|
Səhifələr : # 47 48 49 50 51 52 53 54 55 #
İxtisas seçimi iyulun 24-dən avqustun 2-dək aparılacaq
|
İxtisas seçimi bütün ixtisas qrupları üzrə iyulun 24-dən avqustun 2-dək internet vasitəsilə aparılacaq. “KƏLAMİNFO” xəbər verir ki, bu barədə TQDK-nın sədri Məleykə Abbaszadə bildirib. O, I, II və IV ixtisas qruplarında ümumi balı 250-dən, hər bir imtahan fənni üzrə ayrılıqda topladığı nisbi balı 10-dan az olmayan abituriyentlərin ixtisas seçiminə buraxılacağını bildirib. “ III ixtisas qrupunda ümumi balı 300-dən, hər bir imtahan fənni üzrə ayrılıqda topladığı balı 10-dan az olmayan abituriyentlər ixtisas seçiminə buraxılacaq” - deyə o qeyd edib. Sədr, həmçinin ümumi balı 350 və daha çox olan abituriyentlərin ixtisas seçiminə buraxılmaları üçün onların fənlər üzrə cavablarına bal məhdudiyyəti tətbiq olunmadığını əlavə edib. “Bakı İslam Universitetinin ixtisaslarını ümumi balı 150-dən az olmayan və iyulun 7-dən 13-dək bu təhsil müəssisəsində yaradılmış dini-psixoloji komissiyadan müvəffəqiyyətlə keçən abituriyentlər seçilə bilərlər” - deyə komissiya sədri diqqətə çatdırıb.
|
27.05.11 Məqaləni oxumaq
|
|
|
İyunun 5-də sonuncu sınaq imtahanıdır
|
Mayın 29-da ölkənin 27 şəhərində sınaq imtahanı olacaq. “KƏLAMİNFO” xəbər verir ki, bu barədə Tələbə Qəbulu üzrə Dövlət Komissiyasının sədri Məleykə Abbaszadə deyib.
O, sınaq imtahanının Bakı, Sumqayıt, Gəncə, Qazax, Ağstafa, Qobustan, Göygöl, həmçinin Naxçıvan Muxtar Respublikasının Babək, Sədərək, Şərur, Culfa rayonlarında və digər şəhərlərdə keçiriləcəyini bildirib. M.Abbaszadə sınaq imtahanında iştirak etmək üçün 31 min 842 abituriyentin qeydiyyatdan keçdiyini söyləyib. Sədr sonuncu sınaq imtahanının iyunun 5-də keçiriləcəyini də əlavə edib.
|
27.05.11 Məqaləni oxumaq
|
|
|
Təhsil Nazirliyi bir sıra QHT ilə müqavilə imzaladı
|
Bu gün Təhsil Nazirliyi ilə qeyri-hökumət təşkilatları arasında 2011-2012-ci tədris ilində ümumi təhsil müəssisələrinin I siniflərində dərs deyəcək ibtidai sinif müəllimləri üçün fənn kurikulumlarının tətbiqi üzrə təlim kurslarının təşkilinə dair müqavilələrin imzalanma mərasimi keçirilib. Bu barədə məlumatı “KƏLAMİNFO”ya Təhsil Nazirliyindən veriblər.
Görüşdə təhsil naziri Misir Mərdanov bildirib ki, ibtidai təhsilin keyfiyyətini yüksəltmək üçün ilk növbədə fənn kurikulumu, təlim strategiyaları və yeni qiymətləndirmə mexanizmlərinin tətbiqini həyata keçirəcək müəllimlərinin pedaqoji-metodiki bacarıqlarını, fənn üzrə biliklərini artırmaq, yeniləşdirmək lazımdır.
|
27.05.11 Məqaləni oxumaq
|
|
|
Arif Həşimov: “Hər bir alim yaşından asılı olmayaraq, bu və ya digər formada fəaliyyətini davam etdirəcək”
|
Yaş senzi ilə bağlı qəbul edilən qərar, qanun icra edilməlidir, ancaq Akademiyada yaşından asılı olmayaraq alimlərin elmi potensialından istifadə ediləcək. Bu barədə açıqlamanı “KƏLAMİNFO”ya müsahibəsində AMEA-nın birinci vitse-prezidenti, akademik Arif Həşimov söyləyib.
