|
|
Səhifələr : # 37 38 39 40 41 42 43 44 45 #
|
|
Ümümtəhsil məktəblərində payız buraxılış imtahanları keçirilir
|
|
Bu gündən Azərbaycanın ümümtəhsil məktəbləri və peşə liseylərində orta təhsil səviyyəsi üzrə payız buraxılış imtahanları başlayıb. Təhsil Nazirliyindən “KƏLAMİNFO”ya verilən məlumata görə, bütün ümumtəhsil məktəblərində (Naxçıvan MR istisna olmaqla) və peşə liseylərində ümumi orta təhsil səviyyəsi üzrə payız buraxılış imtahanları sentyabrın 2-dən 10-dək davam edəcək.
Bu gün imtahanlar Şirvan şəhəri, Ağcabədi, Hacıqabul, Kürdəmir, Saatlı, Sabirabad, Beyləqan, İmişli, Ucar, Zərdab, Laçın və Cəbrayıl rayonlarında keçiriləcək. Astara, Biləsuvar, Cəlilabad, Lənkəran, Masallı, Salyan və Neftçala rayonlarında sentyabrın 5-i, Gəncə, Mingəçevir və Naftalan şəhərləri, Ağsu, Ağdaş, Göyçay, Samux, Daşkəsən, Goranboy, Göygöl, Xocavənd və Tərtər rayonlarında sentyabrın 6-ı, Sumqayıt şəhəri, Abşeron, Quba, Qusar, Xaçmaz, Siyəzən, Şabran və Xızı rayonlarında sentyabrın 7-i, Şamaxı, İsmayıllı, Qəbələ, Oğuz, Qax, Qobustan, Şəki, Zaqatala, Balakən, Lerik və Yardımlı rayonlarında sentyabrın 8-i, Ağdam, Ağstafa, Bərdə, Füzuli, Gədəbəy, Qazax, Şəmkir, Tovuz və Yevlax rayonlarında sentyabrın 9-da, Bakı şəhərində isə sentyabrın 10-da keçirilməsi nəzərdə tutulub.
|
03.09.11 Məqaləni oxumaq
|
| |
|
|
|
Bu gündən doktoranturaya sənəd qəbulu başlayıb
|
|
Azərbaycan Milli Elmlər Akademiyası (AMEA) və Azərbaycan Respublikasının digər elmi müəssisələri və təşkilatları üçün fəlsəfə doktoru və elmlər doktoru hazırlığı üzrə sənəd qəbulu başlayıb. AMEA-dan “KƏLAMİNFO”ya verilən məlumata görə, sənəd qəbulu sentyabrın 1-dən 30-dək aparılacaq. Qəbul imtahanları isə oktyabr ayında keçiriləcək.
Fəlsəfə doktoru hazırlığı üzrə doktoranturaya sənəd vermək istəyən şəxslər doktoranturanın fəaliyyət göstərdiyi müəssisənin və yaxud təşkilatın rəhbərinin adına ərizə, kadrların şəxsi-qeydiyyat vərəqi, tərcümeyi-hal, 2 ədəd fotoşəkil (3x4 sm ölçüdə), iş yerindən xasiyyətnamə, iş stajı olanlar üçün əmək kitabçasından çıxarış, çap olunmuş elmi işlərin siyahısı və ya seçilmiş ixtisas üzrə referat, ali təhsil müəssisəsini bitirmək haqqında diplomun müvafiq qaydada təsdiq edilmiş surəti (xarici ölkələrdə təhsil almış Azərbaycan Respublikasının vətəndaşları üçün təhsil haqqında sənədlərin tanınması haqqında şəhadətnamə), şəxsiyyəti təsdiq edən sənədin surətini təqdim etməlidirlər.
|
|
02.09.11 Məqaləni oxumaq
|
| |
|
|
|
Səməd Seyidovun “Menecmentin psixologiyası” adlı yeni kitabı işıq üzü görüb
|
|
Azərbaycan Dillər Universitetinin (ADU) rektoru, millət vəkili, professor Səməd Seyidovun “Menecmentin psixologiyası” adlı yeni kitabı işıq üzü görüb. ADU-nun mətbuat xidmətindən “KƏLAMİNFO”ya verilən məlumata görə, müəllifin rus dilindən tərcümə olunaraq Azərbaycan dilində nəşr olunan kitabı 3 fəsildən ibarətdir.
