|
|
Səhifələr : # « 94 95 96 97 98 99 100 101 102 » #
|
|
II Qaregin: Regionun dini liderlərinin görüşü gözlənilir
|
|
MDB ölkələrinin Dinlərarası Şurası Rəyasət Heyətinin iclası 29-30 noyabr tarixlərində Ermənistanda keçiriləcək. «KƏLAMİNFO»nun «Novosti-Armeniya»ya istinadən yaydığı məlumata görə, bu barədə bütün ermənilərin katalikosu II Qaregin məlumat verib. Qaregin, həmçinin bildirib ki, iclasda Moskva və Bütün Rusiyanın patriarxı Kirill və Qafqaz Müsəlmanları İdarəsinin sədri Hacı Allahşükür Paşazadə də iştirak edəcək. O bildirib ki, həmin günlər regionun dini liderlərinin Moskva və Bütün Rusiyanın patriarxının vasitəçiliyi ilə görüşü gözlənilir.
|
05.11.11 Məqaləni oxumaq
|
| |
|
|
|
Prezident Azərbaycan xalqını təbrik edib
|
|
Prezident İlham Əliyev Qurban bayramı münasibətilə Azərbaycan xalqını təbrik edib. “KƏLAMİNFO” xəbər verir ki, təbrikdə deyilir: “Hörmətli həmvətənlər! Müqəddəs Qurban bayramı münasibətilə sizi və dünyanın müxtəlif guşələrində yaşayan bütün soydaşlarımızı ürəkdən təbrik edir, hər birinizə ən səmimi arzu və diləklərimi yetirirəm. İslamın bir din kimi tamamlanmasını və hidayət yolu olaraq bəşəriyyətə göndərilməsini özündə ehtiva edən Qurban mərasimləri müsəlmanlara xeyirxah amallar uğrunda hər cür fədakarlığa hazır olmanın və Uca Yaradana yaxınlığın fərəhini yaşatmaqla, insanları sülhə, əmin-amanlığa və qardaşlıq yoluna dəvət edir. Azərbaycan xalqının mənəvi-əxlaqi dəyərlər sistemində Qurban bayramının xüsusi yeri var. Xalqımız yüz illərdir ki, Allah və din yolunda mənəvi borcunu böyük təntənə ilə yerinə yetirir. Bu günlər ölkəmizin hər yerində Allahın adına qurbanlar kəsilir, dövlətimizin firavanlığı və tərəqqisi üçün dualar edilir, şəhidlərimizin ölməz xatirəsi ehtiramla yad olunur.
|
|
05.11.11 Məqaləni oxumaq
|
| |
|
|
|
“Allahşükür Paşazadə İrəvana səfəri ilə bağlı hələ qərar verməyib”
|
|
“Qafqaz Müsəlmanları İdarəsinin (QMİ) sədri Hacı Allahşükür Paşazadə MDB Dinlərarası Şurası Rəyasət Heyətinin İrəvanda keçiriləcək iclasında iştirakı ilə bağlı hələ qərar verməyib. Mətbuatda Şeyxin Ermənistana səfərə hazırlaşması ilə bağlı məlumatlar əsassızdır”. Bu barədə məlumatı “KƏLAMİNFO”ya QMİ-nin mətbuat katibi Rəhimə Dadaşova verib.
O, qeyd edib ki, Ermənistanda keçiriləcək bu tədbirlə bağlı erməni katalikosu II Qaregin tərəfindən Şeyxə dəvət gəlib, lakin QMİ sədri hələlik səfərlə bağlı qərar verməyib. “Ermənistan mətbuatı artıq Şeyxin səfər edəcəyi ilə xəbərlər verirlər, bizim bəzi KİV-lər də ora istinad edib bunu yaydılar. Amma ola bilsin ki, heç Şeyx bu səfəri etməsin. O, hələ bu barədə qərar verməyib”,-deyə R.Dadaşova əlavə edib.
