|
|
Səhifələr : # « 63 64 65 66 67 68 69 70 71 » #
|
|
Strasburqda AŞ PA-nın yaz sessiyası keçirilir
|
|
Bu gündən aprelin 27-dək Strasburqda Avropa Şurası Parlament Assambleyasının yaz sessiyası keçirilir. Parlamentdən “KƏLAMİNFO”ya verilən məlumata görə, sessiyada Milli Məclisin Beynəlxalq münasibətlər və parlamentlərarası əlaqələr Komitəsinin sədri, təşkilatda daimi nümayəndə heyətimizin rəhbəri Səməd Seyidovun başçılıq etdiyi deputat qrupu iştirak edir.
Nümayəndə heyətinin tərkibinə deputatlardan Sevinc Fətəliyeva, Rövşən Rzayev, Aydın Abbasov, Elxan Süleymanov, Rafael Hüseynov, Sabir Hacıyev, Sahibə Qafarova və Fazil Mustafa daxildirlər.
Sessiyada Daimi Komitənin görülən işlər barədə hesabatı dinləniləcək, Assambleyanın yeni vitse-prezidentləri seçiləcək, ərəb baharının təsirləri, Suriyadakı vəziyyət, Avropa İnsan Haqları Məhkəməsinin gələcəyi, ifadə və məlumat azadlığının qorunması, Şimali Qafqazda məcburi köçkünlərin vəziyyəti, Aralıq dənizində insan ölümləri və digər mövzularda fikir mübadiləsi aparılacaq.
Tədbirdə nümayəndə heyətinin rəhbəri Səməd Seyidov və deputatlar çıxış edəcək, gündəlikdəki məsələlərə münasibət bildirəcəklər.
|
24.04.12 Məqaləni oxumaq
|
| |
|
|
|
İsrailin xarici işlər naziri Aviqdor Liberman Azərbaycanda səfərdədir
|
|
İsrailin xarici işlər naziri Aviqdor Liberman Azərbaycanda səfərdədir. ”KƏLAMİNFO” xəbər verir ki, Aviqdor Libermanın keçirəcəyi rəsmi görüşlərdə ikitərəfli münasibətləri müzakirə edəcək, Azərbaycan Dillər Universitetində İsrail Mədəniyyət Mərkəzinin açılış mərasimində iştirak edəcək, Azərbaycanın yəhudi icmasının üzvləri ilə görüşəcək.
Səfər Azərbaycanla İsrail arasında diplomatik münasibətlərin qurulmasının 20 illiyinə həsr olunub.
|
|
23.04.12 Məqaləni oxumaq
|
| |
|
|
|
Prezident: “Korrupsiyaya və rüşvətxorluğa qarşı mübarizədə həm inzibati, həm də cəza tədbirləri gücləndirilməlidir
|
“Korrupsiyaya və rüşvətxorluğa qarşı mübarizədə həm inzibati, həm də cəza tədbirləri gücləndirilməlidir” “KƏLAMİNFO” xəbər verir ki, bunu Nazirlər Kabinetinin bu ilin ilk rübünün yekunlarına həsr olunmuş müşavirədə Azərbaycan prezidenti İlham Əliyev bildirib.
Prezident korrupsiyaya və rüşvətxorluğa qarşı mübarizənin ciddi aparılmasının vacibliyini bildirib: “Həm inzibati, həm də cəza tədbirləri gücləndirilməlidir. Eyni zamanda, sistem xarakterli, institusional xarakter daşıyan islahatlar daha da sürətlə aparılmalıdır. Mübarizə bir gün, bir dəqiqə səngiməməlidir”.
Elektron xidmətlərin geniş tətbiq edilməsinin korrupsiya və rüşvətxorluğa qarşı mübarizədə böyük amil olduğunu deyən prezident İlham Əliyev bütün qurumların elektron xidmətlər göstərməsi üçün sərəncam imzalandığını xatırladıb: “Mənə bu yaxınlarda verilən arayışa görə, heç də hər yerdə bu, belə deyil. Elə qurumlar, nazirliklər var ki, tam şəkildə elektron xidmətləri göstərirlər. Məndəki siyahıda elə qurumlar var ki, elektron xidmətləri qismən göstərirlər.
|
|
18.04.12 Məqaləni oxumaq
|
| |
|
|
|
Zahid Oruc: “Müxalifət lazımsız bəyanatlardansa konstruktiv təkliflər versin”
|
“Əminəm ki, “Siyasi partiyalar haqqında” qanun hər tərəfin maraqlarını tanıyan, başlıca olaraq da Azərbaycan seçicisinin maraq və mənafelərini təmin edən bir səviyyəyə çatdırılacaq”. Bunları “KƏLAMİNFO”ya açıqlamasında Ana Vətən Partiyasının sədr müavini, deputat Zahid Oruc bildirib.
