|
|
Səhifələr : # « 11 12 13 14 15 16 17 18 19 » #
|
|
Ali məktəblərə tələbə qəbulunda Bakı məktəbləri məzunlarının xüsusi çəkisi artıb
|
|
Ali məktəblərə tələbə qəbulunda hər il olduğu kimi, 2011/2012-ci tədris ilində də Bakı məktəbləri məzunlarının xüsusi çəkisi artıb. “KƏLAMİNFO” xəbər verir ki, bu fikirləri Bakı Şəhəri üzrə Təhsil İdarəsinin (BŞTİ) müdiri Nailə Rzaquliyeva paytaxtın təhsil işçilərinin sentyabr konfransındakı çıxışı zamanı deyib.
O bildirib ki, 2012-ci ildə Azərbaycanın ali təhsil müəssisələrinə keçirilən qəbul imtahanlarında 1 nəfər məzun maksimum - 700 bal toplayıb. Məzunların 17 min 858 nəfəri (attestat alanların 88,4%-i) ali məktəblərə sənəd verib və onlardan 9256 nəfəri, yəni imtahanlarda iştirak edənlərin 51,83%-i qəbul olunublar. Bu göstərici keçən illə müqayisədə 5, 2006-cı illə müqayisədə 17% artıb.
|
10.09.12 Məqaləni oxumaq
|
| |
|
|
|
Bu il Bakı məktəblərinin 1609 məzun attestat almayıb
|
|
2011-2012-ci dərs ilində paytaxtın ümumtəhsil məktəblərinin XI siniflərində 21916 şagird təhsil alıb, bunlardan illik qiymətlərinə görə 755 şagird imtahanlara buraxılmayıb. “KƏLAMİNFO” xəbər verir ki, bu fikirləri Bakı Şəhəri üzrə Təhsil İdarəsinin (BŞTİ) müdiri Nailə Rzaquliyeva deyib. Onun sözlərinə görə, 664 (3,14%) şagird isə imtahanlardan “qeyri-kafi” qiymət alıb. Ümumilikdə XI sinifdə dərs ilinin sonunda imtahanlara buraxılan 21161 şagirddən 1609 (7,60%) məzun imtahan və illik qiymətlərə görə attestat almayıb. Əvvəlki illərdən qalanlardan 1337 nəfər məzun imtahan vermək hüququ qazanıb, onlardan 1026 (76,74%) nəfəri imtahanlardan müvəffəq qiymətlər alaraq attestat alıblar.
|
|
10.09.12 Məqaləni oxumaq
|
| |
|
|
|
Azərbaycan Təhsil Şəbəkəsinə qoşulan məktəblərin sayı 1200-ə çatdırılıb
|
|
2011-2012-ci tədris ilində elektron təhsil texnologiyalarının tətbiqinin genişləndirilməsi və İKT infrastrukturunun inkişaf etdirilməsi istiqamətində həyata keçirilən tədbirlər çərçivəsində “Elektron məktəb” layihəsinə cəlb olunan təhsil müəssisələrinin sayı 40-a çatdırılıb. Təhsil Nazirliyindən “KƏLAMİNFO”ya verilən məlumata görə, “Bir şagird - bir kompyuter” layihəsi çərçivəsində 2000 nəfər şagirdə netbuk verilib.
Xüsusi qayğıya ehtiyacı olan uşaqlar üçün Distant Təhsil Mərkəzi yaradılıb və müəllim, şagird və valideynlərin təhsil prosesinə cəlb olunması üçün www.mesafedenmekteb.edu.az təhsil portalı istifadəyə verilib. Daha 500 təhsil müəssisəsi Azərbaycan Təhsil Şəbəkəsinə (İntranet və İnternet) qoşulub.
|
|
07.09.12 Məqaləni oxumaq
|
| |
|
|
|
TQDK-dan əlavə şans
|
|
Tələbə Qəbulu üzrə Dövlət Komissiyası (TQDK) tam orta təhsil bazasında orta ixtisas təhsili müəssisələrinə qəbul olanlar barədə elan verib. Bu barədə məlumatı “KƏLAMİNFO”ya TQDK-nın mətbuat xidmətindən veriblər.
