Kelam Jurnalı - Elm və təhsil

Azərbaycan Milli Elmlər Akademiyası (AMEA) və Azərbaycan Respublikasının digər elmi müəssisələri və təşkilatları üçün fəlsəfə doktoru və elmlər doktoru hazırlığı üzrə keçirilən imtahanlar başa çatıb. Hazırda institutun elmi şuralarında mövzuların müəyyənləşdirilməsi, elmi rəhbərlərin təyin olunması, qəbul olanların təsdiq olunması üçün AMEA Rəyasət Heyətinə göndərilməsi prosesi gedir. Bu barədə вЂњKƏLAMİNFOвЂќya açıqlamasında AMEA Rəyasət Heyətinin elmi katibi Sərxan Abbasoğlu məlumat verib.

08.12.11

Məqaləni oxumaq

Məleykə Abbaszadə: Orta məktəblərdə keçirilən mərkəzləşmiş imtahanlar ümidlərimizi puç edib

вЂњÇox təəssüflər ki, orta məktəblərdə keçirilən mərkəzləşmiş imtahanlarla əlaqədar ümidlərimiz puç olubвЂќ. вЂњKƏLAMİNFOвЂќ xəbər verir ki, bunu Tələbə Qəbulu üzrə Dövlət Komissiyasının (TQDK) sədri Məleykə Abbaszadə deyib. TQDK sədri bildirib ki, attestat qiymətlərinə uyğun olaraq qəbul qaydalarını dəyişmək hələlik mümkün deyil: вЂњBiz bunu çox istəyərdik. Çox təəssüf ki, mərkəzləşmiş imtahanlarla əlaqədar ümidlər özünü doğrultmayıbвЂќ. M.Abbaszadə qeyd edib ki, bu il keçirilən qəbul imtahanlarında məzunların imtahan göstəriciləri ilə attestat ballarının bir-birinə uyğunluğunu əks etdirən вЂњAbituriyentвЂќ jurnalının 12-ci buraxılışı yaxın vaxtlarda hazır olacaq. Onun sözlərinə görə, bu il keçirilən qəbul imtahanlarının bütün statistik göstəriciləri orada əks olunacaq. TQDK bununla əlaqədar xüsusi konfrans keçirməyi də nəzərdə tutur.

07.12.11

Məqaləni oxumaq

TQDK qəbul imtahanlarında fərqlənən nəzarətçi-müəllimləri mükafatlandırıb

Bu gün Tələbə Qəbulu üzrə Dövlət Komissiyasında 2011-ci ildə ali və orta ixtisas təhsili müəssisələrinə keçirilən qəbul imtahanlarında öz vəzifələrini yüksək səviyyədə həyata keçirən nəzarətçi-müəllimlərin mükafatlandırılması ilə bağlı tədbir keçirilib. вЂњKƏLAMİNFOвЂќ xəbər verir ki, tədbirdə çıxış edən TQDK sədri Məleykə Abbaszadə bildirib ki, bu il ali təhsil müəssisələrinə keçirilən qəbul imtahanlarında 5042 nəfər nəzarətçi kimi cəlb edilib. Qəbul imtahanları başa çatandan sonra bu prosesdə iştirak edən nəzarətçilərin fəaliyyəti ciddi araşdırılıb. Bu zaman çoxsaylı meyarlar nəzərə alınıb, zalı idarəetmə səviyyələri, imtahan texnologiyaları qaydalarına əməl olunması, 600-dən yuxarı bal toplayan abituriyentlərin sorğu anketlərində imtahan verdikləri zalın nəzarətçisi haqqında qeydlər, rəy və qiymətləndirilmələr və s. vacib amillər əsas götürülüb.

06.12.11

Məqaləni oxumaq

Qəbul imtahanlarında 600-dən yuxarı bal toplayan gənclər haqqında jurnal dərc edilib

Tələbə Qəbulu üzrə Dövlət Komissiyasının вЂњAbituriyentвЂќ jurnalının 11-ci sayı nəşr edilib. вЂњKƏLAMİNFOвЂќ xəbər verir ki, jurnalda bu il qəbul imtahanlarında 600-dən yuxarı bal toplayan gənclər haqqında məlumatlar dərc edilib. Bununla bağlı keçirilən tədbirdə TQDK sədri Məleykə Abbaszadə deyib ki, nəşrin əsas məqsədi istedadlı gənclərin ictimaiyyətə tanıdılması, onların təcrübələrinin öyrənilməsi, təbliğindən ibarətdir. Həmçinin məqsəd yeniyetmələrin təhsilə daha da həvəsləndirilməsidir. M.Abbaszadə bildirib ki, jurnalda gənclərin topladığı bal, qəbul olduğu ixtisas, bitirdiyi orta məktəb haqqında məlumatlar, bilik yarışı rekordçuları ilə müsahibələr, onların gələcək abituriyentlərə məsləhət və tövsiyələri, imtahanın gedişi barədə rəyləri və təklifləri yer alıb.

