Kelam Jurnalı - Elm və təhsil

Cari tədris ili üçün ali məktəblərə qəbulla bağlı Tələbə Qəbulu üzrə Dövlət Komissiyası (TQDK) iyulun 17-də keçirilən IV ixtisas qrupu üzrə qəbul imtahanının nəticələrini açıqlayıb. Bu barədə məlumatı KƏLAMİNFO-ya TQDK-nın mətbuat xidmətindən veriblər. Bu ixtisas qrupu üzrə imtahanda iştirak etmək üçün 15 348 abituriyent ərizəsini təsdiq edib. Onlardan 14 710 nəfəri imtahanda iştirak edib. Test imtahanının nəticəsinə əsasən 3845 abituriyent müsabiqədə iştirak etmək hüququ qazanıb. Onlardan 3 nəfəri maksimal nəticə - 700 bal toplayıb. IV ixtisas qrupu üzrə test imtahanının nəticəsi əsasında imtahan ballarının paylanması вЂњAbituriyentвЂќ jurnalının xüsusi buraxılışında dərc olunub. İxtisas seçimi iyulun 25-dən avqustun 2-dək internet vasitəsilə aparılacaq. Qəbul aparılan ixtisasların siyahısı isə вЂњAbituriyentвЂќ jurnalının 3-cü sayında dərc olunub.

21.07.10

Məqaləni oxumaq

TQDK Türkiyənin Gülhanə Hərbi Tibb Akademiyasının Ali Tibb Fakültəsinə müsabiqə elan edir

Tələbə Qəbulu üzrə Dövlət Komissiyası (TQDK) tərəfindən Azərbaycanla Türkiyə dövlətləri arasında hərbi təhsil sahəsində bağlanmış müqaviləyə əsasən, 2010/2011-ci tədris ilində Türkiyənin Gülhanə Hərbi Tibb Akademiyasının Ali Tibb Fakültəsinə 14 nəfərin qəbulu üçün müsabiqə elan olunub. Bu barədə məlumatı KƏLAMİNFO-ya TQDK-nın mətbuat xidmətindən veriblər. Müsabiqədə cari ildə mülki ali məktəblərin IV ixtisas qrupu üzrə qəbul imtahanlarında 550-dən yuxarı bal toplamış, 19 yaşınadək olan oğlan abituriyentlər iştirak edə bilərlər. Müsabiqə əsasında 45 nəfərin siyahısı müəyyənləşdirilərək seçim üçün Müdafiə Nazirliyinə təqdim olunacaq. Gülhanə Hərbi Tibb Akademiyasının Ali Tibb Fakültəsində təhsil müddəti 7 ildir. Kursantlar təhsil müddəti ərzində tam dövlət təminatındadırlar. 1-ci kursda onlar hərbi and içir və Azərbaycan Silahlı Qüvvələrinin hərbi qulluqçuları sırasına daxil edilirlər. Fakültədən xaric edilən kursantlar geri qaytarılır və qanunvericilikdə nəzərdə tutulmuş qaydada müddətli həqiqi hərbi xidmətə çağırılırlar. Müsabiqədə iştirak etmək istəyənlər TQDK-ya müraciət etməlidirlər.

20.07.10

Məqaləni oxumaq

BDU ilə MDB-nin Nanotexnologiya üzrə Beynəlxalq İnnovasiya Mərkəzi arasında Memorandum imzalanıb

Bakı Dövlət Universiteti ilə MDB-nin Nanotexnologiya üzrə Beynəlxalq İnnovasiya Mərkəzi arasında Memorandum imzalanıb. BDU-dan KƏLAMİNFO-ya verilən məlumata görə, Memorandumu BDU-nun rektoru, millət vəkili, akademik Abel Məhərrəmov və MDB-nin Nanotexnologiya üzrə Beynəlxalq İnnovasiya Mərkəzinin direktoru, Nüvə Tədqiqatları Birləşmiş İnstitutunun direktor müavini Aleksandr Ruzayev imzalayıblar. Sənəddə hər iki tərəf arasında elmi simpozium, seminar və konfransların təşkili, nanotexnologiya sahəsində beynəlxalq proqram və layihələrdə birgə iştirak, təhsil proqramlarının həyata keçirilməsi, bu sahədə innovasiyaların inkişafı və investisiyaların yatırılması məsələlərinin təşkili nəzərdə tutulur. Memorandumda, həmçinin Azərbaycanda innovasiya layihələri üzrə informasiya bazalarının yaradılması, maliyyə mənbələrinin cəlb edilməsi, elmi-tədqiqat işləri, innovasiya və təhsilin səviyyəsinin artırılması, BDU-nun maddi-texniki bazasından istifadə və alimlərin MDB NBİM-in kollektiv istifadə mərkəzlərində sərbəst çalışması üçün lazımi şəraitin yaradılması məsələləri də əksini tapıb.

