Kelam Jurnalı - Dövlət və din

Azərbaycan Milli Məclisi Avropa Parlamentinin Azərbaycanda insan hüquqları və demokratiya ilə bağlı imzaladığı qətnaməyə etirazını bildirib. вЂњBelə bir təcili qətnamənin qəbul edilməsinin qərəzli olması ilə bağlı Avropa Parlamentinin rəhbərliyinə məktub ünvanlanıb. Bir il öncə Avropa Parlamentinin yaratdığı AVRONEST-in əsas məqsədlərindən biri də odur ki, üzv ölkələrdə olan məsələlər müzakirə edilsin. Azərbaycana qarşı qəbul olunan qərarın əsas səbəbi Azərbaycanın inkişafı və ona qarşı olan qısqanclıqdır. Bütün müşahidəçilərin rəyi ilə Bakıda вЂњEurovision-2012вЂќ mahnı müsabiqəsi çox yüksək səviyyədə təşkil olunub. Azərbaycanın inkişafı bəzi qüvvələrdə çox böyük narahatlıq yaradıbвЂќ. вЂњKƏLAMİNFOвЂќ xəbər verir ki, bu fikirləri Milli Məclisin bu gün keçirilən iclasında spiker Oqtay Əsədov deyib.
Spiker bildirib ki, bu qərar erməni lobbisinin təsiri altına düşmüş bəzi qüvvələr tərəfindən qəbul olunub: вЂњBir sıra təşkilatlar anti-Azərbaycan kampaniyasına başlayıb, lakin Azərbaycanı öz dövlət quruculuğu yolundan heç kim döndərə bilməzвЂќ.

29.05.12

Məqaləni oxumaq

Zakir Qaralov Ukraynanın baş prokuroruna müraciət edib

Azərbaycanın baş prokuroru Zakir Qaralov Ukraynanın baş prokuroru Viktor Pşonkaya müraciət edib. Baş Prokurorluqdan вЂњKƏLAMİNFOвЂќya verilən məlumata görə, müraciət "Ukrayna Azərbaycanlıları Konqresi"nin Donetsk vilayəti ictimai təşkilatının sədri İqbal Mahmudovun 9 may 2012-ci il tarixdə Makeyevka kəndində qətlə yetirilməsi ilə əlaqədar olub. Müraciətdə cinayətin ictimai yerdə, insanların gözü qarşısında törədilməsi, habelə cinayətkarın hadisə yerindən qaçması və hazırkı vaxtadək saxlanılmamasının respublikada ictimai əks-səda yaratmasının narahatçılıq doğurması qeyd olunmaqla Ukrayna hüquq-mühafizə orqanlarının yüksək peşəkarlıq göstərərək cinayətin qısa müddətdə açılması istiqamətində zəruri tədbirlər görəcəyinə əminlik ifadə olunub.

26.05.12

Məqaləni oxumaq

Abdulla Gül: вЂњYaxşı lider hərdən riskə də getməlidirвЂќ

Türkiyə prezidenti Abdulla Gül Stenford universitetinin tələbələri qarşısında çıxışında Ermənistana səfərinə toxunub. В«KƏLAMİNFOВ» В«ArmenpressВ»ə istinadən xəbər verir ki, Gül bildirib ki, yaxşı lider hərdən riskə də getməlidir və buna misal kimi Serj Sarksiyanın dəvəti ilə Ermənistana səfərini və futbol oyununa baxmasını göstərib. В«Son 20 ildə bizim demək olar ki, Ermənistanla diplomatik münasibətlərimiz mövcud olmayıb. Ümumi tarixlə bağlı fikir ayrılıqları olan qonşu xalqların rəhbərləri üçün bu görüşün əhəmiyyətini qiymət vermək çox çətindir. Daxili plan siyasəti baxımından bu, riskli addım ola bilərdi. Bu, xarici siyasət məsələlərində də mübahisələr doğura bilərdi. Türkiyə prezidentinin Yerevana səfərinin məqsədi iki xalq arasında münasibətləri yaxşılaşdırmaq olub. Mənim hələ ki, buna ümidim var. Bizim səfər mübadiləsi erməni-türk münasibətlərinin normallaşmasına yönəlmiş simvol oldu. Bu, riskli addım olsa idi belə, düzgün addım idiВ» - deyə Gül vurğulayıb.

