|
Səhifələr : # « 28 29 30 31 32 33 34 35 36 » #
Elmlər doktoru proqramı üzrə doktoranturaya qəbulun nəticələri açıqlanıb
|
Bu gün Azərbaycan Milli Elmlər Akademiyasının (AMEA) Rəyasət Heyəti elmlər doktoru proqramı üzrə doktoranturaya qəbulun nəticələrini açıqlayıb. “KƏLAMİNFO” xəbər verir ki, AMEA Rəyasət Heyətinin bu gün keçirilən iclasında doktoranturaya qəbulla bağlı məlumat verən akademik Vaqif Fərzəliyev bildirib ki, elmlər doktoru proqramı üzrə doktoranturaya qəbulla bağlı 56 yer elan edilib.
Onlardan 27 əyani, qiyabi isə 29 yer olub. Faktiki olaraq qəbul olunanların sayı 42 olub. Onlardan da 14-ü əyani, 28-i isə qiyabidir. F.Fərzəliyev deyib ki, Fizika-Riyaziyyat Elmləri Bölməsi üzrə 3 nəfər, Kimya Elmlər Bölməsi üzrə 7 (3 əyani, 4-ü qiyabi), Yer Elmləri Bölməsi üzrə 2 (qiyabi), Biologiya Elmləri Bölməsi üzrə 8 (3 nəfər əyani, 5-i qiyabi), İctimai-Humanitar Elmləri Bölməsi üzrə 17 nəfər (6-si əyani, 11-i qiyabi), Naxçıvan Bölməsi üzrə 2 nəfər (qiyabi), Gəncə Elmi Bölməsi üzrə isə 3 nəfər (2 nəfər əyani, 1-i qiyabi) qəbul edilib.
|
26.01.12 Məqaləni oxumaq
|
|
|
Xaricdə təhsil alanlardan 7-nin dövlət qulluğuna təyinatı olub
|
Bu vaxta qədər “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində təhsil alan və Azərbaycan Prezidenti yanında Dövlət Qulluğu Məsələləri üzrə Komissiyanın ehtiyat kadr siyahısına daxil olanlardan 7 nəfərin təyinatı olub. Bu barədə açıqlamanı “KƏLAMİNFO”ya müsahibəsində DQMK-nin Dövlət qulluğuna kadrların seçilməsi şöbəsinin müdir müavini Rauf Məcidbəyli deyib.
Hazırda DQMK-nin ehtiyat kadr siyahısında 335 nəfərin mövcud olduğunu xatırladan R.Məcidbəyli bildirib ki, bunlardan 312 nəfəri dövlət qulluğuna qəbulla bağlı müsabiqədə iştirak edib ehtiyat kadr siyahısına daxil olanlardır. Onun sözlərinə görə, namizədlərin 23-ü isə xaricdə təhsil alıb sonradan Komissiyanın ehtiyat kadr siyahısına daxil olanlardır.
|
24.01.12 Məqaləni oxumaq
|
|
|
Milli Məclisdə “Təhsil kreditləri haqqında” qanun layihəsinin təqdimatı olub
|
Bu gün Milli Məclisin İqtisadi siyasət komitəsinin iclası keçirilib. “KƏLAMİNFO” xəbər verir ki, iclasda komitə sədri Ziyad Səmədzadə 2011-ci il payız sessiyasının yekunu və 2012-ci il yaz sessiyasında komitənin qanunvericilik işləri planı barədə məlumat verib.
Komitə sədri iclas iştirakçılarına “Təhsil kreditləri haqqında” qanun layihəsini təqdim edib. O, qeyd edib ki, qanun layihəsinin qəbulu hazırkı dövrün tələbidir. “Dünyanın əksər ölkələrində təhsil kreditlərinin verilməsi təcrübəsi mövcuddur. Azərbaycanında bu təcrübədən yararlanma zamanı yetişib”-deyə Z.Səmədzadə vurğulayıb.
Komitə sədri qanun layihəsinin millət vəkilləri Vahid Əhmədov və Əli Məsimli tərəfindən hazırlanaraq parlamentə təqdim olunduğunu deyib.