Elanda bildirilir ki, tam orta orta təhsil bazasında orta ixtisas təhsili müəssisələrinə qəbul olanların qeydiyyat müddəti sentyabr ayının 7-si saat 17:00-dək uzadılıb. Göstərilən müddətədək qeydiyyatdan keçməmək abituriyentin müvafiq ixtisasa yerləşdirilməsindən imtina etməsi kimi qiymətləndiriləcək.
|
|
06.09.12 Məqaləni oxumaq
|
| |
|
|
|
BDU ilə Anadolu Universiteti arasında əlaqələr genişlənir
|
|
Bu gün Bakı Dövlət Universitetinin rektoru, akademik Abel Məhərrəmov Anadolu Universitetinin nümayəndə heyətini qəbul edib. BDU-nun mətbuat və informasiya şöbəsindən “KƏLAMİNFO”ya verilən məlumata görə, görüşdə Anadolu Universitetinin rektoru, professor Davut Aydın, rektor müavini professor Mustafa Cavcar, Aviasiya və Kosmos Elmləri dekanı, professor Mehmet Şerif Kavsaoğlu, Azərbaycan Türkiyə İş adamları Birliyi İdarə Heyətinin sədri Cemal Yanğın, Türkiyə səfirliyinin II katibi Bahar Doğan iştirak ediblər.
Akademik A.Məhərrəmov Türkiyə ilə Azərbaycan arasındakı dostluq, qardaşlıq əlaqələrindən, qloballaşan dünyada hər iki ölkənin birgə addımlamasından bəhs edib. Rektor həmçinin BDU-nun Türkiyənin bir çox universiteti ilə əlaqəsinin olduğunu, Ankara Universitetinin hüquqşünas hazırlığı ilə bağlı ikili diplom verəcəklərini qonaqların diqqətinə çatdırıb.
|
|
05.09.12 Məqaləni oxumaq
|
| |
|
|
|
Bakı Ali Neft Məktəbinə abituriyentlər yüksək maraq göstəriblər
|
|
ARDNŞ-in yeni yaradılan Bakı Ali Neft Məktəbinə (BANM) abituriyentlər yüksək maraq göstəriblər. Bunu keçirdiyi mətbuat konfransında Bakı Ali Neft Məktəbinin rektoru Elmar Qasımov deyib. O qeyd edib ki, respublika üzrə I qrupda test imtahanlarında 600-dən çox bal toplayan 234 abituriyentin 115-i BANM-ə qəbul olub. Ümumiyyətlə, ali məktəb üzrə elan edilən hər müsabiqə yerinə 13 abituriyent ərizə verib. Qəbul olanlardan 23-ü rus, 98-i Azərbaycan bölməsinin tələbələridir. Tələbələr içərisində 31 nəfəri qızlardır.
Onun sözlərinə görə, orta məktəbi medalla bitirən 138 nəfərdən 11-i bu məktəbin tələbəsi adına layiq görülüb. Dövlət sifarişi ilə “Neft-qaz mühəndisliyi” ixtisası üzrə elan edilən 45 yerin 44-ü , “Kimya mühəndisliyi” ixtisası üzrə 52 yerin hamısı BANM-nin tələbələridir. Ali məktəbə daxil olanların sırasında Bakı (78 nəfər), Sumqayıt (8 nəfər), Naxçıvan (6 nəfər) şəhərlərinin və bir çox rayonların (Şirvan-4, Ağdaş-3, Quba-2) məktəb və liseylərinin məzunları olub.
|
|
04.09.12 Məqaləni oxumaq
|
| |
|
|
|
TQDK bir qrup tələbəyə əlavə vaxt verdi
|
|
Tələbə Qəbulu üzrə Dövlət Komissiyası (TQDK) ali məktəbə qəbul olan bir qrup tələbəyə qeydiyyatdan keçmək üçün əlavə vaxt verib. Bu barədə məlumatı “KƏLAMİNFO”ya TQDK-nın mətbuat xidmətindən veriblər.
Qeydiyyatdan keçməyən bütün abituriyenlərə möhtlət verilməyəcək. Yalnız üzrlü səbəbdən daxil olduqları universitetlərdə qeydiyyatdan keçməyən abituriyentlər sentyabrın 5-dək qeydiyyatdan keçə bilərlər.
