|
Səhifələr : # « 40 41 42 43 44 45 46 47 48 » #
55 nəfər ali məktəbə müsabiqədənkənar qəbul olunub
|
Cari tədris ilində ali məktəblərə qəbul imtahanlarında 55 nəfər seçdikləri ixtisaslara müsabiqədənkənar qəbul olunub. “KƏLAMİNFO” xəbər verir ki, bunu mətbuat konfransında Tələbə Qəbulu üzrə Dövlət Komissiyasının (TQDK) sədri Məleykə Abbaszadə bildirib. O qeyd edib ki, 2011-2012-ci tədris ili üçün ali məktəblərdə 2087 vakant yer qalıb. “Ali təhsil müəssisələrində boş qalan yerlərə tələbə qəbulu müsabiqəsində I qrup üzrə ümumi balı 200-dən, II və III qrup üzrə 250-dən, IV qrup üzrə isə 350-dən çox olan abituriyentlər iştirak edə bilərlər. Bu yerlərin 776-sı I, 660-ı II, 556-sı III, 92-si isə IV qrup üzrədir. Vakant yerlər əsasən özəl ali məktəblərdə qalıb” - deyə M.Abbaszadə vurğulayıb. Onun sözlərinə görə, özəl ali məktəblər arasında ən yaxşı nəticə göstərənlər plan yerləri 96 faiz dolan Qafqaz Universiteti və plan yerləri 94 faiz dolan Xəzər Universitetidir. “Özəl ali məktəblər arasında ən aşağı nəticəni Asiya və Odlar Yurdu universitetləri göstərib. Hər iki ali məktəbin plan yerləri 46 faiz dolub” - deyə o, əlavə edib.
|
05.08.11 Məqaləni oxumaq
|
|
|
Ali məktəblərə qəbul planı 93,36 faiz yerinə yetirilib
|
Bu il ali məktəblərə qəbul planı 93,36 faiz yerinə yetirilib. “KƏLAMİNFO” xəbər verir ki, bunları Tələbə Qəbulu üzrə Dövlət Komissiyasının (TQDK) sədri Məleykə Abbaszadə bildirib. Onun sözlərinə görə, 2011/2012-ci tədris ili üçün keçirilən test imtahanları nəticəsində ali təhsil müəssisələrində ayrılan 31 min 419 plan yerinə 29 min 332 abituriyent qəbul olunub. “I qrup üzrə 9047, II qrup üzrə 8325, III qrup üzrə 8258, IV qrup üzrə 3702 nəfər tələbə adını qazanıb” - deyə M.Abbaszadə vurğulayıb. TQDK sədri deyib ki, abituriyentlər ali məktəblərin boş qalan yerləri ilə yanaşı, orta ixtisas məktəblərinin də müvafiq ixtisasını seçə bilərlər.
|
05.08.11 Məqaləni oxumaq
|
|
|
TQDK II ixtisas qrupu ilə bağlı ayrıca qərar qəbul etdi
|
Cari tədris ilində ali məktəblərin boş qalan plan yerlərinə əlavə yerləşdirmənin nəticələri avqustun 10-da açıqlanacaq. “KƏLAMİNFO”un məlumatına görə, Tələbə Qəbulu üzrə Dövlət Komissiyasının sədri Məleykə Abbaszadə qeyd edib ki, müsabiqəyə buraxılan, lakin qəbul ola bilməyən abituriyentlər indidən seçdikləri ixtisasları ərizələrinə əlavə edərək təsdiqləyə bilərlər. TQDK sədri əlavə yerləşdirmə ilə əlaqədar II ixtisas qrupu ilə bağlı ayrıca qərar qəbul edildiyini də açıqlayıb. Onun sözlərinə görə, II qrupda rus bölməsi üzrə 294, Azərbaycan bölməsi üzrə isə 89 boş yer qalıb. Birgə müsabiqə üzrə boş qalan yerlərin sayı 280-dir. Ümumilikdə II qrup üzrə 663 vakant yer var. “II ixtisas qrupunda Azərbaycan bölməsi üzrə müsabiqəyə buraxılanlardan 1119 abituriyent ali məktəbə qəbul ola bilməyib. Ona görə də həmin abituriyentlərin ali məktəbə qəbul olmaq şansını artırmaq üçün boş qalmış 663 yerin birgə müsabiqəyə çıxarılması ilə bağlı qərar qəbul edilib” - deyə M.Abbaszadə əlavə edib.
