Kelam Jurnalı - Elm və təhsil

Tələbə Qəbulu üzrə Dövlət Komissiyası (TQDK) 2012/2013-cü tədris ili üçün ali təhsil müəssisələrinin magistraturalarına ərizə qəbulu məqsədilə daha iki sənəd qəbulu komissiyası (SQK) yaradıb. Bu barədə məlumatı вЂњKƏLAMİNFOвЂќya TQDK-nın mətbuat xidmətindən veriblər. Havaların şaxtalı keçməsi nəzərə alınaraq, bakalavrların ərizələrini rahat şəkildə təsdiq etdirmələri üçün TQDK-nın Şəki və Quba regional bölmələrində də SQK-nın yaradılması barədə qərar qəbul edilib. Adıçəkilən komissiyalardan əlavə, respublika üzrə ümumilikdə 37 SQK fəaliyyət göstərir. Azərbaycanın ali məktəblərinin magistraturalarına qəbul imtahanlarında iştirak üçün ərizə qəbuluna fevralın 8-dən başlanılıb. Ərizə qəbulu fevralın 17-dək davam edəcək. Bu müddətdə namizədlər вЂњBakalavrın elektron ərizəsiвЂќni doldurmalıdırlar. Milli Sertifikat Mərkəzinin qeydiyyat mərkəzlərinin birindən elektron imza sertifikatı əldə etmiş bakalavrlar həmin sertifikatlardan istifadə etməklə вЂњBakalavrın elektron ərizəsiвЂќ formasını SQK-ya müraciət etmədən təsdiqləyə bilərlər. Bu il magistraturaya sənəd qəbulu zamanı ilk dəfə olaraq virtual ödəmə kartlarından istifadə ediləcək. Virtual ödəmə kartlarını internet ödəmə və ya SMS vasitəsilə əldə etmək mümkün olacaq.

11.02.12

Məqaləni oxumaq

TQDK-da açıq tipli test tapşırıqları müzakirə olunub

Bu gün Tələbə Qəbulu üzrə Dövlət Komissiyasında (TQDK) kimya fənni üzrə elmi-metodiki seminar keçirilib. Bu barədə məlumatı вЂњKƏLAMİNFOвЂќya TQDK-nın mətbuat xidmətindən veriblər. Gündəlikdəki məsələ açıq tipli test tapşırıqlarının formaları və hazırlanması metodikası ilə bağlı müzakirə olub. TQDK-nın Naxçıvan regional bölməsindən şəhər 5 saylı tam orta məktəbin müəllimi Zəhra Novruzova və Gəncə regional bölməsindən Mahal Kazımov hazırladıqları test tapşırıqlarını müzakirəyə təqdim ediblər. İclasda Bakı və Sumqayıt şəhərlərindən olan orta və ali təhsil müəssisələrinin müəllimləri, metodistlər və AMEA-nın əməkdaşları ilə bərabər, TQDK-nın Naxçıvan,Gəncə, Lənkəran və Şəki regional bölmələrindən həmin bölgələri təmsil edən müvafiq fənn müəllimləri də onlayn rejimində internet vasitəsilə videobağlantı əsasında test tapşırıqları ilə bağlı fikir bildirib və təkliflərini veriblər.

08.02.12

Məqaləni oxumaq

Təhsil Nazirliyi Almaniyada ali təhsillə bağlı müsabiqə elan edib

Təhsil Nazirliyi вЂњ2007-2015-ci illərdə Azərbaycan gənclərinin xarici ölkələrdə təhsili üzrə Dövlət ProqramıвЂќ çərçivəsində Almaniyanın ali məktəblərində təhsil almaq məqsədilə müsabiqə elan edib. Müsabiqə Təhsil Nazirliyi ilə Alman Akademik Mübadilə Xidməti (DAAD) arasında imzalanan Sazişə uyğun olaraq həyata keçirilir. Bu barədə məlumatı вЂњKƏLAMİNFOвЂќya Təhsil Nazirliyindən veriblər. Təhsil üçün seçilən ixtisaslar informasiya texnologiyaları, mühəndislik, neft sənayesi, tibb, riyaziyyat, fizika, biologiya, kimya, ekologiya, kənd təsərrüfatı, turizm, mühasibat uçotundan ibarətdir. Bakalavr səviyyəsində təhsil almaq üçün Azərbaycanın müvafiq universitetlərinin ikinci və ya üçüncü kurslarında təhsil alan və bakalavr səviyyəsinə tələbə qəbulu üzrə aparılan test imtahanları çərçivəsində I qrupa daxil olan ixtisaslar üzrə ən azı 550 bal, digər ixtisas qrupları üzrə isə ən azı 600 bal toplayan Azərbaycan Respublikası vətəndaşları müsabiqədə iştirak edə bilər.

