Kelam Jurnalı - Dövlət və din

Prezident İlham Əliyev Bakıda, Bülbül prospektində görkəmli opera müğənnisi, SSRİ Xalq artisti Bülbülün xatirəsinə ucaldılmış abidənin açılışında iştirak edib. вЂњKƏLAMİNFOвЂќ xəbər verir ki, prezident İlham Əliyevə məlumat verilib ki, abidənin müəllifi Əməkdar incəsənət xadimi Akif Əsgərovdur. Tuncdan hazırlanmış abidənin postamentlə birlikdə hündürlüyü 4,6 metrdir. Prezident İlham Əliyev abidənin üzərindəki örtüyü götürüb. Dövlət başçısı abidənin önünə gül dəstəsi qoyub. Azərbaycan Prezidenti mərasimdə çıxış edib. Bakı Musiqi Akademiyasının rektoru, Xalq artisti Fərhad Bədəlbəyli, Xalq artisti Arif Babayev, Rusiyanın Xalq artisti, Vokalçıların Bülbül adına VI Beynəlxalq müsabiqəsinin münsiflər heyətinin sədri Sergey Leyferkus, fransız sənətkar, müsabiqənin bədii rəhbəri Robert Koerner, görkəmli müğənninin oğlu Polad Bülbüloğlu Azərbaycan musiqi sənətinin inkişafında Bülbülün əvəzsiz xidmətlərindən danışıblar.

01.11.12

Məqaləni oxumaq

Mübariz Qurbanlı: вЂњAzərbaycan və Gürcüstan arasında mövcud münasibətlər bundan sonra da davam edəcəkвЂќ

В«Gürcüstanda yeni hökumətin formalaşdırılması Azərbaycanla bu ölkənin münasibətlərinə təsir göstərməyəcək. Bəzi dairələrin bu haqda fikirlərinin əsası yoxdurВ». вЂњKƏLAMİNFOвЂќ xəbər verir ki, bu sözləri yap.org.az saytına YAP icra katibinin müavini, Milli Məclisin deputatı Mübariz Qurbanlı deyib. M.Qurbanlı bildirib ki, Azərbaycan və Gürcüstan strateji tərəfdaş ölkələrdir. Tərəflər arasında böyük əhəmiyyət kəsb edən müqavilələrin olduğunu xatırladan YAP icra katibinin müavini bu müqavilə öhdəliklərinə hər iki dövlətin bundan sonra da əməl edəcəyini qeyd edib. В«Hər hakimiyyət dəyişikliyi zamanı dövlət siyasətinin də dəyişməsini düşünməli olsaq, bu, çox yanlış olardı. Hökumətin dəyişməsi dövlət siyasətinin dəyişməsi demək deyil. Dövlətlərin siyasəti uzunmüddətli strategiyaya və perspektivə əsaslanır. Bu mənada Azərbaycan və Gürcüstan arasında mövcud olan yüksək münasibətlər bundan sonra da davam edəcəkВ» - deyə M.Qurbanlı vurğulayıb.

31.10.12

Məqaləni oxumaq

Hillari Klinton Elmar Məmmədyarova təbrik məktubu göndərib

Amerika Birləşmiş Ştatlarının dövlət katibi Hillari Klinton Azərbaycanın xarici işlər naziri Elmar Məmmədyarova Qurban bayramı münasibəti ilə təbrik məktubu ünvanlayıb. XİN-in mətbuat xidmətindən вЂњKƏLAMİNFOвЂќya verilən məlumata görə, təbrikdə H.Klinton naziri Qurban bayramı münasibətilə təbrik etməkdən məmnunluq ifadə edib və dünya müsəlmanlarının builki Həcc ziyarətinin qəbul olunmasını arzu etdiyini bildirib.

31.10.12

Məqaləni oxumaq

Səfər Əbiyev İranın Azərbaycandakı səfirini qəbul edib

Müdafiə naziri, general-polkovnik Səfər Əbiyev İran İslam Respublikasının Azərbaycandakı fövqəladə və səlahiyyətli səfiri Möhsün Pakayini qəbul edib. Müdafiə Nazirliyinin mətbuat xidmətindən вЂњKƏLAMİNFOвЂќya verilən məlumata görə, S.Əbiyev yeni səfiri təbrik edərək ona gələcək işlərində uğurlar arzulayıb. Görüşdə İran ilə Azərbaycan arasındakı əlaqələr, bölgədəki hərbi-siyasi vəziyyət və Ermənistan Azərbaycan Dağlıq Qarabağ münaqişəsi ilə bağlı fikir mübadiləsi aparılıb. Sonda səfir Möhsün Pakayin İranın Azərbaycana təyin edilmiş yeni hərbi attaşesini müdafiə nazirinə təqdim edib.

