|
|
Səhifələr : # « 52 53 54 55 56 57 58 59 60 » #
|
|
B.Foqts BSU-da keçiriləcək tədbirdə iştirak edəcək
|
|
Sabah Bakı Slavyan Universitetinin Filologiya fakültəsinin konfrans zalında BSU-nun “Elmi əsərlər” məcmuəsinin Almaniyanın Osvald Fon Volkenştayn Cəmiyyəti ilə birgə hazırlanmış və “Kitabi Dədə Qorqud” dastanının görkəmli alman şərqşünası Hainrix F. fon Dits trəfindən ilk nəşrinin 195 illiyinə həsr olunmuş xüsusi buraxılışının təqdimat mərasimi keçiriləcək. AFFA-dan KƏLAMİNFO-ya verilən məlumata görə, tədbirdə Bakı Slavyan Universitetinin dəvəti ilə Azərbaycan milli komandasının baş məşqçisi Berti Foqts da iştirak edəcək.
|
10.03.11 Məqaləni oxumaq
|
| |
|
|
|
KİV DF Bakı Slavyan Universitetinin Jurnalistika fakültəsində görüş keçirəcək
|
|
Sabah Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun təşəbbüsü ilə Bakı Slavyan Universitetinin Jurnalistika fakültəsində tələbələrlə ölkənin aparıcı media qurumlarının rəhbərləri arasında görüş keçiriləcək. Bu barədə məlumatı KƏLAMİNFO-ya KİV DF-dən veriblər.
Tədbirin əsas məqsədi jurnalistika fakültəsində təhsil alan istedadlı tələbələrə qəzet redaksiyalarında təcrübə keçmək və gələcəkdə işlə təmin olumaları üçün şərait yaratmaqdır. Tədbirdə Fondun icraçı direktoru Vüqar Səfərli, Bakı Slavyan Universitetin rektoru Kamal Abdulla, Mətbuat Şurasının sədri Əflatun Amaşov və 20-dən artıq qəzet rəhbərlərinin iştirakı gözlənilir.
Qeyd edək ki fevralın 23-də analojı tədbir Bakı Dövlət Universitetində keçirilmişdi. BDU-nun jurnalistika fakültəsinin 20-dən çox tələbəsi artıq qəzet redaksiyalarında işə başlayıblar.
|
|
10.03.11 Məqaləni oxumaq
|
| |
|
|
|
ABŞ prezidentinin Elm məsələləri üzrə nümayəndəsinin AMEA Rəyasət Heyətində görüşü olub
|
|
Azərbaycanda səfərdə olan ABŞ prezidenti Barak Obamanın Elm məsələləri üzrə nümayəndəsi Elis Qastın AMEA Rəyasət Heyətində görüşü olub. Bu barədə məlumatı KƏLAMİNFO-ya AMEA-dan veriblər.
AMEA prezidenti, akademik Mahmud Kərimovun iştirakı ilə geçirilən görüşdə bir sıra məsələlələr müzakirə edilib, fikir mübadiləsi aparılıb.
Müzakirələrin təfərrüatı ilə bağlı hələlik məlumat verilməyib.
Qeyd edək ki, E.Qast səfəri çərçivəsində həmçinin ABŞ-ın maliyyə dəstəyi ilə Bakı Dövlət Universitetinin (BDU) 2 kitabxanasında istifadəyə veriləcək simsiz internet xidmətinin açılışında da iştirak edəcək. Açılış mərasimi martın 11-dək baş tutacağı bildirilir.
|
|
09.03.11 Məqaləni oxumaq
|
| |
|
|
|
AMEA Naxçıvan Bölməsinin Elmi kitabxanasında 10230 nüsxə kitab kataloqlaşdırılıb
|
|
AMEA-nın Naxçıvan Bölməsinin Elmi kitabxanasında 2005-ci ildən bu vaxta qədər 10230 nüsxə kitab kataloqlaşdırılıb. KƏLAMİNFO xəbər verir ki, bu barədə məlumatı elmi kitabxananın direktoru Nuridə Kəngərli söyləyib.
