|
Səhifələr : # « 8 9 10 11 12 13 14 15 16 » #
Xaricdə təhsil almış gənclər üçün əmək yarmarkası keçiriləcək
|
Azərbaycan Respublikası Prezidentinin 2011-ci il 7 iyul tarixli Sərəncamı ilə təsdiq olunmuş “Azərbaycan gəncliyi 2011-2015-ci illərdə Dövlət Proqramı”na uyğun olaraq, İqtisadi İnkişaf Nazirliyinin təşkilatçılığı ilə xaricdə təhsil almış gənclər üçün Bakı Biznes Mərkəzində əmək yarmarkası keçiriləcəkdir. Nazirlikdən “KƏLAMİNFO”ya verilən məlumata görə, oktyabrın 20-də baş tutacaq tədbirdə iqtisadiyyatın müxtəlif sahələrində (neft-qaz, enerji, sənaye, kənd təsərrüfatı, tikinti, nəqliyyat, rabitə, informasiya texnologiyaları, bank-maliyyə, turizm və s.) fəaliyyət göstərən 50-yə yaxın nüfuzlu yerli və xarici şirkətlərin nümayəndələrinin iştirakı nəzərdə tutulur.
Yarmarkaya yerli və xarici şirkətlər tərəfindən vakant iş yerləri çıxarılacaq, bu sahədə müvafiq meyar və tələblər haqqında gənclərə ətraflı məlumat veriləcək, maraq göstərən məzunların müraciətləri qəbul ediləcək.
|
16.10.12 Məqaləni oxumaq
|
|
|
AMEA-nın institutlarında Qızıl Aypara Cəmiyyətinin şöbələri yaradılacaq
|
Azərbaycan Milli Elmlər Akademiyasının institutlarında Qızıl Aypara Cəmiyyətinin şöbələri yaradılacaq. Bu barədə məlumatı “KƏLAMİNFO”ya müsahibəsində AMEA Gənclərin İntellektual İnkişaf Mərkəzinin direktoru İlqar Orucov deyib.
Onun sözlərinə görə, şöbələr AMEA-nın birinci vitse-prezidenti Arif Həşimovun tapşırığına əsasən yaradılacaq: “Bizə də müraciət olunub ki, akademiyanın gənc alimlər şuralarının sədrləri fəaliyyət göstərdikləri müəssisələrdə Qızıl Aypara Cəmiyyətlərinin işini həyata keçirsinlər və həmin şöbələrə də rəhbərlik etsinlər. Əgər şura sədrlərinin işi çox olarsa, institutlarda cəmiyyətin şöbələrinin işini müavinlər apara bilərlər”.
Gənc alimləri bu işin reallaşmasına dəstək olmağa çağıran İ.Orucov deyib ki, yaxın günlərdə cəmiyyətin AMEA institutlarında yaradılması ilə bağlı toplantı keçirəcəklər. Həmin toplantıda bu məsələlər ətraflı müzakirə ediləcək: “Hesab edirəm ki, bu təşkilatın fəaliyyətini irəli aparmaq hər birimizin borcudur”.
|
16.10.12 Məqaləni oxumaq
|
|
|
Medal və fəxri ada layiq görülən təhsil işçilərinə mükafatlar təqdim olunub
|
Təhsil Nazirliyində prezident İlham Əliyevin sərəncamları ilə Beynəlxalq Müəllim günü ərəfəsində medal və fəxri ada layiq görülən təhsil işçilərinə mükafatların təqdim olunması mərasimi keçirilib. Məlumatı “KƏLAMİNFO”ya Təhsil Nazirliyindən veriblər.
Tədbirdə təhsil naziri Misir Mərdanov hər il olduğu kimi bu il də bir qrup təhsil işçisinin peşə bayramları ərəfəsində “Tərəqqi” medalı və “Əməkdar müəllim” fəxri adı ilə təltif edildiyini bildirib. Misir Mərdanov təhsil sahəsində əldə olunan uğurlara toxunaraq ölkə başçısı İlham Əliyev tərəfindən Azərbaycan təhsilinin, elminin inkişafına, müəllimlərə göstərilən diqqət və qayğıdan söz açıb. Son illərdə fəxri ad və medallara layiq görülənlərlə bağlı statistik rəqəmləri nəzərə çatdıran təhsil naziri bütün bunlara görə təhsil işçiləri adından ölkə başçısına minnətdarlığını bildirib. Nazir qeyd edib ki, ölkə başçısının sərəncamları ilə Beynəlxalq Müəllim günü ərəfəsində Azərbaycan təhsilinin inkişafında xidmətlərinə görə 58 nəfər təhsil işçisi “Tərəqqi” medalı ilə təltif olunub, 65 nəfərə “Əməkdar müəllim” fəxri adı verilib.