20.07.10

Məqaləni oxumaq

Bakıda beynəlxalq münasibətlər üzrə alimlərin 1-ci illik simpoziumu keçiriləcək

Cari ilin 22-23 oktyabr tarixlərində Bakıda beynəlxalq münasibətlər üzrə alimlərin 1-ci illik simpoziumu keçiriləcək. Bu barədə məlumatı KƏLAMİNFO-ya вЂњİrəliвЂќ İctimai Birliyindən veriblər. Simpozium Gənclər və İdman, Rabitə və İnformasiya Texnologiyaları nazirlikləri, Prezident yanında Strateji Araşdırmalar Mərkəzi, Azərbaycan Dillər, Qafqaz Xəzər universitetləri, Londonun Konfliktlər və Dövlət quruculuğu üzrə Məlumat Şəbəkəsi, Almaniya Texniki Əməkdaşlıq Cəmiyyəti (GTZ) və вЂњİrəliвЂќ İB-nin birgə təşkilatçılığı ilə həyata keçirilir.

19.07.10

Məqaləni oxumaq

Elmin İnkişafı Fondu BDU-da tədbir keçirib

Bu gün Bakı Dövlət Universitetində (BDU) Prezident yanında Elmin İnkişafı Fondunun (EİF) elmi-tədqiqat proqramları, layihələri və digər elmi tədbirlərin maliyyələşdirilməsi məqsədilə qrantların verilməsi üzrə 2010-cu il üçün 1-ci müsabiqənin elan edilməsinə həsr olunan tədbiri keçirilib. Bu barədə məlumatı KƏLAMİNFO-ya BDU-nun Mətbuat və informasiya şöbəsindən veriblər. Tədbirdə çıxış edən BDU-nun Elmi işlər üzrə prorektoru, professor İsmayıl Əliyev son illər ölkəmizdə elm sahəsinin inkişafına göstərilən diqqət və qayğıdan danışıb, Azərbaycanda elmin hərtərəfli inkişafı istiqamətində prezident İlham Əliyevin imzaladığı müvafiq sərəncamların tarixi əhəmiyyətini vurğulayıb. EİF-nin icraçı direktoru Elçin Babayev isə deyib ki, əsas məqsədləri ölkədə elmi təşkilatlar, təhsil müəssisələri, digər müvafiq qurumlar və fiziki şəxslər tərəfindən təqdim olunan təbiət, texniki, humanitar və ictimai elmlər sahəsində dövlət və cəmiyyət üçün əhəmiyyət kəsb edən proqramlar və layihələri maliyyələşdirmək, alimlərin elmi fəaliyyətini stimullaşdırmaq və onlara azad yaradıcılıq imkanı yaratmaqdan ibarətdir.

17.07.10

Məqaləni oxumaq

Məleykə Abbaszadə: вЂњAbituriyentlər öz güclərinə arxalanmalıdırlarвЂќ

Cari il iyulun 11-də ali təhsil müəssisələrinə qəbulla bağlı III qrup üzrə keçirilən imtahanlar bir daha göstərdi ki, abituriyentlərin bəziləri hələ də bir-birlərinə kömək etməklə yaxşı nəticə göstərəcəklərinə və qeyri-qanuni yolla ali məktəbə qəbul olacaqlarını əsas götürürlər. KƏLAMİNFO xəbər verir ki, bu barədə Tələbə Qəbulu üzrə Dövlət Komissiyasının (TQDK) sədri Məleykə Abbaszadə keçirdiyi mətbuat konfransında bildirib. Onun sözlərinə görə, III qrup üzrə keçirilmiş imtahanlardan ümumilikdə 67 abituriyent xaric olunub. вЂњOnlar qayda pozuntularına yol veriblər. 31 nəfər 200 baldan yuxarı nəticə göstərən abituriyentin işi xüsusi araşdırma nəticəsində ləğv edilib. Yenə də köçürmə hallarına yol verənlər olur, onlar imtahan vərəqələrini bir-birlərinə verirlər. Buna yol verən şəxslər dərhal imtahan zalından çıxarılır. Təəssüf ki, hələ də imtahan zalına mobil telefon keçirmək istəyənlərin sayı çoxdur. Binalarda telefon işləyən kimi bəlli olur və o telefondan istifadə edən tapılır. Ona görə də abituriyentlər konspektlərə, telefona və digər köməkçi vasitələrə yox, öz güclərinə arxalanmalıdırlarвЂќ,-deyə M.Abbaszadə vurğulayıb.