31.10.12

Məqaləni oxumaq

Bahar Muradova: Müxalifət partiyaları aksiyalarla nəyisə dəyişəcəklərini düşünürlərsə, yanılırlar

В«Etiraz aksiyası keçirmək müxalifətin hüququdur. Amma bu hüquq qanun çərçivəsində həyata keçirilməlidirВ». вЂњKƏLAMİNFOвЂќ xəbər verir ki, bu fikirləri yap.org.az saytına açıqlamasında Milli Məclisin sədr müavini Bahar Muradova deyib.

İctimai Palatanın parlamentin qarşısında nəzərdə tutduğu piketin məqsədinə münasibət bildirən B.Muradova qeyd edib ki, bu təşkilatda birləşənlər həmin aksiya ilə nəyisə dəyişəcəklərini düşünürlərsə, yanılırlar. В«Onlar parlamentin buraxılmasını da tələb edirdilər. Belə tələblərin yerinə yetirilməsi mümkünsüzdür. Həm hüquqi, həm də praktiki cəhətdən bu proses mümkün deyil. Ona görə də mümkünsüz olan tələblərin ətrafında müzakirələr açılmasının tərəfdarı deyiləmВ» - deyə vitse-spiker vurğulayıb.

30.10.12

Məqaləni oxumaq

Avropa Parlamentinin siyasi məsləhətçilərindən ibarət nümayəndə heyəti Azərbaycana gəlir

Avronest PA-da Azərbaycan nümayəndə heyətinin təşəbbüsü və dəvəti ilə Avropa Parlamentinin siyasi məsləhətçilərindən ibarət nümayəndə heyəti oktyabrın 31-dən noyabrın 3-dək Azərbaycanda səfərdə olacaq.

вЂњKƏLAMİNFOвЂќnun məlumatına görə, qonaqlar noyabrın 2-də Qaçqınların və Məcburi Köçkünlərin İşləri üzrə Dövlət Komitəsinin sədr müavini Gəray Fərhadov, Yeni Azərbaycan Partiyası Baş katibinin müavini, millət vəkili Mübariz Qurbanlı, Xarici İşlər Nazirliyi İnsan Haqları İdarəsinin rəisi Əlimirzamin Əsgərov, Avronest nümayəndə heyəti ilə, habelə Azərbaycanın vətəndaş cəmiyyəti fəalları ilə görüşəcəklər.
Səfərin 2-ci günündə nümayəndə heyəti Ağdamda yerləşən məcburi köçkün qəsəbəsinə gedəcək. Elə həmin gün qonaqların Şirvanşahlar Sarayı, Qız Qalası və Crystal Sarayla tanışlığı da gözlənilir.
Xatırladaq ki, səfərin sonuncu günü yəni noyabrın 3-də qonaqların Bütöv Azərbaycan Xalq Cəbhəsi Partiyasının sədri Qüdrət Həsənquliyev, Milli Dirçəliş Hərəkatı Partiyasının sədri Fərəc Quliyev, Böyük Quruluş Partiyasının sədri Fazil Mustafa ilə görüşü nəzərdə tutulur.
Həmin gün qonaqların ARDNŞ-in vitse-prezidenti Elşad Nəsirovla görüşü də gözlənilir.

30.10.12

Məqaləni oxumaq

Prezident İlham Əliyev Abdulla Gülü və Ərdoğanı təbrik edib

Azərbaycan Prezidenti İlham Əliyev Türkiyə Prezidenti Abdulla Gülə təbrik məktubu ünvanlayıb. вЂњKƏLAMİNFOвЂќ xəbər verir ki, məktubda deyilir: вЂњHörmətli cənab Prezident, Əziz Qardaşım, qardaş Türkiyənin milli bayramı - Respublika günü münasibətilə Sizi və Sizin simanızda bütün Türk xalqını şəxsən öz adımdan və Azərbaycan xalqı adından səmimi qəlbdən təbrik edirəm. Bu gün Türkiyə özünün siyasi nüfuzu, iqtisadi qüdrəti ilə regionun aparıcı dövlətlərindən birinə çevrilmişdir. Biz Türkiyənin beynəlxalq miqyasda bütün uğurlarına hədsiz dərəcədə sevinir və bundan fərəh hissi keçiririk. Xalqlarımızın yekdil iradəsindən qaynaqlanan Azərbaycan-Türkiyə birliyi, müttəfiqliyi və tərəfdaşlığı qardaşlıq duyğularımızı bariz şəkildə təcəssüm etdirir".

