Kelam Jurnalı - Elm və təhsil

İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti Bakı Dövlət Universitetində вЂњHər bir istehlakçı öz hüquqlarını bilməlidirвЂќ mövzusunda seminar təşkil edib. Nazirlikdən вЂњKƏLAMİNFOвЂќya verilən məlumata görə, tədbirdə ali təhsil müəssisəsinin 200-dən artıq müəllim və tələbələri iştirak edib. Seminarda çıxış edən Dövlət Xidmətinin rəis müavini Araz Əliyev istehlakçıların hüquqlarının qorunması sahəsində mövcud qanunvericilik və bu sahədə görülən işlər barədə məlumat verib. A.Əliyev bu sahədə mövcud çatışmazlıqların aradan qaldırılmasında istehlakçıların maarifləndirilməsinin mühüm əhəmiyyət kəsb etdiyini vurğulayıb.

25.11.11

Məqaləni oxumaq

Millət vəkili: Universitet müəllimlərinin səviyyəsi yoxlanılmalıdır

Azərbaycan universitetlərində Keyfiyyətin Təminatı Departamentinin yaradılmasına ehtiyac var. вЂњKƏLAMİNFOвЂќ xəbər verir ki, bu təkliflə Odlar Yurdu Universitetinin rektoru, millət vəkili Əhməd Vəliyev Azərbaycan Dillər Universitetində (ADU) вЂњUniversitetlərarası dialoq: Auditoriyanın idarə olunması, qiymətləndirmə, şəffaflıqвЂќ mövzusunda keçirilən Respublika Elmi-Praktik konfransdakı çıxışı zamanı deyib. Azərbaycanın təhsil sistemində qarşıda duran ən vacib məsələlərdən birinin keyfiyyətli kadr hazırlanması işi olduğunu xatırladan Ə.Vəliyev hesab edir ki, sözügedən departamentin yaradılması bu işə öz müsbət töhfəsini verə bilər. Dünyanın hər yerində, o cümlədən qonşu Gürcüstanın bütün universitetlərində Keyfiyyətin Təminatı Departamentinin yaradıldığını misal gətirən professor deyib ki, departament ilk olaraq müəllim və professor heyətinin seçimini aparır:

24.11.11

Məqaləni oxumaq

Millət vəkili: Ali məktəblər və səhiyyə müəssisələri özəlləşdirilsin

вЂњÖlkənin sosial həyatı üçün önəmli rol oynayan texniki peşə məktəblərinə ayrılan vəsait artırılmalıdırвЂќ. вЂњKƏLAMİNFOвЂќ xəbər verir ki, bu barədə Milli Məclisin bu gün keçirilən iclasında deputat Qənirə Paşayeva bildirib. O, həmçinin ali məktəblərin yataqxana problemlərinin də tezliklə həll edilməsini vacib sayıb. вЂњYataqxanalardakı qaçqın və köçkünlər üçün binaların tikilməsi sürətləndirilməli və şəraiti olan yataqxanalar tələbələrə ayrılmalıdır. O cümlədən ali məktəblər üçün yeni yataqxanalar tikilməlidir. Çünki rayonlardan gələn tələbələrin kirayə haqqını valideynlər ödəməkdə çətinlik çəkirlərвЂќ,-deyə Q.Paşayeva vurğulayıb. Deputat Qüdrət Həsənquliyev isə deyib ki, müəllimlərin əməkhaqqı orta aylıq əməkhaqqından 3 dəfə azdır, ən azı orta aylıq əməkhaqqı səviyyəsinə qaldırılmalıdır. вЂњProblemin köklü həlli üçün ali məktəblər özəlləşdirilməlidir. Səhiyyə müəssisələri də özəlləşdirilməlidirвЂќ,-deyə Q.Həsənquliyev vurğulayıb. Millət vəkili bildirib ki, Bakı şəhərində bütün binalar təhlükəsizlik kameraları ilə təmin olunmalıdır.

24.11.11

Məqaləni oxumaq

Doktoranturaya qəbulla bağlı keçirilən imtahanlar noyabrın sonunda başa çatacaq

Azərbaycan Milli Elmlər Akademiyası (AMEA) və Azərbaycan Respublikasının digər elmi müəssisələri və təşkilatları üçün fəlsəfə doktoru və elmlər doktoru hazırlığı üzrə keçirilən imtahanlar noyabrın sonunda başa çatacaq. Bu barədə вЂњKƏLAMİNFOвЂќya açıqlamasında AMEA Rəyasət Heyətinin elmi katibi Sərxan Abbasoğlu məlumat verib. S.Abbasoğlu deyib ki, ixtisasdan keçirilən imtahanlar başa çatıb və hazırda doktorant olmaq istəyənlər xarici dildən imtahan verirlər. Onun sözlərinə görə, noyabrın sonu imtahanlar başa çatandan sonra nəticələrə elmi şuralarda baxılacaq. Hələlik qəbulla bağlı statistik məlumatların olmadığını diqqətə çatdıran S.Abbasoğlu deyib ki, ümumi nəticələrin dekabrın ortalarında məlum olacağı gözlənilir. Xatırladaq ki, bu il Azərbaycanda doktoranturaya qəbul ilk dəfə olaraq keçirilir. AMEA-nın fəlsəfə doktoru hazırlığı üzrə 2011-ci il üçün qəbul planı 215 nəfər müəyyənləşdirilib. Onlardan 174 nəfər əyani, 41 nəfəri qiyabi müəyyən edilib. Akademiya üzrə elan edilən yerlərə 478 nəfər sənəd verib. Onlardan 368 nəfəri əyani, 110-u qiyabi yerlərə sənəd verib.