06.12.11

Məqaləni oxumaq

Ali təhsil məktəbləri üçün müasir kampuslar tikiləcək

Gələn ilin əvvəlindən Azərbaycanda ali təhsil məktəbləri üçün müasir kampusların tikilməsi nəzərdə tutulub. вЂњKƏLAMİNFOвЂќ xəbər verir ki, bunları jurnalistlərə açıqlamasında təhsil naziri Misir Mərdanov bildirib. Onun sözlərinə görə, hazırda Azərbaycan Diplomatik Akademiyası, Mülki Aviasiya Akademiyası və Moskva Dövlət Universitetinin Bakı filialında ən müasir kampuslar tikilməkdədir. вЂњBiz gələcəkdə digər ali məktəblər üçün də kampusların tikilməsini planlaşdırırıqвЂќ - deyə nazir vurğulayıb. M.Mərdanov saxta diplomlarla bağlı işlərin davam etdirildiyini də bildirib. вЂњQəti olaraq o fikirdəyik ki, saxta diplomlarla işləmək olmaz. Saxtalığı bəlli olan diplom sahibləri harada işləmələrindən asılı olmayaraq, işdən uzaqlaşdırılacaqlar. Saxta diplomlarla bağlı günahı olan bütün şəxslər isə öz cəzalarına çatacaqlarвЂќ - deyə nazir əlavə edib.

06.12.11

Məqaləni oxumaq

On min müəllim vəzifəsindən uzaqlaşdırılıb

Yaş senzi ilə əlaqədar Azərbaycanın ümumtəhsil məktəblərində işləyən müəllimlərin sayı 10 min nəfərədək azalıb. вЂњKƏLAMİNFOвЂќ xəbər verir ki, bunu jurnalistlərə təhsil naziri Misir Mərdanov açıqlayıb. Nazir deyib ki, hazırda orta məktəblərdə 150 minə yaxın müəllim işləyir və bu rəqəm normadan artıqdır: вЂњBu gün Azərbaycanın ümumtəhsil məktəblərində 1 mln. 300 min şagird təhsil alır. Bu saya uyğun olaraq hələ müəllimlərin sayının azalması lazımdır. Əslində, biz 1 müəllimə 12-13 şagird nisbətinə keçmək istəyirikвЂќ. Nazir Nazirlər Kabinetinin təsdiqlədiyi вЂњDövlət büdcəsindən maliyyələşən müəssisələrdə çalışmanın yaş həddinə çatmış işçinin çalışma müddətinin 5 ildən artıq uzadılmasına yol verən meyarlarвЂќa da münasibət bildirib. M.Mərdanovun sözlərinə görə, yaş senzi ilə əlaqədar işdən azad edilən, Nazirlər Kabinetinin təsdiqlədiyi meyarlara cavab verən müəllimlərin işdən azad edilməsi təhsildə ciddi problem yaradacaqsa, onların yenidən işə bərpa edilməsi məsələsinə baxmaq gec deyil: вЂњAmma həmin şəxsin yerinə işçi götürülübsə, onun məsələsinə baxmaq gecdir. Əlbəttə, gərək o məsələ əvvəlcədən həll olunaydı. Yəni əmr verilməmiş meyarlar müəyyənləşəydi. Artıq kadr işdən çıxarılıb, yerinə təyinat olubsa, gecdirвЂќ.

29.11.11

Məqaləni oxumaq

Məleykə Abbaszadə korrupsiyaya qarşı mübarizə ilə bağlı beynəlxalq konfransda iştirak edib