07.02.12

Məqaləni oxumaq

Müəllimləri müsabiqədənkənar işə qəbul edən rəhbər şəxslər ciddi cəzalandırılacaq

Müəllimlərin müsabiqədənkənar işə qəbuluna yol verən yerli təhsili idarəetmə orqanları və ümumi təhsil müəssisəsi rəhbərləri barəsində ən ciddi intizam tənbehi tədbirləri tətbiq ediləcək. вЂњKƏLAMİNFOвЂќ xəbər verir ki, bu barədə məlumat təhsil nazirinin müəllimlərin işə qəbulu üzrə müsabiqənin nəticələri barədə imzaladığı əmrində qeyd edilib. Müəllimlərin işə qəbulunun elektron proqram təminatı təkmilləşdiriləcək. Belə ki, ali və orta ixtisas təhsili müəssisələrini müsabiqə keçirilən ildə bitirənlərin təhsil sənədləri haqqında məlumat bazasının proqram təminatına daxil ediləcək. Müsabiqədə iştirak üçün elektron ərizədəki "şəxsiyyət vəsiqəsinin nömrəsi" Daxili İşlər Nazirliyinin məlumat bazasına qoşulacaq. Proqram təminatına daha iki modul "Müsabiqədən sonra vakant qalan yerlərə təkrar elektron ərizə qəbulu modulu" və "Vakant qalan yerlərə əlavə yerləşdirmə modulu" əlavə ediləcək.

06.02.12

Məqaləni oxumaq

TQDK-nın virtual ödəmə kartlarını SMS-lə də əldə etmək olar

Abituriyentlər və bakalavrlar elektron ərizə vermək üçün Tələbə Qəbulu üzrə Dövlət Komissiyasının (TQDK) virtual ödəmə kartlarını SMS-lə də əldə edə bilərlər. Bu barədə məlumatı вЂњKƏLAMİNFOвЂќya TQDK-nın mətbuat xidmətindən veriblər. Elektron ərizə vermək üçün TQDK-nın virtual ödəmə kartlarını SMS-lə əldə etmək istəyən abituriyentlər və bakalavrlar Azercell nömrələrindən 7725 nömrəsinə SMS göndərməlidirlər. SMS-ə cavab olaraq abonentin telefonuna iş nömrəsi və şifr göstərilən virtual ödəmə kartı daxil olacaq. Yaxın zamanlarda digər mobil operatorların da abonentləri belə xidmətdən istifadə edə biləcəklər.

06.02.12

Məqaləni oxumaq

Magistraturaya sənəd qəbulu fevralın 8-də, ilk imtahan isə 26-da başlayır

вЂњFevralın 8-dən etibarən bakalavrlar magistraturaya ərizə ilə müraciət edə bilərlər. вЂњKƏLAMİNFOвЂќ xəbər verir ki, bu barədə açıqlamanı Tələbə Qəbulu üzrə Dövlət Komissiyasının (TQDK) Magistratura şöbəsinin müdiri Natiq Əliyev mətbuat konfransında verib. Onun sözlərinə görə, bakalavrlar вЂњbakalavrın elektron ərizə formasıвЂќnı fevralın 8-dən 16-dək olan müddətdə dolduraraq fevralın 8-dən 17-dək (şənbə və bazar günləri istisna olmaqla) saat 09:00-dan 17:00-dək təsdiq etdirməlidirlər: вЂњElektron imzadan istifadə edən bakalavrlar istisna olmaqla, qalan bakalavrlar ərizələrini təsdiq etdirmək üçün sənəd qəbulu komissiyalarına (SQK) tələb edilən sənədlərin əslilərini şəxsən təqdim etməlidirlər. Son tədris ilinin məzunları вЂњbakalavrın elektron ərizəsi formasıвЂќnı bitirdikləri ali təhsil müəssisəsində yaradılan SKQ-da təsdiq etdirməlidirlər. Ali məktəbləri əvvəlki illərdə bitirənlər və nəzdində SKQ fəaliyyət göstərməyən ali təhsil müəssislərinin bu ilki məzunları bakalavrın elektron ərizə formasını ali təhsil müəssisələrində yaradılan istənilən bir SKQ-da təsdiq etdirə bilmək imkanları varвЂќ.

02.02.12

Məqaləni oxumaq

TQDK nəzarətçilərlə seminar-məşğələlərə başlayıb

Bu gündən etibarən Tələbə Qəbulu üzrə Dövlət Komissiyası (TQDK) 2012/2013-cü illərdə imtahanlarda iştirak edəcək nəzarətçilərlə seminar-məşğələlərə başlayır. вЂњKƏLAMİNFOвЂќ xəbər verir ki, bu barədə məlumatı TQDK-nın mətbuat katibi Elnur Nağızadə verib. Onun sözlərinə görə, seminar-məşğələlərin məqsədi nəzarətçi müəllimləri qəbul imtahanlarının texnologiyası ilə yaxından tanış etmək, imtahanları təlimata uyğun keçirməkdir: вЂњSeminarlar TQDK-nın Təşkilat şöbəsinin məsul əməkdaşları tərəfindən aparılacaq. Seminarlarda Bakı və Sumqayıt şəhərlərinin orta məktəblərindən nəzarətçi qismində cəlb olunacaq müəllimlər iştirak edəcəkвЂќ. E.Nağızadə ötən il ali məktəblərə qəbul imtahanlarında iştirak edən 116 nəzarətçinin, 2010-cu ildə keçirilən qəbul imtahanlarında isə 300-dən çox nəzarətçinin təlimat qaydalarını pozduğunu bildirib. Qeyd edək ki, imtahan prosedurlarını daha yaxşı izah etmək üçün seminar məşğələlər 25-30 nəfərlik qruplarda Bakı da daxil olmaqla, əksər bölgələrdə keçiriləcək və aprelin 6-dək davam edəcək.

