Kelam Jurnalı - Elm və təhsil

Bu gün Azərbaycan Milli Elmlər Akademiyası Fizika-Riyaziyyat və Texnika Elmləri Bölməsi, Yer Elmləri Bölməsi və Biologiya Elmləri Bölməsinin fəlsəfə doktoru proqramı üzrə doktoranturaya qəbul imtahanlarının nəticələrini açıqlayıb. Bu barədə вЂњKƏLAMİNFOвЂќya AMEA-nın I vitse-prezidenti Arif Həşimov məlumat verib. A.Həşimov deyib ki, AMEA Rəyasət Heyətinin bu gün keçirilən iclasında sözügedən bölmələr üzrə 91 nəfərin doktoranturaya qəbulu təsdiqlənib. Bundan əlavə, həmin bölmələr üzrə əlavə yerlərin ayrılması üçün Rəyasət Heyətinə müraciət edilib: вЂњƏlavə yerlərin ayrılması üçün Nazirlər Kabineti qarşısında vəsatət qaldırdığımıza görə həmin təkliflər qəbul edildi və yaxın günlərdə bu təkliflərə baxılaraq təsdiq ediləcək. Hələlik nə qədər əlavə yerin istənilməsi məlum deyilвЂќ.

27.12.11

Məqaləni oxumaq

Azərbaycan Dillər Universiteti yubileyə hazırlaşır

Azərbaycan Dillər Universiteti (ADU) Xalq yazıçısı Mirzə İbrahimovun yubileyinə hazırlaşır. Universitetin mətbuat xidmətindən вЂњKƏLAMİNFOвЂќya verilən məlumata görə, dramaturq, ədəbiyyatşünas, dövlət mükafatları laureatı, akademik Mirzə İbrahimovun 100 illik yubileyi ilə əlaqədar elmi-praktik konfrans keçiriləcək.

17.12.11

Məqaləni oxumaq

Abel Məhərrəmov: Ali məktəblər qarşısında tələb qoyulmalıdır

вЂњHər bir ali məktəb qarşısında tələb qoyulmalı və məsələ qaldırılmalıdır ki, sən hansı elmi məktəb formalaşdırıbsan, yaxud hansı elmi potensialın var? Bu suallar cavablandırılandan sonra xaricə məzun göndərmək və digər vacib işlərə yanaşma müəyyənləşməlidirвЂќ. вЂњKƏLAMİNFOвЂќ xəbər verir ki, bu fikirləri Bakı Dövlət Universitetinin rektoru, Milli Məclisin Təhsil komitəsinin üzvü, akademik Abel Məhərrəmov söyləyib. A.Məhərrəmov bildirib ki, qoyulan suallar, əslində, müasir dövrün tələbləridir. вЂњAmerika universitetləri ona görə güclü deyil ki, onlar superdövlətin ali təhsil ocaqlarıdır. Amerika ona görə superdövlətdir ki, onun güclü universitetləri varвЂќ deyən A.Məhərrəmov bu barədə fikirləşməyin zamanının çatdığını qeyd edib və rəhbərlik etdiyi ali təhsil ocağı barədə də fikirlər söyləyib: вЂњMəsələn, Bakı Dövlət Universitetində demək olar ki, bütün fakültələrdə tədris ingilis dilində də aparılır. Bu, kimya, riyaziyyat, fizika və digər fakültələrdə var. Gələcəkdə bunlar potensial xaricə gedən məzunlardır.

16.12.11

Məqaləni oxumaq

Azərbaycanın yüksək ixtisaslı kadr potensialı yaşlaşır

вЂњAzərbaycanın elm və təhsil sistemində yüksək ixtisaslı gənc kadrlara ehtiyac var. Bu sistemi daha da inkişaf etdirmək, onu dünya təhsil və elm sisteminə çatdırmaq istəyiriksə, o zaman bir sıra sahələrin inkişaf etdirilməsi ilə yanaşı, yüksək ixtisaslı kadrlar hazırlanmalıdır. Çünki Azərbaycanın yüksək ixtisaslı kadr potensialı yaşlaşırвЂќ. вЂњKƏLAMİNFOвЂќ xəbər verir ki, bu fikirləri Azərbaycan Dövlət İqtisad Universitetinin rektoru, Milli Məclisin Təhsil komitəsinin sədri Şəmsəddin Hacıyev deyib. Rektor açıqlayıb ki, hazırda Azərbaycanda 11 mindən artıq elmi rütbəli kadr var və bunların da 52 faizindən artığının yaşı 65-dən yuxarıdır: вЂњOdur ki, bu məsələ ətrafında düşünməyə ehtiyac var. Yüksək ixtisaslı gənc kadrların hazırlanması və onların sayının artırılması barədə iş aparmalıyıqвЂќ.