30.10.12

Məqaləni oxumaq

Bahar Muradova: вЂњİqtidar kimlə o söhbəti eləyib kiвЂ¦вЂќ

вЂњAzərbaycanda özünü вЂњmilli-demokratik və aparıcıвЂќ adlandıran müxalifətlə iqtidar arasında 2013-cü il prezident və 2015-ci il parlament seçkiləri ilə bağlı gizli anlaşma, razılaşma əldə olunması ilə bağlı həmin düşərgəyə aid olan mediada məlum fikirlərin səslənməsinin özü onların nə qədər acınacaqlı bir durumda olduğunu göstəricisidirвЂќ. вЂњKƏLAMİNFOвЂќ xəbər verir ki, bu barədə jurnalistlərə açıqlamasında Milli Məclisin vitse-spikeri Bahar Muradova bildirib. O qeyd edib ki, bu, bütövlükdə həmin müxalifətin gücsüzlüyünü göstərir: вЂњÇünki bu вЂњanalitikвЂќlər real vəziyyəti, gedən ictimai-siyasi prosesləri obyektiv olaraq dəyərləndirərək, bundan nəticə çıxarmaqdansa, buna uyğun hərəkət etməkdənsə, sadəcə, nə vaxtsa kiminsə iradəsinə uyğun olaraq hansısa bir hadisənin baş verəcəyini, kiminsə qərarı ilə vəziyyətin onların xeyrinə dəyişəcəyi barədə вЂњproqnozвЂќlar verirlər və bu вЂњproqnozвЂќların reallaşacağına ümid edirlər.

30.10.12

Məqaləni oxumaq

Azərbaycanın Zəngilan rayonu 19 ildir ermənilərin işğalındadır

Bu gün Azərbaycanın Zəngilan rayonunun Ermənistan Silahlı Qüvvələri tərəfindən işğalından 19 il ötür. вЂњKƏLAMİNFOвЂќ xəbər verir ki, 1993-cü il oktyabrın 29-da erməni hərbi birləşmələri Azərbaycanın Dağlıq Qarabağ bölgəsi ətrafında sonuncu rayonu вЂ“ Zəngilanın işğalını başa çatdırıblar. Bakı-Culfa-Naxçıvan dəmiryolunun üzərində yerləşən və mühüm strateji əhəmiyyətə malik Zəngilan rayonunun ərazisi 700 kvadrat km, əhalisi isə 35 mindən çox olub. İşğaldan sonra Bakı-Mincivan-Qafan dəmiryolu xəttinin keçdiyi Mincivan stansiyası tamamilə dağılıb. İşğal olunmazdan əvvəl bir şəhər, bir qəsəbə və 83 kənddən ibarət olan Zəngilanda 9 məktəbəqədər müəssisə, 19 ibtidai məktəb, 15 orta məktəb, bir texniki peşə və musiqi məktəbi, 35 kitabxana, 8 mədəniyyət evi, 23 klub müəssisəsi və 22 kinoqurğu fəaliyyət göstərib. Ümumilikdə I Qarabağ müharibəsində Zəngilan rayonu 188 şəhid verib.

29.10.12

Məqaləni oxumaq

Zahid Oruc: вЂњOnlar Putinə bağlı xüsusi xidmət orqanlarının yetirmələridirвЂ¦вЂќ

вЂњBu gün Rusiya siyasi elitasında kəşfiyyat əsilli insanlar hakimdir və dövlətin daxili, xarici siyasətində də bu tendensiya hakimdirвЂќ. Bunları вЂњKƏLAMİNFOвЂќya açıqlamasında Azərbaycan Milli Məclisinin Təhlükəsizlik və müdafiə komitəsinin üzvü Zahid Oruc bildirib. O qeyd edir ki, xarici siyasətdə Rusiyanın postsovet ölkələrindəki maraqlarını qabardan prezident Vladimir Putin bu elitanı ətrafında daha sıx birləşdirərək ciddi planlar qurur: вЂњHətta ölkənin maraqlarını əhatə edən ölkələrdə birbaşa danışıqlara çıxan şəxslər də Putinə bağlı xüsusi xidmət orqanlarının yetirmələridir. Onların bütün proseslərə nəzarət etdiyi barədə formalaşmış mif heç də əsasız deyil, çünki burada qeyd etdiyim kimi, Putinin planları əsas rol oynayırвЂќ.