Kelam Jurnalı - Elm və təhsil

Bu gün Təhsil Nazirliyinin dəstəyi və İtesa Caspian MMC-nin təşkilatçılığı ilə Bakı Ekspo Sərgi və Təhsil Mərkəzində 4-cü Beynəlxalq təhsil və karyera sərgisi işə başlayıb. KƏLAMİNFO xəbər verir ki, sərgidə təhsil naziri Misir Mərdanov, bir sıra universitetlərin rektorları, professor-müəllim heyəti, müxtəlif təşkilatlar və ictimaiyyət numayəndələri iştirak edir. Sərgidə Azərbaycan, Türkiyə, Koreya, Rusiya, Böyük Britaniya, ABŞ, Macarıstan, Almaniya, Yunanıstan, İspaniya, Kanada, İsveçrə, BƏƏ ölkələrinin müxtəlif universitetləri ödənişi və ödənişsiz fakültələr, kurslar təklif edir. Bundan əlavə, sərgidə bir sıra təşkilatlar da öz məhsullarını təklif edirlər. Üç gün davam edəcək sərgidə dünyanın 15 ölkəsindən 90-a yaxın ali təhsil ocağı və təşkilat işitirak edəcək. Sərgi oktyabrın 9-da başa çatacaq.

07.10.10

Məqaləni oxumaq

BDU-nun professoru Ukraynada olub

Bu günlərdə Ukraynanın Odessa şəhərində astronomiya üzrə dəyişən ulduzlar sahəsində növbəti beynəlxalq elmi konfrans keçirilib. Bakı Dövlət Universitetinin (BDU) mətbuat və informasiya şöbəsinin rəhbəri Pərvanə İbrahimovanın KƏLAMİNFO-ya verdiyi məlumata görə, dörd ildən bir keçirilən konfransda keçmiş SSRİ ərazisində olan ölkələrin alimləri ilə yanaşı, Şərqi və Qərbi Avropa, Amerika və Afrika astronomları da iştirak ediblər. Təşkilat komitəsinin hazırladığı proqrama əsasən, konfrans iclaslarının birini BDU-nun astofizika kafedrasının professoru, AMEA ŞAR-ın baş elmi işçisi Nəriman İsmayılov idarə edib. Konfransda həmçinin ölkəmizi iki gənc aspirant вЂ“ Həmayil Adıgözəlzadə və Orxan Xəlilov da təmsil edib. toplantıda azərbaycanlı alimlərin son 10 ildə xaricdə çap olunan elmi məqalələrinin əksəriyyətində alınan mühüm nəticələr xüsusilə qeyd edilib. Onların spektral və fotometrik tədqiqatları göstərib ki, bu ulduzların ulduzətrafı disklərində yenicə formalaşmaqda olan cisimlər - protoulduzlar və ya protoplanetlər mövcuddur. Alimlərimiz ilk dəfə göstərib ki, belə cisimlərin cavan ulduz disklərində mövcud olması onlarda müşahidə olunan parlaqlığın və spektral parametrlərin periodik olaraq dəyişməsinə gətirib çıxarır. Polyak və macar astronomları gələcək konfransların Azərbaycanda keçirilməsinə maraqlı olduqlarını bildiriblər.

07.10.10

Məqaləni oxumaq

Təhsil Nazirliyi işçi axtarır

Təhsil Nazirliyi vakant dövlət qulluğu vəzifəsinin tutulması ilə bağlı müsahibə elan edir. Nazirlikdən KƏLAMİNFO-ya verilən məlumata görə, müsahibədə barəsində müsahibə elan edilən vəzifənin təsnifatından ən çoxu iki təsnifat aşağı inzibati vəzifədə qulluq keçən və ixtisas dərəcəsinə malik olan Təhsil Nazirliyinin dövlət qulluqçuları iştirak edə bilərlər. Dövlət orqanının adı: Azərbaycan Respublikası Təhsil Nazirliyi. Struktur bölmənin adı: Strateji təhlil, planlaşdırma və kadrların idarəolunması şöbəsi Ştat vahidinin sayı: 1 İş yerinin ünvanı: Bakı şəhəri, Nəimanov rayonu, Xətai prospekti 49 İnzibati vəzifənin təsnifatı: 6-cı təsnifat, vəzifə maaşı: 495 manat. Vəzifənin tutulması şərtləri: təhsil: təhsilin təşkili və idarəolunması ixtisası, maarif ixtisas istiqaməti üzrə ali təhsil,iş stajı, azı 3 il.