25.05.12

Məqaləni oxumaq

вЂњMəqsəd toqquşma yaradıb xarici efirlərə çıxmaqdırвЂќ

вЂњİctimai Palata deyilən bir qrup müxalifət ancaq cəhd edir ki, qanunsuz aksiyalar keçirsin, toqquşmalar olsun və bununla beynəlxalq təşkilatların diqqətini cəlb eləsinlər. Hətta ümumxalq prinsipləri üçün vacib olan вЂњEurovisionвЂќ ərəfəsində belə bu metoddan istifadə edib beynəlxalq aləmi hakimiyyətin üstünə salmaq istəyirlər. Məncə, bu cür planlar dünyanın heç bir yerində mövcud deyil ki, bu da Azərbaycan müxalifətində mövcuddurвЂќ.

25.05.12

Məqaləni oxumaq

Azərbaycanın Bolqarıstandakı səfirliyi rəsmi qəbul təşkil edib

Mayın 23-də вЂњ28 may - Respublika günüвЂќ münasibəti ilə Azərbaycanın Bolqarıstandakı səfirliyi tərəfindən Sofiyanm ən nüfuzlu вЂњŞeratonвЂќ mehmanxanasında rəsmi qəbul təşkil edilib. Bu barədə məlumatı вЂњKƏLAMİNFOвЂќya səfirlikdən veriblər. Tədbirdə 300 nəfər qonaq iştirak edib. İştirak edən qonaqlar arasında Bolqarıstan Prezident Administrasiyasının, Nazirlər Kabinetinin, Xarici İşlər Nazirliyinin, Xalq Məclisinin məsul işçiləri, Azərbaycan-Bolqarıstan Parlamentlərarası dostluq qrupunun üzvləri, müxtəlif siyasi partiyaların nümayəndələri, tanınmış iş adamları, icra hakimiyyəti və yerli özünü idarə orqanlarının rəhbərləri, aparıcı KİV nümayəndələri, mədəniyyət, elm, təhsil ocaqlarının rəhbərləri, professor və müəllim heyətləri, ziyalılar, Bolqarıstanda akkreditə olunan diplomatik korpusun və beynəlxalq təşkilatların rəhbərləri, həmvətənlilərimiz, Bolqarıstanda təhsil alan tələbələrimiz, bolqar və türk cəmiyyətlərinin üzvləri və s. şəxslər olublar.

25.05.12

Məqaləni oxumaq

Prezident üç əkiz uşağın doğulduğu ailəyə mənzil verib

Sabirabad şəhər sakinləri Əliyev Elşən Tağı oğlu və Əliyeva Səmayə Zəka qızının ailəsində 3 əkiz uşaq dünyaya gəlib.

Bu münasibətlə və evsiz olması səbəbindən kirayədə yaşadığı nəzərə alınaraq, həmin ailəyə Azərbaycan Respublikası Prezidenti İlham Əliyev tərəfindən Sabirabad şəhəri, Heydər Əliyev prospekti, bina 15, mənzil 6 ünvanında yerləşən, müasir tələblərə uyğun yaşayış şəraiti olan 3 otaqlı mənzil, eləcə də zəruri məişət avadanlıqları hədiyyə edilib. Əmək və Əhalinin Sosial Müdafiəsi Nazirliyindən вЂњKƏLAMİNFOвЂќya verilən məlumata görə, nazir Fizuli Ələkbərov Sabirabad şəhərinə gələrək, yeni mənzili, habelə zəruri məişət avadanlıqlarını gənc ailəyə təqdim edib.
Nazir bildirib ki, bu ailə ünvanlı dövlət sosial yardımı ilə də təmin olunur: вЂњBundan sonra da bu əkiz uşaqlar daim qayğı əhatəsində olacaq, onların sağlam və firavan böyüməsi üçün bütün lazımi işlər görüləcəkвЂќ.

25.05.12

Məqaləni oxumaq

Prezident Bakı Funikulyorunun əsaslı təmirdən sonra açılış mərasimində iştirak edib

Bu gün Bakı Funikulyoru əsaslı təmir və yenidənqurmadan sonra istifadəyə verilib. вЂњKƏLAMİNFOвЂќ xəbər verir ki, Azərbaycan Prezidenti İlham Əliyev və xanımı Mehriban Əliyeva açılış mərasimində iştirak edib.

