Kelam Jurnalı - Elm və təhsil

Sumqayıt şəhər Gənclər və İdman Baş İdarəsi ali məktəblərə qəbul imtahanlarında 600-dən çox bal toplayaraq tələbə adına layiq görülmüş gənclərlə görüş keçirib. Bu barədə KƏLAMİNFO-ya Sumqayıt şəhər Gənclər və İdman İdarəsindən xəbər veriblər. Görüş şəhər Uşaq və Yeniyetmələrin Yaradıcılıq Mərkəzində baş tutub. Görüş iştirakçılarını əldə etdikləri nailiyyətlərə görə təbrik edən Baş İdarənin rəisi Musa Həsənov Sumqayıt gənclərinin təhsil sahəsində əldə etdiyi nailiyyətləri sadalayaraq bu sahədə şəhərin ölkənin bütün regionlarından fərqləndiyini qeyd edib. O, şəhərdə gənclərlə iş və idman sahəsində görülmüş işlər və əldə edilmiş uğurlardan danışıb. Qeyd edək ki, tədbirdə çıxış edən tələbələr və valideynlər göstərilən diqqətə, əldə etdikləri nailiyyətlərə görə, ölkə və şəhər rəhbərliyinə, təhsil işçilərinə öz minnətdarlıqlarını bildiriblər. Sonda görüş iştirakçılarına Baş İdarənin hədiyyələri təqdim edilib.

24.09.10

Məqaləni oxumaq

вЂњKaspiвЂќ Təhsil Mərkəzi ABŞ-ın nüfuzlu universitetlərinin MBA proqramları üzrə tədbir keçirəcək

Oktyabrın 7-də Park İnn otelinin Dan Ulduzu zalında вЂњStudy in AmerikaвЂќ və вЂњKaspiвЂќ Təhsil Mərkəzi ABŞ-ın nüfuzlu universitetlərinin MBA proqramları üzrə mütəxəsisləri ilə birlikdə tədbir keçirəcək. Bu barədə açıqlamanı KƏLAMİNFO-ya müsahibəsində вЂњKaspiвЂќ Təhsil Mərkəzinin direktoru Elnur Əliyev bildirib. E.Əliyev qeyd edib ki, bu tədbir xüsusən gənc mütəxəssislərin, biznesin idarə edilməsi sahəsindəki təhsillərinin təkmilləşdirilməsi baxımından çox önəmlidir. Qeyd edək ki, tədbirdə iştirak etmək istəyənlər (050) 480-00-59 saylı mobil telefona zəng edərək qeydiyyatdan keçmələri vacibdir.

23.09.10

Məqaləni oxumaq

BDU-da beynəlxalq konfrans keçirildi

Bu gün Bakı Dövlət Universitetində (BDU) Türkdilli Ölkələrin Parlament Assambleyasının (TürkPA) вЂњDövlətlərarası əlaqələrin inkişaf prosesində parlament demokratiyasıвЂќ mövzusunda beynəlxalq konfrans keçirildi. Bir sıra türk dövlətlərinin nümayəndələri, eləcə də universitetin tələbə, müəllim və professor heyətinin iştirakı ilə keçirilən konfransda çıxış edən BDU-nun rektoru, akademik Abel Məhərrəmov TürkPA-nın yaranması və onun fəaliyyəti barədə məlumat verib.
Türkdilli ölkələr arasında mövcud əməkdaşlıqdan bəhs edən A.Məhərrəmov bir sıra təkliflərlə çıxış edib. Bu ölkələr arasında təhsil, elmi-mədəni əməkdaşlığın daha da genişləndirilməsinin zərurilyini vurğulayan A.Məhərrəmov təklif edib ki, türkdilli ölkələr arasında ortaq danışıq dili olmalıdır.

