|
|
Səhifələr : # « 30 31 32 33 34 35 36 37 38 » #
|
|
Ermənistanın xarici işlər naziri həmsədrlərlə görüşüb
|
|
Ermənistanın xarici işlər naziri Edvard Nalbandyan Nyu-Yorkda ATƏT-in Minsk Qrupunun həmsədrləri Robert Bradtke (ABŞ), İqor Popov (Rusiya), Jak For (Fransa) və ATƏT-in fəaliyyətdə olan sədrinin şəxsi nümayəndəsi Anjey Kaspşiklə görüşüb. “KƏLAMİNFO” “Novosti Armeniya”ya istinadla verdiyi məlumata görə, görüşdə Dağlıq Qarabağ münaqişəsinin sülh yolu ilə nizamlanmasına dair məsələlər müzakirə olunub. Görüş zamanı həmsədrlər ölkələrinin münaqişənin sülh yolu ilə həllinə dair mövqelərini bir daha bildiriblər.
|
28.09.12 Məqaləni oxumaq
|
| |
|
|
|
Arjuman Vajid: “Dünya mətbuatının gündəmində artıq Dağlıq Qarabağ problemi yoxdur”
|
“Bu gün dünya ictimaiyyətinin, mətbuatının gündəmində artıq Dağlıq Qarabağ problemi yoxdur. Artıq dünya gündəmində əsas məsələ Suriya, ondan əvvəl Liviya və ondan da əvvəl İraq olub”. “KƏLAMİNFO” xəbər verir ki, bunları Bakıda keçirilən “Azərbaycanda media mühiti: mövcud durum və yeni çağırışlar” adlı beynəlxalq konfransda Böyük Britaniya Milli Jurnalistlər İttifaqının eksperti Arjuman Vajid bildirib.
O qeyd edib ki, baxmayaraq ki, Dağlıq Qarabağı o da əsl faciə, problem kimi qəbul edir, artıq Dağlıq Qarabağ əvvəlki kimi dünya ictimaiyyətinin gündəm mövzusu deyil: “Azərbaycanla yanaşı Pakistanda da belə problemlər var, amma orada da yerli mətbuatın səsinə dünyadan o qədər cavab gəlmir. Çünki dünyanın diqqəti indi ərəb ölkələrindədir. Biz dünya jurnalistlərini təəssüf ki, maddi təminat problemlərimiz maraqlandırır, ona görə də biz daha çox bu kimi mövzuları ön plana çəkirik. Elə mənim iki gün sonra Londonda iştirak edəcəyim konfransda da əsasən bu mövzu olacaq, ikinci yerdə də yəqin ki ərəb ölkələrində baş verənlər, orada jurnalistlərin yaşadığı təhlükələr olacaq”.
|
|
26.09.12 Məqaləni oxumaq
|
| |
|
|
|
Azərbaycanda keçirilən “Türkiyə həftəsi”nə yekun vurulub
|
Azərbaycanda keçirilən “Türkiyə həftəsi”nin yekunlarına dair mətbuat konfransı keçirilib. “KƏLAMİNFO”nun məlumatına görə, mətbuat konfransı Prezident yanında Strateji Araşdırmalar Mərkəzində baş tutub.
Konfransda çıxış edən SAM-ın direktoru Fərhad Məmmədov bildirib ki, “Türkiyə həftəsi” çərçivəsində Türkiyə və Azərbaycan “beyin mərkəzləri”nin nümayəndələri, millət vəkilləri, universitet müəllimləri və media işçilərindən ibarət nümayəndə heyəti Gəncə, Lənkəran və Ağdam şəhərlərində rəsmi səfərdə olublar. Görüşlər zamanı “Tarixdən günümüzə: Türkiyə-Azərbaycan münasibətləri” və “Azərbaycan-Türkiyə münasibətləri regional kontekstdə” mövzuları ətrafında müzakirələr aparılıb. Görüşlərdə Türkiyədən gələn nümayəndə heyəti məcburi köçkünlərlə də görüşüb, onların problemləri ilə maraqlanıblar. Onun sözlərinə görə, belə görüşlər və müzakirələrin keçirilməsinin əsas məqsədi Türkiyə-Azərbaycan münasibətlərinin inkişafına dəstək vermək, qarşılıqlı olaraq Azərbaycan və Türk ictimaiyyətini hər iki dövlət haqqında məlumatlandırmaqdır: “İctimaiyyət də hər iki dövlət haqqında məlumatlı olmalıdır. Bunun üçün əməkdaşlığımız daha da genişlənməlidir. Biz maraqlarımızı da dəqiq bildirməliyik”.