“Elə olmayacaq ki, o elmi potensialdan istifadə edilməsin. Əminəm ki, qanun imkan verəcək ki, biz elmi potensialdan istifadə edək. İnanmıram ki, qəbul ediləcək son qərar alimlərin məsləhət və elmi işçi qismində saxlamağa imkan verməsin”,-deyən A.Həşimov həmçinin hesab edir ki, yaş senzi elmi fəaliyyətə deyil, inzibati vəzifələrin tutulmasına şamil oluna bilər: “Yaş senzi elmi fəaliyyətlə məşğul olmağa şamil oluna bilməz. Ona görə də, hər bir alim yaşından asılı olmayaraq, bu və ya digər formada fəaliyyətini davam etdirəcək. Tam əmin ola bilərsiniz ki, elmi işçilər yaşlarından asılı olmayaraq, elmi fəaliyyətlərini mütləq davam etdirəcəklər”.
|
26.05.11 Məqaləni oxumaq
|
|
|
Növbəti tədris ilinədək 25 məktəb istifadəyə veriləcək
|
Növbəti tədris ilinədək Azərbaycanın müxtəlif bölgələrində 25 orta ümumtəhsil məktəbi istifadəyə veriləcək. Bu barədə məlumatı “KƏLAMİNFO”ya müsahibəsində Təhsil Nazirliyinin Texniki şöbəsinin əməkdaşı Elman Əzimov söyləyib.
E.Əzimov qeyd edib ki, yeni istifadəyə veriləcək məktəblər təxminən 5500 şagird yerlik olacaq. Onun sözlərinə görə, həmin məktəblər Ağcabədi, Bərdə, Göygöl, Qobustan, Qusar, Neftçala, Şəki, Şəmkir, Lənkəran, Lerik, Masallı, Cəlilabad, Göyçay, Goranboy, Tovuz, Zaqatala, Kürdəmir, Ucar, İmişli, Balakən, Şabran, İsmayıllı və Beyləqan rayonlarında istifadəyə veriləcək. O, əlavə məktəblərin də tikilməsinin nəzərdə tutulduğunu söyləyib.
|
25.05.11 Məqaləni oxumaq
|
|
|
Təhsil naziri Misir Mərdanov əmr imzalayıb
|
Təhsil naziri Misir Mərdanov “Ümumtəhsil məktəblərində “Son zəng” tədbirinin keçirilməsi haqqında” əmr imzalayıb. Təhsil Nazirliyindən “KƏLAMİNFO”a verilən məlumata görə, əmrə əsasən “Son zəng” tədbiri 31 may 2011-ci il tarixdə saat 10:00-dan başlayaraq üç saat müddətində yalnız təhsil müəssisəsinin ərazisində keçiriləcək. Əmrdə ölkəmizin ümumtəhsil məktəblərində təşkil olunan “Son zəng” tədbirində valideyn komitələri, valideyn-müəllim assosiasiyaları və ictimaiyyət nümayəndələrinin iştirakının təmin edilməsi nəzərdə tutulub. Eyni zamanda əmrdə Naxçıvan Muxtar Respublikası Təhsil Nazirliyi, Bakı Şəhəri üzrə Təhsil İdarəsi, Gəncə şəhər Təhsil İdarəsi, rayon (şəhər) təhsil şöbələrinə “Son zəng”in məzmunlu keçirilməsi ilə bağlı təşkilati işlərin vaxtında başa çatdırılması, şagirdlərin təhlükəsizliyinin təmin edilməsi məqsədilə zəruri tədbirlərin görülməsinə dair tapşırıqlar verilib.
|
24.05.11 Məqaləni oxumaq
|
|
|
Misir Mərdanov məktəb direktorlarına ciddi xəbərdarlıq edib
|
Bakıda, 276 nömrəli tam orta məktəbdə ümumtəhsil müəssisələrindəki mövcud vəziyyətlə bağlı paytaxtın məktəb direktorlarının iştirakı ilə müşavirə keçirilib. Təhsil Nazirliyindən “KƏLAMİNFO”ya bildiriblər ki, müşavirədə təhsil naziri Misir Mərdanov, nazirliyin Strateji təhlil, planlaşdırma və kadrların idarəolunması şöbəsinin müdiri Fərzəli Qədirov, Bakı Şəhəri üzrə Təhsil İdarəsinin müdiri Nailə Rzaquliyeva, idarənin məsul işçiləri və paytaxtın ümumtəhsil məktəbləri, eləcə də Təhsil Nazirliyinin bilavasitə tabeliyində olan təhsil müəssisələrinin rəhbərləri iştirak ediblər.
