|
|
Səhifələr : # 13 14 15 16 17 18 19 20 21 #
|
|
TQDK-dan ali məktəblərə qəbul olan abituriyentlər üçün ciddi xəbərdarlıq
|
|
Cari tədris ili üçün ali təhsil müəssisələrinə keçirilmiş qəbul imtahanlarının nəticələrinə əsasən müsabiqə şərtlərini ödəyən abituriyentlər avqustun 7-dən avqustun 16-dək internet vasitəsilə ixtisas seçimi aparırlar. Artıq seçim vaxtının başa çatmasına 1 gün qalır. Bu barədə məlumatı “KƏLAMİNFO”ya Tələbə Qəbulu üzrə Dövlət Komissiyasının mətbuat xidmətindən veriblər.
İxtisas seçimi 16 avqust saat 23:59-da başa çatacaq. Həmin vaxta qədər ixtisas seçiminə buraxılmış bütün abituriyentlər ixtisas seçimi etməli və mütləq “Abituriyentin elektron ixtisas seçimi ərizəsi”ni təsdiqləməlidirlər. Ərizələrini təsdiqləməyən abituriyentlər müsabiqədə iştirak etmək hüququnu itirirlər. İxtisas seçimi mərhələsində abituriyentlər qəbul olmaq istədikləri ixtisasları seçib onların kodlarını “Abituriyentin elektron ixtisas seçimi ərizəsi”nə daxil edirlər. 15 avqust saat 10:00-dək həmin abituriyentlərdən 34081 nəfəri ixtisas seçimi ərizəsini təsdiq edib. Bölmə və ixtisas qrupları üzrə təsdiqlənmiş elektron ərizələrin sayı haqqında məlumat www.tqdk.gov.az saytında verilib.
|
17.08.12 Məqaləni oxumaq
|
| |
|
|
|
Ali məktəblərə qəbul olanların ixtisas seçimi üçün ayrılmış vaxt başa çatır
|
|
Bu günün sonunda cari tədris ili üçün Azərbaycanın ali məktəblərinə keçirilmiş qəbul imtahanlarının nəticələrinə əsasən müsabiqə şərtlərini ödəyən abituriyentlərin ixtisas seçimi başa çatır. Bu barədə məlumatı “KƏLAMİNFO”ya Tələbə Qəbulu üzrə Dövlət Komissiyasının (TQDK) mətbuat xidmətindən veriblər.
O qeyd edib ki, həmin vaxtadək ixtisas seçiminə buraxılmış bütün abituriyentlər ixtisas seçimi etməli və mütləq “Abituriyentin elektron ixtisas seçimi ərizəsi”ni təsdiqləməlidirlər. Ərizələrini təsdiqləməyən abituriyentlər müsabiqədə iştirak etmək hüququnu itirirlər. İxtisas seçimi mərhələsində abituriyentlər qəbul olmaq istədikləri ixtisasları seçib onların kodlarını “Abituriyentin elektron ixtisas seçimi ərizəsi”nə daxil edirlər. İndiyə kimi təxminən 10 faizdən artığı hələ ixtisas seçimini aparmayıb. İxtisas seçimi etmək hüququ qazanan 40 min abituriyentin indiyədək 35 576-ı abituriyent ixtisas seçimi ərizəsini təsdiq edib. Onların 30 950-i Azərbaycan, 4626-ı rus bölməsi üzrədir. İxtisas seçimi ərizələrini təsdiqlədən abituriyentlərin 10 787-i I, 11 445-i II, 9629-u III, 3715-I IV ixtisas qrupuna sənəd verib.
|
|
16.08.12 Məqaləni oxumaq
|
| |
|
|
|
Azərbaycanda magistraturaya boş qalan yerlərinə qəbul olanların qeydiyyatı başlayıb
|
|
Bu gündən etibarən Azərbaycanın ali təhsil müəssisələrinin magistratura mərhələsinə boş qalan plan yerlərinə qəbul olanların qeydiyyatına başlanılır. Bu barədə məlumatı “KƏLAMİNFO”ya Tələbə Qəbulu üzrə Dövlət Komissiyasının (TQDK) mətbuat xidmətindən veriblər.