15.12.11

Məqaləni oxumaq

AMEA Respublika Seysmoloji Xidmət Mərkəzi 2011-ci illə bağlı hesabat yayıb

2011-ci ildə AMEA Respublika Seysmoloji Xidmət Mərkəzi (RSXM) tərəfindən aparılan elmi tədqiqatlar iki istiqaməti əhatə edib. Bunlar respublika ərazisinin seysmikliyinin, zəlzələlərin kinemetrik və dinamik parametrlərinin öyrənilməsi və Geofiziki (maqnitometriya və qravimetriya) və geokimyəvi sahələrdəki seysmoanomal effektlərin təzahürü strukturları və xüsusiyyətlərinin kompleks tədqiqi olub. Bu barədə məlumatı вЂњKƏLAMİNFOвЂќya AMEA Respublika Seysmoloji Xidmət Mərkəzindən veriblər. RSXM tərəfindən aparılan seysmoloji tədqiqatlar 31 telemetrik вЂњKinemetricsвЂќ (ABŞ istehsalı) stansiyasından ibarət müşahidə şəbəkəsi əsasında respublika ərazisinin seysmik rejimi, zəlzələ episentrlərinin paylanması qanunauyğunluğu, ocaq zonalarındakı seysmik proseslərin dinamikası tədqiq edilir, dərinlik qırılmalarının aktiv hissələri müəyyənləşdirilir və bu sahələrdə mümkün maksimal güclü zəlzələlərin intensivliyi qiymətləndirilir. Güclü zəlzələ ocaqlarının mexanizmi öyrənilir, böyük şəhərlərin seysmik riski qiymətləndirilir, iri tikinti obyektləri sahələrinin seysmikliyi tədqiq edilir.

15.12.11

Məqaləni oxumaq

Doktoranturaya qəbul planının artırılması ilə bağlı hökumətə müraciət hazırlanır

Azərbaycan Milli Elmlər Akademiyası (AMEA) Rəyasət Heyəti doktoranturaya qəbul planının artırılması ilə bağlı Nazirlər Kabinetinə məktub hazırlayır. Bu barədə məlumatı вЂњKƏLAMİNFOвЂќya müsahibəsində AMEA Rəyasət Heyətinin elmi katibi Sərxan Abbasoğlu deyib. S.Abbasoğlu bildirib ki, bu məsələlər dekabrın sonuna kimi həll edilməlidir. Yanvarın əvvəllərindən doktoranturaya qəbul olanlar dəqiqləşməli və onlar fəaliyyətə başlamalıdırlar. Onun sözlərinə görə, müraciətin bu həftə ərzində göndəriləcəyi nəzərdə tutulub. S.Abbasoğlu doktoranturaya qəbulla bağlı nə qədər əlavə yerə ehtiyac olduğunun sabah dəqiqləşəcəyini qeyd edib. Qeyd edək ki, bu vaxta qədər AMEA-nın Gəncə Regional Elm Mərkəzi və Naxçıvan Bölməsində qəbul olan doktorantların siyahısı Rəyasət Heyətində təsdiq olunub.

14.12.11

Məqaləni oxumaq

вЂњAzərbaycanda peşə təhsilinin təkmilləşdirilməsiвЂќ layihəsi başa çatıb

Azərbaycan hökuməti və Heydər Əliyev Fondu ilə YUNESKO-nun birgə reallaşdırdığı вЂњAzərbaycanda peşə təhsilinin təkmilləşdirilməsiвЂќ layihəsi başa çatıb. Təhsil Nazirliyinin Texniki peşə təhsili şöbəsinin müdiri Namiq Məmmədovun вЂњKƏLAMİNFOвЂќya verdiyi məlumata görə, layihə 2007-ci ildən başlayıb: вЂњLayihənin əsas məqsədi mehmanxana xidməti və informasiya və kommunikasiya texnologiyası ixtisasları üzrə müasir tələblərə cavab verən yeni kurrikulumların və dərs vəsaitlərinin hazırlanması, texniki peşə təhsili üzrə kadrların ixtisasartırma və təlim resurs mərkəzinin yaradılmasıdır. Layihə çərçivəsində вЂњOtel nəzarətçisiвЂќ və вЂњKompüter üzrə operatorвЂќ ixtisasları üzrə kurrikulumlar hazırlanıbвЂќ. Qeyd edək ki, layihənin ümumi dəyəri 489.290 ABŞ dolları təşkil edir. Layihənin həyata keçirilməsinə Yaponiya hökuməti 203.400 ABŞ dolları məbləğində qrant ayırıb.