Qeyd edək ki, İrəvandakı tədbir noyabrın 29-30-da baş tutacaq. Tədbirdə habelə Moskva və Bütün Rusiyanın patriarxı Kirill də iştirak edəcək.
|
|
04.11.11 Məqaləni oxumaq
|
| |
|
|
|
Vitse-spiker: Dağlıq Qarabağ münaqişəsinin həllində nüfuzlu din xadimlərinin imkanlarından istifadə etməliyik
|
|
“Dağlıq Qarabağ münaqişəsinin həllində bu gün istənilən nüfuz sahiblərinin imkanlarından istifadə etməliyik, o cümlədən də nüfuzlu din xadimlərinin”. “KƏLAMİNFO” xəbər verir ki, bu barədə jurnalistlərə açıqlamasında Milli Məclisin vitse-spikeri Bahar Muradova bildirib.
O qeyd edib ki, əgər məqsədimiz münaqişəni dinc yolla həll etməkdirsə, o zaman biz bu imkanlardan da yararlanmalıyıq. “Bu gün danılmaz faktdır ki, Qafqazın Şeyxi Hacı Allahşükür Paşazadə və digər dini xadimlər bir çox siyasətçilər kimi ciddi nüfuza malikdirlər. Ona görə də biz regionda ciddi münaqişə ocağı olan Qarabağ probleminin həllində bu nüfuzlardan istifadə etməliyik” - deyə B.Muradova vurğulayıb.
O, noyabrın sonunda MDB Dinlərarası Şurası Rəyasət Heyətinin İrəvanda iclasının keçiriləcəyini bildirib. İclasa Rusiya və Qafqaz ölkələrinin dini liderləri ilə yanaşı, Qafqaz Müsəlmanlar İdarəsinin sədri Allahşükür Paşazadə də dəvət olunub. İclasda həmsədr ölkələrin nümayəndələrinin də iştirakı gözlənilir.
|
|
04.11.11 Məqaləni oxumaq
|
| |
|
|
|
Bahar Muradova: “İctimai Palatanın müraciəti etikadan kənardır”
|
|
“Azərbaycan dövlətinin başçısı İlham Əliyevin 2013-cü ilin prezident seçkilərində iştirak etmək məsələsi onun öz hüququdur. İctimai Palata adlı bir təşkilatın prezident İlham Əliyevə seçkilərdə növbəti dəfə namizədliyinin irəli sürməməsi ilə bağlı ünvanladığı müraciət ən azı etikadan kənardır”. “KƏLAMİNFO” xəbər verir ki, bu barədə jurnalistlərə açıqlamasında Milli Məclisin vitse-spikeri Bahar Muradova bildirib. O qeyd edib ki, ölkənin hazırkı başçısı bu hüquqdan yararlanacaq və yaxud yararlanmayacaq, buna artıq o özü qərar verə bilər. “Prezident İlham Əliyevin rəhbərlik etdiyi partiyanın da, əhalinin ən müxtəlif qruplarının da istənilən şəxsin namizədliyini irəli sürməsi hüququ qanunla təsbit olunub. Ona görə bu hüquqdan Azərbaycan xalqı, YAP da istifadə edərək öz qərarını verəcək” - deyə B.Muradova vurğulayıb.
Vitse-spiker bəzi müxalif qruplardan verilən bu cür bəyanatların hansısa qərarların qəbuluna təsir edəcəyini düşünmədiyini vurğulayıb.
|
|
04.11.11 Məqaləni oxumaq
|
| |
|
|
|
|
|
Həmsədrlər Vyanada ATƏT-in Daimi Şurasında göstərdikləri fəaliyyətə dair illik hesabatla çıxış ediblər
|
|
ATƏT-in Minsk Qrupunun həmsədrləri İqor Popov (Rusiya), Bernard Fasye (Fransa), Robert Bradtke (ABŞ) və ATƏT-in fəaliyyətdə olan sədrinin şəxsi nümayəndəsi Anji Kasprşik Vyanada ATƏT-in Daimi Şurasında göstərdikləri fəaliyyətə dair illik hesabatla çıxış ediblər. “KƏLAMİNFO” xəbər verir ki, həmsədrlər hesabatda qeyd ediblər ki, Dağlıq Qarabağ münaqişəsinin davamlı və sülh yolu ilə həlli üzrə səylər kontekstində həmsədrlər hesabat dövrünə aid ötən il ərzində səkkiz dəfə regionda olmuş, Azərbaycan prezidenti İlham Əliyev və Ermənistan prezidenti Serj Sarkisyanla müxtəlif yerlərdə on dörd dəfə ayrı-ayrılıqda görüşlər keçirib, işğal olunmuş Azərbaycan ərazilərində faktaraşdırıcı missiya tərkibində səfər ediblər. Həmsədrlər həmçinin son 14 ay ərzində qoşunların təmas xəttini dörd dəfə piyada keçməklə, təmas xəttinin region xalqları arasında daimi baryer olmadığını və tərəflər istədiyi təqdirdə atəşkəs rejiminə riayət olunması üçün hərbi koordinasiyanın mümkünlüyünü nümayiş etdiriblər.