Tədbiri təhsil naziri Misir Mərdanov açaraq başa vurmaqda olduğumuz tədris ili ərzində ümumi təhsillə bağlı bir sıra işlərin görüldüyünü diqqətə çatdırıb. Ölkəmizdə şəffaflığın artırılması və korrupsiyaya qarşı mübarizə tədbirlərinin daha da gücləndirildiyini qeyd edən nazir bu məsələnin ölkə prezidenti İlham Əliyev tərəfindən xüsusi diqqətdə saxlanıldığını nəzərə çatdırıb.
|
21.05.11 Məqaləni oxumaq
|
|
|
Mahmud Kərimov: “Yaş senzinin tətbiqində vahid standart deyil, fərdi yanaşma olmalıdır”
|
Dövlət büdcəsindən maliyyələşən müəssisələrdə çalışanlarla bağlı yaş senzinin tətbiqində fərdi yanaşma olmalıdır. “KƏLAMİNFO” xəbər verir ki, bu barədə açıqlamanı AMEA prezidenti Mahmud Kərimov söyləyib.
Dövlət büdcəsindən maliyyələşən müəssisələrdə çalışanların yuxarı yaş həddinin 65 olması ilə bağlı Əmək Məcəlləsinə təklif olunan dəyişikliyə münasibət bildirən M.Kərimov hesab edir ki, burada vahid standart deyil, fərdi yanaşma olmalıdır: “Elə alimlər var ki, 65 yaşında çox məhsuldar çalışır, işləyirlər. Onların çoxlu tələbələri, aspirantları var. Ona görə də burada vahid standart deyil, fərdi yanaşma olmalıdır. Elə alimlər də var ki, 60 yaşa çatmamış fəaliyyətini dayandırıb və onlar elmi iş baxımında heç bir perspektiv vəd etmir. Onları təqaüdə göndərmədən işdən azad etmək daha yaxşı olar. Hər bir işçinin elmi fəaliyyəti və istedadı mütləq nəzərə alınmalıdır”.
M.Kərimov AMEA-nın strukturlarında 10 minə yaxın insanın çalışdığını xatırladıb və qeyd edib ki, onların təxminən yarısına qədəri təqaüd yaşına çatanlardır. Onun sözlərinə görə, gənclərin sayı yaşlılara nisbətən azdır.
|
18.05.11 Məqaləni oxumaq
|
|
|
Doktoranturaya respublika üzrə 500-ə yaxın qəbul olacaq
|
Doktoranturaya qəbulla bağlı veriləcək elan üzərində iş aparılır. “KƏLAMİNFO” xəbər verir ki, bu barədə açıqlamanı AMEA prezidenti Mahmud Kərimov söyləyib.
Artıq yerlərin müəyyənləşdiyini diqqətə çatdıran M.Kərimov bildirib ki, yay aylarında elan veriləcək və sentyabrdan etibarən imtahanlar başlayacaq. İxtisasların azalmasına gəlincə, M.Kərimov bildirib ki, bunlar azalmayıb, sədacə sistemləşdirilib və Avropa standartlarına uyğunlaşdırlıb.
Cari il qəbulun nə qədər olacağına gəlincə, AMEA prezidenti qeyd edib ki, bu, akademiya üzrə 200, respublika üzrə isə təxminən 500-ə yaxın olacaq.
|
17.05.11 Məqaləni oxumaq
|
|
|
Mayın 22-si ali məktəblərə qəbulla bağlı ilk imtahan keçiriləcək
|
“Mayın 22-də cari tədris ili üçün ali və orta ixtisas məktəblərinə qəbulla bağlı Bakıda və digər bölgə mərkəzlərində rus bölməsinin abituriyentləri üçün Azərbaycan dili fənnindən ilk imtahan keçiriləcək”. “KƏLAMİNFO” xəbər verir ki, bu barədə jurnalistlərə açıqlamasında Tələbə Qəbulu üzrə Dövlət Komissiyasının (TQDK) sədri Məleykə Abbaszadə bildirib.
Onun sözlərinə görə, ikinci imtahan iyunun 26-da Bakıda təşkil ediləcək. “Bundan başqa mayın 15-də respublikanın 25 şəhərində sınaq imtahanları keçiriləcək. Bu imtahanlarda 32 mindən çox abituriyentin iştirakı nəzərdə tutulur. Mayın 18-də isə TQDK Baş Prokurorluqla birgə prokurorluq orqanlarında işə qəbul olmaq istəyən namizədlər üçün test imtahanları keçirəcək. Bu imtahanlarda iştirak etmək istəyən 454 nəfərin namizədliyi qeydə alınıb. Mayın 21-də ədliyyə orqanlarında, 22-də isə vergi və miqrasiya orqanlarında işə qəbul olmaq istəyənlər üçün test imtahanlar keçiriləcək”,-deyə TQDK sədri məlumat verib.
|
14.05.11 Məqaləni oxumaq
|
|
|
|
Səhifələr : # 47 48 49 50 51 52 53 54 55 #
|
Torpaqlarımızı qaytaraq..
|
|
|
Arxiv
|
|
| Sen.2024 | | . | . | . | . | . | . | . | | | | | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | |
|
|