Kelam Jurnalı - Elm və təhsil

Tələbə Qəbulu üzrə Dövlət Komissiyasının (TQDK) növbəti tədris ili üçün respublikanın ali və orta ixtisas məktəblərinə qəbul imtahanlarında nəzarətçi kimi iştirak edəcək müəllimlərlə seminar-məşğələləri davam edir. TQDK-nın mətbuat xidmətindən KƏLAMİNFO-ya verilən məlumata görə, Bakı şəhəri ilə yanaşı, respublikanın müxatəlif bölgələrində 5000-dən artıq nəzarətçi-müəllim seminarlarda iştirak edib. Bu seminar-məşğələlərin məqsədi nəzarətçi-müəllimləri qəbul imtahanının texnologiyası ilə yaxından tanış etmək, imtahanları təlimata uyğun keçirməyə hazırlamaqdır. Seminarlar Tələbə Qəbulu üzrə Dövlət Komissiyasının Təşkilat şöbəsinin və Komissiyanın regional bölmələrinin məsul əməkdaşları tərəfindən aparılır. Qeyd edək ki, bu seminar-məşğələlərdə iştirak edən müəllimlər (xüsusən ilk dəfə cəlb olunan nəzarətçilər) aprel ayından etibarən TQDK tərəfindən keçiriləcək sınaq imtahanlarında nəzarətçi kimi iştirak etməyə dəvət olunacaqlar.

05.03.10

Məqaləni oxumaq

AMEA-da Şamaxı Astrofizika Rəsədxanasının direktoru Əyyub Quliyevin elmi məruzəsi dinlənilib

Azərbaycan Milli Elmlər Akademiyası (AMEA) Rəyasət Heyətinin (RH) növbəti iclası keçirilib. AMEA-dan KƏLAMİNFO-ya verilən məlumata görə, iclasda AMEA Şamaxı Astrofizika Rəsədxanasının direktoru Əyyub Quliyev вЂњQısaperihelli kometlərin mənşəyiвЂќ adlı elmi məruzə ilə çıxış edib. O, kompleks tədqiqat işində son illər kosmik texnikanın inkişafı sayəsində Günəş sistemində aşkar olunan ümumi sayı 1752 olan 4 yeni komet sisteminin araşdırıldığı, bu sistemlərə məxsus indiyədək 20-dən çox məlum olmayan qanunauyğunluğun aşkar edildiyi və onların izahının verildiyini söyləyib.

04.03.10

Məqaləni oxumaq

вЂњAzərbaycanda elmin, təhsilin inkişafında diasporunвЂќ rolu mövzusunda Dəyirmi masa keçirilib

Bu gün Azərbaycan Milli Elmlər Akademiyası (AMEA) Rəyasət Heyyətində Azərbaycandan Kənarda Təhsil Almış Mütəxəssislər Təşkilatı (AKTAM) вЂњAzərbaycanda elmin, təhsilin inkişafında diasporunвЂќ rolu mövzusunda Dəyirmi masa keçirdi. KƏLAMİNFO xəbər verir ki, tədbirdə çıxış edən AMEA prezidenti Mahmud Kərimov bildirib ki, xaricdə yaşayan, elmi-tədqiqat, innovasiya fəaliyyətilə məşğul olan alimlərimiz ölkəmizin gənc alimlərinə kömək göstərməsi üçün internet şəbəkə vasitəsilə dialoq yaradılmasına ehtiyac var. AMEA prezidenti qed edib ki, bu həm onların azərbaycandakı həmkarları ilə elmi-peşakar əlaqələrinin aktivləşməsinə, Azərbaycanın dünya birliyinə inteqrasiyasının sürətlənməsinə kömək edə bilər. AKTAM-ın sədri, koordinator Natiq Əhmədov yeni yaradılan portalın məqsədi barədə tədbir iştirakçılarına məlumat verib.

04.03.10

Məqaləni oxumaq

AMEA-da plagiatçılıq və onun aradan qaldırılması yolları müzakirə olunub

Bu gün AMEA-nın Fəlsəfə, Sosiologiya və Hüquq İnstitutunda Müəllif Hüquqları Agentliyi ilə birlikdə вЂњElmi yaradıcılıq sahəsində müəlliflik hüququ və onun müasir problemləriвЂќ mövzusunda seminar keçirilib. KƏLAMİNFO xəbər verir ki, seminarda Müəllif Hüquqları Agentliyinin (MHA) sədri Kamran İmanov son zamanlar elm aləmində vüsət alan plagiatçılıq və onun aradan qaldırılması yollarından bəhs edib. K.İmanov təmsil etidiyi qurum tərəfindəm elmi yaradıcılıq və əqli nəticələrlə əlaqədar müəlliflik hüququnun qorunması ilə bağlı hazırlanmış xüsusi slaydları seminar iştirakçılarına təqdim edib. Təqdimatda alimlərə və elmi işçilərə tədqiqat zamanı digər mənbələrdən istifadə zamanı qanuni məhdudiyyətlər olduğu nəzərə çatdırılıb. вЂњHansısa bir tədqiqat zamanı yeni dərc olunan əsərin müəllifi digər müəllifin əsərindən 20-30%-dən çox sitat verməməlidir.

