|
Səhifələr : # « 54 55 56 57 58 59 60 61 62 » #
|
Ötən ay Təhsil Nazirliyinin “qaynar xətt” xidmətinə 910 müraciət daxil olub
|
Təhsil Nazirliyinin “qaynar xətt” xidmətinə (496-34-82; 496-37-61; e-mail ünvanı: qaynar-xett@edu.gov.az) 2011-ci ilin yanvar ayında 910 müraciət daxil olub. Təhsil Nazirliyindən KƏLAMİNFO-ya verilən məlumata görə, müraciətlərin 789-u telefonla, 121-i elektron poçt vasitəsilə qəbul edilib. Bütün müraciətlər dinlənilib, qeydə alınıb, araşdırılıb və cavablandırılıb.
Daxil olan müraciətlərin əksəriyyəti sorğu və məlumat xarakterlidir.
Şikayət xarakterli müraciətlər 9,6 faiz təşkil edib. Bu müraciətlərdə məktəbəqədər, ümumtəhsil, texniki peşə, orta ixtisas və ali təhsil müəssisələrinÂdəki problemlərdən bəhs olunub.
Abşeron rayon ümumtəhsil məktəblərindən daxil olan müraciətlər isə şagirdlərə məcburi qaydada təkrar məktəbli formasının satılması ilə bağlıdır. Texniki peşə məktəblərindən 2 şikayət daxil olub ki, bu da Bakı 2 nömrəli və İsmayıllı peşə liseyləri haqqındadır.
|
17.02.11 Məqaləni oxumaq
|
|
|
Təhsil sistemində 108 nəfər vəzifəsindən azad olunub
|
Ötən il Təhsil Nazirliyi tərəfindən təhsil orqanları və müəssisələrində neqativ hallar, qanun pozuntuları, korrupsiyaya şərait yaradan faktların aşkar edilməsi, nöqsanlara yol verən məsul şəxslər barədə intizam tənbehinin tətbiqi sahəsində müntəzəm iş aparılıb.
KƏLAMİNFO xəbər verir ki, bu fikirləri Təhsil Nazirliyində “Şəffaflığın artırılması və korrupsiyaya qarşı mübarizə üzrə milli strategiya (2007-2011-ci illər)”nın icrası mövzusunda keçirdiyi kollegiya iclasında nazir Misir Mərdanov söyləyib. Nazir qeyd edib ki, ötən il 4 rayon təhsil şöbəsinin müdiri, 72 məktəb direktoru, 5 direktor müavini, 1 məktəbdənkənar müəssisə rəhbəri, 6 peşə məktəbi direktoru, 1 ali məktəb müəllimi, 10 uşaq bağçası müdiri, 9 baş mühasib, ümumilikdə 108 nəfər vəzifəsindən azad olunub, 41 nəfərə sonuncu xəbərdarlıqla şiddətli töhmət, 115 nəfərə töhmət verilib.
|
16.02.11 Məqaləni oxumaq
|
|
|
Tam orta təhsil səviyyəsi üzrə keçirilən mərkəzləşdirilmiş yoxlama imtahanlarının nəticələri açıqlanıb
|
Təhsil Nazirliyi Bakı şəhəri üzrə tam orta təhsil səviyyəsi (XI sinif) üzrə keçirdiyi 2010-2011-ci dərs ilinin mərkəzləşdirilmiş yoxlama imtahanlarının nəticələrini açıqlayıb. Təhsil Nazirliyindən KƏLAMİNFO-ya verilən məlumata görə, nəticələr nazirliyin saytının (www.edu.gov.az) imtahan bölməsində yerləşdirilib.
Bakı şəhəri üzrə ümumi orta təhsil (IX sinif) səviyyəsi üzrə keçirilən mərkəzləşdirilmiş yoxlama imtahanlarının nəticələri isə yaxın günlərdə açıqlanacaq.
|
16.02.11 Məqaləni oxumaq
|
|
|
Bu gündən “Ən yaxşı müəllim” müsabiqəsində iştirak edən müəllimlərin dərsləri dinlənilir
|
Təhsil Nazirliyində “Ən yaxşı müəllim” müsabiqəsi iştirakçılarının dərslərini dinləyib qiymətləndirəcək ekspertlərlə görüş keçirilib. Bu barədə məlumatı KƏLAMİNFO-ya Təhsil Nazirliyindən veriblər.