Qanun layihəsinin müəlliflərindən olan Ə.Məsimli “Təhsil kreditləri haqqında” qanun layihəsinin təqdimatını edib.
|
19.01.12 Məqaləni oxumaq
|
|
|
Magistraturaya qəbul qaydalarında dəyişiklik edildi
|
Bu il ali məktəblərin magistratura pilləsinə qəbul qaydalarında dəyişiklik edilib. “KƏLAMİNFO” xəbər verir ki, bu barədə bu gün keçirdiyi mətbuat konfransında Tələbə Qəbulu üzrə Dövlət Komissiyasının (TQDK) sədr müavini Namiq Babayev bildirib. O qeyd edib ki, qaydalar imtahanlarla bağlıdır. “Əvvəlki illərdə qəbul qaydalarına əsasən, bakalavrlar birinci mərhələnin imtahanlarını verdikdən sonra ikinci mərhələdən əvvəl magistr proqramlarını, daxil olmaq istədikləri ixtisasları və o cümlədən ali məktəbləri seçirdilər. Bu il tətbiq olunacaq yeni qadalara əsasən, bakalavrlar birinci mərhələnin imtahanını verdikdən sonra ikinci mərhələnin imtahanından əvvəl daxil olmaq istədikləri magistr proqramını seçəcəklər. Magistraturaya keçirilən imtahanın ikinci mərhələsindən sonra isə uğur qazanan bakalavrlar müvafiq ixtisasları və ali məktəbləri seçəcəklər” - deyə N.Babayev vurğulayıb.
|
13.01.12 Məqaləni oxumaq
|
|
|
TQDK ali məktəblərin magistratura pilləsinə sənəd qəbulunun vaxtını açıqladı
|
Cari tədris ili üçün ali məktəblərin magistratura pilləsinə sənəd qəbulu fevralın əvvəlindən keçiriləcək. “KƏLAMİNFO” xəbər verir ki, bu barədə Tələbə Qəbulu üzrə Dövlət Komissiyasının (TQDK) sədr müavini Namiq Babayev bu gün keçirdiyi mətbuat konfransında bildirib.
O, qeyd edib ki, sənəd qəbulunun fevralın sonuna yaxın yekunlaşdırılması planlaşdırılır. “Fevralın sonunda isə magistraturaya qəbul imtahanlarının ilk mərhələsinin keçirilməsi nəzərdə tutulur. İmtahanın ikinci mərhələsi isə iyunun sonunda olacaq, çünki biz gözləməliyik ki, sənəd verənlər ali məktəbin bakalavr pilləsini bitirsinlər”,-deyə N.Babayev vurğulayıb. TQDK sədrinin müavini həmçinin deyib ki, magistraturaya plan yerlərinin sayı da təxminən ötən ilki kimidir. “2011-ci ildə olduğu kimi, bu il də magistratura üçün 5000-dən çox plan yeri ayrılıb”,-deyə o, əlavə edib.
|
12.01.12 Məqaləni oxumaq
|
|
|
TQDK-da fizika fənnindən təklif edilmiş test tapşırıqları təhlil olunub
|
Bu gün Tələbə Qəbulu üzrə Dövlət Komissiyasında 2011-ci ildə ali məktəblərə IV ixtisas qrupu üzrə keçirilmiş qəbul imtahanında fizika fənnindən təklif edilmiş test tapşırıqlarının statistik göstəricilər əsasında elmi-metodiki (A variantı, 26-35 saylı test tapşırıqları) baxımdan təhlili olub. Bu barədə məlumatı “KƏLAMİNFO”ya TQDK-nın mətbuat xidmətindən veriblər.
Test tapşırıqlarının hər biri çətinlik dərəcəsinə, nominasiyalara görə və məzmun baxımından müzakirə edilib. Seminar iclasında test tapşırıqlarının qəbul proqramına və dərsliklərə uyğun olduğu, ixtisas qrupunun peşə xüsusiyyətləri nəzərə alınmaqla, abituriyentlərin bilik və bacarıqlarını obyektiv qiymətləndirməyə imkan verdiyi bir daha təsdiqlənib. İclasda Bakı və Sumqayıt şəhərlərindən olan orta və ali məktəb müəllimləri, metodistlər və AMEA-nın əməkdaşları ilə bərabər, TQDK-nın Naxçıvan, Gəncə, Şəki, Lənkəran və Quba regional bölmələrində fəaliyyət göstərən elmi-metodiki seminarlarda iştirak edən müvafiq fənn müəllimləri də onlayn rejimində internet vasitəsilə videobağlantı əsasında test tapşırıqları ilə bağlı fikir bildirib və təkliflərini veriblər.
|
12.01.12 Məqaləni oxumaq
|
|
|
Təhsil Nazirliyinin “Qaynar xətt” xidmətinə daxil olan müraciətlərin sayı artıb
|
Ötən ildə Təhsil Nazirliyinin “Qaynar xətt” xidmətinə (496-34-82; 496-37-61; faks: 496-37-61; qaynar-xett@edu.gov.az) 30124 müraciət daxil olub. Təhsil Nazirliyindən “KƏLAMİNFO”ya verilən məlumata görə, müraciətlərin 27135-i telefonla, 2989-u elektron poçt vasitəsilə qəbul edilib. Daxil olan müraciətlərin 28893-ü (95,9 faiz) sorğu, 1231-i isə (4,09 faiz) şikayət xarakterlidir.
