Kelam Jurnalı - Elm və təhsil

Bakı Şəhər Təhsil İdarəsi (BŞTİ) paytaxt məktəblərində təhsil alan IV və V sinif şagirdlərinin bilik səviyyəsini yoxlamaq üçün mayın əvvəlində monitorinqlərə başlayır. BŞTİ-dən KƏLAMİNFO-ya verilən məlumata görə, monitorinq üçün IV siniflərin seçilməsinin əsas səbəbi bu şagirdlərin təhsilin bir pilləsindən digərinə keçməsidir. Qeyd edək ki, monitorinq aparılan V sinif şagirdlərinin bilik səviyyəsi ötən il qiymətləndirilib. İndi bu şagirdlərin V sinifdəki müvəffəqiyyətləri yoxlanılacaq. Monitorinqin nəticələri əsasında müvafiq təkliflər hazırlanacaq və həmin təkliflər həm zəif oxuyan uşaqların, həm də ən yaxşı oxuyan şagirdlərin istedadının inkişaf etdirilməsi ilə bağlı olacaq. Bu prosesin gələcəkdə əhatə dairəsinin genişləndirilməsi və bütün sinifləri əhatə etməsi planlaşdırılır.

29.03.11

Məqaləni oxumaq

Bakıda 2011-ci ilin ən böyük təhsil sərgisi keçiriləcək

Aprelin 9-da Bakıda 2011-ci ilin ən böyük təhsil sərgisi açılacaq. Sərgidə Avstraliya, Birləşmiş Ərəb Əmirlikləri, İngiltərə, İsveç, Şimali Kipr, Türkiyə və bir sıra başqa ölkələrin universitetləri iştirak edəcəklər. KƏLAMİNFO xəbər verir ki, ümumilikdə, sərgidə 12 ölkənin 60 ali təhsil ocağı təmsil olunacaq. Tələbələrə xaricdə sertifikatlaşdırılmış təhsil, MBA proqramları və dil kursları haqda ətraflı məlumatlar veriləcək. Təhsil müəssisələrinin nümayəndələri təmsil etdikləri qurumlarda təhsil almaq şərtlərini, ölkələrində tələbələrə nəzərdə tutulan güzəştlər, gündəlik xərclər və s. məsələlərlə bağlı sualları cavablandıracaqlar.

28.03.11

Məqaləni oxumaq

V.L.Komarov adına Botanika İnstitutu ilə AMEA Botanika İnstitutu arasında müqavilə izalanıb

Rusiya Elmlər Akademiyasının V.L.Komarov adına Botanika İnstitutunun (Sankt-Peterburq) alimləri - iki dəfə Rusiyanın Dövlət Mükafatı laureatı, REA-nın müxbir üzvü, Herbari şöbəsinin müdiri Rudolf Vladimiroviç Kamelin, b.e.d. Olqa Petrovna Kamelina, b.e.n. İqor Germanoviç Leviçev və b.e.n. Lyudmila Stepanovna Krasovskaya AMEA Botanika İnstitutunda olublar. AMEA-dan KƏLAMİNFO-ya verilən məlumata görə, qonaqlar institutun direktoru Validə Əli-zadə ilə görüşüblər. Görüşdə gələcək əməkdaşlıq əlaqələri istiqamətində razılıqlar əldə edilib və elmi əməkdaşlıq haqqında müqavilə imzalanıb.

28.03.11

Məqaləni oxumaq

TQDK rezidenturaya qəbul qaydalarını nəşr edib

Tələbə Qəbulu üzrə Dövlət Komissiyası tərəfindən (TQDK) rezidenturaya qəbul qaydaları və qəbul proqramları test tapşırığı nümunələri Azərbaycan və rus dillərində çap olunub. Bu barədə məlumatı KƏLAMİNFO-ya TQDK-nın mətbuat xidmətindən veriblər. вЂњRezidentura səviyyəsi üzrə ixtisasları necə seçməli və imtahana hansı fənlərin proqramları əsasında hazırlaşmalı?вЂќ kimi suallara cavab almaq üçün ilk növbədə вЂњRezidenturaвЂќ jurnalını əldə etmək və burada verilmiş вЂњRezidentura səviyyəsi üzrə ixtisas seçimi cədvəliвЂќ ilə diqqətlə tanış olmaq lazımdır. Bu materiallar TQDK tərəfindən yaradılmış Səhiyyə Nazirliyinin və Tibb Universitetinin mütəxəssislərindən ibarət işçi qruplarında hazırlanıb. Buraxılışda bütün ixtisaslar üzrə rezidenturaya qəbul proqramları təqdim edilib. Proqramlar baza ali tibb təhsili səviyyəsinin istiqamətləri üzrə qruplaşdırılaraq verilib.