13.12.11

Məqaləni oxumaq

Məleykə Abbaszadə: вЂњYanvarda sınaq imtahanları olmayacaqвЂќ

вЂњ2012-2013-cü tədris ili üçün ali məktəblərə qəbul imtahanları ilə bağlı sınaq imtahanları deyildiyi kimi gələn ilin yanvarında olmayacaqвЂќ. вЂњKƏLAMİNFOвЂќ xəbər verir ki, bu barədə jurnalistlərə açıqlamasında Tələbə Qəbulu üzrə Dövlət Komitəsinin sədri Məleykə Abbaszadə bildirib. O, bunu onunla əlaqələndirib ki, imtahanın keçirilməsi üçün vəsait TQDK-nın hesabına yanvarın axırında köçürüləcək. вЂњBundan sonra maddi bazamızı müəyyənləşdirib işçilərimizin maaşlarını ödəməliyik. Bu səbəbdən də texniki səbəblərə görə yanvar ayında sınaq imtahanı keçirilməyəcəkвЂќ - deyə o, əlavə edib.

09.12.11

Məqaləni oxumaq

TQDK sədri: вЂњOrta məktəblər üçün çap edilən dərsliklərdə ciddi nöqsanlar varвЂќ

вЂњEtiraf edək ki, bu gün orta məktəblər üçün çap edilən dərsliklərdə ciddi nöqsanlar varвЂќ. вЂњKƏLAMİNFOвЂќ xəbər verir ki, bu barədə jurnalistlərə açıqlamasında Tələbə Qəbulu üzrə Dövlət Komissiyasının (TQDK) sədri Məleykə Abbaszadə bildirib. O qeyd edib ki, bu il yeni çap olunan Biologiya və Tarix dərsliklərində səhvlər xüsusilə çoxdur. вЂњBu, çox ciddi məsələdir, çünki şagirdlər həmin səhvləri düzgün məlumat kimi qəbul edə bilərlərвЂќ - deyə M.Abbaszadə vurğulayıb. O bildirib ki, вЂњAbituriyentвЂќ jurnalının yanvar ayında çap olunacaq 1-ci sayında dərsliklərdə olan səhvlər haqda düzəlişlər veriləcək. вЂњJurnalın 57-ci səhifəsindən 69-cu səhifəsinədək səhvlərdən bəhs olunacaq. Qəbul imtahanları üçün test bankında olan suallara düzgün cavab tələb olunacaq, ona görə də abituriyentlər bu jurnalı oxumalıdırlar. Tarix dərsliyində səhvlər mənəvi, həm də siyasi nöqteyi-nəzərdən yaxşı hal deyilвЂќ - deyə o, əlavə etdi.

09.12.11

Məqaləni oxumaq

Məleykə Abbaszadə yeni nəşr təqdim etdi

Bu gün Tələbə Qəbulu üzrə Dövlət Komissiyasında (TQDK) sədr Məleykə Abbaszadə biologiya fənnindən yeni dərc olunmuş vəsaitin təqdimatını keçirib. вЂњKƏLAMİNFOвЂќ xəbər verir ki, TQDK sədri M.Abbaszadə bildirib ki, vəsait orta məktəblərin tədris, eləcə də ali məktəblərə qəbul proqramlarının tələblərinə uyğun hazırlanıb. Onun sözlərinə görə, vəsaitdə materialların seçimi və şərhi zamanı 3 mühüm elementə-müvafiq elmin əsaslarına, təhsilin məqsədlərinə və abituriyentlərin ümumi bilik və yaş səviyyələrinin bir-biri ilə əlaqələndirilməsinə diqqət yetirilib. вЂњAmma vəsait qəbul imtahanına hazırlaşmaq üçün kifayət etmir. Bu kitab biliklərin möhkəmləndirilməsi məqsədilə yerinə yetirilən təkrarlanma məsələsində xüsusi əhəmiyyətlidirвЂќ - deyə TQDK sədri vurğulayıb. O, həmçinin deyib ki, bu vəsait biologiya fənni üzrə əvvəl nəşr olunmuş Botanika, Zoologiya və İnsan vəsaitlərinin davamıdır.

08.12.11

Məqaləni oxumaq