“Menecmentin psixologiyasının əsasları” adlanan birinci fəsildə “Menecmentə giriş”, “Menecment psixologiyasının tədqiqat tarixi”, “Menecment psixologiyasının əsasları” adlı bölmələr yer alıb.
|
|
01.09.11 Məqaləni oxumaq
|
| |
|
|
|
Misir Mərdanov: Orta məktəbi qızıl və gümüş medallarla bitirən tələbələr qəbul imtahanlarında yüksək nəticə göstəriblər
|
|
Bu il Azərbaycanın müstəqilliyi tarixində ilk dəfə olaraq orta məktəb məzunları qızıl və gümüş medallarla təltif edilib. Bunu jurnalistlərə açıqlamasında təhsil naziri Misir Mərdanov deyib. Nazirin sözlərinə görə, qızıl və gümüş medallarla təltif olunun məktəb məzunlarının sayı 53 nəfər olub. M.Mərdanov sözügedən məzunların ali məktəblərə keçirilən qəbul imtahanlarında 600-dən yüxarı bal topladıqlarını söyləyib.
M.Mərdanov həmçinin Azərbaycan təhsilinin 10 illik strategiyasının hazırlanması ilə bağlı ölkə prezidentinin tapşırığının uğurla icra olunduğunu deyib. “Yaxın zamanlarda ölkə prezidenti tərəfindən Azərbaycan təhsilinin 10 illik strategiyası ilə bağlı sərəncam imzalanacaq” deyə nazir vurğulayıb. Nazir həmçinin deyib ki, Azərbaycan son 20 illik müstəqillik dövründə 50-60 illik inkişaf yolu keçib: “Azərbaycan dünyanın stabillik cəhətdən ən sabit ölkəsidir. İqtisadi cəhətdən də dünyanın ən qabaqda gedən ölkələrindən biridir”-deyə M.Mərdanov qeyd edib.
|
|
27.08.11 Məqaləni oxumaq
|
| |
|
|
|
Azərbaycan Turizm İnstitutuna bu il 318 nəfər qəbul olub
|
|
Bu il Azərbaycan Turizm İnstitutuna (ATI) həyata keçirilən qəbul zamanı mövcud yerlərin hamısı dolub. “KƏLAMİNFO”nun məlumatına görə, bu barədə ATİ-nin prorektoru Eldar Aslanov açıqlama verib.
2011-2012-ci tədris ili üçün instituta 11 ixtisas üzrə 318 tələbə qəbul olub. Onlardan 97 nəfəri turizm və hotelçilik, 44 nəfər menecment, 22 nəfər marketinq, 29 nəfər tərcümə, 24 nəfər muzeyşünaslıq və abidələrin qorunması, 10 nəfər regionşünaslıq, 15 nəfər nəqliyyat, 24 nəfər sosial iş, 23 nəfər beynəlxalq münasibətlər, 18 nəfər qida mühəndisliyi və 12 nəfər bədən tərbiyəsi və idman ixtisasını seçib. E.Aslanov bildirib ki, ötən illə müqayisədə bu il də keçid balların aşağı hədlərində çox ciddi sıçrayışlar var: “İxtisaslar üzrə təxminən 12-15 baldan bəzi ixtisaslar üzrə 80 bala qədər keçid ballarının qalxması müşahidə olunub. Məsələn, tərcümə ixtisası üzrə ötən il keçid balı 516 olmuşdusa, bu il bu rəqəm 550-dir və yaxud muzeyşünaslıq üzrə 366-dan 396-ya qalxıb. İnstitut üzrə orta keçid balı əyani Azərbaycan sektorunda 414, əyani rus sektorunda isə 330-dur”. Bu il ATİ-yə 11 nəfər 600-dən, 50 nəfər 550-dən yuxarı bal toplayan tələbə daxil olub. Avqust ayının sonlarında institutun Elmi Şurası toplaşıb builki qəbulun nəticələrini müzakirə edəcək.
