Qeyd edək ki, Ramazan ayı 30 gün olacaq. Ramazan – Fitrə bayramı miladi təqvimi ilə avqustun 9 və ya 10-nə düşür. Əhya gecələri Ramazan ayının 18-dən 19-na, 20-dən 21-nə, 22-dən 23-nə keçən gecələrə təsadüf edir.

Qafqaz Müsəlmanları İdarəsinin sədri Şeyxülislam Allahşükür Paşazadə Səudiyyə Ərəbistanı Krallığının Azərbaycana yeni təyin olunmuş səfiri Musəid ibn İbrahim əs-Süleymi qəbul edib. Şeyxülislam ona bu yeni işində uğurlar arzulayıb. Azərbaycanla Səudiyyə Ərəbistanı Krallığı arasında əlaqələrin qədim tarixə malik olduğunu deyən Qafqaz Müsəlmanları İdarəsinin sədri ölkəmiz müstəqillik qazandıqdan sonra münasibətlərin bütün sahələrdə uğurla inkişaf etdiyini bildirib. Şeyxülislam Allahşükür Paşazadə İslamın müqəddəs məkanlarına ziyarətlər zamanı Azərbaycanlı zəvvarlara yaradılan şəraitə görə Krallığın rəhbərliyinə minnətdarlığını çatdırmağı səfirdən xahiş edib.

Orta məktəblərdə hicab məsələsi ilə bağlı istər uyğun formulun tapılması, istərsə də bu sahədə aparılan maarifləndirmə işləri qız övladlarımızın müasir təhsildən kənarda qalmamasına yönəlib. Trend-in məlumatına görə, bunu 1 illik fəaliyyətinin yekunları ilə əlaqədar bır sıra kütləvi informasiya vasitələrinin nümayəndələri ilə görüşən Dini Qurumlarla İş üzrə Dövlət Komitəsinin sədri Elşad İskəndərov bildirib. E.İskəndərov qeyd edib ki, bəzi Avropa ölkələrindən fərqli olaraq, Azərbaycanda hicaba heç bir qadağa yoxdur. Orta məktəblərdə vahid məktəbli formasının tətbiq edilməsi isə dini etiqad azadlığı ilə bağlı məsələ deyil, dövlətin dünyəvi təhsilinin prinsipidir: "Dövlət məktəbi uşaqlar üçün dövlətin təmsilçisidir. Cəmiyyətdə sosial ədalətsizliyə yol verməmək üçün Azərbaycan məktəblərində vahid məktəbli formasına keçilib. Bu proses əslində yetkinlik yaşına çatmayan uşaqların dini etiqad azadlığını da qoruyur. Hər uşağın gələcəkdə istədiyi dini və ona uyğun yaşam tərzini şüurlu şəkildə seçmək hüququ var. Eyni zamanda, az da olsa, məktəb təhsilindən kənarda qalmış balalarımız var. Onların və valideynlərinin narahatlığı anlaşılandır".

Qeyd edək ki, QMİ sədri Şeyxülislam Allahşükür Paşazadənin 2009-cu ildə təsis olunmuş MDB Müsəlmanları Məşvərət Şurasının sədri vəzifəsinə seçilməsi QMİ rəhbərinin eyni zamanda postsovet məkanı müsəlmanlarının təmsilçisi qismində çıxış etməsini təmin edir. Bu isə ona daha çox ərazilərə nüfuz etməsinə imkan verir.

“Dünyada müşahidə olunan  ksenofobiya cəhdləri heç kimə baş ucalığı gətirmir. İnterqasiyanın vüsət aldığı qloballaşma dövründə bu cəhdlər çox bəsit səbəblərdir”.  Bu sözləri Bakıda keçirilən Mədəniyyətlərarası dialoq üzrə II Beynəlxalq Forum çərçivəsində BMT-nin “Sivilizasiyalararası Alyans” Təşkilatı tərəfindən “Vətəndaş cəmiyyətlərinin gücləndirilməsi” mövzusunda keçirilən panel müzakirələrdə çıxış edən Milli Məclisin deputatı, “Böyük İpək Yolu” Beynəlxalq Gənclər İttifaqının sədri Fuad Muradov bildirib. 

Dünyada mədəni müxtəlifliyə toxunan deputat bunun mühüm olduğunu vurğulayıb və vətəndaş cəmiyyəti təşkilatlarının bu dəyərlərin təbliğində rolunun vacib olduğunu deyib.

 Azərbaycanın mədəniyyətlərarası  inteqrasiya prosesinə böyük töhfələr verdiyini  vurğulayan F.Muradovun  sözlərinə görə, ötən il Bakıda 25 ölkənin iştirakı ilə yaradılmış “Böyük İpək Yolu” Beynəlxalq Gənclər İttifaqı müxtəlif mədəniyyətlərə malik gəncləri bir araya gətirib. “Rəhbərlik etdiyim gənclər təşkilatı bu mühüm missiyanı üzərinə götürərək tarixi “İpək yolu” üzərində yerləşmiş 27 ölkədə davam etdirir.