05.10.10

Məqaləni oxumaq

Azərbaycan Memarlıq və İnşaat Universitetində beynəlxalq simpozium keçiriləcək

noyabr ayının 25-26-da Azərbaycan Memarlıq və İnşaat Universitetində Fövqəladə Hallar və Həyat Fəaliyyətinin Təhlükəsizliyi Problemləri üzrə Mütəxəssislər Assosiasiyasının Beynəlxalq simpoziumu keçiriləcək. Memarlıq və İnşaat Universitetinin mətbuat xidmətindən KƏLAMİNFO-ya verilən məlumata görə, simpozium вЂњFövqəladə hallar riskinin azaldılması və hüqo prinsipləri barəsində tərəfdaşların məlumatlandırılmasıвЂќ mövzusunda olacaq. Konfransda iştirak etmək istəyənlər noyabrın 1-dək qeydiyyatdan keçməlidirlər.

04.10.10

Məqaləni oxumaq

Bir qrup təhsil işçisi Gürcüstanda olub

Gürcüstanın Batumi şəhərində müəllimlərin ətraf mühit üzrə regional seminarı keçirilib. Təhsil Nazirliyindən KƏLAMİNFO-ya verilən məlumata görə, seminar Norveç Təbiəti Mühafizə Cəmiyyətinin вЂњEnerji və Resurslardan İstifadə üzrə Məktəbli LayihəsiвЂќ (SPARE) çərçivəsində baş tutub. Regional seminarda SPARE proqramının Azərbaycan üzrə milli əlaqələndiricisi Nailə İsmayılova, proqramın tətbiqi layihələr üzrə koordinatoru Mirabbas Məmmədov, Təhsil Nazirliyinin Tərbiyə və məktəbdənkənar təhsil şöbəsinin müdiri Ağababa İbrahimov, вЂњArazвЂќ Ekologiya liseyinin direktoru Südabəxanım Mikayılova, 284 saylı məktəbin coğrafiya müəllimi Sevinc Abbasova, 204 saylı məktəbin biologiya müəllimi Almaz Həsrət, вЂњZəkalarвЂќ liseyinin fizika müəllimi Gülçin Baxşıyeva iştirak ediblər.

01.10.10

Məqaləni oxumaq

вЂњBeynəlxalq münasibətlərвЂќ və вЂњRegionşünaslıqвЂќ ixtisasları II ixtisas qrupuna keçirilib

Tələbə Qəbulu Üzrə Dövlət Komissiyası (TQDK) 2011/2012-ci tədris ili üzrə qəbul imtahanlarına dair yeni qərarlar qəbul edib. KƏLAMİNFO xəbər verir ki, bu barədə məlumatı TQDK sədri Məleykə Abbaszadə verib. TQDK sədri bildirib ki, III ixtisas qrupuna daxil olan вЂњBeynəlxalq münasibətlərвЂќ və вЂњRegionşünaslıqвЂќ ixtisasları II ixtisas qrupuna keçirilib. Beləliklə, adı çəkilən ixtisaslara qəbul olmaq istəyən abituriyentlər II ixtisas qrupuna imtahan verməlidirlər. M. Abbaszadə 2011-ci ildə keçiriləcək qəbul imtahanlarında Riyaziyyat fənni üzrə test tapşırıqlarının bəzilərinin açıq tipli olacağını da söyləyib. Onun sözlərinə görə, yaxın 2-3 il ərzində qəbul imtahanlarının 125 sualın 30-35%-ni açıq tipli testlər təşkil edəcək.

01.10.10

Məqaləni oxumaq

TQDK abituriyentlər üçün video mühazirələr hazırlayıb

Tələbə Qəbulu üzrə Dövlət Komissiyasının (TQDK) nəzdindəki elmi-metodiki seminarlar oktyabrın 1-dən işə başlayır. KƏLAMİNFO xəbər verir ki, bu barədə məlumatı TQDK sədri Məleykə Abbaszadə bildirib. Hazırda komissiyada 14 fənn üzrə elmi-metodiki seminarlar fəaliyyət göstərdiyini diqqətə çatdıran M.Abbaszadə bu ilə qədər seminarlarda əsas etibarı ilə Bakı və Sumqayıt şəhərlərindən olan təhsil işçiləri iştrak etdiklərini söyləyib. вЂњArtıq Naxçıvan MR-da, Gəncədə, Lənkəranda, Şəkidə və Qubada da TQDK-nın regional bölmələri fəaliyyət göstərir. Bu bölmələrin fəaliyyətinin əsas istiqamətlərindən biri həmin bölgələrdə elmi-metodiki seminarların təşkilidir. Həmin seminarlardan internet proqramlarının tədbiqi sayəsində TQDK ilə canlı videobağlantılar qurulubвЂќ,-deyə M.Abbaszadə vurğulayıb. TQDK sədri həmçinin komissiyanın saytında abituriyenlər üçün bütün mövzuları əhatə edən riyaziyyat, fizika və kimya fənnindən video mühazirələrin də olduğunu qeyd edib. O, bildirib ki, əgər abituriyentlər göstərdikləri nəticələrə görə müəllimləri günahlandırırdılarsa, indi artıq bunker müəllimlərin hazırladığı video mühazirələri izləyib imtahana hazırlaşa bilərlər.