01.02.12

Məqaləni oxumaq

вЂњProfessor Fərrux Rüstəmov-50вЂќ kitabının təqdimat mərasimi keçirilib

Bu gün Beynəlxalq Mətbuat Mərkəzində (BMM) вЂњProfessor Fərrux Rüstəmov-50вЂќ kitabının təqdimat mərasimi keçirilib. вЂњKƏLAMİNFOвЂќ xəbər verir ki, Azərbaycan Dövlət Pedaqoji Universitetinin dekanı, Beynəlxalq Pedaqoji Akademiyanın həqiqi üzvü, Pedaqoji və Sosial Elmlər Akademiyasının (Moskva) akademiki, professor Fərrux Rüstəmova həsr olunan kitabın təqdimatında, alimlər, ölkənin bir sıra ali məktəblərinin əməkdaşları, ziyalılar iştirak ediblər. Tədbirdə çıxış edənlər F.Rüstəmovun həyatı, onun elmi-pedaqoji yaradıcılığı haqqında məlumat veriblər. Qeyd edək ki, kitabda təhsil naziri Misir Mərdanov, ADPU-nun rektoru Yusif Məmmədov, Təhsil Problemləri İnstitutunun direktoru Abdulla Mehrabov, professor Əjdər Ağayev və digər alimlərin yazılarında F.Rüstəmovun 50 illik ömür yolu, elmi-pedaqoji yaradıcılığından bəhs edilib. Kitabın ilk bölməsində F.Rüstəmovun həyatı və elmi-pedaqoji fəaliyyətinin əsas illərinin xronikası, son fəsildə isə əsərlərinin biblioqrafiyası verilib.

01.02.12

Məqaləni oxumaq

Gənclər üçün Təhsil Mərkəzi ilə Azərbaycan Uşaqlar Birliyi memorandum imzalayıb

Bu gün Gənclər üçün Təhsil Mərkəzi ilə Azərbaycan Uşaqlar Birliyi arasında əməkdaşlığa dair anlaşma memorandumu imzalanıb. GTM-dən вЂњKƏLAMİNFOвЂќya verilən məlumata görə, imzalanan memoranduma əsasən, tərəflər 3 il müddətində fəaliyyət sahəsi üzrə informasiya, təşkilatlararası təcrübə, fəaliyyət hesabatlarının mübadiləsini aparacaq. Həmçinin hər iki təşkilat əməkdaşların praktiki bacarıqları sahəsində təcrübə mübadiləsi, birgə layihə təkliflərinin hazırlanması və təqdim edilməsi, birgə layihələrdə iştirak, təlim və seminarların təşkili və s. kimi məsələləri həyata keçirəcək. Yaxın günlərdə görüləcək işlərlə bağlı fəaliyyət planı da təsdiq ediləcək. Qeyd edək ki, hər iki təşkilat artıq 10 ildən artıqdır ki, aktiv fəaliyyət göstərir, müxtəlif yerli və beynəlxalq layihələr həyata keçirirlər.

31.01.12

Məqaləni oxumaq

Bakı Dövlət Universitetində professor Cahangir Məmmədlinin yubileyi keçirilib

Bakı Dövlət Universitetində kafedra müdiri, İctimai Televiziya və Radio Yayım Şurasının sədri, professor Cahangir Məmmədlinin anadan olmasının 70, elmi-pedaqoji fəaliyyətinin 45 illiyi münasibətilə tədbir keçirilib. Məlumatı вЂњKƏLAMİNFOвЂќya BDU-dan veriblər. C.Məmmədlini Azərbaycan milli jurnalistika elmi məktəbinin görkəmli nümayəndəsi, ali jurnalistika təhsilinin təşkilatçısı, görkəmli elm, təhsil və mədəniyyət xadimi kimi xarakterizə edən rektor Abel Məhərrəmov deyib ki, Cahangir müəllim uzun illər boyu elmin və təhsilin tərəqqisinə çalışıb, onun milli koloritlərini zənginləşdirərək beynəlxalq nüfuzunu yüksəldib, xalqımızın adını daim uca tutub. Onun sözlərinə görə, professorun səmərəli elmi-pedaqoji və ictimai-mədəni fəaliyyəti həm Azərbaycanda, həm də xarici ölkələrdə geniş şöhrət qazanıb.