18.03.11

Məqaləni oxumaq

Nazirlər Kabineti вЂњTəhsil haqqındaвЂќ qanunun tətbiqi ilə bağlı qərarında bəzi dəyişiklik edib

Nazirlər Kabineti bəzi qərarlarında dəyişikliklər edib. Nazirlər Kabinetindən KƏLAMİNFO-ya verilən məlumata görə, dəyişiklik вЂњTəhsil haqqındaвЂќ qanunun tətbiq edilməsi barədəвЂќ Azərbaycan Prezidentinin 2009-cu il 5 sentyabr tarixli 156 nömrəli fərmanının 1.30-cu bəndinə əsasən aparılıb. Qərara əsasən, вЂњÜmumi təhsil pilləsində təhsil haqqında dövlət sənədlərinin nümunələri və onların verilməsi QaydasıвЂќnın 1 və 2 nömrəli əlavələrinin mətnində вЂњattestatınвЂќ sözü вЂњşəhadətnaməninвЂќ sözü ilə əvəz edilib. Bundan əlavə, вЂњÜmumi təhsil pilləsinin dövlət standartı və proqramları (kurikulumları)вЂќnın 11.1.3-cü bəndində вЂњAzərbaycan diliвЂќ - dövlət dili kimi (təlim digər dillərdə olan məktəblərdə),вЂќ sözlərindən sonra вЂњƏdəbiyyatвЂќ sözü əlavə edilib.

17.03.11

Məqaləni oxumaq

Avropa Birliyinin Azərbaycan üzrə nümayəndəliyinin rəhbəri ADU-da olub

Avropa Birliyinin Azərbaycan üzrə nümayəndəliyinin rəhbəri Roland Kobia Azərbaycan Dillər Universitetində (ADU) вЂњŞərq əməkdaşlığı və Avropa Birliyi-Azərbaycan münasibətlərinin vəziyyətiвЂќ mövzusunda təqdimatla çıxış edib. Çıxışı zamanı R. Kobia Avropa Birliyinin yaranma tarixi, Avropa Birliyi-Azərbaycan münasibətləri, eləcə də Şərq əməkdaşlığından geniş şəkildə danışıb. Bu barədə KƏLAMİNFO-ya ADU-nun mətbuat xidmətindən məlumat verilib. Nümayəndəliyin rəhbəri Avropa Birliyinin dünyada ilk inkişaf edən iqtisadi təşkilat olduğuna toxunaraq, AB-də 23 rəsmi dilin olduğunu tədbir iştirakçılarının diqqətinə çatdırıb. R.Kobianın dediyinə görə, Avropa Birliyində üzv dövlətlərin könüllü iştirakı, bərabər əsasda bütün üzvlərin qərar qəbul etməsi, tam şəffaf iştirak sistemi var ki, bunların heç biri SSRİ-də olmayıb. AB-Azərbaycan əlaqələrinin tarixinin 1990-cı illərdən başlandığını deyən səfir əlaqələrin daha da genişlənməsindən söz açıb. Bundan əlavə, Şərq əməkdaşlığına toxunan R.Kobia bu əməkdaşlığın demokratiya, insan hüquqları, yaxşı idarəetmə, bazar iqtisadiyyatı üzərində qurulduğunu qeyd edib.

15.03.11

Məqaləni oxumaq

TQDK abituriyentlər üçün növbəti sınaq imtahanlarının vaxtını açıqladı

Tələbə Qəbulu üzrə Dövlət Komissiyası (TQDK) aprelin 3-də və 10-da növbəti sınaq imtahanlarını keçirəcək. Bu barədə məlumatı KƏLAMİNFO-ya TQDK-nın mətbuat xidmətindən veriblər. İmtahanlarda yeni 2 nömrəli test kitabçalarından istifadə olunacaq. Həmin imtahanda iştirak etmək istəyən abituriyentlər sabah saat 11:00-dan etibarən TQDK-nın internet saytının müvafiq səhifəsinə (www.tqdk.gov.az/sinaq) daxil olmalı, TQDK-nın ödəmə kartının seriya nömrəsi və PİN kodundan istifadə etməklə sınaq imtahanına yazılmalıdırlar. Həmin səhifədə imtahanların keçiriləcəyi yerlərin siyahısı göstəriləcək. Ödəmə kartlarını TQDK-nın вЂњAbituriyentвЂќ satış köşkündən, TQDK-nın Naxçıvan, Gəncə, Şəki, Lənkəran və Quba şəhərlərində yerləşən regional bölmələrindən, həmçinin respublikanın bütün şəhər (rayon) poçt şöbələrindən əldə etmək olar.