2010-cu illə müqayisədə 2011-ci il ərzində “Qaynar xətt” xidmətinə 2,3 dəfədən çox müraciət daxil olub. Bu, vətəndaşların Təhsil Nazirliyinin “Qaynar xətt” xidmətinə etimadının artdığını deməyə əsas verir.
|
11.01.12 Məqaləni oxumaq
|
|
|
Tibb Universitetində kredit sistemi ilə təhsil alanlar yeni üsulla imtahan verirlər
|
Azərbaycan Tibb Universitetində 2011/2012-ci tədris ilinin qış imtahan sessiyasında kredit sistemi ilə təhsil alan tələbələrin imtahanları test üsulu ilə kompüter vasitəsilə aparılır. Artıq 6 ildir ki, universitetdə təhsil tədricən, ölkənin Boloniya prosesinə qoşulması ilə əlaqədar, kredit sistemi ilə aparılır. İlk olaraq tibbi-biologiya ixtisasında, sonrakı il əczaçılıq və tibbi-profilaktika fakültəsində təhsil bu sistemlə aparılmağa başlanılıb. 3 il bundan öncə stomatologiya fakültəsində, 2 il əvvəl isə müalicə-profilaktika, pediatriya, hərbi tibb fakültələrində də təhsil kredit sistemi ilə aparılmağa başlanılıb. Bu barədə məlumatı “KƏLAMİNFO”ya Səhiyyə Nazirliyinin mətbuat xidmətindən veriblər.
|
10.01.12 Məqaləni oxumaq
|
|
|
Erməni terroruna dair yaddaş kitabçası nəşr olunub
|
AMEA-nın İnsan hüquqları İnstitutunda “Azərbaycan ərazisində erməni quldur və terror birləşmələrinin törətdikləri cinayətlərə dair faktlar” adlı yaddaş kitabçası nəşr olunub. Bu barədə məlumatı “KƏLAMİNFO”ya institutdan veriblər. Nəşrin elmi redaktoru institutun direktoru, millət vəkili Aytən Mustafayevadır. Kitabçada erməni terrorçu və quldur birləşmələrinin azərbaycanlı əhaliyə qarşı həyata keçirdiyi cinayətlər tarixi faktlarla diqqətə çatdırılıb.
|
07.01.12 Məqaləni oxumaq
|
|
|
Dörd liseyin fəaliyyəti “kafi” qiymətləndirilib
|
Bu gün Təhsil Nazirliyində Akkreditasiya Şurasının növbəti iclası keçirilib. Təhsil naziri Misir Mərdanovun iştirakı ilə keçirilən iclasda Xaçmaz Peşə Liseyi, Gədəbəy Peşə Liseyi, Salyan Peşə Liseyi və 1 nömrəli Sumqayıt Peşə Liseyinin akkreditasiyasının nəticələri müzakirə olunub. Bu barədə “KƏLAMİNFO”ya Təhsil Nazirliyindən veriblər.
İclasda liseylərdə aparılan akkreditasiyanın nəticələri barədə məlumat verilib. Sonra qeyd olunan peşə məktəbləri üzrə aparılmış akkreditasiyanın nəticələri barədə iclas iştirakçılarını maraqlandıran suallar cavablandırılıb, bir sıra təklif və tövsiyələr səsləndirilib.
Təhsil naziri Misir Mərdanov peşə təhsili müəssisələrində aparılmış akkreditasiya ilə bağlı fikirlərini bildirib, öz tövsiyə və tapşırıqlarını verib.
İclasda Xaçmaz Peşə Liseyi, Gədəbəy Peşə Liseyi, Salyan Peşə Liseyi və 1 nömrəli Sumqayıt Peşə Liseyinin fəaliyyətinin “kafi” qiymətləndirilməsi və müvafiq ixtisasların akkreditə olunması barədə qərar qəbul edilib.
|
29.12.11 Məqaləni oxumaq
|
|
|
|
Səhifələr : # « 28 29 30 31 32 33 34 35 36 » #
|
Torpaqlarımızı qaytaraq..
|
|
|
Arxiv
|
|
«
| Sen.2024 | | Ďí. | Âň. | Ńđ. | ×ň. | Ďň. | Ńá. | Âń. | | | | | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | |
|
|