Kelam Jurnalı - Elm və təhsil

Ölkə prezidenti İlham Əliyevin təsdiq etdiyi вЂњ2007-2015-ci illərdə Azərbaycan gənclərinin xarici ölkələrdə təhsili üzrə Dövlət ProqramıвЂќ çərçivəsində bu il 250 gəncin xaricdə təhsil almağa göndərilməsi nəzərdə tutulub. вЂњKƏLAMİNFOвЂќ xəbər verir ki, bu barədə məlumatı təhsil naziri Misir Mərdanov söyləyib.
Nazir bildirib ki, sözügedən Dövlət Proqramının reallaşdırılması sayəsində bu işin səmərəliliyi artırılıb, proqram çərçivəsində 800-dən artıq gənc xarici ölkələrin ən nüfuzlu universitetlərinə göndərilib. Onların bir qismi artıq təhsillərini uğurla başa vuraraq vətənə dönüblər. Azərbaycanlı gənclərin xaricdə təhsil almağa göndərilməsinin tarixinə qısa nəzər salan nazir ilk dəfə 1919-cu ildə Xalq Cümhuriyyəti dövründə 100 nəfərin xarici ölkələrin ali məktəblərinə göndərildiyini diqqətə çatdırıb. Bu işin ötən əsrin 70-80-ci illərində ulu öndər Heydər Əliyevin ölkəmizə rəhbərlik etdiyi dövrdə xüsusilə geniş vüsət aldığını xatırladan M.Mərdanov respublikamızdan kənarda ali təhsil almağa göndərilən gənclərin sayının ildə 45 nəfərdən 1500 nəfərə çatdırıldığını söyləyib.

16.08.11

Məqaləni oxumaq

Məleykə Abbaszadə hərbi komissarların həbsindən danışdı

вЂњYeni tədris ilinin başlanğıcında keçiriləcək rezidentura imtahanlarında iştirak etmək üçün Tələbə Qəbulu üzrə Dövlət Komissiyasına (TQDK) sənəd verən tələbələrdən kim Təhsil Nazirliyi tərəfindən verilən diploma sahibdirsə, o da imtahanlara buraxacaqвЂќ. вЂњKƏLAMİNFOвЂќ xəbər verir ki, bunları bu gün keçirdiyi mətbuat konfransında TQDK sədri Məleykə Abbaszadə bildirib. M.Abbaszadə qeyd edib ki, bu məsələ ilə bağlı TQDK ilə Odlar Yurdu Universiteti arasında yaranan problemin kökündə bu ali məktəbin oğlan tələbələrinin rezidentura imtahanlarına qədər hərbi xidmətdən möhlət hüququ alması dayanırdı. вЂњTQDK bu il ilk dəfə keçiriləcək rezidentura imtahanlarında iştirak etmələri üçün Müdafiə Nazirliyinə yalnız Tibb Universitetinin oğlan tələbələrinə möhlət hüququ verilməsi ilə bağlı müraciət edib. Digər universitetlərdə tibb təhsili alan və həmin yerlərdə necə oxuduqları bəlli olmayan tələbələrlə bağlı nazirliyə müraciət etmədik. Ola bilsin, onlar bu problemlərini hansısa yolla həll ediblər. Ancaq mən tez-tez görürəm ki, Korrupsiya ilə Mübarizə İdarəsi qanunsuz fəaliyyətlə məşğul olan hərbi komissarları həbs edirвЂќ - deyə M.Abbaszadə vurğulayıb.

13.08.11

Məqaləni oxumaq

Ümumi təhsil bazasından orta ixtisas təhsili müəssisələrinə imtahanda iştirak etmək üçün 31272 abituriyent ərizə təqdim edib

Cari tədris ilində ümumi orta təhsil bazasından orta ixtisas təhsili müəssisələrinə qəbul imtahanlarında iştirak etmək istəyən abituriyentlərin ərizə qəbulu başa çatıb. вЂњKƏLAMİNFOвЂќ xəbər verir ki, bunu bu gün keçirdiyi mətbuat konfransında Tələbə Qəbulu üzrə Dövlət Komissiyasının (TQDK) sədri Məleykə Abbaszadə deyib. M.Abbaszadə bildirib ki, qəbulla bağlı ətraflı məlumat, o cümlədən qəbul aparılan ixtisasların siyahısı вЂњAbituriyentвЂќ jurnalının 4-cü sayında dərc olunub. TQDK sədri qeyd edib ki, xüsusi qabiliyyət tələb edən ixtisasları seçən abituriyentlər yaradıcılıq qabiliyyətlərinin yoxlanılması məqsədilə seçmə turda iştirak ediblər. вЂњSeçmə turlar TQDK-nın təşkil etdiyi Yaradıcılıq Qabiliyyətinin Yoxlanılması Komissiyası tərəfindən mərkəzləşdirilmiş qaydada həyata keçirilib. İlkin statistik məlumata əsasən ümumi təhsil bazasından orta ixtisas təhsili müəssisələrinə imtahanda iştirak etmək üçün 31272 abituriyent ərizə təqdim edibвЂќ-deyə TQDK səədri vurğulayıb. Onun sözlərinə görə, qəbul imtahanı avqustun 28-də keçiriləcək.