|
|
27.08.11 Məqaləni oxumaq
|
| |
|
|
|
Coğrafiya müəllimi işləmək istəyənlər imtahan verir
|
|
Bu gün ümumtəhsil müəssisələrindəki vakant yerlərə müəllimlərin işə qəbulu ilə bağlı növbəti imtahan başlayıb. Bu barədə məlumatı “KƏLAMİNFO”ya Təhsil Nazirliyindən veriblər.
Təhsil Nazirliyinin Təhsil Sisteminin İnformasiyalaşdırılması İdarəsinin Təlim Mərkəzində keçirilən imtahan bu gün səhər saat 09.00-da başlayıb və axşam saat 18.00-dək davam edəcək. Coğrafiya müəllimi işləmək istəyənlər üçün keçirilən imtahan bir gün davam edəcək. İmtahanda hər bir namizəd kompüter vasitəsilə bir saat ərzində 35 sualı cavablandıracaq və imtahan başa çatandan sonra topladığı balı öyrənəcək.
Qeyd edək ki, ölkədə coğrafiya müəllimliyi ixtisası üzrə 261 vakant yer var. Vakant yerlərdən 17-si Bakı şəhəri, 244-ü isə digər şəhər və rayonlar üzrədir. Bu ixtisas üzrə vakant yerlərə 408 nəfər ərizə verib. İyulun 26-dan başlayan imtahanların sentyabrın 1-də başa çatması nəzərdə tutulub.
|
|
27.08.11 Məqaləni oxumaq
|
| |
|
|
|
Xaricdə təhsil alan azərbaycanlı tələbələr Azərbaycanın maraqlarını təhsil aldıqları dövlətlərdə təbliğ etməlidirlər
|
|
Xaricdə təhsil alan azərbaycanlı tələbələr Azərbaycanın maraqlarını təhsil aldıqları dövlətlərin universitetlərində həmyaşıdları arasında təbliğ etməli və müdafiə etməlidirlər. “KƏLAMİNFO” xəbər verir ki, bunu Bakıda öz işinə başlayan IX ASAİF beynəlxalq yay forumunda gənlər və idman naziri Azad Rəhimov deyib.
Onun sözlərinə görə, xaricdə təhsil alan tələbələr Dağlıq Qarabağ həqiqətlərini, Azərbaycanın qədim mədəni irsini təhsil aldıqları ölkələrdə təbliğ etməlidirlər. Nazir qeyd edib ki, bir sıra təşkilatlar, həmçinin Rusiyanın Azərbaycanlı Gənclər Təşkilatının (AMOR) bu ölkənin ictimai həyatında xüsusi çəkisi var. “Təşkilat bu günə kimi bir sıra maraqlı layihələr həyata keçirib. Heydər Əliyev Fondunun vitse-prezidenti Leyla Əliyevanın rəhbərliyi altında AMOR Rusiyanın bütün subyektlərində xüsusi şəbəkə yaradaraq vahid mexanizm təşkil edə bilib”-deyə A.Rəhimov vurğulayıb.