Fəaliyyəti dövründə kitabxanaya 32108 nüsxə Azərbaycan və rus dillərində kitabın daxil olduğunu diqqətə çatdıran N.Kəncərli qeyd edib ki, həmin kitabların 9030-u prezident İlham Əliyevin Sərəncamı əsasında latın qrafikası ilə çap olunub. Onun sözlərinə görə, hazırda kitabxanada ümumi həcmi 3209 nüsxə təşkil edən ingilis, türk, ərəb və fars dillərində kitab və jurnallar oxucuların xidmətindədir. Ümumi jurnal fondu isə cəmi 17645 nüsxədir. O, kitabxanada respublikamızda müdafiə olunan bütün namizədlik və doktorluq dissertasiyalarının avtoreferatlarının, həmçinin də dissertasiyaların sistemli kataloqunun da təşkil olunduğunu söyləyib. Onun sözlərinə görə, avtoreferatların sayı artıq 3013 nüsxə, dissertasiyalar isə 32 nüsxə təşkil edir.
|
|
07.03.11 Məqaləni oxumaq
|
| |
|
|
|
Azərbaycanın bir qrup təhsil işçisi Gürcüstanda olub
|
|
Bu günlərdə Gürcüstanın Batumi şəhərində Almaniyanın Konrad Adenauer Fondu və Təhsil Nazirliyinin birgə həyata keçirdiyi “Demokratiya sizinlə başlayır” layihəsi çərçivəsində müəllimlərin konfransı keçirilib. Bu barədə məlumatı KƏLAMİNFO-ya Təhsil Nazirliyindən veriblər.
Konfransda Azərbaycanı Bakıdakı 5, 238, 279 və 308 nömrəli, Gəncədəki 21 nömrəli, Astaradakı 1 və 2 nömrəli, Maşxan kənd, Qusar rayonundakı 6 nömrəli, Göyçaydakı 3 nömrəli orta məktəblərində çalışan 10 nəfər müəllim və Təhsil Nazirliyinin aparıcı məsləhətçisi Sevil Məmmədova təmsil ediblər.
Gürcüstan və Ermənistandan dəvət olunan təhsil işçiləri, beynəlxalq mütəxəssislərin də qatıldığı tədbirdə layihə çərçivəsində görülən işlər, ölkəmizdə həyata keçirilən beynəlxalq layihələr, əldə edilən uğurlarla bağlı Azərbaycan nümayəndələrinin təqdimat və çıxışları dinlənilib. Üç gün davam edən konfransda layihə ilə bağlı problemlər və qarşıda duran vəzifələr də ətraflı müzakirə olunub.
|
|
05.03.11 Məqaləni oxumaq
|
| |
|
|
|
Ali təhsilin “bakalavr” pilləsi “bakalavriat”la əvzlənib
|
|
Nazirlər Kabineti “Ali təhsilin bakalavr pilləsi ixtisaslarının (proqramlarının) siyahısı”nın təsdiq edilməsi haqqında” müvafiq qərarına əlavə və dəyişikliklər edib. Bu barədə məlumatı KƏLAMİNFO-ya Nazirlər Kabinetindən veriblər.
Dəyişiklik Təhsil və Səhiyyə nazirliklərinin təklifləri nəzərə alınaraq edilib.
Əlavə və dəyişikliyə əsasən “bakalavr pilləsi” sözləri “bakalavriat səviyyəsi” sözləri ilə əvəz edilib. “Təhsil haqqında” Qanunun “Humanitar və sosial ixtisaslar qrupu” bölməsində “Filologiya’ sözündən sonra “(dil və ədəbiyyat göstərilməklə)” sözləri əlavə edilib.
“Səhiyyə, rifah və xidmət ixtisasları qrupu” bölməsindən “139. 050802 Pediatriya” və “145. 050808 Tibbi biologiya” rəqəmləri və sözləri çıxarılıb, “140-144” və “146-150” rəqəmləri müvafiq olaraq “139-143” və “144-148” rəqəmləri hesab edilib.
“Müalicə işi”, “Hərbi həkim işi”, “Tibbi profilaktika”, “Stomatologiya” sözlərindən sonra “*” işarəsi və cədvəldən sonra “* Bu ixtisaslar üzrə həkim hazırlığı aparılır” cümləsi əlavə edilib.
|
|
04.03.11 Məqaləni oxumaq
|
| |
|
|
|
M.Abbaszadə: “Elə rayonlar var ki, orada təhsil sahəsində fövqəladə vəziyyət elan etmək lazımdır”
|
|
Bu gün Bakıda fəaliyyət göstərən 276 saylı məktəbdə Tələbə Qəbulu üzrə Dövlət Komissiyası (TQDK) 2010/2011-ci il tədris ili üçün ali təhsil müəssisələrinə qəbul imtahanlarının elmi-statistik təhlilinə həsr olunan zona müşavirəsi keçirib.