Tələbə Qəbulu üzrə Dövlət Komissiyasının (TQDK) sədri Məleykə Abbaszadə və Komissiyanın Sektor müdiri Nigar Hüseynova BMT-nin İnkişaf Proqramı (BMTİP) tərəfindən, UNESKO-nun Təhsilin Planlaşdırılması üzrə Beynəlxalq İnstitutunun (TPBİ) dəstəyi ilə 24-25 noyabr tarixlərində Bratislava şəhərində вЂњŞərqi Avropa və Mərkəzi Asiya ölkələrində təhsildə korrupsiyaya qarşı mübarizəвЂќ adı altında keçirilən beynəlxalq konfransda iştirak ediblər. Bu barədə məlumatı вЂњKƏLAMİNFOвЂќya TQDK-nın mətbuat xidmətindən veriblər. Konfransın əsas məqsədi təhsil sahəsində çalışan dövlət və qeyri-dövlət qurumlarının nümayəndələrinin bir araya gətirilməsindən, təhsildə korrupsiyanın qarşısının alınması yollarının müzakirəsindən, müsbət təcrübələrin təqdim olunmasından, bu sahə üzrə bilik mübadiləsinin aparılmasından ibarət olub. Təşkilatçılar konfransa Azərbaycanı təmsil edəcək aidiyyatı qurum kimi məhz TQDK-nı dəvət ediblər. 2007-ci ildə TPBİ tərəfindən dərc olunmuş вЂњKorrupsion universitetlər, korrupsion məktəblər: Nə etmək olar?вЂќ adlı hesabatda Azərbaycanda TQDK-nın fəaliyyəti müsbət tərəfdən qiymətləndirilib.

29.11.11

Məqaləni oxumaq

Doktoranturaya qəbulla bağlı keçirilən imtahanlar başa çatıb

Azərbaycan Milli Elmlər Akademiyası (AMEA) və Azərbaycan Respublikasının digər elmi müəssisələri və təşkilatları üçün fəlsəfə doktoru və elmlər doktoru hazırlığı üzrə keçirilən imtahanlar başa çatıb. Bu barədə вЂњKƏLAMİNFOвЂќya açıqlamasında AMEA Rəyasət Heyətinin elmi katibi Sərxan Abbasoğlu məlumat verib. İlkin nəticələrin indidən elan edilməsinin hələlik tez olduğunu diqqətə çatdıran S.Abbasoğlu deyib ki, ümumi nəticələrin dekabrın ortalarında məlum olacağı gözlənilir. S.Abbasoğlu deyib ki, imtahanların nəticələrinə elmi şuralarda baxılır. Xatırladaq ki, bu il Azərbaycanda doktoranturaya qəbul ilk dəfə olaraq keçirilir. AMEA-nın fəlsəfə doktoru hazırlığı üzrə 2011-ci il üçün qəbul planı 215 nəfər müəyyənləşdirilib. Onlardan 174 nəfər əyani, 41 nəfəri qiyabi müəyyən edilib. Akademiya üzrə elan edilən yerlərə 478 nəfər sənəd verib. Onlardan 368 nəfəri əyani, 110-u qiyabi yerlərə sənəd verib.

28.11.11

Məqaləni oxumaq

Misir Mərdanov: вЂњFoster tipli ailələr üçün evlərin tikintisi bu il başa çatacaqвЂќ

вЂњUşaqların foster (himayəçi) tipli ailələrdə saxlanılması üçün Mərdəkanda kiçik evlər tikilirвЂќ. вЂњKƏLAMİNFOвЂќ xəbər verir ki, bu barədə ölkənin təhsil naziri Misir Mərdanov məlumat verib. Nazirin sözlərinə görə, bu ilin sonuna qədər o evlərin tikintisi başa çatacaq. Uşaqların bir qisminin həmin ailələrlə bu tip evlərdə yaşayacağını bildirən təhsil naziri bu vaxta qədər hələlik o evlərdə yaşayacaq 50 nəfərin müəyyənləşdirildiyini vurğulayıb.

26.11.11

Məqaləni oxumaq

Misir Mərdanov: Dövlət uşaq müəssisələrində təlim-tərbiyə alan uşaqların sayı ilbəil azalır

Bu il rayon və şəhər icra hakimiyyətlərinin sərəncamı ilə valideyn himayəsindən məhrum olan uşaqlar üçün internat məktəbləri və uşaq evlərindən 105 uşaq bioloji ailələrin və yaxın qohumlarının himayəsinə qaytarılıb. вЂњKƏLAMİNFOвЂќ xəbər verir ki, bu fikirləri təhsil naziri Misir Mərdanov Bakıda вЂњAzərbaycan Respublikasında dövlət uşaq müəssisələrindən uşaqların ailələrə verilməsi (De-institusionalizasiya) və nativ qayğı Dövlət ProqramıвЂќ çərçivəsində 2001-ci ilin yekunları və qarşıda duran vəzifələrə həsr edilən konfransda deyib.

25.11.11

Məqaləni oxumaq