O qeyd edir ki, parlamentdə bu məsələ kifayət qədər açıq şəkildə müzakirə edilir və müsbət nəticələri olacaq. “Düşünürəm ki, müxalifət də bu istiqamətdə təkliflərini verə bilər. Yox, onlar düşünürlərsə ki, bu, hakimiyyət üzərinə getmək, siyasi xal toplamaq üçün ənənəvi, əlverişli bir mövzudur, onsuz da müxalifətin sənədi qəbul olunsaydı belə, onlar nəsə fərqli bir ideya düşünüb hakimiyyətin əleyhinə çevirəcəkdilər” - deyə Z.Oruc vurğulayıb.
|
|
18.04.12 Məqaləni oxumaq
|
| |
|
|
|
İlham Əliyev: “Gün gələcək Azərbaycan bayrağı Xankəndidə və Şuşada dalğalanacaq”
|
“Gün gələcək Azərbaycan bayrağı Xankəndidə və Şuşada dalğalanacaq”. “KƏLAMİNFO” xəbər verir ki, bunu Azərbaycan prezidenti İlham Əliyev Nazirlər Kabinetinin 2012-ci ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunmuş iclasda deyib.
"Azərbaycanın artıq güclü ordusu vardır. Bütün silahlı qüvvələr bu gün istənilən vəzifəni - ölkəmizin bütün maraqlarını müdafiə etmək üçün hazırdırlar, buna qadirdirlər. Dağlıq Qarabağda və işğal edilmiş torpaqlarda Azərbaycanın suverenliyini bərpa etməyə hazırdırlar. Sadəcə olaraq biz istəyirik ki, bunu qan tökülmədən, sülh, danışıqlar yolu ilə edək və hər an, hər gün biz qələbəyə yaxınlaşırıq. Hər gün Ermənistan daha da böyük tənəzzülə uğrayır, Azərbaycan daha da güclənir. Biz hər gün qələbə gününü yaxınlaşdırırıq"-deyə İlham vurğulayıb.
|
|
17.04.12 Məqaləni oxumaq
|
| |
|
|
|
Prezident: “Biz heç vaxt imkan verə bilmərik ki, ərazimizdən qonşulara qarşı hansısa mənfi planlarda istifadə edilsin“
|
“Biz heç vaxt imkan verə bilmərik ki, ərazimizdən qonşulara qarşı hansısa mənfi planlarda istifadə edilsin“. “KƏLAMİNFO” xəbər verir ki, bunu Nazirlər Kabinetinin bu ilin birinci rübünün yekunları ilə bağlı müşavirədə çıxış edən Azərbaycan prezidenti İlham Əliyev deyib.
“Azərbaycan heç vaxt başqa ölkələrin planlarında iştirak etməyəcək. Mən bunu dəfələrlə demişəm”-deyən dövlət başçısı hələ prezidentlik dövrünün əvvəlindəki bəyanatını xatırladıb: “Azərbaycan qarşıdurma arenasına çevrilməyəcək. Kim istəyir, Azərbaycanı qarşıdurma arenasına çevirsin, gedib özünə başqa yer axtarsın. Biz heç vaxt imkan verə bilmərik ki, ərazimizdən qonşulara qarşı hansısa mənfi planlarda istifadə edilsin və bunu hamı bilir.
|
|
17.04.12 Məqaləni oxumaq
|
| |
|
|
|
Hərbiçilərimiz NATO ilə əməkdaşlıq çərçivəsində keçiriləcək tədbirlərə qatılacaqlar
|
|
Azərbaycan Silahlı Qüvvələrinin nümayəndələri bir sıra ölkələrlə imzalanmış fərdi tərəfdaşlıq proqramları və NATO ilə əməkdaşlıq çərçivəsində keçiriləcək tədbirlərə qatılacaqlar.
Bu barədə məlumatı “KƏLAMİNFO”ya Müdafiə Nazirliyinin mətbuat xidmətindən veriblər.
Bu gündən aprelin 20-dək Varşavada Polşa Milli Müdafiə Universitetində təcrübə mübadiləsi, aprelin 16-dan 27-dək Niderlandın Brunsum şəhərində Açılan birgə qüvvələrin qərargah təlim kursu, aprelin 16-dan 20-dək Niderlandda Mülki-hərbi əməkdaşlıq üzrə funksional mütəxəssis kursu, İtaliyanın Roma şəhərində Ali zabitlər üçün keçiriləcək kurs çərçivəsində “Tərəfdaşlar üçün tanışlıq kursu”, aprelin 16-dan 27-dək Ankarada Qərargah zabitləri üçün Maddi-Texniki Təchizat ilə tanışlıq kursu, aprelin 17-dən 19-dək Xorvatiyanın paytaxtı Zaqrebdə SNT konsorsiumunun terrorizmə qarşı mübarizə üzrə İşçi qrupunun yaz sessiyası, aprelin 17-dən 19-dək Qətərin paytaxtı Doha şəhərində «Yırtıcı şahin-3» təliminin 1-ci baş toplantısı, aprelin 23-dən 27-dək Bakıda Beynəlxalq humanitar hüquq üzrə təlim kursu, aprelin 23-dən 27-dək Brüssel və Mons şəhərlərində Tərəfdaş ölkələrin qərargah zabitləri üçün tanışlıq kursu, aprelin 24-dən 27-dək İtaliyanın Neapol şəhərində Əməliyyat İmkanları Konsepsiyası işçi qrupunun görüşü keçiriləcək.