Qəbul olunanlar avqustun 24-dək sənədlərini qəbul olduqları təhsil müəssisəsinə təqdim edərək qeydiyyatdan keçməlidirlər. Həmin müddətdə qeydiyyatdan keçməmək bakalavrın müvafiq ixtisasa yerləşdirilməsindən imtina etməsi kimi qiymətləndiriləcək və onun qəbul haqqında əmri ali təhsil müəssisəsinə göndərilməyəcək. Xatırladaq ki, magistraturanın boş qalan plan yerlərinə qəbul olmaq üçün 667 bakalavr müraciət edib. Müsabiqə nəticəsində onlardan 346 nəfər magistratura səviyyəsi üzrə təhsil almaq hüququ qazanıb.
|
|
15.08.12 Məqaləni oxumaq
|
| |
|
|
|
Azərbaycanda bu gündən etibarən rezidenturaya ərizə qəbulu başlayır
|
|
Bu gündən etibarən Azərbaycanda rezidenturaya ərizə qəbulu başlayır. Bu barədə məlumatı “KƏLAMİNFO”ya Tələbə Qəbulu üzrə Dövlət Komissiyasının (TQDK) mətbuat xidmətindən veriblər.
Ərizə qəbulu avqustun 24-dək davam edəcək və internet vasitəsilə aparılacaq. Namizəd şəxsiyyət vəsiqəsindən və “TQDK-nın virtual ödəmə kartın”dan istifadə etməklə TQDK-nın müvafiq internet səhifəsinə (tqdk.gov.az/erizerezidentura) daxil olmalı və oradakı “Namizədin elektron ərizəsi” formasını doldurulmalıdır. Namizəd virtual ödəmə kartını internet ödəmə və ya 7725 SMS xidmətindən istifadə etməklə əldə edə bilər. Bundan sonra namizəd tələb olunan sənədləri müvafiq Sənəd Qəbulu Komissiyasına (SQK) təqdim edib “Namizədin elektron ərizəsi” formasını təsdiq etdirilməlidir. Azərbaycanda baza ali tibb təhsili olan şəxslər rezidenturaya qəbul olunmaq hüququna malikdirlər. Qəbul imtahanı test üsulu ilə iki mərhələdə keçiriləcək. İmtahanın birinci mərhələsi sentyabrın 8-də, ikinci mərhələsi sentyabrın 9-da keçiriləcək. İmtahanda iştirak etmək üçün namizəd sentyabrın 5-dən 7-dək olan müddətdə öz elektron ərizəsinə daxil olaraq, imtahanın hər bir mərhələsi üçün ayrılıqda “Namizədin imtahana buraxılış vərəqəsi”ni çap edib götürülməlidir.
|
|
15.08.12 Məqaləni oxumaq
|
| |
|
|
|
Müəllimlərin işə qəbulu üzrə keçirilən ingilis dili imtahanının nəticələri məlum olub
|
|
Ümumi təhsil müəssisələri və peşə liseylərindəki vakant yerlərə müəllimlərin işə qəbulu üzrə keçirilən ingilis dili imtahanının nəticələri məlum olub. Təhsil Nazirliyindən “KƏLAMİNFO”ya verilən məlumata görə, imtahanın nəticələrinə görə, 235 nəfər ingilis dili müəllimi işə qəbul edilib.
Qeyd edilib ki, bu gündən ibtidai sinif müəllimlərinin imtahanına başlanılıb.