|
|
26.09.12 Məqaləni oxumaq
|
| |
|
|
|
Prezident Ələt qəsəbəsində yenidən qurulan poliklinikanın açılışında iştirak edib
|
|
Prezident İlham Əliyev Bakının Qaradağ rayonunun Ələt qəsəbəsində yenidən qurulan 32 nömrəli şəhər poliklinikasının açılışında iştirak edib. Ötən il martın 9-da Azərbaycan Prezidenti İlham Əliyevin sədrliyi ilə Bakı Şəhər İcra Hakimiyyətində keçirilən müşavirədə dövlətimizin başçısı paytaxtətrafı qəsəbələrin sosial-iqtisadi inkişafı ilə bağlı tapşırıqlar vermişdi. Verilən tapşırıqların icrası ilə yerindəcə tanış olmaq üçün ötən il aprelin 4-də Prezident İlham Əliyev Qaradağ rayonunun Qobustan və Ələt qəsəbələrində olmuşdu. Dövlət başçısı Ələt qəsəbəsində olarkən sakinlər poliklinikanın yenidən qurulması barədə xahiş etmişdilər. Prezident İlham Əliyevin 2011-ci il aprelin 6-da imzaladığı sərəncamla Qaradağ Rayon İcra Hakimiyyətinə altı milyon manat, o cümlədən Ələt qəsəbəsində 32 saylı şəhər poliklinikasının yenidən qurulması üçün bir milyon manat vəsait ayrılmışdı.
|
|
25.09.12 Məqaləni oxumaq
|
| |
|
|
|
Prezident Qobustan qəsəbəsində orta məktəbin açılışında iştirak edib
|
|
Prezident İlham Əliyev Bakının Qaradağ rayonunun Qobustan qəsəbəsində 330 nömrəli tam orta məktəbin açılışında iştirak edib. Prezident İlham Əliyevin 2011-ci il aprelin 6-da imzaladığı sərəncamla qəsəbədə 800 şagird yerlik yeni ümumtəhsil məktəbi binasının tikintisi üçün iki milyon manat vəsait ayrılıb. “KƏLAMİNFO” xəbər verir ki, dövlət başçısı məktəbin rəmzi açılışını bildirən lenti kəsib. Qaradağ Rayon İcra Hakimiyyətinin başçısı Süleyman Mikayılov Azərbaycan Prezidentinə məlumat verib ki, ümumi sahəsi 2,5 hektar olan məktəbin üçmərtəbəli binasında hər cür şərait yaradılıb. Məktəbdə 48 sinif otağı vardır. Burada, həmçinin 96 yerlik akt zalı, kitabxana, hərbi vətənpərvərlik otağı, fizika, kimya, biologiya və digər fənlərin tədrisi üçün laboratoriya və kabinetlərlə yanaşı, diş həkimi, psixoloq otaqları da fəaliyyət göstərir. Məktəbin həyətində geniş abadlıq işləri aparılmış, futbol, voleybol və basketbol meydançaları yaradılıb.