03.03.10

Məqaləni oxumaq

ADU ilə Esseks Universiteti əməkdaşlıq edəcək

Böyük Britaniyanın Esseks Universiteti ilə Azərbaycan Dillər Universiteti (ADU) arasında beynəlxalq əməkdaşlıq etmək üçün ilkin razılıq əldə olunub. Bu barədə məlumatı KƏLAMİNFO-ya ADU-nun mətbuat xidmətindən veriblər. Bu məqsədlə Esseks Universitetinin nümayəndələri Helen Emeri və Nilufər Demirkan Cons ADU-da olub, universitetin rektoru Səməd Seyidov və təhsil ocağının digər professor-müəllim heyəti ilə görüşüblər. Görüşdə əldə olunan razılığa əsasən, ADU-nun İngilis dili fakültəsinin tələbələri Esseks və ADU tərəfindən işlənib hazırlanan tədris proqramı əsasında təhsil alacaqlar. Tələbələr birinci və ikinci kursları ADU-da, üçüncü və dördüncü kursları isə Esseks Universitetində oxuyaraq hər iki universitetin tanıdığı ikili diplom alacaqlar.

03.03.10

Məqaləni oxumaq

Ümumtəhsil məktəbliləri arasında вЂњƏtraf mühit və bizвЂќ mövzusunda olimpiada keçiriləcək

Martın 1-dən etibarən Bakı şəhəri üzrə Təhsil İdarəsi və Azərbaycan Təhsil İşçiləri Azad Həmkarlar İttifaqı Respublika Komitəsi Rəyasət Heyətinin birgə təşəbbüsü ilə Bakı şəhərinin ümumtəhsil məktəblərinin V-XI sinif şagirdləri arasında вЂњƏtraf mühit və bizвЂќ mövzusunda olimpiada keçiriləcək. Bu barədə məlumatı KƏLAMİNFO-ya Bakı şəhəri üzrə Təhsil İdarəsindən veriblər. Şagirdlərin ekoloji biliklərinin artırılması, onlarda təbiətə və ətraf mühitə sağlam münasibətin formalaşdırılması, intellektual və yaradıcı qabiliyyətlərinin inkişaf etdirilməsi və ekologiyanın dərindən öyrənilməsi məqsədilə reallaşacaq olimpiadanın I mərhələsi hər bir məktəb üzrə 1 - 20 mart, II вЂ“ rayon mərhələsi 25 - 31 mart, III вЂ“ yekun mərhələsi isə aprelin birinci ongünlüyündə təşkil olunacaq. Qiymətləndirmə ən yaxşı referatlar, ən yaxşı layihələr, ən yaxşı internet resursları, ən yaxşı videomateriallar, ən yaxşı fotoalbomlar, ən yaxşı ədəbi - bədii nümunələr, ən yaxşı xəritələr nominasiyaları üzrə aparılacaq. Hər bir nominasiya üzrə I, II və III yerin müəyyən edilməsi nəzərdə tutulub.

27.02.10

Məqaləni oxumaq

Məleykə Abbaszadə ali məktəblərə qəbul qaydaları ilə bağlı mətbuat konfransı keçirdi

Bu gün Tələbə Qəbulu üzrə Dövlət Komissiyasının sədri Məleykə Abbaszadə cari il ali məktəblərə qəbul qaydalarına və вЂњAbituriyentвЂќ jurnalının 2010-cu ildə nəşr olunan ilk buraxılışına həsr olunmuş mətbuat konfransı keçirib. KƏLAMİNFO xəbər verir ki, M.Abbasazdə jurnalın bu ilki birinci sayında dərc olunan qəbul qaydalarına dəyişikliklərdən bəhs edib. O, qeyd edib ki, qaydalarda 2010/2011-ci tədris ili üçün ali məktəblərin Azərbaycan bölməsi üzrə II və III ixtisas qruplarının Xarici dil fənlərindən imtahan verilməsilə bağlı dəyişikliklər edilib. вЂњAzərbaycan bölməsi üzrə II və III ixtisas qruplarının Xarici dildən imtahan fənləri arasına вЂњRus diliвЂќ fənni də əlavə edilib. II ixtisas qrupunun Azərbaycan bölməsində abituriyentlər ingilis, alman, rus, fransız, rus bölməsində isə ingilis, alman və fransız dillərindən birini seçə bilərlər. II ixtisas qrupunda ərəb və fars dilləri Xarici dil fənləri sırasından çıxarılıb. III qrupun Azərbaycan bölməsində Xarici dil kimi ingilis, alman, fransız, rus, ərəb və fars, rus bölməsində isə ingilis, alman və fransız dillərindən birini seçə bilərlərвЂќ,-deyə M.Abbaszadə vurğulayıb. TQDK sədri həmçinin bildirib ki, ötən illərdən fərqli olaraq, Azərbaycan bölməsinin III qrupunun dil-tarix altqrupunda da Xarici dil fənninə nisbi bal məhdudiyyəti tətbiq olunacaq.

