Kelam Jurnalı - Elm və təhsil

Tələbə Qəbulu üzrə Dövlət Komissiyası (TQDK) növbəti tədris ili üçün Respublikanın ali və orta ixtisas təhsili müəssisələrinə qəbul imtahanlarında nəzarətçi kimi iştirak edəcək müəllimlər üçün seminar-məşğələlər keçirməyə başlayıb. Bu barədə məlumatı KƏLAMİNFO-ya TQDK-dan veriblər. Seminarlar TQDK-nın təşkilat şöbəsinin məsul əməkdaşları tərəfindən aparılır. Seminarlarda imtahan prosesinin idarə olunmasında zal nəzarətçisinin üzərinə düşən vəzifələr, təlimati qaydalar ətraflı izah olunur. Bu prosedurları nəzarətçi-müəllimlərə dəqiqliklə çatdırmaq üçün məşğələlər 25-30 nəfərlik qruplarla keçirilir. Bu zaman real imtahanda tətbiq edilən sənədlər və vəsaitlərdən istifadə olunur. Seminarlarda həmçinin, nəzarətçi-müəllimlərin fərdi keyfiyyətləri yoxlanılır, şəxsi anket məlumatları dəqiqləşdirilir, imtahanın gedişində rast gəlinən problemlər sistemləşdirilir və həlli yolları sadalanır, nəzarətçi-müəllimlərin xüsusi hallarda operativ qərar qəbul etmə qabiliyyətləri interaktiv üsullarla вЂ“ sorğu-suallarla müəyyənləşdirilir.

10.02.11

Məqaləni oxumaq

M.Mərdanov: вЂњBir sıra peşə təhsili müəssisələrinin ərazisi zəbt edilibвЂќ

Bir sıra peşə təhsili müəssisələrinin ərazisi ayrı-ayrı şəxslər tərəfindən zəbt edilib. KƏLAMİNFO xəbər verir ki, bu barədə açıqlamanı jurnalistlərə təhsil naziri Misir Mərdanov söyləyib. Nazir bildirib ki, zəbt edilən ərazilər həm, Bakı şəhərində, həm də ölkənin müxtəlif bölgələrində mövcuddur. Həmin ərazilərin boşaldılması istiqamətində müvafiq tədbirlərin görüldüyünü diqqətə çatdıran M.Mərdanov problemin həlli ilə bağı müvafiq qurumlara da müraciətlərin göndərildiyini xatırladıb.

09.02.11

Məqaləni oxumaq

Səməd Seyidov Polşa səfiri ilə görüşüb

Bu gün Azərbaycan Dillər Universitetinin rektoru, millət vəkili Səməd Seyidov Polşa Respublikasının Azərbaycandakı fövqəladə və səlahiyyətli səfiri Mikal Labenda ilə görüşüb. Görüşdə universitetlərarası əlaqələr və bir sıra maraq doğuran məsələlər barədə geniş fikir mübadiləsi aparılıb. Bu barədə məlumatı KƏLAMİNFO-ya ADU-dan veriblər. S.Seyidov universitetdə bir çox istiqamətlər üzrə müxtəlif ixtisasların mövcud olduğunu bildirib. Səfir Mikal Labenda ölkələrimiz arasında bir sıra sahələrdə əməkdaşlığın inkişaf etdirilməsi üçün geniş potensialın olduğunu qeyd edib. Diplomat Polşa universitetləri və ADU arasında gələcək əməkdaşlıq perspektivlərinin də olduğunu deyib. Mikal Labenda Polşa universitetlərində Azərbaycan dilinin tədrisinin və Azərbaycanşünaslıq ixtisasının açılmasının mümkünlüyündən danışıb.

08.02.11

Məqaləni oxumaq

Misir Mərdanov: вЂњPeşə təhsili ilə bağlı xeyli problemlər varвЂќ

Azərbaycanda peşə təhsili ilə bağlı xeyli problemlər var. KƏLAMİNFO xəbər verir ki, bu barədə açıqlamanı jurnalistlərə təhsil naziri Misir Mərdanov söyləyib. Nazir qeyd edib ki, bu problemlər maddi-texniki bazanın zəifliyi, müasir avdanlıqların olmaması, Azərbaycanın müvafiq qanunvericiliyində hələlik dəyişikliyin aparılmaması, ümumiyyətlə peşə təhsil müəssisələrinin normal halda olmamasından ibarətdir. Hazırda Azərbaycanda 108 peşə təhsil müəssisəsinin mövcudluğunu diqqətə çatdıran M.Mərdanov bunların da 55-də 3258-nin məcburi köçkün ailəsinin yaşadığını qeyd edib. Nazirin sözlərinə görə, 24 müəsisə işləməyə yarasızdır, 78 müəssisənin isə təmirə ehtiyacı var.