Bakı Funikulyoru müxtəlif vaxtlarda bir neçə dəfə təmir edilib. Prezident İlham Əliyevin göstərişinə əsasən ötən il Bakı Funikulyorunun əsaslı şəkildə təmiri və yenidən qurulması işlərinə başlanılıb. Funikulyorun yeni layihəsi ən müasir standartlar əsasında işlənib hazırlanıb. Təmir və yenidənqurma işləri yüksək keyfiyyətlə həyata keçirilib.
Dövlət başçısı Bakı Funikulyorunun açılışını bildirən lenti kəsib. Prezident İlham Əliyev və xanımı Mehriban Əliyeva Bakı Funikulyorunun əsaslı təmir və yenidənqurmadan sonrakı vəziyyəti ilə yaxından tanış olublar.
Görülən işlərlə bağlı dövlət başçısına məlumat verilib. Funikulyor mayın 29-dək paytaxt sakinlərinə və şəhərimizin qonaqlarına pulsuz xidmət göstərəcək.

25.05.12

Məqaləni oxumaq

Prezident Albaniya prezidenti Bamir Topiyə başsağlığı verib

Azərbaycan prezidenti İlham Əliyev Albaniya Respublikasının prezidenti Bamir topiyə başsağlığı verib. вЂKƏLAMİNFOвЂќ xəbər verir ki, başsağlığından deyilir: "Ölkənizdə baş vermiş ağır avtomobil qəzası nəticəsində çoxsaylı insan tələfatı xəbəri məni son dərəcə kədərləndirdi. Bu faciə ilə əlaqədar Sizə, həlak olanların ailələrinə və yaxın adamlarına, bütün Albaniya xalqına öz adımdan və Azərbaycan xalqı adından dərin hüznlə başsağlığı verir, yaralananların və xəsarət alanların tezliklə sağalmasını arzulayıram".

24.05.12

Məqaləni oxumaq

Səməd Seyidov İsveçrənin Azərbaycandakı səfiri ilə görüşüb

Bu gün ADU-nun rektoru, millət vəkili, professor Səməd Seyidov İsveçrənin Azərbaycandakı səfiri Sabin Ulman Şaban ilə görüşüb. Məlumatı вЂњKƏLAMİNFOвЂќya ADU-nun mətbuat xidmətindən veriblər.
Görüşdə Avropa Şurası-Azərbaycan əlaqələri müzakirə olunub, Azərbaycanın beynəlxalq təşkilatlarla əməkdaşlığı, həmçinin beynəlxalq və regional məsələlər ətrafında fikir mübadiləsi aparılıb. Eyni zamanda, ADU ilə İsveçrə universitetləri arasında əlaqələrin qurulması, gələcək əməkdaşlığın inkişaf perspektivləri haqqında müzakirələr aparılıb. Əlaqələrin qurulması və genişləndirilməsi sahəsində görülən işlərin Azərbaycanın ali təhsil müəssisələrinin Avropaya inteqrasiyasında və ölkəmizin ali təhsil sisteminin dünyaya çıxmasında öz töhfəsini verəcəyinə inam ifadə olunub.
Tərəflər gələcək əməkdaşlıq perspektivləri haqda da fikir mübadiləsi aparıblar.

24.05.12

Məqaləni oxumaq

Prezident İtaliyalı həmkarına başsağlığı verib

Azərbaycan prezidenti İlham Əliyev İtaliyanın prezidenti Ciorcio Napolitanoya başsağlığı verib. вЂњKƏLAMİNFOвЂќ xəbər verir ki, başsağlığında deyilir: "Hörmətli cənab Prezident, Ölkənizin şimalında baş vermiş zəlzələnin doğurduğu insan tələfatı və ciddi dağıntılar barədə xəbər məni olduqca kədərləndirdi. Bu faciə ilə əlaqədar Sizə, həlak olanların ailələrinə və yaxın adamlarına dərin hüznlə başsağlığı verir, yaralananlara və xəsarət alanlara şəfa diləyir, təbii fəlakətin nəticələrinin tezliklə aradan qaldırılmasını arzulayıram" İlham Əliyev başsağlığı məktubunda deyib.