KƏLAMİNFO xəbər verir ki, müşavirədə təhsil naziri Misir Mərdanov, Bakı şəhər üzrə Təhsil İdarəsin direktoru Nailə Rzaquliyeva, bir sıra rayonların orta ümumtəhsil məktəblərinin direktorları və müəllimləri iştirak edib.
Tədbirdə təhsil naziri M. Mərdanov Azərbaycan təhsilinin mövcud vəziyyəti, bu sahədəki problemlər və qarşıda duran vəzifələrlərdən qısa bəhs edib.
TQDK sədri Məleykə Abbaszadə 2010/2011-ci tədris ili üçün keçirilən qəbul imtahanlarının elmi-statistik təhlilinə dair ərtaflı təqdimat-məruzə ilə çıxış edib.
|
|
03.03.11 Məqaləni oxumaq
|
| |
|
|
|
Fəlsəfə, Sosiologiya və Hüquq İnstitutunda yeni bölmə yaradıldı
|
|
AMEA-nın Fəlsəfə, Sosiologiya və Hüquq İnstitutunda yeni bölmə- Beynəlxalq Əlaqələr üzrə direktor müavinliyi təsis edilib. KƏLAMİNFO xəbər verir ki, bölmənin yaradılmasında məqsəd daha çox elmi sahələrə malik olan institutun elmi fəaliyyətinin xarici ölkələrin elm mərkəzləri ilə tənzimlənməsinə istiqamətlənib.
Bölməyə rəhbərlik edən fəlsəfə elmləri üzrə fəlsəfə doktoru Ruyida Rzayeva bildirib ki, bölmə daha çox institutun fəaliyyətinə aid elmi sahələr üzrə xarici ölkə alimlərinin bura dəvət olunmasına üstünlük verəcək. “Eyni zamanda aktiv elmi fəaliyyət ilə məşğul olan alimlərimizin xarici ölkələrdə mütəmadi keçirilən konfranslarda iştirakını da təmin edəcəyik”,-deyə direktor müavini bildirib. O, əlavə edib ki, bütün bu layihələri Elmin İnkişafı Fondu dəstəkləyəcək.
|
|
02.03.11 Məqaləni oxumaq
|
| |
|
|
|
BDU-dan dörd semestr ərzində 180 nəfər tələbə xaric edilib
|
|
2009/2010 və 2010/2011- tədris ili ərzində (4 semestr) Bakı Dövlət Universitetindən (BDU) 180-ə yaxın tələbə xaric olunub. Bu barədə məlumat KƏLAMİNFO-ya BDU-nun Mətbuat və informasiya şöbəsindən verilib.
Səbəb onların universitet daxili nizam-intizam qaydalarını pozması, davamiyyət və akademik borclar və s. məsələlər olub.
Qeyd edək ki, bir neçə gün əvvəl bununla bağlı yayılan məlumatda yanlışlığa yol verilərək xaric edilən tələbələrin 2009/2010 və 2010/2011- tədris ili ərzində (4 semestr) yox, 2010/2011- tədris ili ərzində olduğu qeyd edilib.
|
|
01.03.11 Məqaləni oxumaq
|
| |
|
|
|
Təhsil Nazirliyində II Respublika Muğam müsabiqəsinin qaliblərinin mükafatlandırılma mərasimi olub
|
|
Bu gün Təhsil Nazirliyində II Respublika Muğam Müsabiqəsinin qaliblərinin mükafatlandırılma mərasimi olub. KƏLAMİNFO xəbər verir ki, müsabiqə Heydər Əliyev Fondunun dəstəyi, Təhsil, Mədəniyyət və Turizm nazirliklərinin təşəbbüsü ilə keçirilib.
Müsabiqədə I yer Aytən Məhərrəmova: 5000 manat, II yer Ehtiram Hüseynov: 3000 manat, III yer isə Nişanə Baxşəliyeva 1000 manat layiq görülüblər. Təhsil Nazirliyi əlavə olaraq I yer üçün 2000 manat, II və III yeri tutanlara isə ayrı-ayrılıqda 1500 manat pul mükafatı təqdim edib.
Müsabiqədə ümummilikdə 40-a yaxın şəxs iştirak edib.
Qeyd edək ki, qaliblər mart ayında Bakıda keçiriləcək Beynəlxalq Muğam Festivalında iştirak hüququ qazanıblar.
|
|
24.02.11 Məqaləni oxumaq
|
| |
|
|
|
Səhifələr : # « 52 53 54 55 56 57 58 59 60 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