Dövlət başçısı məktəbdə yaradılan şəraiti yüksək qiymətləndirib.
|
|
25.09.12 Məqaləni oxumaq
|
| |
|
|
|
Müdafiə sənayesi naziri İsrail səfirini qəbul edib
|
|
Bu gün müdafiə sənayesi naziri Yavər Camalov İsrailin Azərbaycana yeni təyin olunan səfiri Rafael Harpazı qəbul edib. Məlumatı “KƏLAMİNFO”ya MSN-dən veriblər.
Görüşdə Y.Camalov Azərbaycanla İsrail arasındakı ikitərəfli münasibətləri yüksək qiymətləndirdiyini vurğulayıb. Nazir Müdafiə Sənayesi Nazirliyinin yaranması və fəaliyyəti barədə səfirə geniş məlumat verib.
R.Harpaz səmimi qəbula görə minnətdarlığını bildirib.
Görüş zamanı qarşılıqlı maraq doğuran məsələlər ətrafında geniş fikir mübadiləsi aparılıb.
|
|
25.09.12 Məqaləni oxumaq
|
| |
|
|
|
Əli Həsənov: Hərbi qüvvələrin bölgədə güc nümayişi Azərbaycanın regional sülh prinsiplərinə uyğun gəlmir
|
|
İstər NATO, istər Kollektiv Təhlükəsizlik Müqaviləsi Təşkilatının üzvləri, istərsə də digər hərbi qüvvələrin bölgədə manevr edərək öz gücünü nümayiş etdirməsi Azərbaycanın regional sülh prinsiplərinə uyğun gəlmir. “KƏLAMİNFO” xəbər verir ki, bu barədə açıqlamanı Prezident Administrasiyası ictimai-siyasi şöbəsinin müdiri Əli Həsənov ANS TV-nin Hesabat proqramına müsahibəsində deyib.
Ə.Həsənov bildirib ki, biz onu da anlayırıq ki, mövcud olan təşkilat sınaq və təlim keçirməlidir: “Əsas məsələ odur ki, Azərbaycan bu gün bitərəf ölkələr blokunda təmsil olunaraq, hərbi təhlükəsizlik məsələlərini müstəqil şəkildə, tərəfsiz təmin etməyə çalışır. Amma eyni zamanda Kollektiv Təhlükəsizlik Müqaviləsi Təşkilatının üzvləri və onun əsas üzvü olan Rusiya, həm NATO və onun üzvləri ilə milli təhlükəsizlik sahəsində ya əməkdaşlıq qurur, ya qurmaqdadır, ya da qurmağa çalışır. Ona görə də Kollektiv Təhlükəsizlik Müqaviləsi Təşkilatına rəqib kimi deyil, tərəfdaş kimi baxırıq”.
|
|
25.09.12 Məqaləni oxumaq
|
| |
|
|
|
SAM-ın nümayəndə heyəti İtaliyada rəsmi səfərdə olacaq
|
|
Sentyabrın 24-25-i tarixlərində Azərbaycan Prezidenti yanında Strateji Araşdırmalar Mərkəzinin (SAM) direktor müavini Gülşən Paşayevanın başçılıq etdiyi nümayəndə heyəti İtaliyanın Milan şəhərində rəsmi səfərdə olacaq. Məlumatı “KƏLAMİNFO”ya SAM-dan veriblər.
Səfər zamanı SAM və İtaliyanın aparıcı beyin mərkəzlərindən biri olan Beynəlxalq Siyasi Araşdırma İnstitutu (ISPI) tərəfindən "Avropa İttifaqının Şərq Tərəfdaşlığı təşəbbüsü: ümumi çərçivə və ya geniş imkanlar” mövzusunda həyata keçirilən birgə layihə çərçivəsində müzakirələrin aparılması və ümumi tövsiyələrin hazırlanması planlaşdırılır. Görüşdə G.Paşayeva, iqtisadi təhlil və qloballaşdırma məsələləri şöbəsinin müdiri vəzifəsini icra edən Vüsal Qasımlı və aparıcı elmi işçilər - Gülmira Rzayeva və Kamal Makili-Əliyev iştirak edəcəklər. Səhəri gün Milanın Katolik universitetində SAM-ın ekspertlərinin iştirakı ilə Azərbaycanın xarici siyasətinə həsr edilmiş seminar təşkil ediləcək.
