“Bəzi beynəlxalq QHT- lər müsəlman ölkələrdəki vəziyyəti xaos, anarxiya kimi təqdim edir. Amma bu xaos və anarxiya elə onların son 5 ildə həmin ölkələrin daxili işlərinə müdaxilə etməsindən sonra yaranıb”. APA-nın məlumatına görə, bunu Azərbaycan Prezidenti Administrasiyası İctimai siyasi şöbəsinin müdiri Əli Həsənov bu gün Bakıda keçirilən “QHT - Hökumət dialoqunun gücləndirilməsi” adlı tədbirdə çıxışı zamanı deyib.

Şöbə müdiri qeyd edib ki, Azərbaycan İslam dünyasının maraq və mənafelərinin qorunmasına da qrant ayıracaq: “Biz İslam mənəviyyatının, mədəniyyətinin təbliğinə, islamofobiyaya qarşı mübarizəyə də vəsait ayıracağıq.

Bu gün Bakı Biznes mərkəzində  II Ümumdünya Mədəniyyətlərarası Dialoq Forumu çərçivəsində Dini Qurumlarla İş üzrə Dövlət Komitəsi (DQİDK) tərəfindən Milli Tolerantlıq Mərkəzinin beynəlxalq təqdimat mərasimi keçirilmişdir. Mərasimdə II Ümumdünya Mədəniyyətlərarası Dialoq Forumunun yüksək səviyyəli qonaqları  BMT-nin Sivilizasiyalar Alyansının Ali nümayəndəsi Nasir Əbdüləziz əl-Naser, İSESKO-nun baş direktoru Əbdüləziz Osman əl-Tveycri, bir sıra digər beynəlxalq təşkilatların rəhbərləri, dövlət və hökumət nümayəndələri, millət vəkilləri, ölkəmizdə akreditə olmuş səfirlər iştirak etmişlər. Əvvəlcə, qonaqlara “Azərbaycan – Tolerantlıq məkanı” adlı qısametrajlı film təqdim edilmişdir.

Tədbirdə ilk olaraq çıxış edən DQİDK sədri Elşad İskəndərov qonaqları salamlamış Milli Tolerantlıq Mərkəzinin yaradılmasının əsas məqsədləri və perspektiv fəaliyyət istiqamətləri barədə təqdimat etmiş, həmçinin ölkəmizdəki mövcud tolerantlıq barədə məlumat vermişdir. 

Bu gün “Buta” sarayında Azərbaycanın milli bayramı – Respublika Günü münasibətilə rəsmi qəbul keçirilib. “Azadinform” xəbər verir ki, Prezident İlham Əliyev rəsmi qəbulda iştirak edib. Azərbaycanın dövlət himni səslənib. Prezident İlham Əliyev rəsmi qəbulda nitq söyləyib.

Rəsmi qəbul incəsənət ustalarının maraqlı konsert proqramı ilə davam edib

Son bir neçə gündə Sumqayıt Cümə məscidində yaranmış gərginlik Dini Qurumlarla İş üzrə Dövlət Komitəsinin digər aidiyyəti qurumlarla birgə keçirdiyi tədbirlər nəticəsində aradan qaldırılıb. “Azadinform” xəbər verir ki, bu barədə Dövlət Komitəsinin Mətbuat xidməti məlumat yayıb.Xəbər verildiyi kimi, ötən həftənin sonlarından vəhhabi kimi tanınan sələfi əqidəli dindarlar kütləvi şəkildə Sumqayıt Cümə məscidinə gəlib, öz aralarından imam seçərək camaat namazı qılmağa başlayıblar. Onların mövcud dini icmanın razılığı olmadan və məscidə Qafqaz Müsəlmanları İdarəsi (QMİ) tərəfindən imam təyin edilmədən bu cür hərəkətlərə yol vermələri dini icmada və yerli ənənəvi dindarlar arasında narazılıq və gərginlik yaranmasına səbəb olub. Lakin dindarların və məscidin dini icmasının etirazına baxmayaraq, sələfi qrup məscidə gəlməkdə və ayrılıqda camaat namazı qılmaqda davam edib. Nəticədə məsciddə mövcud dini durum getdikcə gərginləşib, eyni zamanda, mürəkkəb vəziyyət yaranıb.В 

Qafqaz Müsəlmanlar İdarəsinin (QMİ) sədri Şeyxülislam Hacı Allahşükür Paşazadə Rusiyaya gedir. QMİ-dən APA-ya verilən məlumata görə, mayın 25-də başlanacaq səfərdə Şeyx əvvəlcə Qroznıda Çeçenistanın ilk prezidenti Ahmat Kadırovun xatirəsinə həsr olunmuş “İslam sülh və quruculuq dinidir” adlı Beşinci Yubiley Beynəlxalq Xeyriyyə Forumunda iştirak edəcək. Forum başa çatdıqdan sonra, mayın 27-də Pyatiqorskda “Moskva Ruhanilər Bəyannaməsi əsasında islam, cəmiyyət, dövlət” adlı Beynəlxalq Teoloji Konfrans açılacaq və Şeyx burada iştirak edəcək. Konfrans Rusiya İslam Razılığı Assosiasiyası (RİRA) tərəfindən keçirilir.