21.11.11

Məqaləni oxumaq

TQDK ədliyyə orqanlarında işləmək istəyən namizədlər üçün test imtahanı keçirəcək

Tələbə Qəbulu üzrə Dövlət Komissiyası Ədliyyə Nazirliyi ilə birlikdə sabah ədliyyə orqanlarında işləmək istəyən namizədlər üçün test imtahanı keçirəcək. Bu barədə məlumatı вЂњKƏLAMİNFOвЂќya TQDK-nın mətbuat xidmətindən veriblər. Müsabiqə haqqında elan KİV-də dərc olunmuş və Ədliyyə Nazirliyinin rəsmi internet səhifəsində - http://justice.gov.az yerləşdirilib. Sənədlərin qəbulu Ədliyyə Nazirliyi tərəfindən aparılıb, 356 nəfərin namizədliyi qeydə alınıb. İmtahan Bakı İdman Sarayında saat 10:00-da başlanır. Namizədlər özləri ilə "İmtahana buraxılış vərəqəsi"ni və şəxsiyyət vəsiqəsini mütləq gətirməlidirlər. Göstərilən sənədlərdən biri təqdim edilmədikdə namizəd imtahana buraxılmayacaq. 3 saat davam edən imtahanda namizədlərə 100 sualdan ibarət sual kitabçası təqdim olunacaq: 80 sual namizədin hüquq və qanunvericilik sahəsi üzrə biliyini yoxlayır (suallar Ədliyyə Nazirliyi tərəfindən hazırlanıb); 20 sual isə namizədlərin məntiqi nəticə çıxarma qabiliyyətini müəyyən edir (suallar TQDK tərəfindən hazırlanıb).

20.11.11

Məqaləni oxumaq

Filosoflar fəlsəfənin tarixi və tədqiqi problemlərini müzakirə edib

Bu gün AMEA Fəlsəfə, Sosiologiya və Hüquq İnstitutunda вЂњDünya fəlsəfəsi kontekstində İslam regionu fəlsəfə tarixinin tədrisi və tədqiqi problemləriвЂќ mövzusunda beynəlxalq elmi-nəzəri konfrans keçirilib. вЂњKƏLAMİNFOвЂќ xəbər verir ki, YUNESKO-nun təsis etdiyi вЂњÜmumdünya Fəlsəfə Günü"nə həsr olunan konfransda Azərbaycan alimləri ilə yanaşı, Türkiyə, Misir, İran, İordaniya, Mərakeş və Fransadan olan alimlər iştirak edib. Konfransa, həmçinin İordaniya, Mərakeş və Qatarın Azərbaycandakı səfirləri qatılıb.

19.11.11

Məqaləni oxumaq

Şəmsəddin Hacıyev: вЂњTəhsil xərclərinin artırılması bu sahədə irəliləyişlərə səbəb olacaqвЂќ

Bu gün Milli Məclisin Elm və Təhsil, Hüquq siyasəti və dövlət quruculuğu, Regional məsələlər, İnsan haqları, Mədəniyyət, Beynəlxalq münasibətlər və parlamentlərarası əlaqələr komitələrinin birgə iclası keçirilib. вЂњKƏLAMİNFOвЂќ xəbər verir ki, komitələrin birgə iclasında 2012-ci il dövlət büdcəsi layihəsi müzakirəyə çıxarılıb. İclasda Elm və təhsil komitəsinin sədri Şəmsəddin Hacıyev bildirib ki, büdcədə nəzərdə tutulan hədəflər geniş miqyaslıdır və bu, Azərbaycan dövlət quruculuğunda ciddi təkanlar yaradacaq. вЂњXüsusilə elmə və təhsil sahəsində xərclərin artırılması bu sahənin inkişafında irəliləyişlərə səbəb olacaqвЂќ - deyə komitə sədri vurğulayıb. İclasda maliyyə naziri Samir Şərifov büdcə haqqında məlumat verərək deyib ki, mütləq ifadədə gələn ilin dövlət büdcəsinin xərcləri ümumilikdə 16 mlrd. 984 mln. manat olacaq ki, bu da 2011-ci illə müqayisədə 6,5 faiz çoxdur. вЂњXərclərin 51,8 faizi cari xərclərə, 46,1 faizi əsaslı xərclərə, 21,6 faizi dövlət borcuna xidmətlə bağlı xərclərə yönəlib.