Avqustun 18-dək davam edəcək bu imtahanda 3764 nəfər namizəd 143 vakant yer üzrə mübarizə aparacaq.
|
|
13.08.12 Məqaləni oxumaq
|
| |
|
|
|
Orta ixtisas təhsili müəssisələrinə plan yerlərinin sayı açıqlanıb
|
|
Azərbaycanda 2012/2013-cü tədris ili üçün tam orta təhsil bazasından orta ixtisas təhsili müəssisələrinə qəbul üzrə plan yerlərinin sayı açıqlanıb. “KƏLAMİNFO” xəbər verir ki, bunu bu gün keçirdiyi mətbuat konfransında Tələbə Qəbulu üzrə Dövlət Komissiyasının (TQDK) sədri Məleykə Abbaszadə bildirib.
TQDK sədri deyib ki, bu il 11 illik təhsil bazasından 54 orta ixtisas təhsili müəssisəsinə 8727 plan yeri ayrılıb.
|
|
11.08.12 Məqaləni oxumaq
|
| |
|
|
|
TQDK sədri: İxtisas seçiminin nəticələri avqustun 17-18-də açıqlanacaq
|
|
2012-2013-cü tədris ili üçün Azərbaycanın ali təhsil müəssisələrinə qəbul olunan abituriyentlərin qeydiyyatı avqustun 20-də başlayacaq. “KƏLAMİNFO” xəbər verir ki, bunu Tələbə Qəbulu üzrə Dövlət Komissiyasının (TQDK) sədri Məleykə Abbaszadə bildirib. Onun sözlərinə görə, ixtisas seçiminin nəticələri avqustun 17-18-də açıqlanacaq.
TQDK sədri bildirib ki, bu il qəbul imtahanlarında 200 bal toplayan abituriyentlərin sayı keçən il 220 bal toplayanların sayına uyğun olub: “Bu, müsbət yox, mənfi fərqdir”.
Qeyd edək ki, qəbul imtahanlarının nəticələrinə əsasən, artıq 14162 nəfəri ixtisas seçimi ərizəsini təsdiq edib, onlardan 12313-ü Azərbaycan, 1849-u rus bölməsi üzrədir. Ərizəsini təsdiq etdirənlərdən 4968-i I, 3150-si II, 4646-sı III, 1398-i IV qrup üzrədir.
Abituriyentlərin ixtisas seçimi avqustun 7-də başlayıb, ayın 16-dək davam edəcək.
|
|
10.08.12 Məqaləni oxumaq
|
| |
|
|
|
Qəbələ Peşə Tədrisi Mərkəzində 136 məzuna diplom verilib
|
|
Qəbələ Turizm və Hotelçilik üzrə Peşə Tədrisi Mərkəzinin məzunlarına diplomların təqdim edilməsi mərasimi keçirilib. “KƏLAMİNFO” Mədəniyyət və Turizm Nazirliyinin elektron xəbər xidmətinə istinadən bildirir ki, tədbirdə Peşə Tədrisi Mərkəzinin üçillik fəaliyyətindən, ötən müddətdə əldə etdiyi nailiyyətlərdən, məzunların iş yerlərində qazandığı uğurlardan danışılıb. Bildirilib ki, müəssisənin əsas məqsədi turizm sektoru üçün peşəkar kadrların hazırlanmasıdır. Bu məqsədə nail olmaq üçün təhsil ocağı turizm obyektləri ilə sistemli şəkildə iş aparır, xarici dövlətlərin təcrübələri ilə yaxından maraqlanır. Çıxış edənlər Qəbələ Turizm və Hotelçilik üzrə Peşə Tədrisi Mərkəzinin ölkəmizdə turizm sektorunun inkişafına layiqli töhfə verdiyini və təhsil ocağını bitirən məzunların turizm rayonlarındakı hotellərdə və istirahət mərkəzlərində işlə təmin olunduqlarını bildiriblər.