|
05.08.11 Məqaləni oxumaq
|
|
|
Məleykə Abbaszadə valideynləri saxta yollardan çəkinməyə çağırdı
|
“Bəzi valideynlər övladlarını saxta yolla xarici ölkələrdə ali məktəblərə qəbul etdirməyə cəhd edirlər. Mən onları bu yoldan çəkinməyə çağırıram, əks halda, dövlət onların hüquqlarını qorumayacaq”. “KƏLAMİNFO” xəbər verir ki, bunları jurnalistlərə açıqlamasında Tələbə Qəbulu üzrə Dövlət Komissiyasının (TQDK) sədri Məleykə Abbaszadə bildirib. O, təəssüflə qeyd edib ki, bundan əvvəlki illərdə də belə faktlar müşahidə olunub və həmin valideynlər hansısa uğursuzluqla rastlaşdıqda hüquqlarını dövlətdən tələb etməyə cəhd edirlər. “Bu, yerli universitetlərdə də baş verir. Məsələn, ötən illərdə Azərbaycan Beynəlxalq Universiteti və Azərbaycan Universitetində bu hal bomba kimi “partladı”. Qanunsuz tələbələri qəbul edir, pulla oxudurlar və sonda onlara diploma verilmir” - deyə TQDK sədri bildirib. M.Abbaszadə deyib ki, insanlar belə fırıldaq işlərdə könüllü iştirak edir, sonra isə dövlətdən nəsə tələb edirlər.
|
05.08.11 Məqaləni oxumaq
|
|
|
Abituriyentlərin ixtisas seçimi başa çatdı
|
2011/2012-ci tədris ili üçün Azərbaycanın ali təhsil müəssisələrinə keçirilmiş qəbul imtahanlarının nəticələrinə əsasən müsabiqə şərtlərini ödəyən abituriyentlər 2011-ci il iyulun 22-dən avqustun 2-dək (saat 00:00-dək) internet vasitəsilə ixtisas seçimi ediblər. TQDK-dan “KƏLAMİNFO”ya verilən məlumata görə, bu mərhələdə abituriyentlər qəbul olmaq istədikləri ixtisasları seçib onların kodlarını “Abituriyentin elektron ixtisas seçimi ərizəsi”nə daxil edərək, ixtisas seçimi ərizələrini təsdiqləyiblər.
Qeyd edək ki, I ixtisas qrupu üzrə 9818, II qrupda 9645, III qrupda 9720, IV qrupda 4988 nəfərin, ümumilikdə 34171 abituriyentin müsabiqədə iştirak hüququ var idi. Beləliklə, onlardan 32561 nəfəri ixtisas seçimi ərizəsini təsdiq ediblər.
Ali təhsil müəssisələrinə yerləşdirmənin nəticələrinin avqustun 4-də elan olunması nəzərdə tutulur.
|
03.08.11 Məqaləni oxumaq
|
|
|
Bu gün müəllimlərin işə qəbulu ilə bağlı növbəti imtahan keçirilir
|
Bu gün Azərbaycanda müəllimlərin işə qəbulu ilə bağlı növbəti imtahan keçirilir. Təhsil Nazirliyinin Strateji təhlil, planlaşdırma və kadrların idarə olunması şöbəsindən “KƏLAMİNFO”ya verilən məlumata görə, imtahan avqustun 1-dən 5-dək ingilis dili müəllimliyi ixtisası üzrə olacaq.
İmtahanlar Təhsil Nazirliyinin tabeliyində olan Təhsilin İnformasiyalaşdırılması İdarəsində təşkil olunub. Bu gün səhər saat 9.00-da başlayan imtahanlar axşam saat 18.00-dək davam edəcək. Hər bir müəllim kompyuter qarşısında 1 saat ərzində imtahan verəcək. Hər saatın tamamında isə imtahan verən qrup digər qrupla əvəzlənəcək.
Qeyd edək ki, hazırda ölkədə ingilis dili müəllimliyi ixtisası üzrə 241 vakant yer var. Vakant yerlərdən 68-i Bakı şəhərində, 173-ü isə digər şəhər və rayonlardadır.
Ümumiyyətlə, Azərbaycanın ümumtəhsil məktəblərinə müəllimlərin işə qəbulu üzrə elan edilən vakant yerlərə 9342 nəfər ərizə verib. Hazırda Azərbaycanda 2177 müəllimə ehtiyac var. Vakant yerlərin 374-ü Bakı şəhəri üzrə, 1803-ü isə digər şəhər və rayonlar üzrədir.
|
02.08.11 Məqaləni oxumaq
|
|
|
Abituriyentlərin doldurduqları cavab kartı onların internetdəki səhifələrində yerləşdiriləcək
|
2012-2013-cü tədris ilində keçiriləcək qəbul imtahanları zamanı abituriyentlərin doldurduqları cavab kartı onların internetdəki səhifələrində yerləşdiriləcək. “KƏLAMİNFO” xəbər verir ki, bu barədə məlumatı Tələbə Qəbulu üzrə Dövlət Komissiyasının sədri Məleykə Abbaszadə keçirdiyi mətbuat konfransında söyləyib.