|
|
04.11.11 Məqaləni oxumaq
|
| |
|
|
|
Leyla Əliyeva Azərbaycan incəsənətinin ABŞ-da daha yaxşı tanıdılması ilə bağlı müzakirələr aparıb
|
|
Heydər Əliyev Fondunun vitse-prezidenti, Ətraf Mühitin Mühafizəsi üzrə Beynəlxalq Dialoq Təşəbbüsünün – İDEA-nın (International Dialogue for Environmental Action) təsisçisi Leyla xanım Əliyeva ABŞ-ın “Uşaqların Xərçəng və Qan Fondu”nun (CCBF) dəvəti ilə Nyu-Yorkda səfərdədir. “KƏLAMİNFO” xəbər verir ki, noyabrın 2-də Leyla Əliyeva Amerikanın nüfuzlu “İnterview” jurnalının redaksiyasında olub. 1969-cu ildə tanınmış amerikalı rəssam və film prodüseri Endi Vorhol tərəfindən təsis edilən “İnterview” jurnalı ənənəvi olaraq dünya şöhrətli incəsənət adamları, musiqiçilər, aktyorlar, modelyerlərlə müsahibələrə yer verir və cəmiyyətdə yeni və qeyri-adi düşüncə tərzinin yaranmasını istiqamətləndirir.
|
|
04.11.11 Məqaləni oxumaq
|
| |
|
|
|
Səfər Əbiyev səfir Piter Beytmeni qəbul edib
|
|
Bu gün müdafiə naziri, general-polkovnik Səfər Əbiyev Böyük Britaniya və Şimali İrlandiya Birləşmiş Krallığının Azərbaycana yeni təyin edilmiş fövqəladə və səlahiyyətli səfiri Piter Beytmeni qəbul edib. Müdafiə Nazirliyinin mətbuat xidmətindən “KƏLAMİNFO”ya verilən məlumata görə, S. Əbiyev yeni təyinatı ilə bağlı səfiri təbrik edərək ona uğurlar arzulayıb.
Görüşdə iki ölkə arasında hərbi əlaqələrin mövcud durumu, regionda hərbi-siyasi vəziyyət, Ermənistan-Azərbaycan Dağlıq Qarabağ münaqişəsi ətrafında fikir mübadiləsi aparılıb.
|
|
03.11.11 Məqaləni oxumaq
|
| |
|
|
|
Əli Əhmədov: “Nə qədər ki, torpaqların itirilməsi xalqın yaddaşındadır, xalqımızın torpaqlarını tələb etməyə haqqı var”
|
|
“Nə qədər ki, torpaqların itirilməsi xalqın mili yaddaşındadır, o qədər də xalqın torpaqlarını tələb etməyə haqqı var”. “KƏLAMİNFO” xəbər verir ki, bu fikirləri Yeni Azərbaycan Partiyasının (YAP) sədr müavini Əli Əhmədov “Azərbaycan xalçaları: İrəvan qrupu” kitabının təqdimat mərasimində çıxışı zamanı deyib.
Ə.Əhmədov bildirib ki, son 120 il ərzində Azərbaycan ərazisi işğala məruz qalıb. “Ancaq bu tarix yaddaşımızdan silinməyib. Milli yaddaşda bu tarix yaşayır və nə qədər ki, yaşayacaq o torpaqları tələb etmək bu xalqın haqqıdır”-deyə Ə.Əhmədov vurğulayıb.
|
|
03.11.11 Məqaləni oxumaq
|
| |
|
|
|
Səhifələr : # « 94 95 96 97 98 99 100 101 102 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