|
|
26.08.11 Məqaləni oxumaq
|
| |
|
|
|
Herbert Kvelle ADU-nun qonağı olub
|
|
Azərbaycan Dillər Universitetinin rektoru, millət vəkili Səməd Seyidov Almaniyanın Azərbaycandakı fövqəladə və səlahiyyətli səfiri Herbert Kvelleni qəbul edib. Bu barədə “KƏLAMİNFO”ya universitetin mətbuat xidmətindən məlumat verilib. Rektor qonağa universitetdə bütün dünya ölkələrinin, xüsusilə Qərbi Avropa ölkələrinin dillərinin öyrənildiyini bildirib. “Tədris olunan dillərlə yanaşı, həmin ölkələrin dil və mədəniyyət mərkəzlərinin universitetdə mövcudluğu tələbələrə həmin dillərin mənimsəmək və ölkələri öyrənməkdə kömək edir. Bu baxımdan ADU-dakı Alman dili Mərkəzinin fəaliyyətini qənaətbəxş hesab edirik. Alman mərkəzini universitet öz dəstəyi hesabına yaradıb, çünki buna ehtiyac vardı” – deyə o, əlavə edib. S.Seyidov, həmçinin Almaniya daxil olmaqla müxtəlif ölkələrdən yüksək ixtisaslaşmış müəllimlərin ADU-da dərs dediklərini söyləyib.
Səfir Herbert Kleven isə öz növbəsində ADU ilə əməkdaşlıqda maraqlı olduğunu bildirib. Qonaq Almaniya universitetlərinin ADU ilə əlaqələrinin yaradılmasının ikitərəfli əlaqələrin dərinləşməsinə, elmi-mədəni əlaqələrə töhfəsini verəcəyinə əminlik ifadə edib.
|
|
26.08.11 Məqaləni oxumaq
|
| |
|
|
|
İnformatika müəllimi işləmək istəyənlər üçün imtahan keçirilir
|
|
Bu gün ümumi təhsil müəssisələrindəki vakant yerlərə müəllimlərin işə qəbulu ilə bağlı növbəti imtahan başlayıb. Təhsil Nazirliyindən “KƏLAMİNFO”ya verilən məlumata görə, imtahan Təhsil Nazirliyinin Təhsil Sisteminin İnformasiyalaşdırılması İdarəsinin Təlim Mərkəzində keçirilir.
İnformatika müəllimi işləmək istəyənlər üçün keçirilən imtahan bu gün səhər saat 09.00-da başlayıb və axşam saat 18.00-dək davam edəcək. Bir gün davam edəcək imtahanda hər bir namizəd kompyuter vasitəsilə bir saat ərzində 35 sualı cavablandıracaq.
Qeyd edək ki, hazırda ölkədə informatika müəllimliyi ixtisası üzrə 188 vakant yer var. Vakant yerlərdən 29-u Bakı şəhəri, 159-u isə digər şəhər və rayonlar üzrədir. Bu ixtisas üzrə vakant yerlərə 440 nəfər sənəd verib.
İyulun 26-dan başlayan imtahanların sentyabrın 1-də başa çatması nəzərdə tutulub.
|
|
25.08.11 Məqaləni oxumaq
|
| |
|
|
|
Təhsil Nazirliyi vakant qalan yerlərə müəllimlərin qəbulunu elan edib
|
|
Təhsil Nazirliyi 2011-2012-ci dərs ilində respublikanın ümumtəhsil məktəblərinə Azərbaycan dili və ədəbiyyatı, kimya, ingilis dili və ibtidai sinif müəllimi vəzifəsinə işə qəbulun nəticələrinə görə vakant qalan yerləri elan edib.
Təhsil Nazirliyindən “KƏLAMİNFO”ya verilən məlumata görə, avqustun 8-dən 11-dək Azərbaycan dili və ədəbiyyatı müəllimlərinin işə qəbulu üzrə müsabiqədə iştirak edərək keçid balını toplayanlar elan edilən 98 yer üçün müraciət edə bilərlər. Bakı şəhərində olan vakant yerlər ucun keçid balı 28-dən yuxarı, digər vakant yerlər üçün keçid balı isə 21-dən yuxarıdır. Elan edilən 98 vakant yerdən 1-i Bakı, qalanları isə digər şəhər və rayonlar üzrədir.
|
|
25.08.11 Məqaləni oxumaq
|
| |
|
|
|
Səhifələr : # 37 38 39 40 41 42 43 44 45 # |
|
Torpaqlarımızı qaytaraq..
|
| |
|
|
|
Arxiv
|
| |
|
| Sen.2024 | | | . | . | . | . | . | . | . | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