13.08.11

Məqaləni oxumaq

Əlaçılardan 100 bal toplaya bilməyən abituriyentlər olub

Cari tədris ili üçün ali təhsil müəssisələrinin qəbul imtahanlarında iştirak edən əlaçılardan 100 bal toplaya bilməyən abituriyentlər olub. вЂњKƏLAMİNFOвЂќ xəbər verir ki, bu barədə Tələbə Qəbulu üzrə Dövlət Komissiyasının (TQDK) sədri Məleykə Abbaszadə bildirib. O qeyd edib ki, bu il əlaçı attestat alanların 1,2 faizi 0-100 bal arasında nəticə göstərib. вЂњNəzərə alsaq ki, 2004-cü ildə bu nəticə 14 faizə bərabər idi, bu il göstərici yaxşılaşıb, lakin yalançı əlaçıların sayı daha da yaxşılaşmalıdırвЂќ - deyə MAbbaszadə vurğulayıb. Onun sözlərinə görə, qəbul imtahanlarında 0-100 bal toplayan şəxslər вЂњ2вЂќ kimi qiymətləndirilir. вЂњLakin attestat qiyməti вЂњ3вЂќ olan 87 faiz abituriyent 100 baldan çox toplaya bilməyib. Bu da həmin şəxslərin attestat qiymətini şübhə altına alırвЂќ - deyə o, əlavə edib. O deyir ki, TQDK-nın nümayiş etdirdiyi nəticələrin aşkarlığı yalançı attestat qiymətlərinin aşkarlanmasına təsir göstərir. вЂњÜmumilikdə bu il orta məktəbi qızıl diplomla və əlaçı bitirənlərin qəbul imtahanlarında orta balı 500 bal təşkil edibвЂќ - deyə M.Abbaszadə bildirib.

12.08.11

Məqaləni oxumaq

Məktəblərə 102 adda dərslik və müəllim üçün metodik vəsait veriləcək

Respublikamızda təlim Azərbaycan və rus dillərində olan ümumtəhsil məktəb şagirdlərinin dərsliklərlə pulsuz təmin edilməsi üçün 2011-2012-ci tədris ilinə II, IV və VII-XI siniflər üçün dövlət vəsaiti hesabına 102 adda 3463170 nüsxə dərslik və müəllim üçün metodik vəsaitin çapı, eləcə də müvafiq bölgü əsasında yerlərə çatdırılması nəzərdə tutulub. Bu barədə məlumatı вЂњKƏLAMİNFOвЂќya Təhsil Nazirliyindən veriblər. Bu sıraya IV siniflər üçün 40 adda dərslik komplekti (19 adda dərslik, 21 adda müəllim üçün metodik vəsait), VII-XI siniflər üçün 38, II və VII-XI siniflər üçün 24 adda dərslik daxildir. Yeni kurrikulum əsasında işlənən bütün dərsliklərin hazırlanması tender yolu ilə yerinə yetirilib.

12.08.11

Məqaləni oxumaq

Bakıda beynəlxalq elmi konfrans keçiriləcək

Sentyabrın 28-30-u tarixlərində Bakıda вЂњAzərbaycan Respublikası Azərbaycan Xalq Cümhuriyyətinin tarixi varisidirвЂќ mövzusunda beynəlxalq elmi konfrans keçiriləcək. Konfrans AMEA və Təhsil Nazirliyinin birgə təşkilatçılığı ilə reallaşacaq. Bu barədə məlumatı вЂњKƏLAMİNFOвЂќya AMEA-dan veriblər.
Konfrans вЂњXalq Cümhuriyyətinin qurulması ərəfəsində AzərbaycanвЂќ, вЂњAzərbaycan Xalq Cümhuriyyəti - şərqdə ilk hüquqi, dünyəvi, demokratik respublikaвЂќ və вЂњAzərbaycan Respublikası Azərbaycan Xalq Cümhuriyyətinin tarixi varisidirвЂќ bölmələri üzrə fəaliyyət göstərəcək.

12.08.11

Məqaləni oxumaq

Litva universitetlərinə qəbul olan azərbaycanlı tələbələr müəyyən olunub

Tələbə Qəbulu üzrə Dövlət Komissiyası (TQDK) cari tədris ili üçün Litva universitetlərinə sənəd vermiş azərbaycanlı abituriyentlərin ingilis dilində inşa üzrə qiymətlərini açıqlayıb. Bu barədə məlumatı вЂњKƏLAMİNFOвЂќya TQDK-nın mətbuat xidmətindən veriblər. İngilis dilində inşa üzrə 3, 4 və 5 qiyməti almış abituriyent və bakalavrlar avqustun 11-i saat 15.00-da TQDK-ya dəvət olunurlar. Qiymətlərin nəticələri üzrə cədvəl www.tqdk.gov.az internet səhifəsində yerləşdirilib.