25.02.10

Məqaləni oxumaq

Ali məktəblərdə ödənişsiz oxumaq üçün ölkə üçün ehtiyac olan ixtisaslara dövlət qrantlar ayıracaq

Ali məktəblərə qəbul qayadalarına edilmiş dəyişiklərə əsasən bu ildən etibarən ölkədə ehtiyac yaranan peşələrə uyğun qəbul olunan abituriyentlərin ödənişsiz oxuması üçün dövlət tərəfindən qrantların ayrılması nəzərdə tutulub. KƏLAMİNFO xəbər verir ki, bu barədə Tələbə Qəbulu üzrə Dövlət Komissiyasının sədri Məleykə Abbaszadə jurnalistlərə açıqlamasında bildirib. M.Abbaszadə qeyd edib ki, bu ölkə başçısının вЂњAli təhsil müəssisələrində yeni maliyyələşmə mexanizminin tətbiq edilməsi barədəвЂќ 10 fevral 2010-cu il tarixli fərmanına əsasən həyata keçiriləcək. вЂњİldən-ilə bu qrantlar bütün ixtisaslara şamil olunacaq. Hansı ixtisasa neçə faiz şamil olunmağı o ixtisaslardakı peşələrin ölkə üçün nə qədər zəruri olmasından irəli gələcək. Bu proses özəl ali məktəblərə də aiddir. Bu il hansı peşələrə daha çox üstünlük veriləcəyi isə martın 15-dək TQDK-a təqdim olunan plana əsasən bilinəcəkвЂќ,-deyə TQDK sədri vurğulayıb. M.Abbaszadə onu da əlavə edib ki, qrantların ayrıldığı ixtisaslara yiyələnmək üçün abituriyentlər yüksək nəticə göstərməli olacaqlar.

24.02.10

Məqaləni oxumaq

Təhsil işçilərinin Çexiyada keçiriləcək təlim proqramında iştirak etmək şansı var

Mayın 12-14-ü tarixlərində Çexiyada Avropa Şurasının Pestalotzi proqramı çərçivəsində вЂњMüəllimlik fəaliyyətində yaradıcılıq və innovasiyaвЂќ mövzusunda təlim proqramı keçiriləcək. Təhsil Nazirliyindən KƏLAMİNFO-ya verilən məlumata görə, proqramda Azərbaycanın ibtidai sinif müəllimləri, müəllim hazırlığı sahəsində çalışan şəxslər, məktəb rəhbərləri və digər təhsil işçiləri iştirak edə bilərlər. Proqramın işçi dili ingilis dilidir. İştirakçıların beynəlxalq nəqliyyat, eləcə də təlim proqramı müddətində yemək və yaşayış xərcləri təşkilatçılar tərəfindən ödəniləcək. Təlim proqramlarında iştirak etmək arzusunda olan namizədlər müvafiq qaydada doldurulan ərizə formasını 26 fevral 2010-cu il tarixinə qədər Təhsil Nazirliyinin Beynəlxalq əlaqələr şöbəsinə təqdim etməlidirlər.

24.02.10

Məqaləni oxumaq

вЂњAbituriyentвЂќ jurnalının 2010-cu ildə ilk buraxılışı nəşr olunub

Cari ildə ali və orta ixtisas məktəblərinə hazırlaşan gənclər üçün TQDK-nın orqanı olan вЂњAbituriyentвЂќ jurnalının 2010-cu ildə ilk buraxılışı nəşr olunub. Bu barədə məlumatı KƏLAMİNFO-ya TQDK-nın mətbuat xidmətindən veriblər. Jurnal artıq komissiyanın satış məntəqələrinə paylanıb. Jurnalda 2010/2011-ci tədris ili üçün respublikanın ali və orta ixtisas məktəblərinə qəbul qaydaları dərc olunub. Həmçinin müxtəlif fənlərdən test nümunələrinin izahatı, imtahanlara hazırlaşmaq üçün lazım olan vəsaitlərin siyahısı verilib.

23.02.10

Məqaləni oxumaq