|
|
Səhifələr : # « 14 15 16 17 18 19 20 21 22 » #
|
|
Məleykə Abbaszadə: “Valideynlərdən tələb edirəm: belə etməyin...”
|
|
“Təəssüf ki, hələ də ali məktəblərə qəbul zamanı əksər valideynlər ixtisas seçimini abituriyentlərə diktə edirlər”. “KƏLAMİNFO” xəbər verir ki, bu barədə Tələbə Qəbulu üzrə Dövlət Komissiyasının (TQDK) sədri Məleykə Abbaszadə bildirib.
O qeyd edib ki, əksər hallarda imtahanlarda yüksək bal toplayan abituriyentlərin valideynləri uşaqlarına ixtisas seçimi zamanı mane olurlar: “Biz demirik ki, ixtisas seçimində valideynin müdaxiləsi qadağandır, amma bu, məsləhət formasında olmalıdır, diktə formasında yox. Çünki o balı toplayan abituriyent özüdür, ixtisas seçimində də son qərarı özü verməlidir. Çünki gələcəkdə seçdiyi ixtisası istehsalatda o özü istifadə edəcək, valideyni yox. Əgər abituriyent məcburi ixtisasa cəlb olunubsa, ondan həmin ixtisasda gələcəkdə hansı peşəkarlığı gözləmək olar? Əgər abituriyent özünü xarici dil ixtisasında görmək istəyirsə, ondan məcburi necə hüquqşünas ola bilər? Ona görə də valideynlərdən tələb edirəm: belə etməyin, abituriyentlərə seçim azadlığı verin”.
|
04.08.12 Məqaləni oxumaq
|
| |
|
|
|
I və III ixtisas qrupuna daxil olan ixtisaslar üzrə qabiliyyət imtahanları başa çatıb
|
|
Azərbaycanda ali məktəblərin I və III ixtisas qrupuna daxil olan ixtisaslar üzrə qabiliyyət imtahanları başa çatıb. “KƏLAMİNFO” xəbər verir ki, bu barədə Tələbə Qəbulu üzrə Dövlət Komissiyasının (TQDK) sədri Məleykə Abbaszadə bildirib.
O qeyd edib ki, III ixtisas qrupu üzrə xüsusi qabiliyyət tələb edən ixtisaslara qabiliyyət imtahanlarında iştirak etmək üçün komissiya tərəfindən keçirilmiş seçmə turdan 3225 abituriyent müvəffəqiyyətlə keçərək qeydiyyata alınıb: “Onlardan 1417 nəfəri test imtahanında müvafiq müsabiqə şərtini ödəyərək qabiliyyət imtahanına qatılıb. Qabiliyyət imtahanından 998 nəfər müvəffəq qiymət alaraq ixtisas seçiminə buraxılıb”.
TQDK sədri deyib ki, I ixtisas qrupu üzrə xüsusi qabiliyyət tələb edən ixtisaslara qabiliyyət imtahanlarında iştirak üçün 1089 abituriyent komissiya tərəfindən keçirilən seçmə turda qeydiyyatdan keçib: “Onlardan da 635 nəfəri test imtahanında müvafiq müsabiqə şərtini ödəyərək qabiliyyət imtahanına qatılıb. 446 nəfər qabiliyyət imtahanını uğurla verərək ixtisas seçiminə buraxılıb”. Onun sözlərinə görə, bütün qruplar üzrə ixtisas seçimi avqustun 7-dən 16-dək internet vasitəsilə aparılacaq.
|
|
03.08.12 Məqaləni oxumaq
|
| |
|
|
|
Rezidenturaya sənəd qəbulu avqustun 15-dən 24-ə qədər həyata keçiriləcək
|
|
Cari tədris ili üçün Azərbaycanda rezidentura pilləsi üzrə sənəd qəbulu avqustun 15-dən 24-ə qədər həyata keçiriləcək. “KƏLAMİNFO” xəbər verir ki, bu barədə bu gün keçirdiyi mətbuat konfransında Tələbə Qəbulu üzrə Dövlət Komissiyasının (TQDK) sədri Məleykə Abbaszadə bildirib.