Qafqaz Müsəlmanları İdarəsi Azərbaycan rayonlarının birində pirin banka girov qoyulması ilə bağlı yayılan xəbərə aydınlıq gətirib. İdarənin təşkilat şöbəsinin müdiri Hacı Əlirza Qafarov Modern.az-a açıqlamasında belə məlumatların həqiqətə uyğun olmadıını deyib: ”Bu cəfəng fikirləri kim yayır, bilmirəm. Belə xəbərləri ancaq səviyyəsiz insanlar yaya bilər. Azərbaycanda heç bir pir girov qoyulmayıb”. 

Xatırladaq ki, Azərbaycanda rayonlarından birincə pirin banka girov qoyularaq 300 min manat kreditin götürülməsi ilə bağlı məlumatlar yayılıb.

Qafqaz Müsəlmanları İdarəsinin sədri Şeyxülislam Hacı Allahşükür Paşazadə İranda səfərdədir. APA-nın İRNA-ya istinadən məlumatına görə, səfərdə Azərbaycan-İran Parlamentlərarası Dostluq Qrupunun üzvləri də iştirak edir. Mayın 19-da Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadənin rəhbərlik etdiyi nümayəndə heyəti İran Ali Milli Təhlükəsizlik Şurasının katibi Səid Cəlili ilə görüşüb. S. Cəlili bildirib ki, İranla Azərbaycan arasındakı əlaqələr dərin və köklüdür: “İran Azərbaycanın müstəqilliyini, sabitliyini və inkişafını öz sabitliyi və inkişafı hesab edir. İran keçmişdə olduğu kimi, indi və gələcəkdə də Azərbaycana əlindən gələn hər cür yardımı göstərəcək”.

İran İnqilabının rəhbəri Ayətullah Seyid Əli Xameneyi Tehranda səfərdə olan Bütün Qafqazın Şeyxi, Hacı Allahşükür Paşazadənin rəhbərlik etdiyi nümayəndə heyəti ilə görüşüb. İranın ali dini lideri Azərbaycan nümayəndə heyətini Azərbaycan dilində salamlayıb. Görüş zamanı Şeyx prezident İlham Əliyevin salamlarını çatdırıb və deyib ki, dövlət başçısının İrana və Xameneyiyə böyük ehtiramı var. Şeyx daha sonda İlham Əliyevin bu fikrini çatdırıb: “İran və Azərbaycanın dost xalqları arasına girmək, bu münasibətləri pozmaq istəyən qüvvələr hər iki tərəfdə ola bilər. Amma xahiş edirik ki, belə xırda məsələlərə cənab Xameneyi fikir verməsin, biz fikir vermirik”.

Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadənin rəhbərlik etdiyi nümayəndə heyəti İran parlamentinin sədri Əli Laricani ilə görüşüb. 

APA-nın “İRİBNEWS”a istinadən məlumatına görə, Ə.Laricani bildirib ki, İran-Azərbaycan arasındakı münasibətlər qonşuluq əlaqələrindən daha üstündür: “Dini, məzhəbi və tarixi bağlılıq iki xalqın qardaşlıq və yaxınlığının ən önəmli təməlidir. İran rəhbərləri ölkələrimiz arasında əməkdaşlığın inkişaf etdirilməsinin tərəfdarıdır. Bu gün ölkələrimiz arasında ən mühüm əlaqələrdən biri iqtisadi əməkdaşlıqdır. İran və Azərbaycanın bütün potensiallarından dostluq əlaqələrinin genişlənməsi üçün faydalanmalıyıq. 

Dövlət başçısı vurğulayıb ki, bu Azərbaycanın ən qədim məscididir: “Bu məscid 743-cü ildə tikilmişdir. Azərbaycanda, bütün Qafqazda islam dininin yayılmasında Şamaxı Cümə məscidinin çox böyük rolu olmuşdur. Əfsuslar olsun ki, təbii fəlakətlər nəticəsində məscid iki dəfə dağıntılara məruz qalmışdır.