|
|
16.04.12 Məqaləni oxumaq
|
| |
|
|
|
Prezident “AİTF-2012” XI Azərbaycan Beynəlxalq turizm və səyahətlər sərgisi ilə tanış olub
|
|
Prezident İlham Əliyev bu gün Bakı Sərgi Mərkəzində “AİTF-2012” XI Azərbaycan Beynəlxalq turizm və səyahətlər sərgisi ilə tanış olub. “KƏLAMİNFO” xəbər verir ki, mədəniyyət və turizm naziri Əbülfəs Qarayev dövlət başçısına məlumat verib ki, 62 turizm istiqamətini təqdim edən “AİTF-2012” sərgisinə dünyanın 32 ölkəsindən 201 şirkət qatılıb. Mədəniyyət və Turizm Nazirliyinin dəstəyi, “İTE Group plc” və onun tərəfdaşı “İteca Caspian” MMC şirkətlərinin təşkilatçılığı ilə keçirilən sərgidə tərəfdaş ölkə kimi Türkiyə, rəsmi hava yolları qismində isə “Azərbaycan Hava Yolları” Qapalı Səhmdar Cəmiyyəti çıxış edir. Azərbaycanın “SW Travel” şirkəti ardıcıl olaraq ikinci ildir ki, “AİTF” sərgisinin sponsorudur. Sərgi ilə bağlı işlərə “İTE Group plc”nin dünya üzrə tərəfdaş və agentliklərindən ibarət geniş şəbəkəsi cəlb olunub. Onların sırasında “ITE” (London), “EUF” (Türkiyə), “GİMA” (Almaniya) və “ITE Gulf” (Dubay) kimi tanınmış şirkətlər var. Bildirilib ki, artıq ənənə halını almış bu sərgi çərçivəsində müxtəlif görüşlər keçirilir, əməkdaşlıq müqavilələri imzalanır, turizmlə bağlı yeni proqramlar, qiymətlər barədə məlumatlar açıqlanır.
|
|
14.04.12 Məqaləni oxumaq
|
| |
|
|
|
Zahid Oruc: “Lavrovun ortaya atdığı “Qarabağ xalqı” anlayışını ciddi araşdırmalıyıq”
|
|
“Rusiyanın xarici işlər naziri Sergey Lavrovun bu yaxınlarda Bakıya olan səfəri zamanı iki məqam diqqətimi cəlb edib”. Bunları “KƏLAMİNFO”ya açıqlamasında Azərbaycan Milli Məclisinin Təhlükəsizlik və müdafiə komitəsinin üzvü Zahid Oruc bildirib.
O qeyd edib ki, bunlardan birincisi odur ki, az qala Azərbaycan ictimaiyyəti, siyasi elitasının qəbul edilməsinə çalışılır ki, “Qarabağ xalqı” adlı anlayış var. “Bu, çox diqqət çəkən məqamdır. Ona görə də biz dərhal bu məsələnin üzərinə gedərək aydınlaşdırmalıyıq ki, Rusiya tərəfindən bu cür hallanan “Qarabağ xalqı” anlayışına nə daxildir. Bunun üçün də artıq dəfələrlə səsləndirdiyim Qarabağla bağlı qanun layihəsinin hazırlanıb qəbul edilməsinə, çərçivə sənədinin hazırlanmasına ehtiyac var” - deyə Z.Oruc vurğulayıb.
İkinci məqama toxunan deputat deyir ki, bu gün Qərb müxtəlif təşkilatlar tərkibində Cənubi Qafqaza daha da yaxınlaşır və təbii ki, bu da Moskvanı ciddi narahat etməyə bilməz.
|
|
13.04.12 Məqaləni oxumaq
|
| |
|
|
|
Prezident Dünya Gömrük Təşkilatının baş katibini qəbul edib
|
|
Prezident İlham Əliyev bu gün Dünya Gömrük Təşkilatının baş katibi Kunio Mikuriyanı qəbul edib. “KƏLAMİNFO” xəbər verir ki, Azərbaycanın Dünya Gömrük Təşkilatının çox fəal üzvü olduğunu vurğulayan prezident İlham Əliyev Dünya Gömrük Təşkilatı Avropa regionu gömrük xidmətləri rəhbərlərinin növbəti 2012-ci il konfransının Bakıda keçirilməsinin önəmini qeyd edib. Dövlət başçısı Dünya Gömrük Təşkilatı Avropa regionu gömrük xidmətləri rəhbərlərinin Bakı konfransının Azərbaycan ilə bu təşkilat arasında əməkdaşlığın daha da gücləndirilməsi işinə xidmət edəcəyinə ümidvar olduğunu bildirib.
|
|
13.04.12 Məqaləni oxumaq
|
| |
|
|
|
Səhifələr : # « 63 64 65 66 67 68 69 70 71 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