O qeyd edib ki, rezidenturaya qəbul imtahanı iki mərhələdə keçiriləcək: “Birinci mərhələ sentyabrın 8-də, ikinci mərhələ isə sentyabrın 9-da olacaq. Rezidentura ilə bağlı bir sınaq imtahanının keçiriləcəyini deyən komissiya sədri bunun məcburi olmadığını deyib”. O bildirib ki, rezidentura ilə bağlı plan yerləri haqqında və digər məlumatlar rezidentura jurnalının 2-ci sayında dərc olunub.
|
|
03.08.12 Məqaləni oxumaq
|
| |
|
|
|
Gülhanə Hərbi Tibb Akademiyasına qəbul olmaq istəyən abituriyentlər üçün müsabiqə keçirilir
|
|
Azərbaycanda Türkiyənin Gülhanə Hərbi Tibb Akademiyasına qəbul olmaq istəyən abituriyentlər üçün müsabiqə keçirilir. Bu barədə məlumatı “KƏLAMİNFO”ya Tələbə Qəbulu üzrə Dövlət Komissiyasının (TQDK) mətbuat xidmətindən veriblər.
Azərbaycan Daxili İşlər Nazirliyinin Daxili Qoşunların Baş İdarəsi ilə Türkiyə Respublikası Baş Qərargahı arasında razılaşdırılmış 2012/2013-cü təlim-tədris ili üzrə kurs planına əsasən, 2012/2013-cü tədris ili üçün Türkiyənin Gülhanə Hərbi Tibb Akademiyasının ali tibb fakültəsinə müdavimlərin qəbulu üçün müsabiqə elan olunub. Müsabiqədə 2012-ci ildə mülki ali məktəblərin IV ixtisas qrupu üzrə qəbul imtahanlarında 600-dən yuxarı bal toplamış, 19 yaşınadək olan oğlan abituriyentlər iştirak edə bilərlər. Müsabiqə əsasında 3 nəfərin siyahısı müəyyənləşdirilərək seçim üçün Daxili İşlər Nazirliyinin Daxili Qoşunların Baş İdarəsinə təqdim olunacaq. Müsahibənin nəticələri bəlli olduqdan sonra ən uğurlu göstərici əldə etmiş 1 nəfər namizəd Türkiyə Respublikasının Gülhanə Hərbi Tibb Akademiyasına təhsil almağa göndəriləcək.
|
|
02.08.12 Məqaləni oxumaq
|
| |
|
|
|
Azərbaycanda bu gündən orta ixtisas məktəblərinə ərizə qəbulu başlanır
|
|
Bu gündən Azərbaycanda orta ixtisas təhsili müəssisələrinə ümumi orta təhsil bazasında (9 illik) ərizə qəbulu başlanır. Bu barədə məlumatı “KƏLAMİNFO”ya Tələbə Qəbulu üzrə Dövlət Komissiyasının (TQDK) mətbuat xidmətindən veriblər.
Orta ixtisas təhsili müəssisələrinə qəbul imtahanlarında iştirak etmək üçün abituriyentlər sabahdan avqustun 24-dək internet vasitəsi ilə elektron ərizələrini doldura bilərlər. Abituriyentlər tələb olunan sənədləri təhsil aldıqları tədris müəssisəsinin yerləşdiyi rayonda fəaliyyət göstərən sənəd qəbulu komissiyalarına (SQK) təqdim edərək ərizələrini təsdiq edirlər. SQK-lar hər gün (şənbə və bazar günü istisna olmaqla) saat 09:00-dan 17:00-dək fəaliyyət göstərəcək. Abituriyentlər tələb olunan sənədləri təyin olunan SQK-lara təqdim etməklə ərizələrini təsdiq etdirməklə yanaşı, hər bir abituriyent eyni zamanda müxtəlif təhsil müəssisələrinin təhsili dövlət hesabına və ödənişli əsaslarla olan 12-dək ixtisas kodunu seçə bilər. Cari tədris ilində ümumi orta təhsil bazasında (9 illik) 47 orta ixtisas təhsili müəssisəsinə qəbul aparılacaq. Ayrılmış plan yerlərinin sayı 10404-dır. Onlardan 4866 dövlət sifarişi üzrə, 5538 yer isə ödənişli əsaslarladır.
