|
|
Səhifələr : # « 83 84 85 86 87 88 89 90 91 » #
|
|
Əli Hüseynov: Azərbaycanda miqrasiya siyasətini həyata keçirmək üçün mükəmməl qanunvericilik bazası var
|
|
Azərbaycanda miqrasiya siyasətini həyata keçirmək üçün mükəmməl qanunvericilik bazası var. “KƏLAMİNFO”nun məlumatına görə, bunu Milli Məclisin Hüquq siyasəti və dövlət quruculuğu komitəsinin sədri Əli Hüseynov deyib. Onun sözlərinə görə, bu gün Azərbaycanın miqrasiya sahəsi üzrə qanunvericiliyi MDB və Şərqi Asiya ölkələri ilə müqayisədə daha çox inkişaf edib.
Millət vəkilinin fikrincə, Azərbaycanın Dövlət Miqrasiya Xidməti korrupsiyadan kənar bir qurumdur. “Bu gün bir çox yeni sahələrdə xoşagəlməz hallar müşahidə edilir. Mən fəxr edirəm ki, DMX korrupsiyadan kənar qurumdur. Bu tempi qoruyub saxlaya bilərsiniz. Əmin ola bilərsiniz ki, sizin MM ilə əməkdaşlığınız həmişə sağlam olacaq” – deyə Ə.Hüseynov qeyd edib.
|
16.12.11 Məqaləni oxumaq
|
| |
|
|
|
Mahmud Məmmədquliyev Moskvada QİƏT XİNŞ-nin iclasında iştirak edəcək
|
|
Bu gün Moskvada Qara dəniz İqtisadi Əməkdaşlıq Təşkilatının (QİƏT) Xarici İşlər Nazirləri Şurasının (XİNŞ) iclası öz işinə başlayır. İclasda Azərbaycanı xarici işlər nazirinin müavini Mahmud Məmmədquliyev təmsil edir. Bu barədə məlumatı “KƏLAMİNFO”ya XİN-in mətbuat xidmətindən veriblər.
QİƏT XİNŞ-nin 25-ci iclası çərçivəsində kənd təsərrüfatı, nəqliyyat və fövqəladə hallar nazirlərinin görüşlərinin nəticələri daxil olmaqla, Rusiyanın bu təşkilata sədrliyinin (2011-ci il iyun-dekabr) yekunları müzakirə olunacaq.
Bundan əlavə, xarici işlər nazirləri təşkilatın effektivliyinin yüksəldilməsi yolları, gələcəkdə regional əməkdaşlığın möhkəmləndirilməsi, Qara dəniz ətrafı dövlətlərin qarşılıqlı əlaqələrinin daha tələbli layihələrinin inkişafı üzrə üzv ölkələrin fəaliyyətinin aktivləşməsi barədə də fikir mübadiləsi aparacaqlar.
|
|
16.12.11 Məqaləni oxumaq
|
| |
|
|
|
Deputat Elxan Süleymanov Parisdə səfərdədir
|
|
Milli Məclisin deputatı Elxan Süleymanov Avropa Şurası Parlament Assambleyasının Hüquqi işlər və insan haqları komitəsinin iclasında iştirak etmək üçün Parisdə səfərdədir.Parlamentdən “KƏLAMİNFO”ya verilən məlumata görə, tədbirdə Avropa İnsan haqları məhkəməsinə hakimlərin seçilməsi prosedurunun təkmilləşdirilməsi, məhkəmələrdə ailə-məişət məsələlərinin həlli zamanı insan haqlarının təmin edilməsi ilə bağlı müzakirələr keçiriləcək.
Parisdəki tədbirdən sonra Elxan Süleymanov Berlinə yola düşəcək. Deputatımız burada Almaniya Bundestaqının üzvləri ilə görüşəcək, parlamentlərarası əlaqələrin inkişafı, qanunvericilik sahəsində təcrübə mübadiləsi barədə söhbətlər aparacaq.