Cari tədris ili üçün ali məktəblərə I mərhələdə qəbul olmuş abituriyentlərin 96,6 faizi qeydiyyatdan keçib.
|
|
04.09.12 Məqaləni oxumaq
|
| |
|
|
|
Bu il ali təhsili bitirən vətəndaşlar da dövlət qulluğuna qəbulda iştirak edəcək
|
|
Dövlət qulluğuna qəbula dair 2012-ci il 7, 14, 17 avqust tarixlərdə elan edilən müsabiqələrlə bağlı daxil olan çoxsaylı müraciətlər nəzərə alınaraq Azərbaycan Prezidenti yanında Dövlət Qulluğu Məsələləri üzrə Komissiya tərəfindən 2012-ci ildə ali təhsil müəssisələrini bitirib hazırda diplom əldə etməyən vətəndaşların müsabiqədə iştirakının təmin edilməsi barədə qərar qəbul edilib. “KƏLAMİNFO” DQMK-yə istinadən xəbər verir ki, bununla bağlı olaraq Komissiyanın internet saytının “onlayn müraciət forması” bölməsindən istifadə edilərək elektron müraciət forması doldurularkən “ali təhsil” bölməsinin “2012-ci ilin məzunuyam” hissəsi aktiv edilməli və "Yadda saxla" düyməsi tıklanmalıdır ("Göndər" düyməsini tıklamaq lazım deyil!). Kağız daşıyıcılar vasitəsilə müraciət edən vətəndaşlar isə müraciət formasının ali təhsil ilə bağlı diplom məlumatlarına aid olan bölməsini boş saxlamalıdırlar.
|
|
04.09.12 Məqaləni oxumaq
|
| |
|
|
|
Bakı Ali Neft Məktəbi loqotipinin hazırlanması üzrə müsabiqə elan edir
|
|
Dövlət Neft Şirkətinin Bakı Ali Neft Məktəbi (BANM) öz loqotipinin hazırlanması üzrə müsabiqə elan edir. ARDNŞ-dən “KƏLAMİNFO”ya verilən məlumata görə, hazırlanacaq loqotipdə BANM-in Azərbaycan ali təhsil sisteminə yenilik gətirməsi, ölkənin zəngin neft sənayesi təcrübəsinə əsaslanan və müasir dünya standartlarına cavab verəcək şəffaf və yüksək keyfiyyətli təhsil vermək niyyətləri öz əksini tapmalıdır. Loqotiplə bərabər, həm ali məktəbin internet saytının, digər tanıtım materiallarının, həm də rəsmi sənədlərinin dizaynında istifadə ediləcək və yuxarıda qeyd edilən şərtlərə əsaslanan rəsmi rənglərin də versiyaları təqdim edilməlidir.
|
|
03.09.12 Məqaləni oxumaq
|
| |
|
|
|
BDU-nun bir qrup alimi Finlandiyada keçirilən beynəlxalq seminarda iştirak edir
|
|
Bu günlərdə Finlandiyanın Oulu şəhərində Avropa Birliyinin 7-ci Çərçivə Proqramı üzrə NAPEP layihəsinin (EU FP7-INCO-2010-6 project “Elektronika və fotonika üçün nanotexnologiya platformaları”) iştirakçılarının növbəti seminarına başlanılıb. Seminarda Bakı Dövlət Universitetinin əməkdaşları-layihə rəhbəri Mustafa Muradov, prof. İradə Əliyeva, prof. Sofya Fiqarova, prof. Rəna Qasımova, dos.Hüseyn Məmmədov və aparıcı elmi işçi Qönçə Eyvazova iştirak edirlər. Məlumatı “KƏLAMİNFO”ya BDU-nun mətbuat və informasiya şöbəsindən veriblər. Finlandiyanın Oulu, Macarıstanın Szeged və ABŞ-ın Rice Universitetinin professor-müəllim heyəti və doktorantlarının iştirakı ilə keçirilən seminarda metal nanohissəciklərin, karbon nano-boruların elektrik xassələrinə, nanomaterialların dizayn və istifadəsinə və digər aktual problemlərə həsr olunan mühazirələr dinləniləcək.
Seminar bu gün başa çatır.
|
|
03.09.12 Məqaləni oxumaq
|
| |
|
|
|
Səhifələr : # « 11 12 13 14 15 16 17 18 19 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