08.02.11

Məqaləni oxumaq

Nazirlər Kabineti elmi dərəcə almaq üçün müdafiə olunan dissertasiyaların rəsmi opponentlərinə ayrılan saat vaxtını müəyyən edib

Nazirlər Kabineti Azərbaycanın ali təhsil müəssisələrində, elmi idarə və təşkilatlarında elmi dərəcə almaq üçün müdafiə olunan dissertasiya işlərinə opponentliyə görə əməyin ödənilməsi ilə bağlı məsələləri tənzimləmək məqsədi ilə qərar qəbul edib. Nazirlər Kabinetindən KƏLAMİNFO-ya verilən məlumata görə, elmi dərəcə almaq üçün müdafiə olunan dissertasiya işlərinin rəsmi opponentlərinə elmlər doktoru elmi dərəcəsi üzrə 40, fəlsəfə doktoru elmi dərəcəsi üzrə 20 saat müəyyən edilib. Rəsmi opponentlərin əməyinin saathesabı ödənilməsi məbləğləri вЂњBüdcədən maliyyələşdirilən müəssisə, idarə və təşkilatlarda tədris məşğələlərinin aparılmasına cəlb edilən işçilərin əməyinin saathesabı ödənilməsi məbləğləri haqqındaвЂќ AR Nazirlər Kabinetinin ali məktəb tələbələri ilə tədris məşğələləri aparan şəxslər üçün nəzərdə tutulan məbləğlərdə müəyyənləşdirilir. Müəyyən edilir ki, dissertasiya işləri üzrə opponentliyə görə saathesabı ödəniş haqları həmin şəxslərin çalışdıqları müəssisə, idarə və təşkilatların xərclər smetasında bu məqsəd üçün nəzərdə tutulan vəsait hesabına ödənilir.

08.02.11

Məqaləni oxumaq

Tələbələrin Qış вЂњLiderlik MəktəbiвЂќ başlayır

Azərbaycan Tələbə Gənclər Təşkilatları İttifaqı (ATGTİ) fevralın 10-16-da Quba вЂњCənnət BağıвЂќ Istirahər Mərkəzində I və II kurs tələbələri üçün Qış вЂњLiderlik MəktəbiвЂќ layihəsini həyata keçirəcək. Bu barədə məlumatı KƏLAMİNFO-ya Azərbaycan Tələbə Gənclər Təşkilatları İttifaqının (ATGTİ) mətbuat xidmətindən veriblər. Layihədə iştirak etmək üçün ATGTİ-nin elektron ünvanına tələbələr tərəfindən 1000-ə yaxın ərizə daxil olub, onlardan 300-ü II mərhələdə iştirak hüququ əldə edərək və müsahibə yolu ilə aralarından ən layiqli 120 tələbə вЂњLiderlik MəktəbiвЂќnə seçilib. Layihədə Azərbaycanın bütün ali təhsil müəssisələrinin tələbələri təmsil olunacaq.

07.02.11

Məqaləni oxumaq

Avropa Birliyi azərbaycanlı aspirantlara təqaüd ayıracaq

Avropa Komissiyasının Təhsil və Mədəniyyət direktoru Avropa Siyasət Universitetində aspirantura üzrə təhsil almaq istəyənlərə təqaüd ayırmaq qərarına gəlib. KƏLAMİNFO xəbər verir ki, 2010-11-ci illərdə qonşu ölkə vətandaşlarına təqaüd ayrılacaq. Avropa Birliyinin təqaüd ayırmaq istədiyi ölkələr arasında Azərbaycan, Ermənistan, Misir, Tunis, Livan, Mərakeş və digər ölkələrin adları var. Təqaüdün məbləği təhsil, yaşayış, səfər xərclərini əhatə edəcək. Ərizələrin son göndəriləmə tarixi martın 15-dir. Qeyd edək ki, universitet 1949-cu ildə Belçikada təsis olunub. O, həmçinin Avropa tarixini, siyasətini öyrənmək üçün ən mükəmməl təhsil ocağı hesab edilir.