22.09.10

Məqaləni oxumaq

ADU ilə Peruca Universiteti arasında müqavilə imzalanacaq

Sabah Azərbaycan Dillər Universiteti (ADU) ilə İtaliyanın Peruca Universiteti arasında əməkdaşlıq müqaviləsi imzalanacaq. ADU-dan KƏLAMİNFO-ya verilən məlumata görə, müqaviləni ADU-nun rektoru, professor Səməd Seyidov və Peruca Universitetinin rektoru Stefania Giannini imzalayacaqlar. Müqavilənin məqsədi ikitərəfli əlaqələri inkişaf etdirmək, birgə seminar, dərs, görüş, konfranslar keçirmək və elmi araşdırmaları inkişaf etdirməkdir. Eyni zamanda hər iki ali təhsil ocağı arasında müəllim və tələbə mübadiləsini artırmaq, bakalavr və magistrların xaricdə təhsil proqramlarında və yay məktəblərində iştirak etmələrinə şərait yaratmaqdır. ADU-da İtalyan dili, mədəniyyəti, siyasəti, iqtisadiyyatı, tarixi, coğrafiyası və digər mövzularda müəllim, tələbələr və digər maraqlanan şəxslər üçün kurslar təşkil olunacaq.

17.09.10

Məqaləni oxumaq

Azərbaycanda yeni dərs ili başlayıb

Bu gün Azərbaycanda yeni tədris ili başlayıb. KƏLAMİNFO xəbər verir ki, bu gün ölkənin bütün orta məktəblərində вЂњİlk zəngвЂќ çalınıb. 2010-2011-ci tədris ilində ölkəmizin 4546 ümumtəhsil məktəbində 1359900 şagird təhsil alacaq. Onların təlim-tərbiyəsi ilə 169498 müəllim məşğul olacaq. Yeni dərs ilində I sinif şagirdlərinin sayının 120844 nəfər olacağı proqnozlaşdırılır. Qeyd edək ki, 2009-2010-cu tədris ilində təhsil ocaqlarının I sinfinə 118581 şagird qəbul olunub. Növbəti tədris ilində 36 dövlət ali təhsil müəssisində 116930, 15 özəl ali məktəbdə isə 19430 tələbə təhsil alacaq. Dövlət ali təhsil ocaqlarında 12800, qeyri-dövlət ali məktəblərində isə 2090 müəllim çalışır.

16.09.10

Məqaləni oxumaq

AMEA Təhsil Nazirliyinin təklifini gözləyir

Azərbaycan Milli Elmlər Akademiyası (AMEA) elm və təhsil müəssisələrində doktoranturaların yaradılması ilə bağlı Təhsil Nazirliyinin verəcəyi təklifləri gözləyir. KƏLAMİNFO xəbər verir ki, bu barədə məlumatı jurnalistlərə AMEA prezidenti, akademik Mahmud Kərimov söyləyib. M.Kərimov qeyd edib ki, Təhsil Nazirliyinin təkliflərini AMEA-ya yaxın günlərdə təqdim edəcəyi gözlənilir. вЂњDoktorantura ilə bağlı biz bütün təşkilatların təkliflərinin araşdırılmasını yekunlaşdırmışıq. Hansı elmi və ya ali təhsil müəssisəsində doktoranturanın iki və ya bir pilləsinin, eləcə də hansı ixtisaslar üzrə olması təklifləri artıq hazırlanıb. Bununla bağlı yalnız Təhsil Nazirliyinin təkliflərini gözləyirik. Onlar da söz veriblər ki, təklifləri bu günlərdə təqdim edəcəklərвЂќ,-deyən M.Kərimov alimlərin attestasiyasının keçirilməsi məsələsinə də münasibət bildirib və qeyd edib ki, hələlik bununla bağlı heç bir iş görülmür.