Görüşdə təhsil naziri Misir Mərdanov bildirib ki, “Ən yaxşı müəllim” müsabiqəsinin uğurla nəticələnməsi ekspertlərdən ibarət fənn komissiyalarının fəaliyyətindən asılı olduğundan ekspertlərin hər biri yüksək məsuliyyət, obyektivlik nümayiş etdirməlidir. Ötən illərdən fərqli olaraq, bu il iştirakçıların sayı çox olan fənlər üzrə də yalnız bir komissiyanın fəaliyyət göstərəcəyini qeyd edən nazir hər bir komissiyada müşahidəçi qismində Təhsil Nazirliyinin nümayəndəsinin olacağını və onların həm də təşkilati məsələləri həll edəcəklərini açıqlayıb.
Təhsil naziri bildirib ki, fevralın 15-dən başlayaraq 57 nəfər ibtidai sinif müəlliminin dərsləri 6, 35 nəfər ingilis dili müəlliminin dərsləri 4, 25 nəfər Azərbaycan dili və ədəbiyyat müəlliminin dərsləri isə 3 mərhələdə dinləniləcək.
M.Mərdanov, bunlarla yanaşı digər fənn müəllimlərinin də sınaq dərslərinin dinlənilməsinin mərhələlərlə aprelin 21-dək davam edəcəyini diqqətə çatdırıb.
|
16.02.11 Məqaləni oxumaq
|
|
|
Xəzər Universitetinin kitabxanası dünyada müasir elektron gücə malik 1120 kitabxana sırasına daxil edilib
|
Dünya ali məktəblərinin ümumi gücü, müasirliyi, o cümlədən elektron-virtual gücü əsas götürülərək 2011-ci ilin yanvar ayında dünyadakı 19266 ali məktəb, o cümlədən Azərbaycandan 36 ali məktəb növbəti dəfə öyrənilib, tədqiq olunub. Bu barədə məlumatı KƏLAMİNFO-ya Xəzər Universitetinin İctimai Əlaqələr və Media Mərkəzindən veriblər.
Bu reytinq tədqiqatını dünyanın nüfuzlu tədqiqat mərkəzlərindən biri - İspaniyanın məşhur Dövlət Elmi Tədqiqat Mərkəzi (Consejo Superior de İnvestigac Cientifacasiones) aparır. Əsas kriteriyalar ali məktəbin dünyada tanınması, elektron məkanda tutduğu çəki və başqaları tərəfindən qiymətləndirilməsi, müasir elmi nəşrlərin çəkisidir. 12 min ali məktəb arasında Azərbaycandan cəmi 4 ali məktəb düşüb. Onlar belə əsıralanıb: Xəzər Universiteti (5097-ci yer), Qafqaz Universiteti (7054-cü yer), Diplomatiya Akademiyası (7653-cü yer) və Tibb Universiteti (11.108-ci yer)
|
15.02.11 Məqaləni oxumaq
|
|
|
AMEA Naxçıvan Bölməsinin institutları 4 patent alıb
|
Ötən il AMEA Naxçıvan Bölməsinin institutlarında elmi-tədqiqat işləri 6 istiqamətdə, 6 problemi əhatə edən 7 mövzu üzrə 34 iş 97 mərhələdə yerinə yetirilib. KƏLAMİNFO xəbər verir ki, bu barədə məlumatı bölmənin akademik-katibi, akademik İsmayıl Hacıyev söyləyib.
Bölmənin 2010-cu ildəki elmi və elmi-təşkilati fəaliyyətinin yekunları haqqında məlumat verən İ.Hacıyev bildirib ki, bölmə institutlarında fundamental elmi-tədqiqatlar plana uyğun, AMEA Rəyasət Heyəti tərəfindən təsdiq edilən proqram üzrə, Dövlət Proqramlarının həyata keçirilməsi və yeni qanun layihələrinin yerinə yetirilməsi üzrə aparılıb. Onun sözlərinə görə, hesabat ilində bölmə əməkdaşları tərəfindən 13 dissertasiya işi müdafiə edilib, 2 dissertasiya işi isə müzakirədən keçərək müdafiəyə təqdim edilib. Hazırda bölmənin 4 doktorantı (qiyabi) və 20 dissertantı elmi-tədqiqat işlərini davam etdirirlər. Bölmə əməkdaşları tərəfindən 10 monoqrafiya, 24 kitab, 1 atlas, 1 xəritə, 621 məqalə, 24 tezisi və 3 buklet nəşr edilib, 4 patent alınıb.
|
15.02.11 Məqaləni oxumaq
|
|
|
TQDK magistraturaya qəbul imtahanlarının vaxtını açıqladı
|
Tələbə Qəbulu üzrə Dövlət Komissiyası (TQDK) fevralın 20-də Bakı, Naxçıvan, Gəncə və Lənkəran şəhərlərində cari tədris ili üçün ali təhsil müəssisələrinin magistraturalarına qəbul imtahanının birinci mərhələsini keçirəcək. Bu barədə məlumatı KƏLAMİNFO-ya TQDK-nın mətbuat xidmətindən veriblər.