18.11.11

Məqaləni oxumaq

Distant təhsillə bağlı müzakirələr aparılıb

Azərbaycan Dillər Universitetinin (ADU) rektoru, millət vəkili, professor Səməd Seyidov вЂњKavrakoğluвЂќ şirkətinin baş proqram mütəxəssisi Berain Gün, proqramın yaradıcısı Hakan Atan və baş menecer Zeki Günlə görüşüb. Görüşdə rektor qonaqları rəhbərlik etdiyi ali təhsil ocağında görməkdən məmnun olduğunu bildirib. Təhsil Nazirliyinin nümayəndəsi Ayaz Abuşov bildirib ki, görüşün məqsədi вЂњTəhsil müəssisələrində distant təhsilвЂќin necə həyata keçirilməsi ilə bağlı вЂњKavrakoğluвЂќ şirkətinin hazırladığı layihənin təqdim edilməsidir. H.Atan layihə ilə bağlı təqdimat edib, proqramın bütün incəliklərini iştirakçıların diqqətinə çatdırıb. O, təqdim olunan proqram vasitəsilə universitetlərin tədris planının hazırlanması, eyni zamanda, tələbələrin qeydiyyatının aparılma qaydaları barədə məlumat verib. Sonra isə proqram barədə fikir mübadiləsi aparılıb. Sonda rektor S.Seyidov təqdim olunan proqramın gələcəkdə bir çox ali məktəbdə istifadə olunacağına əminliyini ifadə edib.

17.11.11

Məqaləni oxumaq

Valeh Ələsgərov: вЂњElmə nə qədər pul xərcləsək də xeyri yoxdurвЂќ

вЂњİndiki zamanda ölkəmizdə elmə nə qədər pul xərcləsək də xeyri yoxdur. Çünki bunun əvəzində heç nə əldə etməyəcəyikвЂќ. вЂњKƏLAMİNFOвЂќ xəbər verir ki, bunu Milli Məclisin komitələrinin birgə iclasında parlamentin vitse-spikeri Valeh Ələsgərov bildirib. O qeyd edib ki, bu gün dünyanın aparıcı elmi-tədqiqat müəssisələri öz məhsullarını bazara çıxarmaqla milyardlarla pul qazanırlar və demək olar ki, özlərini maliyyələşdirirlər. вЂњMəsələn, riyaziyyatı götürün, Lütfü Zadəni götürün və sair bu kimi misallar var. Lütfü Zadənin 5 nəzəriyyəsi var. Onlar olmasaydı, bugünkü kommunikasiya vasitələri olmazdı. Ona görə də nəticə alaraq bu işləri görmək lazımdır. Biz hətta təhsil sahəsində nə alacağıq onu düşünməliyikвЂќ - deyə V.Ələsgərov vurğulayıb. O bildirib ki, büdcədən ayrılan vəsaitlərə görə universitetlər və elmi tədqiqat mərkəzləri özlərində ciddi məsuliyyət hiss etməlidirlər.

16.11.11

Məqaləni oxumaq

Məktəblərdə şahmatın fənn kimi tədrisi istiqamətində ciddi müzakirələr aparılır

вЂњTəhsilвЂќ Respublika İdman Mərkəzinin Respublika İxtisaslaşdırılmış Olimpiya Ehtiyatları Uşaq-Gənclər Şahmat Məktəbində Azərbaycanın dövlət müstəqilliyinin bərpasının 20-ci ildönümünə həsr olunan açıq şahmat turniri qaliblərinin mükafatlandırılması mərasimi keçirilib. Bu barədə məlumatı вЂњKƏLAMİNFOвЂќya Təhsil Nazirliyindən veriblər. Mərasimdə çıxış edən təhsil nazirinin müavini Qulu Novruzov ümumrespublika şahmat turniri haqqında ətraflı məlumat verib. O bildirib ki, ölkəmizin 48 şəhər və rayonundan 244 şahmatçının iştirak etdiyi yarış İsveçrə sistemi üzrə 7 turdan ibarət olub. Turnirin çox yüksək səviyyədə təşkil olunduğunu deyən Q.Novruzov əlavə edib ki, Azərbaycanda şahmat məktəbləri, şahmatla məşğul olan şagirdlərin sayı ilbəil artır və bu sahədə qazanılan uğurların sırası durmadan genişlənir. Respublika üzrə şahmatın kütləviliyinin təmin olunması üçün məktəblərdə şahmatın fənn kimi tədrisi istiqamətində ciddi müzakirələrin aparıldığını vurğulayan Q.Novruzov bu idman növü ilə məşğul olan şagirdlərin hərtərəfli yetişdiklərini və dərslərində kifayət qədər uğur qazandıqlarını diqqətə çatdırıb.