|
15.10.12 Məqaləni oxumaq
|
|
|
AMEA sistemi üzrə doktoranturaya qəbul imtahanları başlayıb
|
Bu gündən etibarən 2012-2013-cü tədris ili üçün Azərbaycan Milli Elmlər Akademiyasının (AMEA) elmi təşkilat və müəssisələrində fəlsəfə doktoru hazırlığı üzrə ixtisas fənnindən doktoranturaya qəbul imtahanları başlayıb. AMEA-dan “KƏLAMİNFO”ya verilən məlumata görə, doktoranturaya ixtisas fənlərindən qəbul imtahanları oktyabrın 15-16-17-də (Fəlsəfə, Sosiologiya və Hüquq İnstitutu üzrə oktyabrın 18-də) keçiriləcək.
Fəlsəfə fənnindən imtahanların oktyabrın 22-dən 31-dək keçirilməsi nəzərdə tutulub. Xarici dil fənnindən imtahanlar isə 1-14 noyabr tarixlərində keçiriləcək.
Qeyd edək ki, fəlsəfə doktoru proqramı üzrə doktoranturanın 288 plan yerinə 354 nəfər sənəd verib.
|
15.10.12 Məqaləni oxumaq
|
|
|
Təhsil Nazirliyinə məktəblərlə bağlı daxil olan rayon və şəhərlərin adı açıqlanıb
|
Təhsil Nazirliyinin “Qaynar xətt” xidmətinə (telefon: 146; faks: 496-37-61; elektron poçt ünvanı: qaynar-xett@edu.gov.az) 2012-ci ilin sentyabr ayında 1441 müraciət daxil olub. Müraciətlərdən 1308-i telefonla, 133-ü isə elektron poçtla qəbul edilib.
Müraciətlərin əksəriyyəti yeni dərs ilinin başlanması ilə əlaqədar sorğu xarakterlidir. Digər sorğular tələbələrin ali və orta ixtisas məktəblərinə köçürülməsi, bərpası, təhsil haqqının ödənilməsi, bakalavr və magistr pillələrində ixtisaslaşma, təhsil sənədlərinin tanınması barədədir. Ötən ay daxil olan 69 şikayət məzmunlu müraciətin təhlili göstərir ki, onların əksəriyyəti yenə də ümumi təhsil məktəbləri ilə əlaqədardır. Belə ki, ümumi təhsil məktəbləri üzrə Bakı şəhərindən 29, digər şəhərlərdən 7 (Sumqayıtdan 3, Gəncədən 2, Mingəçevir və Şirvan şəhərlərinin hər birindən 1), Astara və Ağstafa rayonlarının hər birindən 3, Gədəbəy, Sabirabad, Samux, Qəbələ rayonlarının hər birindən 2, Abşeron, Lənkəran, Masallı, Şəki, Şəmkir, Cəlilabad, Biləsuvar, Hacıqabul, Kürdəmir, Balakən, Goranboy, Neftçala, Beyləqan, Laçın, Oğuz rayonlarının hər birindən 1 şikayət məzmunlu müraciət daxil olub.
|
12.10.12 Məqaləni oxumaq
|
|
|
Orta məktəblərin atlaslarında dəyişikliklər aparılacaq
|
“Gələn ildən etibarən orta məktəblərin atlaslarında dəyişikliklər aparılacaq. Həmçinin əvvəlkilərdən fərqli olaraq kontur xəritələr də atlasların içərisinə yerləşdiriləcək. Artıq bu işlərin hazırlığına başlanılıb”. Bu barədə “KƏLAMİNFO”ya müsahibəsində Dövlət Torpaq Xəritəçəkmə Komitəsi Bakı Kartoqrafiya Fabrikinin direktoru Müqabil Bayramov məlumat verib. M.Bayramov deyib ki, yeniliklər 6, 7, 8, 9 və 10-cu siniflərin atlaslarında olacaq. Onun sözlərinə görə, artıq 10-cu siniflər üçün yeni atlasın hazırlanması işinə başlanılıb. M.Bayramov deyib ki, 10-cu siniflərin atlası növbəti tədris ilinə hazır olacaq. Bütün atlaslar orta məktəblərin proqramlarına uyğun hazırlanacaq.