İmtahanın birinci mərhələsində iştirak etmək üçün ərizəsini Sənəd Qəbulu Komissiyasında təsdiq etdirmiş bakalavrlar fevralın 15-dən etibarən internetdə öz elektron ərizəsinə daxil olaraq birinci mərhələ üçün iakalavrın imtahana buraxılış vərəqəsini çap edib götürməlidirlər. Buraxılış vərəqəsində bakalavrın hansı şəhərdə, binada imtahan verəcəyi qeyd olunub. Buna görə də onlar buraxılış vərəqəsində göstərilmiş məlumatlarla diqqətlə tanış olmalıdırlar. Bakalavrlar buraxılış vərəqəsi ilə yanaşı bakalavrlar “Bakalavrın yaddaş kitabçası”nı da çap edə bilərlər. Burada bakalavrlara imtahan prosesi ilə bağlı vacib tövsiyələr, onların əməl etməli olduqları qaydalar və digər zəruri məlumatlar çatdırılır.
|
15.02.11 Məqaləni oxumaq
|
|
|
“Məktəbəqədər və ibtidai təhsil” jurnalının 40 illik yubleyinə həsr olunan tədbir keçirilib
|
Təhsil Nazirliyində “Məktəbəqədər və ibtidai təhsil” jurnalının 40 illik yubleyinə həsr olunan tədbir keçirilib. Mərasimdə Təhsil Nazirliyinin nümayəndələri, ali təhsil ocaqlarının rəhbərləri və digər təhsil müəssisələrinin nümayəndələri iştirak ediblər. Bu barədə məlumatı KƏLAMİNFO-ya Təhsil Nazirliyindən veriblər.
Tədbirdə çıxış edən təhsil naziri Misir Mərdanov “Məktəbəqədər və ibtidai təhsil”in 1970-ci ildən fəaliyyətə başladığını, məcmuəyə bu günə qədər Yəhya Kərimovun rəhbərlik etdiyini söyləyib. M.Mərdanov ötən dövr ərzində jurnalın 180 nömrəsinin işıq üzü gördüyünü bildirib. Jurnalda kurikulumla, təhsil islahatı ilə bağlı məqalələrin dərc olunduğunu deyən nazir belə məsuliyyətli bir işin daha səmərəli təşkili üçün tövsiyələrini verib, “Məktəbəqədər və ibtidai təhsil”in əməkdaşlarına Təhsil Nazirliyinin Fəxri fərmanlarını təqdim edib, onlara pul mükafatlarının veriləcəyini bildirib.
|
15.02.11 Məqaləni oxumaq
|
|
|
DİA-da Dövlət Miqrasiya Xidməti əməkdaşları üçün keçirilən ixtisasartırma kursları davam edir
|
Dövlət İdarəçilik Akademiyasında (DİA) Dövlət Miqrasiya Xidməti (DMX) əməkdaşları üçün “Miqrasiya proseslərinin dövlət tənzimlənməsi” mövzusunda keçirilən ixtisasartırma kursları davam edir.
KƏLAMİNFO xəbər verir ki, ixtisasartırma kursu çərçivəsində Prezident Administrasiyasının (PA) rəhbəri, akademik Ramiz Mehdiyev, PA-nın Hüquq-mühafizə orqanları ilə iş şöbəsinin müdiri Fuad Ələsgərov və digər şəxslərin müxtəlif mövzularda mühazirələri olacaq.
Bu gün isə PA-nın İctimai-siyasi məsələlər şöbəsinin müdiri Əli Həsənovun kurs iştirakçıları üçün “Azərbaycanın müasir xarici siyasəti” mövzusunda mühazirəsi olub.
Mühazidən sonra Ə.Həsənov DİA-da dövlət qulluqçuları üçün keçirilən ixtisasartıma kurslarının əhəmiyyəti, onun nəticəsi və mühüm tərəfləri ilə bağlı KƏLAMİNFO-a məlumat verib.
|
12.02.11 Məqaləni oxumaq
|
|
|
|
Səhifələr : # « 54 55 56 57 58 59 60 61 62 » #
|
Torpaqlarımızı qaytaraq..
|
|
|
Arxiv
|
|
«
| Sen.2024 | | Ďí. | Âň. | Ńđ. | ×ň. | Ďň. | Ńá. | Âń. | | | | | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | |
|
|