15.03.11

Məqaləni oxumaq

TQDK həkim mütəxəssislərin hazırlanması üçün rezidenturaya qəbul qaydalarını elan etdi

Tələbə Qəbulu üzrə Dövlət Komissiyası (TQDK) 2011/2012-ci tədris ili üçün baza ali tibb təhsili əsasında həkim mütəxəssislərin hazırlanması məqsədilə rezidenturaya qəbul qaydalarını elan edib. Bu barədə məlumatı KƏLAMİNFO-ya TQDK-nın mətbuat xidmətindən veriblər. Rezidenturaya qəbul olunmaq hüququna baza ali tibb təhsili olan şəxslər malikdirlər. Rezidenturada təhsil dövlət sifarişi əsasında dövlət büdcəsinin vəsaiti hesabına və (və ya) ödənişli əsaslarla həyata keçirilir. Əcnəbilər və vətəndaşlığı olmayan şəxslər Azərbaycanın tərəfdar çıxdığı beynəlxalq müqavilələrə uyğun olaraq, qüvvədə olan qanunvericillikdə və dövlətlərarası razılaşmalarda digər hallar nəzərdə tutulmayıbsa, rezidenturaya yalnız təhsili ödənişli əsaslarla həyata keçirilən ixtisaslara qəbul oluna bilərlər. Rezidenturaya qəbul həkimin ali tibb təhsili bazasına uyğun (bitirdiyi fakültəyə müvafiq olan) ixtisaslar üzrə aparılır. Həkimlər qəbul imtahanında iştirak etmək üçün təyin olunacaq vaxtda TQDK-nın rəsmi internet saytında вЂњHəkimin elektron ərizəsiвЂќni doldurmalı və TQDK tərəfindən yaradılmış Sənəd Qəbulu Komissıyasına (SQK-a) tələb olunan sənədləri sənədləri şəxsən təqdim edərək ərizələrini təsdiq etdirməlidirlər.

12.03.11

Məqaləni oxumaq

Təhsil Nazirliyində Ali təhsildə yeni maliyyələşmə mexanizmi ilə bağlı müşavirə keçirilib

Təhsil Nazirliyində вЂњAli təhsildə yeni maliyyələşmə mexanizminin tətbiqi ilə bağlı mövcud vəziyyət, ilkin nəticələr və təkliflərвЂќ mövzusunda müşavirə keçirilib. Müşavirədə təhsil naziri Misir Mərdanov, maliyyə naziri Samir Şərifov, Nazirlər Kabinetinin şöbə müdirinin müavini Qurban Əmirov və ali məktəb rəhbərləri iştirak ediblər. Bu barədə məlumatı KƏLAMİNFO-ya Təhsil Nazirliyindən veriblər. Müşavirədə вЂњAli təhsildə yeni maliyyələşmə mexanizminin tətbiqi ilə bağlı mövcud vəziyyət, ilkin nəticələr və təkliflərвЂќ mövzusunda təqdimat-məruzə ilə çıxış edən M.Mərdanov bildirib ki, yeni maliyyələşmə mexanizminin tətbiqi nəticəsində bir sıra ali məktəblərdə dövlət sifarişi üzrə tələbə qəbulu gözləniləndən az olub, ödənişli əsaslarla tələbə qəbulu isə artıb. Nazir ali təhsil müəssisələrində büdcədənkənar vəsaitlərdən əməkhaqqına ayrılan vəsaitin artırılmasının da nəzərdə tutulduğunun açıqlayıb.

11.03.11

Məqaləni oxumaq

TQDK TCS-2011 imtahanında iştirak etmək istəyən abituriyentlər üçün elan verib

Tələbə Qəbulu üzrə Dövlət Komissiyası (TQDK) TCS-2011 imtahanında iştirak etmək istəyən abituriyentlər üçün elan edib. Bu barədə məlumatı KƏLAMİNFO-ya TQDK-nın mətbuat xidmətindən veriblər. Ərizə qəbuluna, imtahanın keçirilməsinə, imtahan nəticələrinin elan edilməsinə dair məlumatları www.osym.gov.tr səhifəsindən əldə etmək olar.

11.03.11

Məqaləni oxumaq