Təhsil mərkəzinin barmen-bufetçi, ofisiant, aşpaz, qənnadçı, mehmanxana inzibatçısı, mühasib, fərdi kompyuter operatoru ixtisaslarına yiyələnən 136 məzununa diplomlar təqdim edilib.
|
|
10.08.12 Məqaləni oxumaq
|
| |
|
|
|
Xaricdə təhsil alan neçə məzun hansı dövlət orqanında işlə təmin edilib?
|
|
"2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində təhsil alan məzunların dövlət qulluğunda işlə təmini birbaşa həyata keçirilir. Xaricdə təhsil alan məzunlar Azərbaycan Prezidenti yanında Dövlət Qulluğu Məsələləri üzrə Komissiyanın dövlət qulluğuna qəbulla bağlı təşkil etdiyi müsabiqəyə qatılmırlar. Belə ki, Dövlət Proqramı çərçivəsində təhsil alan məzunlar DQMK-yə müraciət edir və onlar Komissiyanın ehtiyat kadr siyahısına daxil olur, sonra isə işlə təmin edilirlər. Bəs bu vaxta qədər neçə məzun Komissiyanın xətti ilə dövlət qulluğunda işlə təmin olunub? Ümumiyyətlə neçə məzun dövlət qurumlarında çalışmaq istəyi ilə Komissiyaya müraciət edib? “KƏLAMİNFO”nun DQMK-nin "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı”nın nəticələri üzrə” bölməsinə istinadən araşdırmasından məlum olub ki, bu vaxta qədər Komissiyaya 33 nəfər Dövlət Proqramı çərçivəsində xaricdə təhsil alan məzun müraciət edib. Onlardan 7-si müxtəlif dövlət qurumlarında işlə təmin edilib.
Məzunların 1-i Mərkəzi Bank, 1 nəfər Nazirlər Kabineti yanında İçərişəhər Dövlət Tarix-Memarlıq Qoruğu İdarəsi, 1-i Diasporla İş üzrə Dövlət Komitəsi, 1-i Vergilər Nazirliyi, 1-i Azərbaycan Prezidenti yanında Strateji Araşdırmalar Mərkəzi, 1-i Əmək və Əhalinin Sosial Müdafiəsi Nazirliyi¸ 1-i isə İqtisadi İnkişaf Nazirliyində işlə təmin edilib.
|
|
09.08.12 Məqaləni oxumaq
|
| |
|
|
|
Gəmiçiliyə aid bəzi ixtisaslarda dəyişiklik edilib
|
|
Nazirlər Kabineti “Ali təhsilin bakalavriat səviyyəsi ixtisaslarının (proqramlarının) Təsnifatı”nın təsdiq edilməsi haqqında”kı qərarında dəyişikliklər edib. Nazirlər Kabinetindən “KƏLAMİNFO”a verilən məlumata görə, Azərbaycan Dövlət Xəzər Dəniz Gəmiçiliyinin təklifi nəzərə alınaraq qəbul edilib.
Qərara əsasən, “Ali təhsilin bakalavriat səviyyəsi ixtisaslarının (proqramlarının) Təsnifatı”nın “6. Texniki və texnoloji ixtisaslar qrupu” bölməsində “Dəniz texnikası və texnologiyası mühəndisliyi” sözləri “Gəmiqayırma və gəmi təmiri mühəndisliyi sözləri ilə, “Dəniz texnikası və avadanlıqlarının istismarı mühəndisliyi” sözləri “Gəmi energetik qurğularının istismarı mühəndisliyi” sözləri ilə, “Gəmiçilik və gəmilərin hərəkətinin idarə edilməsi” sözləri “Dəniz naviqasiyası mühəndisliyi” sözləri ilə əvəz edilib.
|
|
08.08.12 Məqaləni oxumaq
|
| |
|
|
|
Səhifələr : # 13 14 15 16 17 18 19 20 21 # |
|
Torpaqlarımızı qaytaraq..
|
| |
|
|
|
Arxiv
|
| |
|
| Sen.2024 | | | . | . | . | . | . | . | . | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