11.08.11

Məqaləni oxumaq

Magistraturalarda boş qalan plan yerlərinə müsabiqənin nəticələri açıqlandı

Ali təhsil müəssisələrinin magistraturalarının boş qalan plan yerlərinə müsabiqənin nəticələri açıqlanıb. Bu barədə məlumatı вЂњKƏLAMİNFOвЂќya Tələbə Qəbulu üzrə Dövlət Komissiyasının (TQDK) mətbuat xidmətindən veriblər. Ali təhsil müəssisələrinin magistraturalarının boş qalan plan yerlərinə müsabiqənin nəticələri bu gün saat 15:00-da TQDK-nın internet saytında yerləşdirilib. Qəbul olan bakalavrların siyahısı вЂњMagistrвЂќ jurnalının 7-ci sayında dərc olunacaq. Müsabiqə nəticəsində 327 magistratura səviyyəsi üzrə təhsil almaq hüququ qazanmışlar. Ali təhsil müəssisələrinin magistraturalarının boş qalan plan yerlərinə qəbul olanlar bu il avqustun 11-dən 19-dək sənədlərini qəbul olduqları təhsil müəssisəsinə təqdim edərək qeydiyyatdan keçməlidirlər. Həmin müddətdə qeydiyyatdan keçməmək bakalavrın müvafiq ixtisasa yerləşdirilməsindən imtina etməsi kimi qiymətləndiriləcək və onun qəbul haqqında əmri ali təhsil müəssisəsinə göndərilməyəcək.

10.08.11

Məqaləni oxumaq

Müəllimlərin işə qəbulu ilə bağlı növbəti imtahan keçirilir

Təhsil Nazirliyinin ümumi təhsil müəssisələrindəki vakant yerlərə müəllimlərin işə qəbulu ilə bağlı keçirilən imtahanlar davam edir. вЂњKƏLAMİNFOвЂќ xəbər verir ki, növbəti imtahan bu gün Azərbaycan dili və ədəbiyyat müəllimi işləmək istəyənlər üçün keçirlir. Bu ixtisas üzrə keçirilən imtahanlar avqustun 11-dək davam edəcək. Səhər saat 9-da başlayan imtahanlar axşam saat 6-dək davam edəcək. Hər bir müəllim kompüter qarşısında 1 saat ərzində imtahan verəcək. Hər saatın tamamında isə imtahan verən qrup digər qrupla əvəzlənəcək. Qeyd edək ki, Azərbaycan dili və ədəbiyyat müəllimliyi ixtisas üzrə vakant yerlərə 1389 nəfər ərizə verib. Bu ixtisas üzrə isə ölkədə 265 vakant yer var. Onu da əlavə edək ki, müəllimlərin işə qəbulu ilə bağlı imtahanlar kimya, tarix, biologiya, fizika, riyaziyyat, informatika, coğrafiya, musiqi və nəğmə, təsviri incəsənət, gənclərin çağırışaqədərki hazırlığı, əmək hazırlığı və fiziki tərbiyə fənləri üzrə davam etdiriləcək. Məlumat üçün qeyd edək ki, indiyədək 3 min nəfərə yaxın müəllim müsabiqənin II mərhələsində imtahan verib.

09.08.11

Məqaləni oxumaq

Məleykə Abbaszadə: Qeydiyyatdan keçməyən abituriyentin əmri ali məktəbə göndərilməyəcək

Cari tədris ilində ali məktəblərə keçirilən qəbul imtahanlarında tələbə adını qazanan şəxslər avqustun 8-dən 18-dək sənədlərini daxil olduqları ali təhsil müəssisələrində təsdiqləməklə qeydiyyatdan keçməlidirlər. вЂњKƏLAMİNFOвЂќ xəbər verir ki, bunu Tələbə Qəbulu üzrə Dövlət Komissiyasının sədri Məleykə Abbaszadə bu gün keçirdiyi mətbuat konfransında bildirib. O qeyd edib ki, müəyyən olunmuş müddətdə qeydiyyatdan keçməmək abituriyentin müvafiq ixtisasdan imtina etməsi kimi qiymətləndiriləcək və onun qəbul haqqında əmri qəbul olunduğu ali məktəbə göndərilməyəcək. TQDK sədri bildirib ki, ali məktəblərin boş qalan yerlərinin siyahısı isə вЂњAbituriyentвЂќ jurnalının 7-ci sayında dərc olunub. Həmin yerlərə qəbul avqustun 5-dən etibarən aparılacaq.

06.08.11

Məqaləni oxumaq