədri Məleykə Abbaszadə Fransaya səfər edib. TQDK-dan KƏLAMİNFO-ya verilən məlumata görə, M.Abbaszadə bu gündən fevralın 20-dək Fransada keçiriləcək İAEA-nın (Təhsilin Qiymətləndirilməsi üzrə Beynəlxalq Assosiasiya) İcraiyyə Komitəsinin iclasında iştirak edəcək. İclasda İAEA-nın fəaliyyəti ilə bağlı gündəlik məsələlər, İcraiyyə Komitəsi üzvlərinin hesabatı, cari ilin sentyabr ayında Assosiasiyanın Tailandda keçiriləcək 36-cı beynəlxalq konfransına hazırlıq prosesi müzakirə ediləcək. Tədbirdə həmçinin, ayrı-ayrı ölkələrin təhsil sistemində qiymətləndirmə ilə bağlı mexanizmlər, qayda və standartlar, habelə, müxtəlif qiymətləndirmə sistemlərinin müqayisəli təhlili, müzakirəsi və uyğunlaşdırılması istiqamətində fikir mübadiləsi aparılacaq. Qeyd edək ki, TQDK-nın sədri Məleykə Abbaszadə 2007-ci ildən İAEA-nın İcraiyyə Komitəsinin həqiqi üzvüdür.

16.02.10

Məqaləni oxumaq

TQDK tələbə qəbulu qaydalarını təsdiq etdi

Bu gün Tələbə Qəbulu üzrə Dövlət Komissiyası (TQDK) tərəfindən tələbə qəbulu qaydaları təsdiq olunub. Bu barədə məlumatı KƏLAMİNFO-ya TQDK-nın mətbuat xidmətindən veriblər. 2010/2011-ci tədris ili üçün ali təhsil müəssisələrinə və tam orta təhsil bazasında orta ixtisas təhsili müəssisələrinə tələbə qəbulu qaydaları ölkə Prezidentinin вЂњAli təhsil müəssisələrində yeni maliyyələşmə mexanizminin tətbiq edilməsi barədəвЂќ 10 fevral 2010-cu il tarixli Fərmanına uyğun olaraq təsdiq olunub. Qeyd edək ki, bu qaydalar TQDK orqanı olan вЂњAbituriyentвЂќ jurnalının 1-ci sayında dərc ediləcək.

13.02.10

Məqaləni oxumaq

Təhsil naziri Misir Mərdanov məktəblərdə meyvə satışı ilə bağlı ideyanı bir daha dəstəklədi

Bakı şəhəri üzrə Təhsil İdarəsinin (BŞTİ) məktəblərdə meyvə satışı ilə bağlı ideyasını dəstəkləyirəm. KƏLAMİNFO xəbər verir ki, bu barədə məlumatı təhsil naziri Misir Mərdanov jurnalistlərə açıqlamasında bildirib. Məktəb yaşlı uşaqların təzə meyvə yeməsinə ehtiyac olduğunu diqqətə çatdıran M.Mərdanov əlavə edib ki, bu ideyadan düzgün nəticə çıxarılmalıdır. вЂњƏgər bu məsələdən düzgün nəticə çıxarılacaqsa, onu dəstəkləyirəm. Amma elə etmək lazım deyil ki, buna görə də hardasa pul yığsınlarвЂќ,-deyən nazir mətbuatın gündəmində olan məsələyə belə münasibət bildirib.

10.02.10

Məqaləni oxumaq

Azərbaycan və Belarus arasında İKT sahəsində müqavilələr imzalanıb

Azərbaycan və Belarus informasiya-kommunikasiya texnologiyaları sahəsində əməkdaşlıq haqqında müqavilə imzalayıb. KƏLAMİNFO xəbər verir ki, müqavilənin imzalanması Bakıda keçirilən informasiya texnologiyaları üzrə birinci Azərbaycan-Belarus biznes forumu zamanı baş tutub. Sənədi Belarus Dövlət İnformatika və Radioelektronika Universitetinin rektoru Mixail Batur və Azərbaycan Texniki Universitetinin rektoru Havar Məmmədov imzalayıb. Forum çərçivəsində həmçinin Azərbaycanın "Ultra" şirkəti və "ST-Qrup" Belarus İnnovasiya Birliyi arasında müqavilə imzalanıb. Sənədi "Ultra" şirkətinin rəhbəri Tahir Mirkişili və "ST-Qrup"un Baş direktoru Aleksandr Mukovozçik imzalayıb.

09.02.10

Məqaləni oxumaq

TQDK nəzarətçi müəllimlər üçün seminar-məşğələlər keçirəcək

Tələbə Qəbulu üzrə Dövlət Komissiyası (TQDK) növbəti tədris ili üçün ali və orta ixtisas məktəblərinə qəbul imtahanlarında nəzarətçi kimi iştirak edəcək müəllimlər üçün seminar-məşğələlər keçirəcək. Bu barədə məlumatı KƏLAMİNFO-ya TQDK-nın mətbuat xidmətindən veriblər. Seminar-məşğələlərin məqsədi nəzarətçi-müəllimləri qəbul imtahanının texnologiyası ilə yaxından tanış etmək, imtahanları təlimata uyğun keçirməyə hazırlamaqdır. Seminarlar TQDK-nın təşkilat şöbəsinin məsul əməkdaşları tərəfindən aparılacaq. Seminarlarda Bakı və Sumqayıt şəhərlərinin orta məktəblərindən nəzarətçi qismində cəlb olunacaq müəllimlər iştirak edəcək. Seminar-məşğələlərdə iştirak edən müəllimlər, xüsusən də bu prosesə ilk dəfə cəlb edilən nəzarətçilər aprel ayından etibarən TQDK tərəfindən keçiriləcək sınaq imtahanlarında nəzarətçi kimi iştirak etməyə dəvət olunacaqlar. Bu da onların seminarlarda əldə etdikləri nəzəri bilikləri təcrübədə tətbiq etmələrinə kömək edəcək. Sınaq imtahanlarında nəzarətçi kimi özünü doğruldan müəllimlər qəbul imtahanlarına cəlb olunacaqlar.

08.02.10

Məqaləni oxumaq

AMEA Aşqarlar Kimyası İnstitutunun yaranmasının 45 ili tamam olur

Bu il Azərbaycan Milli Elmlər Akademiyası (AMEA) Aşqarlar Kimyası İnstitutunun (AKİ) yaranmasının 45 ili tamam olur. AMEA-dan KƏLAMİNFO-ya verilən məlumata görə, AKİ 1965-ci ildə Kuybışev adına AZETNEİ-də və sonradan Azərbaycan Elmlər Akademiyası Neft-Kimya Prosesləri İnstitutunda fəaliyyət göstərən ixtisaslaşdırılmış laboratoriyanın əsasında yaradılıb. İnstitut yaradılarkən onun tərkibində aşqarlar kimyası sahəsində mühüm istiqamətləri əhatə edən 12 laboratoriya təşkil edilib. 1980-cı ildə AİK-nin təcrübi-texnoloji bazası əsasında вЂњAşqarвЂќ Təcrübi İstehsalı ilə Xüsusi Texnoloji Büro yaradılıb və indiyədək AKİ-nin nəzdində fəaliyyət göstərir. Hazırda institut 15 laboratoriya və 4 şöbədən ibarətdir. İnstitutda 229 əməkdaş çalışır. Onlaprdan 2 nəfəri akademik, 16-ı elmlər doktoru və 47-i isə elmlər namizədidir.