Səfər dekabrın 20-də başa çatacaq.
|
|
16.12.11 Məqaləni oxumaq
|
| |
|
|
|
Filip Qordon: “Həmsədrlər münaqişənin həllinin sülh yolu ilə tapılması üçün sıx əməkdaşlıq edirlər”
|
|
«ABŞ və Rusiya arasında qlobal çağırışlara hərtərəfli cavabların inkişafında effektiv əməkdaşlıq var». «KƏLAMİNFO» «ArmTodey»ə istinadən xəbər verir ki, bunu ABŞ dövlət katibinin köməkçisi Filip Qordon Senatın ABŞ-Rusiya münasibətləri ilə bağlı dinləməsində deyib. «ATƏT-in Minsk qrupunun həmsədrləri olaraq ABŞ və Rusiya Fransa ilə birlikdə Dağlıq Qarabağ münaqişəsinin həllinin sülh yolu ilə tapılması üçün sıx əməkdaşlıq edirlər» - deyə Qordon bildirib.
|
|
16.12.11 Məqaləni oxumaq
|
| |
|
|
|
Ramil Həsənov: TÜRKPA hansısa bir ölkəyə və yaxud quruma qarşı yaradılmış təşkilat deyil
|
|
TÜRKPA Qazaxıstanda yanvarın 15-də keçiriləcək parlament seçkilərini izləyəcək. “KƏLAMİNFO” xəbər verir ki, bu barədə TÜRKPA-nın baş katibi Ramil Həsənov bu gün keçirdiyi mətbuat konfransında bildirib.
O qeyd edib ki, seçkilərdən sonra TÜRKPA seçkilərin nəticələri ilə bağlı hesabat təqdim edəcək və bu hesabata ATƏT PA, MDB PA və digər beynəlxalq qurumlar öz hesabatlarında istinad edəcəklər. “ATƏT və digər beynəlxalq təşkilatlarda TÜRKPA-nın fəaliyyətinə əngəl törətmək istəyən ölkələr və qurumlar var.
|
|
15.12.11 Məqaləni oxumaq
|
| |
|
|
|
Prezident İlham Əliyevlə Türkiyənin baş naziri arasında telefon danışığı olub
|
|
Prezident İlham Əliyev Türkiyənin Baş naziri Rəcəb Tayyib Ərdoğana telefonla zəng edib. “KƏLAMİNFO” xəbər verir ki, prezident İlham Əliyev Türkiyənin Baş naziri Rəcəb Tayyib Ərdoğana cərrahiyyə əməliyyatının uğurla keçməsi ilə əlaqədar xoş arzularını çatdırıb, dost və qardaş Türkiyə xalqının firavanlığı və tərəqqisi naminə dövlətçilik fəaliyyətində bundan sonra da yeni-yeni uğurlar, möhkəm cansağlığı arzulayıb.
Rəcəb Tayyib Ərdoğan göstərilən diqqətə və xoş sözlərə görə dövlət başçısına minnətdarlığını bildirib.
|
|
15.12.11 Məqaləni oxumaq
|
| |
|
|
|
Əli Həsənov: Türk dünyası xalqlarının ürəyində Heydər Əliyev sevgisi yaşayır
|
|
Diasporla İş üzrə Dövlət Komitəsi və Azərbaycanın Türkiyədəki səfirliyinin birgə təşkilatçılığı ilə Ankaranın “Şeraton” otelində Azərbaycan xalqının ümummilli lideri, türk dünyasının dahi şəxsiyyəti Heydər Əliyevin xatirəsinə həsr edilən anım mərasimi keçirilib.
Mərasimdən əvvəl Prezident Administrasiyası ictimai-siyasi məsələlər şöbəsinin müdiri Əli Həsənov, təhsil naziri Misir Mərdanov, Diasporla İş üzrə Dövlət Komitəsinin sədri Nazim İbrahimov, Azərbaycanın Türkiyədəki səfiri Faiq Bağırov, deputatlar, ictimaiyyət nümayəndələri Türkiyə paytaxtındakı Heydər Əliyev Parkına gələnlər ulu öndərin abidəsi önünə əklil qoyub. Məlumatı “KƏLAMİNFO”ya DİDK-dən veriblər.
Ulu öndərin abidəsinin önündə çıxış edən Azərbaycan Tibb Universitetinin rektoru, akademik Əhliman Əmiraslanov Heydər Əliyev şəxsiyyətinin ucalığı, onun Azərbaycan xalqı qarşısında misilsiz xidmətlərindən bəhs edib, xatirələrini paylaşıb. Mərasimdə ulu öndər Heydər Əliyevin Türkiyə ilə qardaş münasibətlərin möhkəmlənməsindəki əvəzsiz xidmətlərindən bəhs edən “Türklüyün bayraqdarı” sənədli filmi nümayiş etdirilib.
|
|
14.12.11 Məqaləni oxumaq
|
| |
|
|
|
Milli Məclisin növbəti iclası işə başlayıb
|
|
Bu gün Milli Məclisin növbəti plenar iclası işə başlayıb. “KƏLAMİNFO” xəbər verir ki, iclasda spiker Oqtay Əsədov gündəlikdə duran məsələləri müzakirəyə çıxarıb.