|
|
01.08.12 Məqaləni oxumaq
|
| |
|
|
|
I ixtisas qrupu üzrə qabiliyyət imtahanı başa çatır
|
|
Bu gün Azərbaycanda ali məktəblərə qəbulla bağlı I ixtisas qrupu üzrə qabiliyyət imtahanı başa çatır. Bu barədə məlumatı “KƏLAMİNFO”ya Tələbə Qəbulu üzrə Dövlət Komissiyasının (TQDK) mətbuat xidmətindən veriblər.
I ixtisas qrupunda xüsusi qabiliyyət imtahanı tələb edən ixtisaslara qəbul olmaq istəyən və qabiliyyət imtahan komissiyasında qeydiyyatdan keçmiş abituriyentlər iyulun 24-dən 30-dək qabiliyyət imtahanı verməlidirlər. Qabiliyyət imtahanını müvəffəqiyyətlə verən abituriyentlər ixtisas seçimi zamanı elektron ərizələrində müvafiq ixtisasın kodunu göstərə bilərlər. Qabiliyyət imtahanından müvəffəqiyyətlə keçməyən abituriyentlər isə I ixtisas qrupuna daxil olan digər ixtisasların müsabiqəsində iştirak edə biləcəklər.
|
|
30.07.12 Məqaləni oxumaq
|
| |
|
|
|
TQDK sədri I ixtisas qrupu üzrə keçid balının 150-yə salınması səbəblərini açıqlayıb
|
“Bəzi mütəxəssislər belə fikir yürütdülər ki, dövlətin pulları aşağı ballı uşaqlara təhsil verməyə gedir. Biz müsabiqədə iştirak etmək üçün minimal balı aşağı saldıq. Amma dövlət sifarişli yerlərə 250-dən aşağı bal toplamış bir uşaq da qəbul olmayacaq.
Bu il I ixtisas qrupu dövlət sifarişli yerlərin sayı 4 min 146, 250 baldan yuxarı bal toplayan abituriyentlərin sayı isə 6 min 92 nəfərdir. I ixtisas qrupunun informasiya texnologiyaları, neft-qaz mühəndisliyi kimi ixtisaslarında çox yüksək müsabiqə vəziyyəti gözlənilir”. “KƏLAMİNFO” xəbər verir ki, bu haqda məlumatı Tələbə Qəbulu üzrə Dövlət Komissiyasının sədri Məleykə Abbaszadə bu gün keçirdiyi mətbuat konfransında I ixtisas qrupu üzrə imtahanlarda keçid balının 150-yə salınmasının səbəblərini açıqlayarkən bu fikirləri deyib. “Bu sahədə kadr qıtlığı hiss olunur.
|
|
28.07.12 Məqaləni oxumaq
|
| |
|
|
|
Ümumi orta təhsil bazasından orta ixtisas təhsil müəssisələrinə ərizə qəbulu başlanır
|
Avqustun 1-dən etibarən orta ixtisas təhsil müəssisələrinə ümumi orta təhsil bazasından (9 illik) ərizə qəbulu başlanır. “KƏLAMİNFO” xəbər verir ki, bu haqda məlumatı Tələbə Qəbulu üzrə Dövlət Komissiyasının sədri Məleykə Abbaszadə bu gün keçirdiyi mətbuat konfransında verib. O bildirib ki, qəbul imtahanlarında iştirak etmək üçün abituriyentlər avqustun 1-dən 24-dək internet vasitəsilə elektron ərizələrini doldurub, tələb olunan sənədləri təhsil aldıqları tədris müəssisəsinin yerləşdiyi rayonda fəaliyyət göstərən Sənəd Qəbulu Komissiyalarına təqdim edərək ərizələrini təsdiq etdirməlidirlər.