07.02.11

Məqaləni oxumaq

Polşa Avropa Diplomatiya Akademiyasının direktoru SAM-da olub

Azərbaycanda səfərdə olan Polşa Avropa Diplomatiya Akademiyasının direktoru Katarijna Pisarska Prezident yanıda Strateji Araşdırmalar Mərkəzinin (SAM) qonağı olub. SAM-ın mətbuat xidmətindən KƏLAMİNFO-ya verilən məlumata görə, qurumun elmi heyəti ilə görüşdə xanım Pisarska rəhbərlik etdiyi Avropa Diplomatiya Akademiyasının fəaliyyəti, tədqiqat sahələri bərədə geniş məlumat verib. O qeyd edib ki, səfərində əsas məqsədlərindən biri Azərbaycanın вЂњbeyin mərkəzləriвЂќ ilə münasibətlərin yaradılması və əməkdaşlıq perspektivlərini müzakirə etməkdir. Polşa ilə Azərbaycan arasında ikitərəfli münasibətlərindən söhbət açan qonaq, rəsmi Varşavanın Azərbaycanı Avropanın ayrılmaz bir parçası olaraq gördüyünü bildirib. O, 2011-ci ilin iyul ayında Polşanın Avropa İttifaqına sədrliyi dövründə вЂњŞərq tərəfdaşlığıвЂќ Proqramı çərçivəsində Cənubi Qafqaz regionu, xüsusilə də Azərbaycanla münasibətlərin inkişafını prioritet olacağını xüsusi olaraq vurğulayıb.

05.02.11

Məqaləni oxumaq

Qiuli Alasaniya ADA-nın rektoru, xarici işlər nazirinin müavini Hafiz Paşayevlə görüşüb

Azərbaycana səfəri çərçivəsində Gürcüstan Universitetinin rəhbəri Qiuli Alasaniya Azərbaycan Diplomatik Akademiyasının (ADA) rektoru, xarici işlər nazirinin müavini Hafiz Paşayevlə görüşüb. ADA-dan KƏLAMİNFO-ya verilən məlumata görə, rektor xanım Q.Alasaniyaya Akademiyanın magistr və bakalavr proqramları, genişlənməkdə olan kitabxanası, ayrı-ayrı istiqamətlərdə aparılan elmi araşdırmaları barədə məlumat verib. Q. Alasaniya təmsil etdiyi universitetlə ADA-nın əməkdaşlığında maraqlı olduğunu bildirib. Daha sonra xanım Alasaniya ADA-nın tələbə-müəllim heyəti və digər qonaqlar üçün вЂњAzərbaycan, Gürcüstan və Türkiyənin mədəni-tarixi əlaqələriвЂќ mövzusunda məruzə ilə çıxış edib, üç xalqın zəngin tarixi-mədəni əlaqələri haqqında danışıb. Qeyd edək ki, professor Q. Alasaniya Gürcüstan prezidenti Mixail Saakaşvilinin anasıdır.

04.02.11

Məqaləni oxumaq

Strasburqda xaricdə təhsil alan və məzun olmuş Azərbaycanlı Gənclərin Beynəlxalq Forumu keçiriləcək

Martın 11-12-də Fransanın Strasburq şəhərində xaricdə təhsil alan və məzun olmuş Azərbaycanlı Gənclərin (ASAIF) Beynəlxalq Forumu keçiriləcək ASAIF-dan KƏLAMİNFO-ya verilən məlumta görə, Forum 2 gün boyunca yeni fikirlər ətrafında müzakirələrə, Azərbaycanın və ona aid dəyərlərin dünyada təmsil və təbliğatı üçün fəaliyyət planının müəyyən olunmasına çalışacaq. Ayrıca bu məsuliyyətli yolda xaricdə təhsil alan və məzun olmuş Azərbaycanlı gənclərin bir arada cəmləşməsinə çalışacaq. Forumda çıxış etmək və fikirlərini paylaşmaq üçün dəvət edilən Azərbaycanlı və xarici spikerlər, mütəxəssislər və qonaqlar tədbirin önəmini bir daha artırmaqdadır. İki gün ərzində iştirakçılar gələcək şəbəkə cəmiyyətinin formalaşmasına, Azərbaycanımızın və milli dəyərlərimizin təbliğinə müsbət təsir göstərəcək.

03.02.11

Məqaləni oxumaq