30.09.10

Məqaləni oxumaq

Magistraturaya qəbul imtahanının I mərhələsi fevral ayında baş tutacaq

2011-2012-ci tədris ili üçün magistraturaya qəbul imtahanlarına əzrizə qəbulunun və qəbul imtahanının I mərhələsinə 2011-ci ilin fevral ayında başlanılacaq. KƏLAMİNFO xəbər verir ki, bu barədə məlumatı TQDK sədri Məleykə Abbaszadə verib. M.Abbaszadə bildirib ki, qəbul qaydalarına uyğun olaraq imtahanın birinci mərhələsində bakalavrların ümumi intellekt səviyyəsi, xarici dil və informatika fənni üzrə bilikləri yoxlanılacaq. M.Abbaszadə qeyd edib ki, yeni tipli testlərin tədbiqi ilə əlaqədar 2011-ci ilin yanvar ayında Bakı şəhərində respublikanın müxtəlif bölgələrində I sınaq imtahanı keçiriləcək. Növbəti sınaq imtahanları isə müntəzəm olaraq aprel ayından etibarən hər şənbə və bazar günü təşkil olunacaq. TQDK sədri vurğulayıb ki, bundan əlavə, Nazirlər Kabinetinin 2010-cu il 18 mart tarixli 50 nömrəli qərarı ilə təsdiq edilmiş вЂњRezidentura təhsilinin məzmunu və təşkili QaydalarıвЂќnın təsdiq edilməsi haqqında qərara uyğun olaraq rezidenturaya qəbul Tələbə Qəbulu üzrə Dövlət Komissiyası tərəfindən aparılacaq və Tibb Universitetində tədbiq olunacaq.

30.09.10

Məqaləni oxumaq

AMEA Rəyasət Heyəti doktoranturaların yaradılması haqqında qərar qəbul edib

AMEA Rəyasət Heyətinin (RH) növbəti iclası keçirilib. İclasda çıxış edən AMEA prezidenti Mahmud Kərimov gündəlikdəki məsələlər haqqında məlumat verib. KƏLAMİNFO xəbər verir ki, iclasda AMEA-nın elmi müəssisə və təşkilatlarında doktoranturaların yaradılması və gənc alimlərin Avropanın elmi mərkəzlərində doktorantura təhsili almaları müzakirə olunub. Mövcud kadr potensiyalı, fundamental tədqiqatların səviyyəsini, maddi-texniki bazasını və digər nailiyyətlərini nəzərə alaraq AMEA-nın elmi müəssisə və təşkilatlarında müvafiq ixtisaslar üzrə fəlsəfə doktoru və elmlər doktoru üzrə doktoranturaların yaradılması, AMEA-nın doktoranturası olmayan, lakin müxtəlif ixtisaslar üzrə kadr hazırlanmasına ehtiyacı olan elmi müəssisə və təşkilatların kadr hazırlığını məqsədli yolla həyata keçirməsi haqqında qərar qəbul edilib.

30.09.10

Məqaləni oxumaq

TQDK-da yüksək nəticə göstərən tələbələrlə görüş olacaq

Sentyabrın 30-da bu il ali təhsil müəssisələrinə qəbul imtahanlarında ən yüksək nəticə göstərib Prezident təqaüdünə layiq görülmüş gənclərlə Tələbə Qəbulu üzrə Dövlət Komissiyası (TQDK) rəhbərliyi və kollektivinin görüşü keçiriləcək. Bu barədə məlumatı KƏLAMİNFO-ya TQDK-dan veriblər. Görüşdə TQDK rəhbərliyinin çıxış və təbrikləri olacaq. Sonra yüksək nəticə göstərən tələbələr mükafatlandırılacaq