15.09.10

Məqaləni oxumaq

REA və AMEA-nın Coğrafiya İnstitutları əməkdaşlıq edəcəklər

Bu gün Vladiqafkaz şəhərində, Şimali-Qafqaz Dağ-Metallurgiya İnstitutunda вЂњQlobal dəyişikliklər şəraitində dağ ərazilərinin davamlı inkişafıвЂќ VII Beynəlxalq konfrans öz işinə başlayıb. KƏLAMİNFO xəbər verir ki, tədbir YUNESKO-nun dəstəyi ilə keçirilir. Tədbirdə təşkilat komitəsinə daxil olmuş Rusiya, Azərbaycan, Qırğızıstan, Ermənistan və Abxaziyanın Elmlər Akademiyalarının alimləri iştirak edir. Konfransın toplusuna müxtəlif ölkələrin alimləri və mütəxəssislərinin 400-dən çox elmi məruzələri və məqalələri daxil olub.

14.09.10

Məqaləni oxumaq

ADU-nun tələbələri mükafatlandırılacaq

Azərbaycan Dillər Universitetinə (ADU) yüksək balla daxil olan 14 tələbə mükafatlandırılacaq. ADU-nun mətbuat xidmətindən KƏLAMİNFO-ya verilən məlumata görə, sentyabrın 15-də universitetin rektoru, millət vəkili, professor Səməd Seyidov I kurs tələbələri ilə görüşəcək. Tədbir universitet həyatını özündə əks etdirən fotoşəkillərdən ibarət slaydın nümayişi ilə yekunlaşacaq.

14.09.10

Məqaləni oxumaq

Vitse-prezident Arif Həşimov İrana gedəcək

AMEA-nın birinci vitse-prezidenti, akademik Arif Həşimov 30 nəfər nümayəndə heyəti ilə İrana səfər edəcək. AMEA-dan KƏLAMİNFO-ya verilən məlumata görə, səfərin məqsədi 14-16 sentyabr tarixlərində İranın Təbriz şəhərində Serac Universiteti tərəfindən keçiriləcək вЂњEnergetikanın texniki və fiziki problemləriвЂќ adlı beynəlxalq konfransda iştirak etməkdir. Rumıniya, İspaniya, Türkiyə, İran və Azərbaycan alimlərinin iştirak edəcəyi tədbirdə bazar iqtisadiyyatı şəraitində enerji sistemlərinin problemlərinə aid məsələlər müzakirə olunacaq. Konfransda əsasən nativ və bərpa olunan enerji sistemlərinin araşdırılması, enerji sistemlərinin ekoloji problemlərinin təhlili, enerji sistemlərinin iqtisadi səmərəliliyinin təmini və ümumiyyətlə enerji sistemlərinin dayanıqlı istismarının təşkili məsələlərinə aid məruzələr dinləniləcək.

14.09.10

Məqaləni oxumaq

Gürcüstanda yaşayan 20 azərbaycanlı Şimali Kiprdə təhsil alacaq

Azərbaycanın Diasporla İş üzrə Komitəsinin (DİDK) Şimali Kiprdə fəaliyyət göstərən Yaxın Doğu Universiteti ilə bağladığı müqaviləyə əsasən, həmin təhsil ocağında Gürcüstanda təhsil alan azərbaycanlı gənclər üçün müxtəlif ixtisaslar üzrə yerlər ayrılıb. Bununla əlaqədar Azərbaycanlıların Mədəniyyət Mərkəzində (AMM) DİDK-nin nümayyəndəsi Füzuli Nəcəfovun iştirakı ilə abitüriyentlərin seçimi olub. AMM-dən KƏLAMİNFO-ya verilən məlumata görə, seçim xüsusi komissiya tərəfindən sorğu-sual şəkilində baş tutub. Komissiyanın üzvləri F.Nəcəfov, AMM sədri Fazil Həsənov, təhsil şöbəsinin rəhbəri Mikayıl Mustafayev, gürcü dili müəllimi Xatirə Əmiraslanova abitürientlərə ümumi suallar verərək onların valideyinləri ilə də söhbətlər aparıblar.

13.09.10

Məqaləni oxumaq