2011-2012-ci tədris ili ilə bağlı keçirilən qəbul imtahanları zamanı abituriyentlərin doldurduqları cavab kartının nəticələrini hələlik onların internetdəki səhifələrində yerləşdirmək mümkün olmadığını diqqətə çatdıran M.Abbaszadə bunu texniki imkanların olmaması ilə əlaqələndirib. O, ümid etdiyinin bildirib ki, növbəti qəbul imtahanlarına qədər dövlət müvafiq avadanlıqların alınması üçün vəsait ayıracaq və beləliklə, abituriyentlərin cavab kartı skayner edilərək onların öz səhifələrində yerləşdiriləcək. Qeyd edək ki, M.Abbaszadə nümunə üçün bir abituriyentin cavab kartını da komissiyanın saytında nümayiş etdirib. Həmin cavab kartından məlum olub ki, abituriyent dairəni qaralamaq əvəzinə ora “A” hərfini yazıb.
|
30.07.11 Məqaləni oxumaq
|
|
|
Orta ixtisas təhsili müəssisələrində oxumaq istəyənlərin 23034 nəfəri ərizəsini təsdiq edib
|
Bu vaxta qədər orta təhsil bazasında (9 illik) orta ixtisas təhsili müəssisələrinə qəbul imtahanlarında iştirak etmək üçün 23034 nəfər ərizəsini təsdiq edib. “KƏLAMİNFO” xəbər verir ki, bu barədə məlumatı Tələbə Qəbulu üzrə Dövlət Komissiyasının sədri Məleykə Abbaszadə keçirdiyi mətbuat konfransında söyləyib.
Ərizə qəbulunun internet vasitəsilə iyulun 5-dən başladığını xatırladan M.Abbaszadə bu prosesin avqustun 10-da başa çatacaqını açıqlayıb. TQDK sədri deyib ki, qəbul haqqında elan, qəbul qaydaları, qəbul aparılan ixtisasların siyahısı, müsabiqə şərtləri və digər məlumatlar “Abituriyent” jurnalının 4-cü sayında dərc edilib. Onun sözlərinə görə, qəbul imtahanının avqustun 28-də keçirilməsi nəzərdə tutulub.
|
29.07.11 Məqaləni oxumaq
|
|
|
Qəbul imtahanlarının cavabları avqustun 4-ü açıqlanacaq
|
Bu vaxta qədər bütün qruplar üzrə müsabiqəyə buraxılanların 22619 nəfəri öz ərizələrini təsdiqləyib. “KƏLAMİNFO” xəbər verir ki, bu barədə məlumatı Tələbə Qəbulu üzrə Dövlət Komissiyasının sədri Məleykə Abbaszadə keçirdiyi mətbuat konfransında söyləyib.
İxtisas seçiminin 22 iyuldan başladığını diqqətə çatdıran M.Abbaszadə ümid etdiyini bildirib ki, qalan abituriyentlər də öz ixtisas seçimini edərək ərizələrini təsdiqləyəcəklər. Bu prosesin avqustun 2-də başa çatacağını diqqətə çatdıran M.Abbaszadə bu tarixə qədər ixtisasını seçməyən və ərizələrini təsdiqləməyən abituriyentlərə güzəşt olunmayacağını qeyd edib. Onun sözlərinə görə, bir gün ərzində baza yoxlanacaq və çox güman ki, avqustun 4-də nəticələr açıqlanacaq. Nəticələr həm jurnalda həm də internetdə əks olunacaq.
|
29.07.11 Məqaləni oxumaq
|
|
|
Biznes Universiteti də təhsil haqqını aşağı salıb
|
Azərbaycan Biznes Universiteti 2011/2012-ci tədris ili üçün həmin təhsil müəssisəsində II ixtisas qrupu üzrə qəbul aparılacaq bütün ixtisaslarda təhsil haqqını aşağı salıb. “KƏLAMİNFO” xəbər verir ki, bu barədə məlumatı Tələbə Qəbulu üzrə Dövlət Komissiyasının sədri Məleykə Abbaszadə keçirdiyi mətbuat konfransında söyləyib.
TQDK sədri təhsil haqlarının neçə faiz, yaxud nə qədər aşağı salınması barədə məlumat verməyib.
Xatfrladaq ki, Azərbaycan İctimai-Siyasi Universiteti də 2011/2012-ci tədris ili üçün həmin təhsil müəssisəsində II ixtisas qrupu üzrə qəbul aparılacaq bütün ixtisaslarda təhsil haqqının aşağı salınması və 1900 manat müəyyən edilməsi barədə qərar qəbul edib.
|
29.07.11 Məqaləni oxumaq
|
|
|
|
Səhifələr : # « 40 41 42 43 44 45 46 47 48 » #
|
Torpaqlarımızı qaytaraq..
|
|
|
Arxiv
|
|
«
| Sen.2024 | | Ďí. | Âň. | Ńđ. | ×ň. | Ďň. | Ńá. | Âń. | | | | | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | |
|
|