16.07.10

Məqaləni oxumaq

TQDK sədri: вЂњIV qrup üzrə 15 348 abituriyent ərizə təqdim edibвЂќ

Bu gün Tələbə Qəbulu üzrə Dövlət Komissiyasının (TQDK) sədri Məleykə Abbaszadə cari tədris ili üçün ali məktəblərə qəbulla bağlı növbəti həftəlik mətbuat konfransı keçirib. KƏLAMİNFO xəbər verir ki, M.Abbaszadə konfransda sabah IV ixtisas qrupu üzrə keçiriləcək qəbul imtahanları barədə məlumat verib. O, bildirib ki, bu qrup üzrə 15 348 nəfər ərizə təqdim edib. вЂњBunlardan 14173 nəfəri Azərbaycan, 1175 nəfəri rus bölməsinin məzunudur. Abituriyentlərin 7118-i oğlan, 8230 nəfəri qızdır. Bu ixtisas qrupu üzrə təhsil almaq istəyənlərin 86 nəfəri xarici ölkə vətəndaşıdır. Ən yaşlı abituriyent 1950-ci il, ən gənci isə 1995-ci il təvəllüdlüdür. Bakı şəhərində 14 199, Naxçıvanda 1149 abituriyent imtahan verəcək.

16.07.10

Məqaləni oxumaq

TQDK Müdafiə Nazirliyinin müraciəti əsasında müsabiqəyə başlayıb

Tələbə Qəbulu üzrə Dövlət Komissiyası (TQDK) Müdafiə Nazirliyinin müraciətinə əsasən cari tədris ili üçün Azərbaycan bölməsində oğlan abituriyentlərin Ali Hərbi Məktəblərin boş qalmış yerlərinə qəbulla bağlı müsabiqəyə başlayıb. KƏLAMİNFO xəbər verir ki, bu barədə keçirdiyi mətbuat konfransında TQDK sədri Məleykə Abbaszadə açıqlayıb. O, qeyd edib ki, müsabiqə Azərbaycan bölməsində I ixtisas qrupu üzrə qəbul imtahanlarında 200 və daha yüksək bal toplamış 19 yaşadək olan oğlan abituriyentlər üçündür. TQDK sədri vurğulayıb ki, bu məktəblərə qəbul olmaq istəyən namizədlər Heydər Əliyev adına Ali Hərbi Məktəbdə yaradılmış Sənəd Qəbulu Komissiyasına müraciət etməlidirlər.

16.07.10

Məqaləni oxumaq

TQDK Türkiyə Silahlı Qüvvələrinin Quru Qoşunları Ali Hərbi Məktəbinə qəbula başlayıb

Tələbə Qəbulu üzrə Dövlət Komissiyası (TQDK) Daxili İşlər Nazirliyinin müraciəti əsasında Azərbaycan vətəndaşları üçün Türkiyə Respublikası Silahlı Qüvvələrinin Quru Qoşunları Ali Hərbi Məktəbinə qəbula başlayıb. KƏLAMİNFO xəbər verir ki, bu barədə jurnalistlərə açıqlamasında TQDK sədri Məleykə Abbaszadə bildirib. M.Abbaszadə qeyd edib ki, TQDK tərəfindən I ixtisas qrupu üzrə keçirilmiş qəbul imtahanında 300 və daha yüksək bal toplayanlar bu müsabiqədə iştirak edə bilərlər. вЂњHəmçinin 16-20 yaş arasında olan Azərbaycan vətəndaşları (yalnız oğlanlar), yaşa uyğun olaraq dövlət tərəfindən müəyyən olunmuş boy və çəki normalarına uyğun gələnlər, müvafiq xəstəxanadan вЂњHərbi müdavim ola bilərвЂќ qeyd olunmuş arayış alanlar, nişanlı, evli, dul olmayan və ya hər hansı bir qadınla və ya kişi ilə nikahsız olaraq birlikdə yaşamayan, eləcə də cinayət məsuliyyətinə cəlb olunmayanlar müsabiqə iştirakçısı ola bilərlər.

16.07.10

Məqaləni oxumaq

Bakıda вЂњÜçqat və çoxqat birləşmələr üzrə 17-ci beynəlxalq konfransвЂќ keçiriləcək

Sentyabrın 28-30-u tarixlərində Bakıda вЂњÜçqat və çoxqat birləşmələr üzrə 17-ci beynəlxalq konfransвЂќ (İSPMC-17) keçiriləcək. Bu barədə məlumatı KƏLAMİNFO-ya AMEA-dan veriblər. AMEA Fizika İnstitutu və Yaponiyanın Osaka Universitetinin təşkilatçılığı ilə reallaşacaq konfransda dünyanın qabaqcıl ölkələrindən 150-dək nümayəndə iştirak edəcək. Konfransda dinləniləcək məruzələrin tezisləri ingilis dilində sentyabrın 28-dək qəbul ediləcək və məruzələr ingilis dilində dinləniləcək. Konfransda dinləniləcək ən yaxşı məruzələr dünyanın aparıcı elmi jurnallarında dərc ediləcək.