TQDK sədri bildirib ki, cari tədris ilində ümumi orta təhsil bazasında 47 orta ixtisas təhsili müəssisəsinə qəbul aparılacaq. Ayrılmış plan yerlərinin sayı 10 min 404 nəfərdir. Onlardan 4 min 866-sı dövlət sifarişi üzrə, 5 min 538-i isə ödənişli əsaslarladır.
Qeyd edək ki, orta təhsil bazasında orta ixtisas təhsili müəssisələrinə qəbulla bağlı ətraflı məlumatı və qəbul aparılan ixtisasların siyahısını “Abituriyent” jurnalının 4-cü sayından əldə etmək olar.
|
|
27.07.12 Məqaləni oxumaq
|
| |
|
|
|
Bu gün 15 408 abituriyent IV ixtisas qrupu üzrə imtahan verir
|
|
Bu gün Tələbə Qəbulu üzrə Dövlət Komissiyası (TQDK) 2012-2013-cü tədris ili üçün ali təhsil müəssisələrinə və tam orta təhsil bazasında (11 illik) orta ixtisas təhsili müəssisələrinə IV ixtisas qrupu üzrə qəbul imtahanı keçirir. “KƏLAMİNFO” xəbər verir ki, bu gün eyni zamanda hərbi liseylərə, Azərbaycan Tibb Universitetinin Orta Hərbi Tibb Məktəbinə (Feldşer ixtisası üzrə) də qəbul imtahanı keçirilir. Respublikanın 6 şəhərində - Bakıda 16, Naxçıvanda 3, Gəncədə 3, Sumqayıtda 3, Şəkidə 2, Lənkəranda 1 binada keçiriləcək imtahana 1 min 174 nəzarətçi-müəllim və 115 imtahan rəhbəri cəlb olunub.
|
|
27.07.12 Məqaləni oxumaq
|
| |
|
|
|
TQDK sədri orta ixtisas təhsili müəssisələrinə qəbul imtahanlarının keçirilmə tarixi və yeri haqda danışıb
|
Tələbə Qəbulu üzrə Dövlət Komissiyasının sədri Məleykə Abbaszadə bu gün keçirdiyi mətbuat konfransında ümumi orta təhsil bazasında (9 illik) orta ixtisas təhsili müəssisələrinə qəbul imtahanlarının keçirilmə tarixini açıqlayıb. “KƏLAMİNFO” xəbər verir ki, bu haqda məlumat verən TQDK sədri bildirib ki, 9 illik bazadan orta ixtisas təhsili müəssisələrinə qəbul imtahanlarının sentyabrın 1-2-də keçirilməsi gözlənilir.
M.Abbaszadə deyib ki, orta ixtisas təhsili müəssisələrinə müsabiqə vəziyyəti ildən-ilə artır. “Bu il ötən ilə nisbətən 9 illik baza üzrə orta ixtisas təhsili müəssisələrinə plan yerlərinin sayı 762 yerin artıq olduğunu, imtahan keçiriləcək regionların sayı və hansı regionlarda imtahan keçiriləcəyi 9 illik baza üzrə orta ixtisas təhsili müəssisələrinə sənəd qəbulu başa çatdıqdan sonra müəyyən ediləcək” - deyən sədr imtahanlar daha çox regionlarda keçirilməsinə çalışacaqlarını bildirib: “Hətta iri kəndlərdə də imtahan keçirməyi planlaşdırırıq. 9 illik bazada texnikumlara imtahan verənlər daha çox yeniyetmə uşaqlardır. Ona görə də həmin uşaqlar və onların valideynlərinin imtahanlara daha asan getməyini istəyirik”.
|
|
27.07.12 Məqaləni oxumaq
|
| |
|
|
|
Səhifələr : # « 14 15 16 17 18 19 20 21 22 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