|
11.10.12 Məqaləni oxumaq
|
|
|
Orta məktəblərin atlasları saxtalaşdırılır
|
“Dövlət Torpaq Xəritəçəkmə Komitəsi Bakı Kartoqrafiya Fabriki tərəfindən Azərbaycanın orta məktəbləri üçün hazırlanan atlaslar və kontur xəritələr bəzi işbazlar tərəfindən saxtalaşdırılır”. Bu fikri “KƏLAMİNFO”ya müsahibəsində Bakı Kartoqrafiya Fabrikinin direktoru Müqabil Bayramov söyləyib.
|
11.10.12 Məqaləni oxumaq
|
|
|
Məleykə Abbaszadə İngiltərəyə gedib
|
Tələbə Qəbulu üzrə Dövlət Komissiyasının sədri Məleykə Abbaszadə İngiltərəyə gedib. Bu barədə məlumatı “KƏLAMİNFO”ya TQDK-nın mətbuat xidmətindən veriblər.
O, oktyabrın 10-dan 13-dək İngiltərədə “Examining RISK” mövzusunda keçiriləcək beynəlxalq konfransda iştirak edəcək. Konfransın təşkilatçısı təhsilin qiymətləndirilməsi ilə məşğul olan Avropanın ən böyük təşkilatı – “Cambridge Assesment”dir. Bu təşkilat 150 ildən artıqdır ki, fəaliyyət göstərir və qiymətləndirmə sahəsi üzrə zəngin təcrübəyə malikdir.
Müzakirə olunan məsələlərin əhəmiyyəti nəzərə alınaraq, konfransda yalnız Cambridge Assessment Network (Kembric Qiymətləndirmə Şəbəkəsi) qrupuna daxil olan yerli və beynəlxalq ekspertlər dəvət olunublar. “Examining RISK” mövzusunda keçiriləcək konfransda imtahanların məzmunu və təşkilati işlərlə bağlı meydana çıxa biləcək müxtəlif növ risklərin qarşısının öncədən alınması üçün zəruri olan tədbirlərə dair məruzələr dinləniləcək və bu istiqamətdə geniş müzakirələr aparılacaq.
|
11.10.12 Məqaləni oxumaq
|
|
|
Füzulidə müəllimlərə 20 manata elektron poçt açılması xəbəri təkzib olundu
|
Füzuli Rayon Təhsil Şöbəsi bəzi mətbuat vasitələrində qurumla bağlı gedən yazılara münasibət bildirib. Qurumdan “KƏLAMİNFO”ya verilən məlumatda bəzi KİV-də müəllimlərə 20 manata elektron poçt açılması xəbəri təkzib olunur.
Füzuli Rayon Təhsil Şöbəsi bildirir ki, elektron poçtun açılması hər bir şəxsin özünə aid olan məsələdir: “Bunun Təhsil Şöbəsinə nə dərəcədə aidiyyəti olduğu başadüşüləcək deyil. Həmçinin yazıda göstərilən Füzuli rayon müəllimlərinin sayı şişirdilmiş şəkildədir. Belə məlum olur ki, bu yazılanlar ağ yalandır, böhtandan başqa bir şey deyil. Bu cür böhtan xarakterli yazılar son dövrlərdə Füzuli Rayon Təhsil Şöbəsinin əldə etdiyi uğurlara kölgə sala bilməz”.
|
10.10.12 Məqaləni oxumaq
|
|
|
Koreya universitetlərində 70 nəfərdən artıq azərbaycanlı təhsil alır
|
Təhsil naziri Misir Mərdanov Koreyanın ölkəmizdəki səfiri Çoi Suk-İn ilə görüşüb. Məlumatı “KƏLAMİNFO”ya Təhsil Nazirliyindən veriblər. Görüşdə Misir Mərdanov təhsil sahəsində Azərbaycanla Koreya arasında son illər genişlənməkdə olan əlaqələrdən söz açıb.
Təhsilin müxtəlif istiqamətləri üzrə əməkdaşlığın əhəmiyyətinə toxunan nazir iki ölkə arasında tələbə mübadiləsinin ilbəil artdığını, hazırda 70 nəfərdən artıq azərbaycanlı gəncin Koreya universitetlərində təhsil aldığını diqqətə çatdırıb. M.Mərdanov ölkəmizin 5 ali məktəbində koreyaşünaslıq üzrə tədris aparıldığını bildirib.
|
10.10.12 Məqaləni oxumaq
|
|
|
|
Səhifələr : # « 8 9 10 11 12 13 14 15 16 » #
|
Torpaqlarımızı qaytaraq..
|
|
|
Arxiv
|
|
«
| Sen.2024 | | Ďí. | Âň. | Ńđ. | ×ň. | Ďň. | Ńá. | Âń. | | | | | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | |
|
|