|
|
25.09.12 Məqaləni oxumaq
|
| |
|
|
|
Əli Həsənov: Müxalifətlə münasibətlərimizin yaxşı olmasında maraqlıyıq
|
|
“Biz hətta opponentlərimiz hesab olunan müxalifətlə də münasibətlərimizin yaxşı olmasında maraqlıyıq”. “KƏLAMİNFO” xəbər verir ki, bu barədə açıqlamanı Prezident Administrasiyasının ictimai-siyasi şöbəsinin müdiri Əli Həsənov ANS TV-nin “Hesabat” proqramına müsahibəsində deyib.
Bəlli ümummilli məsələlərdə müxalifətlə təkliflərinin bir nöqtəyə vurulmasının tərəfdarı olduqlarını bildirən Əli Həsənov bir çox halda müxalifətin bu kimi məsələlərdə hakimiyyətlə həmrəy olmamasından təəssüfləndiyini bildirib: “Dəfələrlə Azərbaycana beynəlxalq təzyiqlər olub, müxalifət isə bundan bayram kimi istifadə edib, öz mətbuat orqanlarında bu məsələləri daha çox tirajlayaraq şişirdiblər. Belə məsələlərdə ilk növbədə günah müxalifətdə olub. Ramil Səfərov məsələsində isə müxalifət məcbur olub YAP-ın çağırışına qoşuldu. Ona görə ki, xalqın gözündən düşməkdən, xalqla aralarında olan mövcud uçurumun daha da dərinləşməsindən qorxdular”.
Əli Həsənov bundan sonra digər məsələlərdə də müxalifəti çağıracaqlarını bildirib.
|
|
24.09.12 Məqaləni oxumaq
|
| |
|
|
|
Ziyafət Əsgərov: “Ermənistan terrorizmi dövlət səviyyəsində dəstəkləyən ölkədir”
|
“Bu gün Ermənistan tək işğalçı dövlət yox, hətta terrorizmi də dövlət səviyyəsində dəstəkləyən ölkədir”. “KƏLAMİNFO” xəbər verir ki, bunları Milli Məclisin I vitse-spikeri Ziyafət Əsgərov bu gün Azərbaycanda səfərdə olan Çin Xalq Nümayəndələri yığıncağı Daimi Komitəsinin Xarici İşlər üzrə Komitəsinin sədri Li Caosinin rəhbərlik etdiyi nümayəndə heyətilə görüşündə bildirib.
O qeyd edib ki, Azərbaycan bu gün Ermənistan tərəfindən dəstəklənən terrorizmdən əziyyət çəkir: “Biz bilirik ki, Çin də separatizm və terrorizmdən əziyyət çəkir. Biz separatizm və terrorizmin bütün təzahürlərini pisləyirik və buna qarşı birlikdə mübarizə aparmalıyıq”.
Li Caosi isə qarşılıqlı münasibətlərdən danışaraq bildirib ki, Çin Azərbaycanın ərazi bütövlüyünü dəstəkləyir: “Biz də bu problemdən əziyyət çəkmişik və indi də çəkirik. Amma biz 1997-ci ildə Honkonqun qaytarılmasına nail olduq və arzu edirəm ki, siz də öz ərazi bütövlüyünüzü bərpa edəsiniz. Amma bu gün bizə iqtisadi baxımdan da təcavüz edənlər çoxdur. Məsələn, iqtisadi münasibətlərdə bəzi Avropa ölkələri bizə qarşı ikili standartlar yürüdürlər. Biz Azərbaycanla hərtərəfli əlaqələrdə maraqlıyıq”.
|
|
21.09.12 Məqaləni oxumaq
|
| |
|
|
|
Səhifələr : # « 30 31 32 33 34 35 36 37 38 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