İlk olaraq iclasda “Azərbaycan Respublikası Hökuməti və Kolumbiya Respublikası Hökuməti arasında diplomatik, rəsmi və xidməti pasportlara malik şəxslər üçün viza tələbinin qarşılıqlı olaraq aradan qaldırılması haqqında” qanun layihəsi müzakirəyə çıxarılıb. Parlamentin Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva layihə haqqında məlumat verərək bildirib ki, Azərbaycanın xarici siyasəti Cənubi Amerikaya diqqət yetirir. “Son vaxtlar bu ölkələrdə səfirliklərin və diplomatiklərin nümayəndəliklərin yaradılması bunun tərkib hissəsidir” - deyə o vurğulayıb.
|
|
14.12.11 Məqaləni oxumaq
|
| |
|
|
|
Ümummilli lider Heydər Əliyevin vəfatından 8 il keçir
|
|
Bu gün Azərbaycan xalqının ümummilli lideri Heydər Əliyevin vəfatından 8 il keçir. “KƏLAMİNFO” xəbər verir ki, Azərbaycanın bütün bölgələrində, o cümlədən paytaxt Bakıda Heydər Əliyevin anım mərasimləri təşkil olunur. Dövlət qurumları, siyasi partiyalar, qeyri-hökumət təşkilatları, media orqanları və ictimaiyyətin nümayəndələri Heydər Əliyevin Fəxri Xiyabandakı məzarını ziyarət edirlər. Azərbaycanın xarici ölkələrdə fəaliyyət göstərən diaspora təşkilatları da Heydər Əliyevin vəfatının 8-ci ildönümü ilə əlaqədar anım mərasimləri təşkil ediblər.
Heydər Əlirza oğlu Əliyev 1923-cü il mayın 10-da Naxçıvanda anadan olub. 1944-cü ildən təhlükəsizlik orqanları sistemində çalışan Heydər Əliyev 1964-cü ildən Azərbaycan SSR Nazirlər Soveti yanında Dövlət Təhlükəsizliyi Komitəsi sədrinin müavini, 1967-ci ildən isə sədri vəzifəsində işləmiş, general-mayor rütbəsinə qədər yüksəlib. Həmin illərdə o, Leninqradda xüsusi ali təhsil alıb, 1957-ci ildə isə Azərbaycan Dövlət Universitetinin tarix fakültəsini bitirib. Azərbaycan Kommunist Partiyası Mərkəzi Komitəsinin 1969-cu il iyul plenumunda Heydər Əliyev Azərbaycan Kommunist Partiyası Mərkəzi Komitəsinin birinci katibi seçilib.
|
|
13.12.11 Məqaləni oxumaq
|
| |
|
|
|
Prezident İlham Əliyev ümummilli lider Heydər Əliyevin məzarını ziyarət edib
|
|
Prezident İlham Əliyev Fəxri Xiyabanda ümummilli lider Heydər Əliyevin məzarını ziyarət edib. “KƏLAMİNFO” xəbər verir ki, dövlət başçısı ümummilli liderin məzarı önünə əklil qoyub, ehtiramını bildirib.
Prezident İlham Əliyev görkəmli oftalmoloq Zərifə Əliyevanın da məzarını ziyarət edib. Dövlət başçısını dövlət və hökumət nümayəndələri, millət vəkilləri, ictimai-siyasi xadimlər, Bakıdakı diplomatik korpusun təmsilçiləri müşayiət edirlər.
Qeyd edək ki, bu gün Heydər Əliyevin vəfatından səkkiz il ötür. Azərbaycanın bütün bölgələrində, o cümlədən paytaxt Bakıda Heydər Əliyevin anım mərasimləri təşkil olunub.
|
|
13.12.11 Məqaləni oxumaq
|
| |
|
|
|
Səhifələr : # « 83 84 85 86 87 88 89 90 91 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
